Ads by Google X

رواية يلا بينا نعرف نبينا الفصل السادس 6بقلم اسماء

 

رواية يلا بينا نعرف نبينا  الفصل السادس بقلم اسماء


يلا صلوا على النبى ..
أحلى قصة حب 

حب السيدة عائشة للنبيﷺ .. وحب النبي ﷺ لعائشة .. من أجمل القصص اللي ممكن تسمعوها .. 
رغم إن عائشة كانت شديدة الحسن لكنها كانت بتحب النبى ﷺ حب شديد جدا .. وكانت بتغير عليه جداً .. 

عارفين .. كان فى قصيدة شعر جميلة كتبها شاعر عن حب السيدة عائشة لرسول الله .. أبياتها بتقول : 

لست أملك ما ببالي ** حالي أبلغ من مقالي **
رسول الله زوجي لم أرى غيره **
به زوجني ربي و حباني ..

( الشاعر بيقول على لسان عائشة أن أنا مش قادرة أعبرلكم عن حالي واللي أنا فيه ) 

فالمهم السيدة عائشه كانت بتحكي وبتقول كان رسول الله يحبني وكان يفضلني وكنت أفخر بذلك على صويحباتي .. 
 ( النبي كان متزوج أكتر من زوجة ، حنكي ليه ، وحنحكي أسباب زواجه كل واحدة ، وكل حاجة بالتفصيل لما تيجي وقتها ) ..








وفى مرة كان النبي عازم الصحابة في يوم عائشة .. ف السيدة صفيه زوجة الرسول الأخرى سمعت إن الصحابة جايين يتغدوا عند النبي فراحت عملت أطيب الطعام .. وجابت الخادم بتاعها وقالت له : يا غلام خذ هذه القصعة وأوصلها إلى بيت عائشة ، فإذا سألك رسول الله فقل تُهدي لك صفيه هذا لتطعمه لأصحابك يا رسول الله .. 

طبعا ده يوم عائشة .. فالخادم راح وبيدي لعائشة الأكل ، وريحة الأكل فعلا حلوة .. فبتقول عائشة : فمر الغلام من أمامي ، فرأيت الطعام ، فقلت ما هذا ؟؟ فقال : أرسلته السيده صفيه إكراماً لصحابة رسول الله .. 
فراحت عائشة ماشية و خبطت الخادم .. فالطبق وقع من الولد على الأرض واتقسم نصين والأكل جواه ..

بيت النبي مش كبير ، ده أوضة صغيرة .. والصحابة كلهم كانوا قاعدين والموقف ده حصل ، فكلهم بصوا لعائشة .. 
بس تخيلوا النبي إتصرف إزاي ؟! .. 
لا زعق ولا غضب ولا عمل أي حاجة ، فما كان منه إلا أن تبسم وجثا على ركبتيه ، ونزل يلم الأكل وقال لهم : " لا عليكم ، كُلوا كُلوا ، غارت أُمكم " .. فالصحابة نزلوا ولموا الأكل معاه .. بتقول عائشة : والله لما خرجوا ما رأيت الغضب في وجهه ﷺ قط بعدها ..
تخيلوا !! بالبساطة دي ؟! 

بس السيدة عائشه ندمت وسألت النبى ﷺ ايه كفارة اللى انا عملته ؟ 
فقال لها تعطى صفيه قصعه بدل اللى اتكسرت .. 

صل الله على محمد .. صل الله عليه وسلم .. 
نكمل احلى قصة حب بكرة ان شاء الله 
#السيرة_النبوية_بالعامية_لنورهان_الشيخ



بدل ماتدور وتبحث علي الروايات خليها علي تليفونك وحمل تطبيقنا

تحميل تطبيق سكيرهوم
تعليقات



حجم الخط
+
16
-
تباعد السطور
+
2
-