لقيت كريم بيقاطعني وبيقولي : مين اللى كان واقف معاك !.. مافييش حد كان واقف معاك أصلاً يا عم خليل !!!!!!!!!!!!!.
أول ما سمعت الجُملة دي أتجننت.. حطيت إيدي ف جيبي مالقتش الموبايل.. قولتلهُم :
_ ماحدش معاه رقم عم محروس.
قالولي لأ.
الحل إني أدور على موبايلي.. أيوة أفتكرت، الموبايل وقع مني فوق.. لكن مش فاكر فين بالظبط !
طلعت أدور عليه.. لما بصيت لقيته عند الباب بالظبط.. الباب إياااه !
قربت ببُطء .. وطيت علشان اجيبو.. لقيت الباب بيتفتح ببُطء شديييد !
كُنت موطي وشايف رجل اللي واقف.. دا نفس البنطلون اللي كان لابسه ياسر أيوة.
رفعت راسي ولقيته هو فعلاً.. قبل أي رد فعل مني وقبل أي حاجة لقيت عينه بتسود بالتدريج !!
وكأن في سائل إسود بينتشر ف عيونه !
لحد ما بقت سودة جداً.. كُل اللي عمله إنه أداني ضهره ومشي ببُطء جوة التلاجة.. فضلت أنادي عليه لكن طبيعي ماكنش بيرُد !
لكن بدأت أسمع صوت خاافت.. كلام غريب وأسامي مُقبضة..
" بحق بعلسلطيل.. بحق بالعُلا.. بحق بكهو شل بطلمعش هيلوش هيلوش هيلوش.. بحق عائنة بنت إبليس !!!!!!"
بدأت تظهر من العدم ضوء شمعة ﻷ شمع كتيير.. كائن قاعد ف النُص ومديني ضهره والواضح إنه بيعمل حاجة قُدام منه !
كان الواضح إنه مش حاسس بوجودي.. ضهره مأتب بطريقة غريبة.. عريض.. شعر كثيف مالي ضهره.. يشبه القرود ف قعدتهُم !
وهو اللي بيقول الكلام الغريب دا" بصُحُف جلجميش هل سطيع هليع هليع، توكل يا أبا مُره بحق شمهورش"
صوته مُخيف..
إزاي ماقدرتش ألمح اللي موجود قُدامه.. الكارثة اللي أكتشفتها متأخر إن في جُثة محطوطه قُدامه بالطول وهو ماسك راسها !!!!!!!!!!.
عايز أصرخ صوتي مابيُخرجُش.. الحل الأسلم إني أهرب من هنا.
بدأت أرجع بضهري خطوة خطوة بحذر وأنا باصص على الكائن دا.
مش عارف ليه أو إزاي وأ نا برجع سمعت من ورايا صوت غُراب !
مش واحد دول أكتر من غُراب !!
ف اللحظة دي بدأت أشم ريحة بشعة جداً.. لما بصيت بطرف عيني لقيت أأأ.. لقيت.. لقيت جُثث كتيرة جداً مرميه ف كُل مكان ف الطُرقة.. ومش ف الطُرقة بس ﻷ على الحيطان كمان وكأنهُم ملزوقيين !!!!
غربان سودة تماماً بياكلو فيهُم بشراهة !.. أ أ أنا مش فاهم إيه اللي بيحصل دا.. وكأني متحاصر ﻷ دا أنا فعلاً متحاصر من كُل مكان.
بقول لنفسي ﻷ مُستحيل يكون اللي شايفه حقيقة.. أكيد بيتهيألي.. أكيد بي أأأأأ.......
مالحقتش أنطق حرف كمان لإني أتسحبت بكُل قوة من راسي ودخلت تلاجة الميتين !!!!!!
أتخبطت بقوة ف الحيطة وقعت على الأرض وأنا حاسس بالدم بينزل من دماغي لكن مش شايف حاجة خالص !.. أختفت إضاءة الشمعة.. هدوووء رهيييب.. قعدت مكاني وأنا بتمنى ربنا ينعم عليا ويغمى عليا !.
خاايف
مرعوووووب
جسمي بيترعش بقوة
سامع صوت الغربان برة الأوضة
صوتهُم مُزعج ومُقبض
ف.. ف.. في حاجة عدت قُدامي صح
ﻷﻷ ﻷ مانا ماتجننتش ﻷ..
خيال لمحته بيعدي من قُدامي بسُرعة !
وكمان.. و.. وكمان مين اللي بيتكلم ف وداني وأأأأأ وبيقولي " أنت القُربان.. أنت القُربان اللي هرجع بيه عائنة بنت إبليس للحياة.. جااهز !!!!!!!!!!!!"
أ أيوة.. أيوة هو.. هو نفس الجُثة اللي طلعتها بإيدي وقلقت لما شوفته أول مرة.. أيوة هو مجهول الهوية !
ظهر قُدامي.. أبشع منظر ممكن أشوفه ف حياتي..
جسمه مليان شعر وكأنه غوريلا !
رقابته طويلة.. طويلة مش فاهم إزاي !
شايف قفصه الصدري بارز جداً !!!
بيرسم نجمة خُماسية.. ماسك سكينة وبيعور نفسه وبالدم بيملى النجمة دي وكأنه بيغذيها !!
