رواية يلا بينا نعرف نبينا الفصل السابع والثلاثون 37 بقلم اسماء

 

رواية يلا بينا نعرف نبينا الفصل السابع والثلاثون 

أتأخر الوحى أيام و أيام لحد الليلة الموعودة .. ليلة اللقاء التانى و بين حزن و بكاء سيدنا  محمد ﷺ و بعد إنتظار طويل فى الغار ، نزل سيدنا  محمد ﷺ من على الجبل و مشى فى الصحرا وفجأة سمع صوت .. فبص يمينه و شماله و وراه ملقاش حد .. فبيبص فوق .. لقى جبريل ..

و قال جبريل : " يا محمد أنت رسول الله حقاً " .. فبيحكى النبى ﷺ ويقول : " وقعت من خوفى علي ركبتيّ .. و ظللت أجري وأجري إلى أن وصلت لخديجة فقلت : دثروني .. 

دثروني " ( يعنى غطووونى ) .. و بعدين جِبْرِيل جه لحد بيته صلى الله عليه و سلم و هوه 

مع خديجة ونزل بالآية الكريمة بنداء من الله عز وجل لمحمد رسول الله .. قال تعالى : 

{ يا أيها المدثر .. قم فأنذر .. لآخر السورة } ..

و من اللحظة دى .. من يوم ما ربنا قاله : { قم فأنذر } النبي صلي الله عليه وسلم مشفش راحة إلا في قبره .. شال همنا 😢♡ و هم كل البشر ، و يتتابع نزول الوحى على سيدنا  محمد بالآيات .. ( خلاص ^_^  محمد رسول الله ❤ محمد نبى الله .. محمد رحمة مهداه للعالمين مش بس للمسلمين ) ..

بدأ النبي يحب جِبْرِيل أوي و تنشأ بينه وبين جِبْرِيل علاقة حب و مودة كبيرة ❤ .. مرة النبى وهو ماشي لاقي راجل غريب جنبه بيقول له : " السلام عليك يا رسول الله " .. فالنبي وقف وبص له فيقول الراجل : " يا محمد أنت رسول الله و أنا جِبْرِيل من السماء " ( جِبْرِيل ولكن في صورة بشرية ) ..

و يبدأ جِبْرِيل يعلم النبي الوضوء .. وبعدين يعلمه الصلاة .. فيكون أول مخلوق صلي صلاة المسلمين في الأرض هو " جِبْرِيل " عليه السلام .. جِبْرِيل الإمام والنبي يصلي وراه .. و

كانت الصلاة وقتها ركعتين صباحاً وركعتين مساءاً .. ويروح النبي لخديجة ويحكي لها و يقرأ الآيات بإنه مبعوث بدين الإسلام فترد عليه وتقول : " آمنت بك يا محمد ♡ " .. أول من آمن بسيدنا محمد  " خديجة بنت خويلد " ، و أتوضت وصلت وراه .. وكانت أول من سجد لرب العالمين بعد سيدنا  محمد صلي الله عليه وسلم ..

🔹أشكال نزول الوحي علي الرسول : _

1-الرؤية المنامية : رؤيا الأنبياء وحي و أمر من الله . 

2- الإلهام : ينفخ جِبْرِيل في روح النبي أمر معين .

3- الصورة البشرية : يتمثل جِبْرِيل في صورة بشر .

4-  صلصلة الجرس : يعني جِبْرِيل يتلبس النبى ويسمع صوت عالي ( زى الجرس ) في جوف النبي بآيات القرآن .. فلا ينفصل جِبْرِيل عن رسول الله إلا وقد حفظ كل كلمة قالها له ، ( و دى الطريقة اللى حفظ بيها النبي ﷺ القرآن .. وكانت أصعب طريقة لنزول الوحى .. النبي  عليه الصلاة و السلام كان بيترعش لما كانت بتحصل له ) ، وكان إذا تلبسه جِبْرِيل يثقل ( يعنى يبقى تقيل فَلَو ساعتها كان راكب جمل .. يغرس في الرمل ) .

5- الصورة الملائكية : زى الغار كده و النبى ﷺ قال كان جبريل يسد الأفق من شرق السماء لغربها .

6- بدون واسطة : زى ما هنشوف فى يوم المعراج .. ربنا كلم النبي ﷺ مباشرة .

دلوقتى النبى ﷺ عرف أنه رسول الله .. جبريل نزل عليه بكلام الله .. النبى ﷺ معاه سورة الفاتحة و العلق و المزمل و المدثر .. و أتعلم الوضوء و الصلاة ..

طيب حتعمل إيه بعد كده يا رسول الله ؟

         الفصل الثامن والثلاثون من هنا

بدل ماتدور وتبحث علي الروايات خليها علي تليفونك وحمل تطبيقنا

تعديل المقال