Ads by Google X

رواية يلا بينا نعرف نبينا الفصل التاسع والستون 69 بقلم اسماء

 

رواية يلا بينا نعرف نبينا الفصل التاسع والستون 



يلا صلوا على النبى :)
محنة " مدينة الطائف " و إيذاء الحبيب ﷺ (ج4)
و سماع الجن للقرآن من رسول الله ♡

وقفنا المرة اللى فاتت مع رحمة النبى عليه الصلاة و السلام فى معاملته و صبره على الكفار اللى آذوه و دعاؤه لهم بالهداية .. قال تعالى : { لَّقَدْ كَانَ لَكُمْ فِي رَسُولِ اللَّهِ أُسْوَةٌ حَسَنَةٌ } و وقفنا مع دعاء النبى بالهداية لأهل الطائف و مقابلة ملك الجبال للنبى عليه الصلاة و السلام طيب كانت إيه النتيجة لما النبى مدعاش على قومه ؟ ..








النتيجة هي أن الطائف بعد كده حنشوف أنها أصبحت من أحسن وأجمل بلاد المسلمين , وكلها مسلمين ومن أحسن المسلمين .. لو رحتوا الطائف دلوقتى حتلاقى فيها نوع من الورود مش بينمو فى أى مكان إلا فى الطائف , فيها خير مش موجود غير فى الطائف , ونوع ثمار لا ينبت إلا فى أرض الطائف .. وكمان كانت نتيجة دعاء النبى ليهم أن فى أيام ( الردة ) اللى حتحصل بعد موت رسول الله .. أرتدت كل البلاد و كفرت بالإسلام تانى إلا تلات بلاد بس .. هما مكة والمدينة ومعاهم الطائف و ثبتوا على دين الله و رسوله ❤ .. كل ده بفضل دعوة رسول الله شوفوا الآية دى : { لَقَدْ جَاءَكُمْ رَسُولٌ مِّنْ أَنفُسِكُمْ عَزِيزٌ عَلَيْهِ مَا عَنِتُّمْ حَرِيصٌ عَلَيْكُم بِالْمُؤْمِنِينَ رَءُوفٌ رَّحِيم } .. حريص عليكم ♡ ..

وتخلص مقابلة ملك الجبال مع رسول الله ﷺ ويبدأ مشوار رجوعه لمكة , كان المفروض ينام و يرتاح شوية عشان يقدر يكمل المشوار بعد كل التعب ده , بس هو معملش كده , وقف صلى قيام ليل , وحيحصل حاجة غريبة أوى وهو بيصلى , ربنا حيوحى له أثناء الصلاة , إنه حيعدى من جنبه 7 من الجن و حيسمعوا القرآن لأول مرة من النبى أكيد ده شىء مخيف .. فقرأ 
النبى عشان يسمع الجن القرآن وقرأ سورة " الرحمن " ..

وبعدها نزلت آيات من القرآن حكت اللى حصل .. ربنا بيقول : { وَإِذْ صَرَفْنَا إِلَيْكَ نَفَرًا مِّنَ 
الْجِنِّ يَسْتَمِعُونَ الْقُرْآنَ فَلَمَّا حَضَرُوهُ قَالُوا أَنصِتُوا فَلَمَّا قُضِيَ وَلَّوْا إِلَى قَوْمِهِم مُّنذِرِينَ * قَالُوا 
يَا قَوْمَنَا إِنَّا سَمِعْنَا كِتَابًا أُنزِلَ مِن بَعْدِ مُوسَى مُصَدِّقًا لِّمَا بَيْنَ يَدَيْهِ يَهْدِي إِلَى الْحَقِّ وَإِلَى 
طَرِيقٍ مُّسْتَقِيمٍ * يَا قَوْمَنَا أَجِيبُوا دَاعِيَ اللَّهِ وَآمِنُوا بِهِ يَغْفِرْ لَكُم مِّن ذُنُوبِكُمْ وَيُجِرْكُم مِّنْ عَذَابٍ أَلِيمٍ * وَمَن لَّا يُجِبْ دَاعِيَ اللَّهِ فَلَيْسَ بِمُعْجِزٍ فِي الْأَرْضِ وَلَيْسَ لَهُ مِن دُونِهِ أَولِيَاء أُوْلَئِكَ فِي ضَلَالٍ مُّبِينٍ } ..









