انتقام الشيطانه البريئه الحلقه الاخيره
النور انقطع تماما وصوت عمر بيصرخ بصوت عالي ‘واضح ان عمر عقله خلاص راح عمر اتجنن بعد اما شاف نادر متعلق في الاسياخ والجن زائير صوت ضحكته في كل مكان وكأنه فرحان باللي ببعمله
اما الشيخ شلهوب فكان بيقرأ تلاوات بصوت عالي والشيخ علي ببقرأ معاه وباقي الرجاله جيران الحج علي الحظ حالفهم وقدرو بهربو من الاوضه وخرجو برا البيت خالص كانو بيجرو باقصي بسرعة رهيبه وكأنهم عدائين في ماراثون عالمي وبيصرخو باعلي صوت عفريت فاااتن بينتقم عفريت قاتن بينتقم
نور الغرفه اللي فيها الحج علي والشيخ شلهوب رجع بس كان قدامهم الجني زائير بمنظره البشع وفاتن مربوطه في حبل وبيجرها كانها حيوان اليف وهي عريانه حاول والدها رغم كم الخوف اللي جواه يغطيها ويغطي مفاتنها لكن زائير منعه
اقترب الشيخ شلهوب من الجني زائير وبدأ يقرأ في تلاوات والجني زائير يصرخ ويقرب منه لحد اما مسك الشيخ شلهوب ورماه في الهوا الشيخ شلهوب طاار وخبط في سقف الغرفه ووقع مكانه مبيتحركش
اتحرك زائير ناحية عمر وقاله هاتلحق احمد ونادر شفت منظر نادر وهو متعلق في الاسياخ ؟ انا اللي علقته هاهاهاها انا استمتعت بصرخات عذابه وروحه الملعونه اخدتها لعالمي زي ما اخدت روح احمد وروحك هتكون معاهم
كان زائير يتكلم وعمر بيبص بهدوء وبيضحك كأنه محدش بيكلمه وفي لحظة غفله من زائير وهو بيكلم عمر نط الحج علي وكأنه لسه شاب في العشرين ناحية زائير وفي ثواني كان علي ضهره وفي ايده زجاجة ميه باين انه قرأ عليها قرأن وقبل مايتحرك زائير رمي الميه علي جسمه
صرخ زائير من الالم وساب الحبل اللي فيه فاتن وفي ثواني معدوده وقع زائير علي الارض وبدأ جسمه في التحول بدأ حجمه يصغر ويصغر لحد اما اتحول لفاتن ايوه فاتن الجميله بص الحج علي باستغراب
مين فاتن وبص ناحية فاتن المربوطه في الحبل كانت بدأت تتحول لواحد شبه احمد اللي قتلته فاتن ايوه هو احمد
الحج علي اتوتر ورجع لورا وبدأ جسمه يترعش اكتر لحد اما وقع في الارض وفقد الحركه من الصدمع
وقتها كان الشيخ شلهوب بيتحرك رغم الالم اللي سببتهوله الصدمه
وكأنه فيه حاجه عارفها واتحرك رغم المه عشان ينفذها وفعلا اتحرك لحد اما وصل لجسم فاتن وبدأ يقرأ تلاوات وهو ماسك راسها وبعد دقايق كل حاجه رجعت لطبيعتها فاتن فاقده الوعي وعمر خلاص فقد عقله الحج علي بيسأل بالحاح غير طبيعي هي دي فاتن بنتي ياشيخ
الشيخ شلهوب رغم انه كان متألم بس جاوبه ايوه بنتك ياحج علي لما حبستها امتلكها شيطان مارد كان بيتمناها وكان شرطها عشان يمتلكها تنتقم من اللي اذوها وبعدها هتكون ملكه لازم نلحق بنتك لو عاوز تساعدها ساعدني ننقلها لاوضتها الضلمه هناك هنلاقي الحل
شالها الحج علي وطلع بسرعه خارج البيت وكان فيه ناس كتيره ملمومه وكل الناس واقفه خايفه واول ما اتفتح الباب كله رجع لورا. كله عارف ان فيه جن في البيت وخايف يدخل
