قصص رعب قصة جن اليكازا

                                                 قصة ( جن اليكازا )

جن اليكازا

أستمتعوا

انا ممدوح عندي 17 سنه في تانية ثانوي الموضوع بدا من سنة لما احمد اخويا الصغير لما بقي عنده اربع سنين وبدا ينام معايا في الاوضة والاوضة بتاعتي كبيرة جيبتله سرير وحطيته في الاوضة اول ليلة عادي تاني ليله صحيت الساعة اتنين بليل علي صوت احمد بيصحيني ويقولي
احمد : ممدوح عمو بيزعقلي
انا : عمو مين
احمد:  عمو ال في الدولاب بتاعي
انا:  نام ياحمد تلاقيك كنت بتحلم
احمد:  لا ياممدوح عمو ال في الدولاب بيزعق بيقول لو ممشيتش من
من الاوضة هيقتلني

خد احمد نيمتوا جمبي ونام وانا من نوع لو صحيت مبعرفش انام المهم عدي ساعة ساعتين سمعت صوت خبط في الوقت ده بابا بيخبط عليا عشان نروح نصلي الفجر قولتلوا حاضر جاي الخبط زاد قولتلوا واللهي جاي الخبط حسيت انه جاي مش من بره الاوضة لا ده جاي من ال الدولاب قمت اتجهت نحيته بمد ايدي عشان افتحه لقيت باب الاوضة خبط وصوت بابا بيقولي اصحي ياممدوح عشان نصلي قولتلوا حاضر

مخدتش في دماغي واتوضيت وروحت صليت ورجعت احاول انام دخلت الاوضة ملقتش احمد بس سمعت صوت زي الصوت ال هو اكن في حد جايب لزق وحطه علي بق حد ركزت في الصوت جاي من الدولاب قربت منه شويه وفتح لوحده لقيت اخويا فاتح بوقه عالاخر وبيشاور علي حاجة ورايا وصوت همس بيقولي اوعي تبص وراك جسمي اتشل لما لقيت اخويا راجل واقف وماسكه بيخنق فيه مش عارف حتي اصرخ وفضل يخنق يخنق وقع اخويا اودامي عالارض لقيت الراجل ده

قرب نحيتي وعمال يخنق فيا واغمي عليا صحيت لقيت نفسي في المستشفي وامي عماله تعيط ولبسه اسود وبابا سبني وخرج واختي بيتقولي حمد لله علي سلامتك قولتلها فين احمد امي انهارت من العياط

ريم اختي قالتلي ااااااا ان لله وان اليه راجون
قولتلها مات ردي عليا مات قالتلي ادعيله بالرحمة

عدي اسبوع وانا في المستشفي وعرفت ان بيقولوا ان في حرامي دخل علينا انا واخويا وخنق في اخويا ومات وانا اغمي عليا وسرق الاب توب

روحت البيت وانا مقرر ان مش هنام غير لما اعرف ايه الراجل ال في الدولاب دخلت الاوضة وفضلت صاحي الساعة جت اتنين سمعت خبط جاي من الدولاب النور قطع بدور عالموبايل مش لاقيه قومت فتحت الكشاف وشغلته

لقيت نفسي في حاجة زي كهف ازاي انا كت لسه في الاوضه المهم لمحت من بعيد حاجة زي بني ادم لونه احمر مشع بيجري نحيتي وانا عمال اجري واصوات صراخ مرعب حواليا وعمال اجري اجري خبطت في حاجة اغمي عليا صحيت علي صوت همس بيقولي ممدوح ممدوح اصحي عشان المدرسة هتتاخر ده صوت احمد صحيت لقيت احمد بيصحيني تنحت ابويا دخل وقالي قوم انته ايه انته عمرك مانمت كده قوم وفوق عشان هتتاخر قولتلوا هو هو مش احمد مات قالي

ايه يابني انته بتحلم قوم وخلص
معقولة ده كان كابوس لا لا لا في حاجة غلط مهتمتش كملت يومي عادي مابين مدرسة ودروس ومذاكرة الليل جيه وفضلت سهران بذاكر عشان المذاكرة النوم كبس عليا ونمت حلمت ان انا واقف في قفص كبير ومعايا طارق صاحبي والدنيا بره القفص ضلمه لغيت ملمحت نفس الشخص ال جري ورايا في النفق بس المره دي شوفته مواصفاته كالاتي

