التصدي للارهاب في سيناء بطولة القبض علي اخطر القياديين بالتنطيم الارهابي

                        القبض علي اخطر قياديين في التنظيم الارهابي

اسد سيناء

 بعد انتصار 1/7/2015 بـ 15 يوم بالظبط سياده اللواء  / محمد فرج الشحات اتصل بالشهيد العقيد / محمد هارون وطلب منه قيادي تكفيري اسمه , سليم سليمان سليم سليمان , المكني في التنظيم بــ ' الهِرم , وهو من قبيله السواركه من ربع المنصورين ، قيادي بارز وكان من المشاركين في تفجيرات واحداث " طابا " وفي الوقت دا كان أمر قواطع الظهير والمقاطعه ومن اشرس قيادات التنظيم كلياً

ومش للاسباب السابقه دي بس يجي  اسمه ويتعمل بيه عمليه من القياده ومن مين من اللوا اركان حرب / محمد فرج الشحات شخصياً وان السبب الحقيقي ان المجرم  " الهِرم " قال بالنص الواحد لامير التكفيريين في الوقت دا المجرم [ محمد هادي ابو قبال ]  ياشيخ محمد وقف لي الدعم بتاع الطواغيت [ يقصد دعم الجيش ] اللي جاي من الكتيبه 101 ومن ساحه الشيخ زويد وانا مستعد اصفي واذبح افراد كماين الجيش من اول كمين زلزال 7 اللي عند قسم الشيخ زويد لغايه كمين قادر زلزال [ قادر هارون ] واحتل الاكمنه كلها وارفع علم الولايه [ علم داعش ]  عليها ودا اللي حاولو يعملوه في 1/7/2015 وفشلو بفضل ربنا وبفضل تضحيات الشهدا وعزيمه الابطال اللي افشلو المخطط النجس دا قبل مايعرفو بيه 

الاوامر جت لهارون وبدانا نجمع معلوماتنا ونستعد ومن ضمن المعلومات ان المجرم " الهِرم '' كان متزوج وعنده 3 اولاد بيقاتلو معاه وبيحرسوه شخصيا وبعد احداث 1/7 اتجوز بنت صغيره في السن كمكافاه له يعني وعايزين يروقو عليه 

وطبعا مش هيقدر يسيب العروسه ولازم يتردد علي البيت ، الساعه 4 الفجر عرفنا ان الهدف دخل بيته ، بلغنا هارون وقام ساعتها قال جهزو الهامرات وكان لاول مره الهامر تدخل الجوره علي ايدنا وكان عددهم 2 مدرعه هامر جبناهم مخصوص للعمليه دي وجهزنا طقمين رجاله لكل مدرعه طقم وهارون كالمعتاد اتوضي وفتح المصحف علي ماجهزنا واتجمعنا وصلي بينا امام ركعتين وقال ادعو واطلبو الثبات عند الشهاده وان ربنا يكرمنا بالشهاده بعد ما ننفذ المطلوب مننا 

توكلنا علي الله وبدانا نتحرك وقررنا في الوقت دا مانتحركش من الرمل لان صوت الهامر في الرمل هيبقي عالي وهنترصد من علي بعد وقرار صعب بأن التحرك والهجوم هيكون من الشارع الاسفلت بتاع الظهير اللي طالع علي المقاطعه وبالفعل خدنا الاسفلت بكل سرعه وموقفناش الا ومدرعه قدام بيت '' الهِرم '' ومدرعه خلف البيت وبدا التعامل والاشتباك بهروب 4 عناصر ولكن سنهم كان صغير ولقينا في وشنا 4 موتسيكلات وعلي كل موتسيكل سلاح الي و '' خرج '' حاجه كدا بيعرفوها الرعاه والبدو وبيشيلو فيها اغراضهم بدانا التعامل مع مصادر نيران مش قادرين نحدد مكانها وف اللحظه دي ع غير المتوقع طلع واحد لابس فانله وسروال اببض وفي ايده سلاح وبيجري من العشه اللي قدام البيوت ومعانا متطوع  مدني بطل عرفه فورا وبأعلي صوت ياهارون اهو الهِرم هرب هرب اتاري المجرم متجوز الجديده في العشه والقديمه سايبها ف البيت قدام العشه برضو 

هارون شافه نزل من المدرعه اقسم بالله لا صديري واقي ولا خوذه ولا اي تجهيزات وبيجري وراه بكل سرعه والمدرعه وراهم ولكن للاسف المجرم وهو بيجري مسك سلاحه بايد واحده ولف ضرب هارون طلقه جت في جنب ركبته ماخترقتش الركبه ولكن جرح طبعا في اللحم ووقع هارون علي الارض وبسرعه شديده البطل المدني اللي معانا عمل التفاف علي هارون وحط المدرعه قدامه عشان يحميه من رصاص المجرم لانه بدا ياخد البيوت ساتر ويشتبك معانا 

في الوقت دا قلت للشاويش عزت اطلع ع برج المدرعه واتعامل معاه ياعزت وانا هتقدم بالمدرعه  ومع اول تعامل من عزت المجرمين ركزو  الضرب كله علينا وكاوتش المدرعه كلها بقي علي الارض  ولقيت راس عزت عندي تحت في المدرعه وبقوله في اي قالي التعامل جااااااامد ياعم وساعتها انتفض الشهيد البطل جوده وقاله انت بتهزر ياعزت  انزل وطلع مكانه وبدا يتعامل ع مصادر النيران من خلف البيوت '' الهِرم '' قرر في الوقت دا انه يصفيني داخل المدرعه واستغل الدعم من كلابه والضرب علينا اللي جاي من كل مكان وقرر انه يهجم عليا مباشره واستغل التعامل اللي منع جوده من انه يكمل تعامل عليهم من البرج وبدا يهجم علي المدرعه وبل ركب علي وش المدرعه وحاول يدخل سلاحه ويخلص عليا وانا جوا ولكن مع السرعه وحركه المدرعه وقع وهرب وساعتها نزلت ونزلنا علي الارض وبدانا نتعامل ونشتبك معاهم  وياقاتل يامقتول وكانت اول رصاصه مننا تنهي حياته بعد ما اتمكنت من قنصه في رجله والبطل المتطوع المدني الدم فار ف عروقه وهجم عليه وقتله بأكثر من 25 طلقه 