لكن الحج علي مهموش غير ان بنته تكون سليمه وجري بيها باقصي سرعه لحد اما وصل لاوضتها الضمله ومعاه الشيخ شلهوب
بدأ الشيخ شلهوب يقرأ تلاوات وجسم فاتن يترعش بس فاقده للوعي لحد اما اتشق الحائط وخرج منه بني ادم بقرون جسمه مليان شعر لدرجة ان ملامحه اختفت الجني اتحرك ناحية جسم فاتن وهو بيصرخ بصوت بشع ويقول "انا زائير لقد قطعت معها عهدا ولن انقضه لقد جعلتها تنتقم ممن اذوها روحها ملكي"
صرخ الشيخ شلهوب في الجني " اتركها والا ساحرقك " صرخ زائير مره تانيه كان صوته بشع فوق الوصف وقال انا ابن ملك الجان لن يستطيع فان مثلك ان يؤذيني انا حفيد ابليس وبضربة واحده وجهها زائير للشيخ شلهوب كان الشيخ شلهوب فاقد للوعي
وبدأ زائير يقرب منها والحج علي مرتبك وبيحاول يساعد الشيخ شلهوب عشان يحرق الجني ولما فقد الأمل
بص الشيخ علي ل زائير وقال " لم تفي بوعدك فلم تجعلها تنتقم من كل اذاها' بص زائير بغضب شديد وقال " لا لقد انتقمت منهم"
الحج علي بصله وقاله انت ايضا اذيتها نفذ وعدك وانتقم من نفسك
صرخ الجني وكأنه فهم قصد الحج علي
بدأت الاضاءه تهتز
صرخات في كل مكان
الارض بتتهز
كان باب الغرفه بيتفتح
الصرخات في كل مكان
كرسي باربع عجلات وعليه شخص مش باينه ملامحه دخل الاوضه
في ثواني الشخص ده قرب من الشيخ شلهوب
واخد من جيبه زجاجه فيها ماء
رجعت الاضاءه بشكل تام والراجل اللي علي كرسي متحرك وقف مباشرة في وش زائير
وقبل مازائير يتحرك كان الراجل اللي علي كرسي متحرك رمي الميه اللي جوا الزجاجه في وش زائير
بعدها صوت صرخات زائير بيصرخ من الالم وبدأ يرجع لورا ويضطرب في حركاته
وبعدها زائير بقى عبارة عن كتله من اللهب زائير اتحرق
لف الراجل ابو كرسي متحرك ناحية فاتن كان زوجها
قرب من فاتن والحج علي باصص باستغراب
اتحرك الشيخ شلهوب من مكانه بصعوبة شديده وقال شكرا يابني انك صدقت انها بريئه وقبلت تيجي
كان لازم حد اتأذي من زائير هو اللي يرميه بالميه دي عشان يتحرق وانت اكتر واحد اتاذي
رد زوج فاتن وقال انت اللي شكرا ياشيخ شلهوب انك عرفتني الحقيقه انا كنت متاكد ان فاتن بريئه
الشيخ شلهوب وقاله اتحرك من مكانك يابني انت خلاص رجلك خفت وتقدر ترجع تمشي تاني وبقالك يومين بتعرف تمشي بس انت اللي محاولتش فكرت ايدك بس اللي اتحركت
بعد مرور دقيقه فاقت فاتن وهي مش فاكره اي حاجه من اللي حصل غير انها كانت محبوسه
بصت للكل وقالت فيه ايه
رد الشيخ شلهوب وقالها جوزك عرف انك بريئه وجاي يرجعك
رجعت فاتن لبيتها جوزها حبه زاد ناحيتها بعد الظلم اللي اتعرضتله وكان حاسس انه معرفش يحميها
وانتهت كل الاحداث المرعبه الا عمر اللي كان بيصرخ في اوضة في عنبر المجانين ويقول " انا زائير انا ابن ملك ملوك الجان ساعود وانتقم "
انتهت
يهمنا رأيكم في التعليقات