كيان احمر طويل ضوافره كبيرة عينه سوده شعرة طويل وعنده قرون زي الشياطين ال بنسمع عنها في القصص لقيت طارق بيقولي النوم النوم النوم ياممدوح الشيطان ده اتكلم بصوت حاد كلام غريب وفي الاخر قال النوم وصرخ وصحيت علي نفس الخبط جاي من الدولاب

قربت لقيت الدولاب فتح لوحده لقيت كائنات سودة قصيرة كتيرة اوي بتخرج منه وبطلع اصوات غريبة لقيت نفس الراجل ضربني علي وشي صحيت لقيت نفسي عالسرير عادي واحمد بيصحي فيا عشان المدرسة

روحت المدرسة وفي الفصل طارق ال قاعد جمبي لسه ماجاش الحصة بدات وطارق دخل ومعاه ملف قالي ايه انته مجبتش ليه البحث بتاعك ولا انته زي كل سنه مش هتعمل قولتله لا مش هعمل قالي براحتك عمتا انا خلصت بحثي وان شاء الله الاول قولتله طارق انته عامل بحثك عن ايه قالي عالنوم

نعم
طارق:  ايه ياممدوح في ايه
انا:  انا حلمت امبارح
وقولتله ال حصل في الحلم قالي عادي
قولتله ينفع اقراه قالي وتقراه ليه قولتلوا مش هسرقوا قالي مش قصدي بس انته ممكن تسمعه قولتلوا هتقراهولي
قالي لا ياخفيف اقولك علي سر بس متقلش لحد

قالي انا سرقه قولتلوا سارقه منين
قالي من احمد يونس بتاع قصص العفاريت
قولتلوا يعني احمله ازاي

قالي اكتب عاليوت يوب رعب احمد يونس ملفات سريه الموت الاصغر
لما روحت عملت كده وسمعت بلاوي بتحصل للناس بسبب النوم المهم

الليل دخل قررت منمش بس تقولوا ايه روحت في النوم وصحيت جسمي مشلول مش عارف اطلع صوتي عيني بس بقدر احركها في زاويه الاوضة ضل اسود طويل عمال يقرب ويخنق فيا وروحت في النوم ال حصلي ده سمعته في ال طارق قالي هنزله اسمه الجاثوم

وروحت المدرسه طارق ماجاش في الحصة التالته كان المستر عمر بتاع علم النفس يبقي عم طارق جاله تليفون و رد وطول المكالمه وشه اصفر خلص المكلمه وقال طارق مات وجري

وباقي الفصل قاعد محتار مش عارف يعمل ايه اتفقني ان احنا هنروح بعد المدرسة عشان مينفعش نخرج المهم جيه في دماغي ان اروح مكتب الاستاذ محمود بتاع شئون الطلبه احاول اخد البحث بتاع طارق

اقراه مش عارف ليه المهم روحت المكتب قولتلهم انا عايز البحث بتاع طارق بحجه ان انا عايزة احتفظ بيه ذكري معترضوش عشان عارفين

ان طارق كان انتيمي المهم خد البحث حطيته في الشنطة وروحنا حضرنا الدفني وروحنا والليل جيه

فتحت البحث لقيت مكتوب

الي صديقي العزيز ممدوح عايزك تعرف ان البحث ادام وصل معاك يبقي انا موت وانا كنت عارف ان كده او كده مكنش حد من الاساتذه هيقراه المهم الحلم ال انته بيتقول ان انته حلمته ده مكنش حلم ده حقيقي من فعل شيطان النوم بينا

احكيلك ال حصل من الاول خالص
لما قالوا في المدرسة عن مسابقة افضل بحث قررت ان السنه ديه هعمل بحث مختلف محدش فكر فيه فقررت ان اعمل بحث عن النوم
احكيلك عن اول ليله من غير نوم اكيد انته فاكر الاسبوع ال انا كنت مسافر فيه عايز اقولك اني مكنتش مسافر كنت في البيت المهم
الليله الاولي
ولعت كل نور الاوضة عشان منمش النوم بدا يكبس عليا قولت لا لازم اعمل حاجه تخليني منمش جيبت تلج جامبي كل ماحس اني هنام اكسر تلج واحطه في ضهري عدي ساعة ساعتين تلاته لغيت الساعة اتنين انته عارف انا مهووس ازاي بقصص الرعب المهم قررت لا انا لازم اخاف عشان منمش فتحت النت شغلت قصص رعب والحمد لله منمتش