كلنا قلقانين ع هارون والحمد لله اطمنا واتاكدنا انه جرح بسيط والاسد وقف علي رجله  وبدانا نفتش البيوت والعشش وخدنا جثه الكلب وعدد 4 سلاح الي روسي الصنع ، وعدد 1 سلاح الي مصري تابع لاحدي الاكمنه اللي اتهجم عليها ، وسلاح الهِرم كان مميز وبيسموه عندهم بن لادن [ دبشك حديد ] ، وعدد 3 سلاح متعدد وعدد 1 حزام ناسف اول ماشافه واحد من رجالتنا  لبسه  في وسطه   ومخزن ذخيره فيه 4 الاف طلقه 😳 دي الاحراز اللي خدناها مع الجثه وبدانا نخلي الموقع الا ان حصل علينا تعامل جامد من عربيه تيوتا قطمه وعليها م ط 14.5 وحرفيا غربلت البيوت بالمكان اللي احنا فيه دا غير الضرب اللي علينا من كل مكان  وقدرنا اخيرا  نخلي بصعوبه ولكن من طريق  الرمل [ تخريم ] علي كمين الجوره ومقدرناش نطلع الشارع وساعتها كان كاوتش المدرعتين كله علي الارض وبقينا ماشيين علي الجنوط الحديد لحد قبل الكمين 200 متر المدرعات وقفت عن الخركه تماما 

اتصالات ومباركات وشكر من القاده وبعتو لنا 8 كاوتش للمدرعتين عشان ننزل بالاحراز وجثه الكلب لمقر 101 في العريش ودا اللي حصل ودخلنا عليهم جايبين '' الهِرم " من الجوره للعريش مربوط علي وش المدرعه بسلاحه وحزامه الناسف وبزفه بلدي وعدينا علي كل الاكمنه والارتكازات بنبلغهم رساله اننا مش هنقع وان مفيش هزيمه ولا في حاجه في الجيش المصري اسمها انكسار وهزيمه  ورجعنا بعد كدا علي [ عاصمه جهنم ] ودا اللقب اللي اطلقوه الكلاب علي كمين الجوره قادر هارون من كتر الرعب اللي عملنا لهم 

'' للعلم مقدرناش نصور الهِرم يومها وهو مربوط والكلب اللي اتربط بعد كدا ع المدرعه وصورته اتنشرت مع هارون كان حد تاني غير الهِرم ''

ثاني يوم العمليه كنا قاعدين بنشرب شاي وقلنا لهارون الدواعش عاملين احتفال وعزاء ومناحه عند بيت الفطيسه وعددهم كتيرهارون بص فينا وقال اي رايكم نروح ننكد علي اللي خلفوهم ونحولها لحفله مشوي واتفقنا وخططنا وجهزنا العواجيز [ دبابتين m60]  والمدرعات وطقم وحوش وهجمنا عليهم وبدا التعامل معاهم لمده 3 ساعات متواصله وكنا بنضرب اي مصدر نيران بندمره حرفيا بالدانات والمتعدد وكان الكلاب حوالينا من كل مكان ويومها حرفيا كانت حفله مشوي بحق ربنا ودخلنا بيت الفطيسه تاني لقينا مراته القديمه  مش الجديده واللي كانت اتصابت في الاشتباك الاول في كتفها نايمه ورابطين كتفها وطلعو لها الرصاصه ومعالجينها ولا اجدعها مستشفي خصوصي ، فتشنا البيوت وخدنا الاحراز ورجعنا الجوره منصورين 

تاني يوم اتصل بينا سياده اللوا محمد فرج الشحات بيبارك ويهني من جديد وبياكد ان المخابرات رصدت ان العناصر اتقتل منهم مالايقل عن 25 فرد ودفنوهم في حسره وقهر وفي منهم لحم اتفرتك لموه في شوله خيش من بتاعت البطاطس  

وجت المفاجاه الكبري يومها بأتصال من السيد رئيس الجمهوريه المشير / عبد الفتاح السيسي في اشهر واقوي مكالمه لقادر هارون ورجالته بيشكرنا ويشد علي ايدنا ويبلغنا سعادته بمجهوداتنا وبعدها بدقايق يتصل بينا الاب والمربي والقدوه سياده الفريق / صدقي صبحي وزير الدفاع ويشكرنا جميعا نفر نفر ويبلغنا ان احداث 1/7 كانت انتصار وان في رجاله بتاخد الثار وتنتقم لدم زمايلها 

وبعدها بيومين قرر هارون انه هيدخل علي الدواعش في  وكرهم  بنجع شيبانه ويعلم عليهم ويعرفهم ان مفيش كبير علي مصر ودا الايموشن اللي اترسم علي وجوهنا كلنا وهو بيبلغنا القرار 

حبيت بس اوضح لكم بقصه صغيره حقيقه اللي اتقال في فيديو قياده الجيش الثاني ان هارون كان رتبه رائد وبيكلمه قائد الجيش والسيد الوزير والسيد رئيس الجمهوريه 

هـارون [ أسـد سـيـنـاء ] 

بدل ماتدور وتبحث علي الروايات خليها علي تليفونك وحمل تطبيقنا

تعديل المقال