شقة الدور الثالث الجزء الاول
كان يوم تلات .. الجو كان برد أوي .. أمطار وبرق ورعد والجو ماكنش مستقر ..
الساعة كانت 3 ونص الفجر .. وأنا قاعد مع صحاب المصلحة بنضرب مخدرات و قدامنا أزايز الخمرة والبيرة ومعانا كام بنت يعنى بيخدمو علينا .. من الأخر ومن غير لف ولا دوران كنا قاعدين ف شقة مشبوهة ..
مش عارف ليه ف الوقت جا حسيت بملل وزهق مرة واحدة .. قولتلهم إنا هنزل أقف تحت شوية .. أشرب سيجارة وأخد نفسي عشان حسيت بضيق .
رد عليا واحد منهم بصوت تقيل وقال والزغُطة بين كلامه :
_ تنزل فين يا فنااان ( هق) أنت مش شايف الجو عامل إزاى .. أنتى يااا ( هق) بت تعالى شوفى الفنان يشرب إيه ... إيه يا سوسو أديكى خنقتى الفنان وأنتى عارفاه بيزهق بسرعة ( هق هق) .
ردت عليه وهى بتقرب عليا وقالت :
- لأ طبعا ماقدرش على زعله .. إيه يا باشا مالك .. تحب أصبلك كاس .
* لأ أنا مش عايز حاجة .. أنا لما أبقى لواحدى هروق .
ونزلت فعلا وسيبتهم .. الشقة كانت ف الدور ال تالت .. وقفت قصاد باب العمارة .. باصص على الشارع اللى ماكنش في أى حد تقريباً بسبب المطر .. ولعت سيجارتى وأنا برجع وبقف جوة العمارة .. وأنا واقف لقيت صوت جمبي بيقول " أستغفر الله العظيم " !!
بصيت جمبي وانا مش مركز ومش حاسس بنفسي .. عينى كانت مزغلله .. حاولت ألمحه لكن ماكنتش شايفه بوضوح .. ماكنتش عارف أحدد ملامحه .
قولتله : في حاجه يا أخ ؟
قالى : لأ يا باشا مافيش .. هيكون في إيه يعنى .
كان الواضح إنه بواب العمارة دى .. كان باين من لهجته الصعيدى .. ماهتمتش بوجوده ولا بكلامه .. لكن لفت نظرى صوت غريب أوى .. صوت ضحكة مُقبضة بصراحة .. ومع الضحكة دي كام كلمة بلهجة أو بلغة مش فاهمها .. بصيت للبواب لقيته ف صورة شبة كاملة كدا قاعد وماسك الراديو بتاعه وبيسمع منه .. أستغربت وقولت لنفسي " أومال مين اللى ضحك الضحكه دى .. الله يخربيتكو هتطيرولنا الكاسين " ..
لكن لما ركزت وسمعت صوت الضحكة مرة تانية لقيت طفل عاري تماماً أو أنا اللي أتهيآلي دا..
جسمه رفيع بطرقة غريبة.. والأغرب إني مش شايفله عضم تحت جلده!!
قاعد على عربيتى وبيخبط برجله السودة الطويلة جداً وهو بيزحف على سقف العربية وبيضحك الضحكة السخيفة اللي سمعتها من شوية وكان هو مصدرها !!!! .
رميت السيجارة ومشيت ف المطر وانا بزعق للطفل بأعلى صوت و بشتمه وبقرب من العربية علشان أضربه لكن وقفت مذهول لما سمعت صوت البواب وهو بيقول من ورايا :
_لأ حول ولا قوة إلا بالله , سلامة عقلك يا بيه واد مين .. أنت شايف حاجة أنا مش شايفها ولا إيييييه .. ماحدش واقف على عربيتك يا بيه .. !!!!
بصيت تانى على العربية مالقتش فعلا حد واقف .. لكن إزاى وأنا شايف الطفل دا بعينى .. قولت أكيد كان بيتهيألى مانا كنت متدهول وشبه سكران .
بس بيتهيألي إزاي وأنا شايف أثار طين على كابوت العربية 😳
بعد 10 دقايق لقيتهم نازلين .. بنتين و معاهم شريف وعلاء ورأفت صحاب السوء .. شريف ورأفت ركبو مع علاء ف عربيته .. وأنا و البنتين ركبنا عربيتى .. ماكنش ينفع الحقيقة إنى أسوق ف الوقت دا خالص .. بدأت أتحرك وكان المفروض أمشي وراهم بالعربية .. لكن ماكنتش مركز أنا بعمل إيه .. كل اللى كان عليا إنى دايس بنزين و سارح ف ملكوت تانى .. فجأه وبدون أى مقدمات لقيت نفس الطفل بيظهرلى تانى على البربريز قُدامي !!!
واقف على الكبوت , أ أ أنا مش عارف إزاى .. لكن شوفته والمرادى بوضوح .. أرتبكت .. خوفت من منظره البشع دا .. جلد وشه كان بيسيح وبينزل على البربريز !! ..
و ااااا وعنيه الإتنين مقفولين وكأنهم متخيطين!
فضلت ألف الدريكسيون يمين وشمال بجنون علشان يبعد عن العربية وماجاش ف بالى لحظة أدوس فرامل ..
دخلت طريق طويل أو نفق مش عارف .. سامع كذا صوت ف بعض .. ما بين صوت واحدة من البنات مع أصوات تانية ماعرفش جايا منين .. أتشتت أكتر .. وف لمح البصر ظهر ف أخر النفق جدار كبيير أسود ..
سامع أصوات كتير بتوشوشني.. أصوات مفزعة جوة راسي.. صوت واحد بس اللي قدرت أميزه وصت الأصوات دي.
صوت بيقولي " جاااااهز"!!!!
زاي ماكُنت ف عالم تاني ورجعت.. لقيتني بدوس فرامل لكن ماكنتش بتستجيب
صراخ.. كلمة "حااااااااااااااااااسب " كانت أخر صوت سمعته قبل ما العربية تتقلب بينا قبل ما نوصل للجدار الإسود ودماغى تخبط بقوة ف التارة.. الدنيا تسود من حواليااا !!!!!!
يتبعععععع.....