الليله التانية
نفس الحوار حصل الساعة اتنين جت حسيت ان في حد معايا في الاوضة مركزتش لحد ما النور قطع والموبايل رن بس مكنش في رقم كان ال هو برايفت نامبر فتحت سمعت صوت صرخات بحاول اقفله مش عارف حدفت التليفون عالارض والصرخات حسيت انها بقت في الاوضة النور جيه الصوت اختفي والليله عدت ومنمتش وجسمي خس وتحت عيني بقي اسود زي مانته شوفت

الليله التالته
محصلش حاجة غير جاتلي رسالة من رقم مجهول بتقول لو منمتش في حد عزيز عليك هيروح قفلت الرساله ومهتمتش بيها دخلت الحمام النور قطع عليا بس في نور احمر خارج من المرايا قومت ببطي عشان اخرج الباب مش عايز يفتح روحت ناحيت المرايه اشوف فيها ايه وقفت اودامها مافيش غير شمعه حمرا مولعه صوت نفس سخن حواليا لقيت في الحوض سبعه شمعات سود وولاعة واتكتب عالمراه اضء الشموع ولعت السبع شمعات وحطيتهم عالارض وقعت نورت الحمام كله عشان اشوف الشيطان ال احنا شوفنا انا وانته فاكره ال انته بتقول عليه حلم المهم قعد اودامي وقالي
عشان ترحم نفسك من الهلاك ال هيحصلك انته وعيلتك كلها لازم تنفذ الشروط والشروط كالاتي

1- الليله الرابعه تنام في مقبرة لحد لسه مدفون وطبعا مالقتش غير قبر اخوك اه انته شكلك متاكد ان الحصلك ده حلم المهم نفذت الشرط ده

2- الليله الخامسة لازم يكون في حد تسلط جن النوم عليه واسف يا ممدوح ملقتش غيرك وعلي فكرة انا عملت كده عشان محدش يتازي من عيلتي يعني اتنين يموتوا ولا عيله كامله تموت وطبعا الراجل ده كان الجن الحضرته وقتل اخوك وانته محظوظ عشت المهم

3- بعد 666 دقيقة نوم ليك تاني ليله ليك هتكون موت ياممدوح
انا عارف ان في حته تايهه منك اقولهالك واريحك
اولا 666 انته عارف ده رمز الشيطان ولو ركزت شويه هتلاقي ان كل حاجة بتحصلك حصلت الساعة 2 اه اخوك مات 2 الحلم 2 الكهف 2
يعني لما تجمع 2+2+2=6 في التلت الاتنينات بقت تلاته يعني 6 تاني غير اتين انا يعني سته تاني يعني في النهاية المجموع 666 مجموع ابليس يا ممدوح

البحث خلص كان فاضل شويه عالفجر روحت الجامع لقيت هناك الشيخ محمد
انا : الحقني ياشيخ
محمد:  خير يابني
انا:  حكيتله علي كل حاجة
قالي يا ممدوح زي مالجن موجود زي مافي نوع من الجن المفروض محدش يفكر فيه او يحاول يدور علي معلومة عنه ال هو جن النوم اليكازا.   اليكازا ده ليه شروط عشان يتحضر واهم شرط السهر ال مبالغ فيه عدم النوم وليهم حسابات محدش يقدر يفهمها حتي 666 ده التركيبة بتاعت ال 2 ديه مش هتفهمها

قولتلوا يعني اعمل ايه قالي خلاص اخدك بعد صلاة الفجر مشوار وربنا يستر صلينا وخدني البيت معاه

دخلت البيت عنده دخلني اوضه مافيهاش غير كرسي وميه كتير وملح
وقالي هتفضل هنا لغيت الساعة اتنين بس انته حاول تنام واتوضه وصلي ركعتين لله وحاول تنام عملت كده ونمت لغيت والشيخ صحاني قالي قوم ياممدوح فوق كدة الساعة واحدة ونص قومت ومش عارف نمت ازاي كل ده المهم

