 |
رواية يلا بينا نعرف نبينا الفصل الثامن عشر بقلم اسماء18 يلا صلو على النبي .. سيدنا محمد ﷺ " الطفل يتيم الأب " خارج مكة مع مرضعته حليمة السعدية (ج2) وقفنا المرة اللي فاتت واحترنا أوي أن مفيش ولا مرضعة من مرضعات بني سعد رضيت تأخذ النبي ، طب ليه ؟ لأن سيدنا محمد يتيم .. كل مرضعة قالت هعمل أيه بولد يتيم ؟؟ أصله مش هينفعنى .. ( لأن اللي بيكرم المرضعة أبو الرضيع ، بيديها فلوس أكتر عشان تأخذ بالها من أبنه أكتر ) .. بس محمد يتيم الأب ، فياترى جده هيهتم أنه يدينى زيادة ؟ ولا هيدينى الأجر وبس ؟ فرفضت المرضعات أنها تأخد سيدنا محمد .. بس حليمة لما وصلت لقت أن مش فاضل غير محمد .. فقالت هعمل أيه بيتيم عبد المطلب ؟؟ فرجعت لزوجها وقالت له : دلوقتى كل واحدة من صحباتي أخدت رضيع وأنا مش عايزة أرجع بينهم من غير رضيع ، أعمل إيه ؟ أخد يتيم عبد المطلب ؟ فجوزها قال لها : خديه لعل ربنا يجعل فيه بركة .. وفعلاً حليمة أخدت النبي عليه الصلاة والسلام .. وبتقول أني بمجرد ما ضميت محمد لصدري أتملى صدري باللبن ، معرفش إزاي !! لأني ماكنش أصلاً عندي نقطة لبن بسبب الفقر وقلة الأكل ، وفضل محمد يرضع ، فبتقول حليمه : " فشَرِب محمد و ابنىَ حَتَّى شبعا " يلا بينا صلو على النبي 19 سيدنا محمد ﷺ " الطفل يتيم الأب " خارج مكة مع مرضعته حليمة السعدية (ج3) وصلنا المرة اللي فاتت مع حليمة مرضعة النبي ﷺ وهى بتحكى عن بركة وجود النبى وأد أيه فرق وجوده ، وأنها قبل كده كانت بتشتكى من قلة اللبن بس بمجرد ما ضمت النبى قدرت ترضعه هو وأخوه ( تقصد أبنها ) لحد ما شبعوا هم الأتنين .. بعد كده زوج حليمه جرب يشوف في لبن في الناقة ولا لأ ؟؟ فلقى لبن كتير ففضل يحلب الناقة لحد ما اتملا كل الطبق بلبن كتير أوي ، وراح لحليمة مش مصدق نفسه وقال لعل ربنا أدانا نسمة مباركة ، رضيع عبد المطلب ده مش عادي .. وبتقول حليمة: شربت لبن وشرب زوجي و نمنا مرتاحين أوي ، ووالله ما كنا بنقدر ننام قبل كده من الجوع ، ومن عياط أبنى بسبب شدة الجوع .. |
بدل ماتدور وتبحث علي الروايات خليها علي تليفونك وحمل تطبيقنا