مسك ريشة وبدأ يردد نفس الكلام المُرعب مرة تانية
" أقسمت عليكي يا ( عائنة يا بنت إبليس ) أن تجيبي.. بحق الإسم الذي نزل على الصخرة ففتتحها.. أعطيني إشارة بحضورك.. أعطيني إشارة بحضورك !!!!!"
أتوهجت.. النجمة الخُماسية بدأت تتوهج وهو بدأ يظهر على وشه علامات الرضا.. بدأت أحس إن نفسي بيضيق.. الهوا بيقل حواليا.. بصلي وضحك ضحكة خبيثة !
سمعت صوت حركة جوة دُرج من الأدراج !!
ف أقل من ثاانية كُنت مرفوع ف الهوا وبقرب منه !!!!!
قربت من وشه البشع.. في صوت خطوات جايا من ورايا.. لقيته بيمسك راسي وبالتحديد عند أورتي.. وبالريشة اللي معاه بدأ يكتب حاجات غريبة.. كُل ماكان بيكتب كُنت بحس بنفضه جوايا..
كُل ماكان يكتب كُنت بغمض عيني وبشوف كائنات مُرعبة بتبُصلي.. عيون بصالي ووجع ف عيني رهيييب !!.
فقدت الوعي !
ماحستش بنفسي نهائي.. غير وأنا بفوق وبلاقي نفسي محبوس جوة دُرج من أدراج تلاجة الميتين !!!!!
مش قادر أتحرك ولا قادر أتنفس.. ولا أأأأأأأأأأ......
إزاي دا بيحصل.. إزاي شايف إيد حمرا صغيره بتظهر عند رجلي وبتقرب عليا هيكل عظمي وبيزحف على رجلي وعلى بطني وبقى وشي وف وشه !!
أنا مش جوة درج لا.. أنا مدفون ف قبر!!!!
على صدري كائن عبارة عن هيكل عظمي عنده شوية شعر على راسه ومكان واااا.. مكان عنيه موجود زاي شرار أو شيء أحمر بيتوهج!!
بدأ يفتح بوئه.. بوئه بيوسع.. بيوسع.. بيوسع بطريقة مرعبة.. حااسس بروحي بتخرج مني بالمعنى الحرفي!
وبدأت جملة واحدة تتكرر مالهاش أي مصدر " عائنة بنت إبلييس.. عائنة بنت أبا مُره"!!
صرخااات ف اللحظة دي..
صوت حشرجة الموت بتخرج مني
ح حاسس بسائل بينزل من عنيا وبوئي كمان
دا أكيد دم!!!
أ انا مُستسلم لكل اللي بيحصل فيا.. فجأة وبدون أي مقدمات أتسحبت من رجلي لتحت التُراب!!!
هديت الدنيا من حواليا.. مش شايف
مش سامع
مش حاسس بحاجة.
حاسس إني فقدت القدرة على كل حاجة.
بدآت الرؤية توضح ليا بالتدريج.. أنا نايم على سريري ف بيتي!!
مش هستغرب ولا هسأل إزاي دا حصل.. لما قُمت من على السرير لقيتني
بشوف كائنات قصيرة كتيرة جداً وشوشهم طويلة جداً وسودة.. كُلهُم شكل واحد .. مكان عنيهُم ممسوح تماماً.. مجتمعين ف كُل ركن من أركان الأوضة !!
ومش كدا وبس..
شايف ظلال بتتشكل على الحيطان..
ظلال حمرا جداُ.. وشوشهم مرعبة.. قرون حادة شايفها على راسهُم..
كُل ثانية بيتشكلو لأشكال أكتر بشاعة ورُعب !
و أشكال تالتة مُرعبة بيزحفو..
أسنانهُم مدببة.. لسانهُم زاي ألسنة الأفاعي بالظبط !!
جسمهم ممدود وطوييييييل..
هههه أنا بقيت بشوفهُم..
الحجاب اللي حاجز بيني وبين العالم الأخر أتشال من عليا !!
عرفت من عم محروس انه لاقاني مرمي قدام باب التلاجة ومغمى عليا!
شالني هو وكريم ومصطفى وجابوني هنا!
لما سألت عم محروس على ابنه لقيته بيقولي :
_ أنا كُل خلفتي بنات ماعنديش أولاد!!!!!
أكتشفت إني كنت ضحية للعبة وسخة.. سببها المسعفيين.. والشخص اللي مثل عليا انه ميت وهو عايش مش ميت!!
عمل طقوس عليا وحضر عائنة وهي كانت الهيكل العظمي اللي شوفته!!
حياتي باظت.. مابقتش مستحمل شكلهم ومنظرهم دا.. لحد ما قررت أدخل طريق الجحيم برجلي.. هستغل وجودهم حواليا وأول حد هعمل فيه طقوس السحر والشعوذة هما كريم ومصطفى!!
اما مجهول الهوية فا مابقتش أشوفه خلاص.. لكن مسيري أقابله ف طريقي وساعدتها هخليه جُثة بحق وحقيقي.
سلااام.
أه قبل ما أخلص كلامي.. حابب أقول لكل اللي عينه جت على الطلاسم اللي اتقالت وقرأها يستحمل اللي هايحصله ههههه.
سلاااااااااام.
تمت..