لقيت الشيخ محمد بيكتب علي حيطة طلاسم بمادة حمرا دم
قولتلوا انته مش برضوا شيخ قالي يابني البيت كله بيصلي ومافيش جن يقدر يدخله فلازم اعملهم مدخل يدخلوا منوه عشان نعرف ايه الهيحصل قولتلوا يعني هيدخوا قالي الطلاسم ديه عهود من جن مسلم يخلي الجن ال يدخل من المكان ال مكتوب عيله العهود ديه الجن ميشفوش بس احنا هنشفهم وهما لا مش هيشوفوا

شويه ولقينا ضل اسود دخل وعينه كتله نار عماله تروح في كل مكان والشيخ بدا يقراه من سورة الجن وخواتم سورة البقرة والنور والكهف لغيت مالضل حسيت انه شافني وقرب نحيتي وانا ببص للشيخ والشيخ بيقول بحق ايات الرحمن الرحيم الملك القدوس بحق ايات الله الا تمسونه وان اخطء فان الله غفور رحيم وان لم يخطء فلا زنب عليه وقري ايه الكرسي واتحرق الضل وقالي قوم لم الرماد بتاعه وحطه في ميه وملح عملت كده وقالي

خلاص الحمد لله مافيش حاجة هتحصلك قولتلوا هو مش ال مفروض انهم ميشوفوناش قالي مالقران ال قريته هدم الطلاسم

وال انا فهمته انهم مامورين من طارق انهم لازم ينتقموا منك عن طريق الاطراف قولتلوا يعني ايه الاطراف
قالي يعني طارق يقتل واحد وهما يقتلوا واحد
قولتلوا يعني طارق هو ال قتل احمد اخويا
قالي اه وعلي فكرة مكنوش هيقتلوك عشان الجن ميقدرش يقتل بني ادم كانوا هيخدوك عالمهم وتشوف اشكالهم الحقيقية وانته هتموت لوحدك
وجن اليكازا مش زي بقيت الجن ال نعرفهم دول حاجة واليكازا حاجة تانية خالص ملهاش دعوة بالجن بس الشياطين ليهم علاقات معاهم

انا ياسين والد ممدوح انا لقيت المذاكرات ديه عالموبايل بتاع ممدوح
عايز احكيلكم حاجة عن ممدوح

ممدوح كان بيتهيقلوا ان طارق عايش بعد مامات في الرحله ال طلعوها وان اخوه احمد عايش بعد مامات بسببه لما كان بيتصور معاه علي سور العمارة ال 11 دور وقع مات ولما سالت دكتور نفسي قالي الكلام ده

ممدوح مات من سنتين وفي العزا والد طارق جابلي ملف وقالي اقراه
مكنتش مركز ساعتها بعد اسبوع قريته كان مكتوب

الليله السادسة
تحضير و اقامه طقوس اليكازا وشروطها كانت
1- عدم النوم لمده ست ليال
2- كل ليلتين في طلسم لازم يتقال والطلسم كان
ع س ط ض ج ع
اعط عيط عط عيط بحق اسمائهم وبحق الحروف السريانية انا امركم الان بالتسليط علي ممدوح اعط عيط عط عيط عاط طاع ع س ط ض ج ع

الليله السابعة
كان لازم اقتل حد من قرايب المسلط عليه فقررت بعد ماحضرت ان اقتل احمد اه قتلته

انا بعد ماقريت الكلام ده روحت للقسم وقدمت المذكرات بتاعت طارق و ممدوح واتهموني اني مجنون وحولوني لمصحة الامراض العقليه

انا دكتور خالد الدكتور المتابع حاله طارق و ممدوح و ياسين عايز اقولكم ان التلاته مافيش صله تقربلهم بعض بس احمد هو الحاجة الوحيدة ال رابطة بينهم بس كان كل يوم بيصحوا الساعة اتنين يصرخوا ويقولوا كلام غريب كانوا بيقولوا
ع س ط ض ج ع
اعط عيط عط عيط بحق اسمائهم وبحق الحروف السريانية انا امركم الان بالتسليط عالقارئ الان  اعط عيط عط عيط عاط ياعاط يا اياعاط
ع س ط ض ج ع

تمت..