انتقام الشيطانه البريئه الحلقه الرابعه

- ههههههه خايفين مني مكنتوش خايفين ليه وانتو بتظلمو فاتن  سمعتو كلامي اللي قولتهولكم ونفذتوه بالحرف ودلوقتي جه وقت رد الجميل 

نادر استغرب جدا وعمر بيبكي بهستيريه وكأنه طفل صغير رد نادر علي الظل

-كلام ايه اللي سمعناه 

ضحك الظل الاسود بهستيريه وقال نهايتكم قربت وهقولكم كل حاجه  

وفجأه الظل الاسود اتحول لكيان بشع ماشي علي اربع رجلين راسه راس ذئب وجسمه جسم ضبع ضخامته تعادل ضخامة الفيل وماسك ف ايده حبل ونهاية الحبل مربوطه فيه فاتن وهي عريانه من لبسها تماما وماشيه علي ايديها ورجليها 

عمر شاف المنظر صرخ من الرعب ونادر جسمه اتنفض ورجع لورا لحد اما اصطدم بالحائط والكيان الشيطاني بيقرب منهم ويضحك ويقول بصوت بشع يخلي شعر الجسم يقشعر من بشاعته

-انا زائير ابن ملك ملوك الجان عشقت فاتن منذ طقولتها  حاولت اقربلها لكنها كانت بتصدني بتدينها. 

لما اتزوجت فاتن كان لازم اخدها ليا 

فاكر يا نادر لما كنت بتسكر وتقول لاحمد وعمر انك عاوز تنتقم ؟ انا اللي كنت بوسوسلك وانا اللي قولتلك الفكره

وفاكر ياعمر لما خفت  وقلت لنادر واحمد لا مش هعمل كده؟

انا اللي وسوستلك وشجعتك

حاول ناذر يقاطع زائير الكيان الاسود ولسه هيتكلم رقعه  الكيان الاسود في سقف  الاوضة وقال بصوت بشع يبان منه الغضب  " انا سيدك ايها الطيني عندما اتحدث يخرس امثالك"

وكمل الكيان الاسود كلامه

فاكرين لما احمد وقع في الجنينه وفاتن فتحت شباكها انا اللي وقعته لان شباك غرفة فاتن كان مقفول من جوا وكان لازم تفتحه. 

وانا اللي قتلت احمد فاتن كانت ماسكه السكين ومفكره نفسها بتضرب احمد بس انا اللي كنت باضربه واحمد شاف الويل في موته انا مضغت قلبه

ووالد زوج فاتن مماتش بسبب جلطه انا اللي انتقمت منه وقتلتله لانه هو اللي عرض علي ابنه يتزوج فاتن  

اما زوج فاتن انا قررت اسيبه مشلول وصرخ الكيان الاسود بصوت بشع وقال ايوووه لازم يفضل حي وبيتعذب لانه لمسها. 

عمر من الخوف بنطلونه اتغرق ميه وجسمه كان بيترعش بشده ونادر متعلق في السقف بيلعن نفسه انن سمع كلام الشيطان ورغم قلبه القوي ومبيخافش كان مرعوب 

اما فاتن فكانت مربوطه في حبل وبيجرها للمخلوق البشع  وكأنها حيوان اليف والاغرب انها بتضحك 

وفي لحظة انتظار عمر ونادر للموت  فجأه سمعو صوت تكسير لباب الخرابه اللي المخلوق حابسهم جواه وهيقتلهم فيه وبعد لحظات دخل اربع رجاله من الجيران سمعو صوت صراخ عمر ونادر وبمجرد دخولهم صرخ المخلوق صرخه بشعه وقال سوف لعمر ونادر سوف تموتون الليله نهايتكم

دخل الجيران وحكو كل اللي حصل  للجيران 

كان الجيران عارفين قصة فاتن لانهم من قريه والناس كلها عارفه بعضها.

بعد  حوالي نص ساعه كان باب بيت الحج علي بيخبط جامد جريت ام فاتن بسرعه تفتح الباب وبتقول فاتن بنتي جت 

كان باين علي ملامحها حزن شديد وواضح انها بتبكي من وقت طويل

فتحت ام فاتن الباب واتفاجأت ان فيه رجاله بتسال علي الحج علي وكان فيهم نادر وعمر 

ندهت علي جوزها الحج علي قالهم اتفضلو وبعد واجب الضيافه حكي نادر كل اللي حصل اما عمر فكان واضح عليه اعراض الجنون تقريبا اعصابه متحملتش الرعب اللي حصل واتجن

الحج علي بصوت مرتعش قال. لا اله الا الله انا كنت عارف ان فاتن بنتي عمرها ماتعمل كدا 

طيب يعني ازاي بنتي فاتن الشيطان رابطها بسلسله وهجم  علي عمر وناذر منكم لله دمرتو بنتي ودمرتوني الله ينتقم منكم هاتولي فاتن ولولا وجود اربع رجاله من الجيران كان زمان حصل جنايه ف بيت الحج علي

كانت الساعه وصلت سته صباحا والكل قاعد مرعوب حتي الجيران  ومحدش عارف يتصرف ازاي وبعد صمت تام دام دقائق قاطعهم واحد من الناس اللي قاعده وقال احنا لازم نروح للشيخ شلهوب 

رد والد فاتن وقال احسن فكره يالا نمشي دلوقتي وفعلا صدق القائل الغرقان بيتعلق بقشه  

وصل اتنين من الجيران ومعاهم نادر وعمر ووالد فاتن بيت الشيخ شلهوب وخبطو الباب فتحلهم راجل مسن وبص للكل باسلوب مريب وقال

مستنيكم من بدري اتاخرتو عليا الكل وقف ف صمت وخوف 

بص الشيخ شلهوب وقالهم ولا ده ولا ده يدخلو خلوهم برا وشاور علي عمر ونادر 

وقعلا دخل الحج علي وجيرانه وحكو للشيخ شلهوب اللي حصل وكأنه وهو بيسمع عارف كل حاجه بصلهم نظرة عطف وقال ياستار فاتن مع اخبث ابناء الجن كان بيقولها بصوت منخفض وكأنه خايف من حاجه 

ولسه الشيخ شلهوب هيتكلم سمع الكل صوت صرخه قويه  من ورا الباب جري الكل ناحية برا وكان الصراخ صوت عمر وهو بيبص لمكان علي الحائط بص الكل لمكان مابيبص عمر اوووووف منظر مقزز وقمة الرعب 

نادر متعلق علي الحيطه في مجموعة من الاسياخ الحديد  مخترقه تقريبا كل اعضاء جسمه 

وفيه صوت ضخكة مرعبه ماليه المكان  كانها جايه من كل ناحيه  

الشيخ شلهوب بدأ يردد اعوذ بالله اعوذ بالله وأخذ  ضيوفه ومعاهم عمر اللي كان بيمشي علي ايديه ورجليه من كتر الخوف ودخلو اوضة الشيخ شلهوب وقفلو الباب

وبمجرد قفل الباب بدأت الاضاءه تتهز وظل بيتحرك في كل انحاء المكان وعمر بيصرخ ماهو شاف الظل ده قبل كده وعارف هو ايه وفجأه حس الكل انهم اتربطو مكانهم وعينهم اتعلقت في ركن من اركان الحائط  

الكل شاااف......
 الجزء الاخير من هنا
القصه حصريه فقط لموقعنا سكير هوم تابعو معنا القصص الحصريه اولا بأول