( شايفين .. الجن بقوا دعاة للإسلام بعد ما سمعوا القرآن من رسول الله .. أحنا كمان لازم ننشر و ندعوا اللى حوالينا بأى معلومة عرفناها عن الله و رسوله الكريم ) ، المهم قرأ رسول الله ﷺ القرآن و حواليه أفواج كتيير أوى من الجن .. ربنا بيقول : { وَأَنَّهُ لَمَّا قَامَ عَبْدُ اللَّهِ يَدْعُوهُ كَادُوا يَكُونُونَ عَلَيْهِ لِبَدًا } .. أكيد النبى أستحمل الخوف ، دول بردوا جن .. بس بصوا الآية بتورينا أن من شدة حبهم للقرآن ولرسول الله أنهم أجتمعوا حواليه و عايزين يبقوا جنبه أوى عليه الصلاة و السلام ♡ .. و أعد رسول الله يعلمهم الإسلام وأمور دينهم ..

وخلصت مقابلة الجن , وبدأ النبى و زيد بن حارثة يفكروا إزاى حيدخلوا مكة , زيد بن حارثة سأله يا رسول الله كيف سندخل إليهم ؟ رد الرسول و قال : " يا زيد لا تخف , إن ربي لن يضيعنا , يا زيد إذهب إلى " الأخنس بن شريق " وإئذن منه أن ندخل فى جواره " .. يعنى أيه الكلام ده ؟ يعنى الرسول حيطلب من الأخنس بن شريق إنه يكون فى حمايته لما يدخل مكة ، وده بيكون شرف كبير أنك تبقى واخد ناس فى حمايتك .. وفعلاً راح زيد بن حارثة و طلب من الأخنس الحماية .. لكن الأخنس قال : " لا والله .. فليدخل محمد و ليرى ما أعدته له قريش 😢 " ..

راح زيد للنبى وحكى له , فطلب النبى منه أنه يروح يطلب الحماية من " سهيل بن عمرو ", بردوا رفض , وبعدين قاله يروح " لمُطعم بن عدى " والحمد لله مُطعم وافق وقال : " هو فى جوارى .. محمد فى جوارى " , ( كل الأسماء اللى النبى بيطلب منها الحماية من كفار قريش بس عائلات كبيرة ) الْمُطعم بن عدى بقى كان عنده 10 أبناء فقالهم : " ألبسوا جميعاً الحديد وأرفعوا السيوف و ما أن يدخل محمد ( يعنى أول ما يدخل ) مكة فى جوارنا أياكم أن يمسه أحد أو يسبه ( يشتمه ) " .. ( سبحان الله ربنا عز رسول الله خلاه فى حمايه 10 جنود ) .. 











و راح ال 10 من الشباب للنبى على باب مكة لابسين الدروع و الحديد ورافعين السيوف و حاوطوا رسول الله من كل جنب , وسألوه : " إلى أين تذهب ( يعنى هتروح فين حنوصلك ؟ ) " طبعاً المكان الطبيعى البيت , لكن لأ .. النبى قالهم : " سأذهب ( حروح ) الحرم " , ( أصل النبى عايز يطوف حوالين الكعبة عشان محدش من قريش يفتكر إنه خايف أو حيبطل يدعو للإسلام ) ... خلصت محنة الطائف و يخلص النبى الطواف و بعدين حيروح الفجر لدار الأرقم , يحكى للصحابة اللى حصل ويطمنهم بإسلام الجن ، بس الصحابة حيزعلوا جدآ بسبب الإيذ"اء اللى حصل له 😔 .. بس حتحصل حاجة حتثبت لرسول الله إن ربنا راضى عنه ♡


بدل ماتدور وتبحث علي الروايات خليها علي تليفونك وحمل تطبيقنا

تحميل تطبيق سكيرهوم
تعليقات



حجم الخط
+
16
-
تباعد السطور
+
2
-