قصة الجريمه الغامضة الجزئين الثاني والثالث

قصة جريمه غامضه

جريمه غامضه الثاني والثالث والرابع منقلت لها مالك في إيه خير ؟
قالت لي سمر الخدامه أنا شاكه فيها وخايفه منها
قلت لها إزاي فهميني أكتر
قالت لي تصرفاتها غريبه نظرات عنيها ليا بتخوفني ساعات بكون نايمه علي جنبي وأتقلب أنام علي ضهري 
وبالصدفه ممكن أفتح عيني ألاقيها واقفه في الأوضه 
بتبرق ليا أصرخ وأزعق لها بتعملي إيه هنا ؟

تقولي أنتي يا أمال هانم طلبتي مني أقف هنا 
لحد لما تنامي
قلت لها طيب أنتي نمتي إمبارح إمتي
قالت لي حوالي خمسه الصبح فضلت صاحيه 
أنا وسمر بنتكلم سوا وهي بتحكيلي عن حياتها 
قلت لها يعني هي مخرجتش بلليل 

قالت لي خالص دا أنا بقفل الباب بنفسي 
وأخد المفتاح معايا هتنط من الدور السابع بقي
قلت لها يعني أشوفلك واحده غيرها 
أختي قالت لي ياريت وبسرعه لأني خايفه بجد
قلت لها طيب تعالي معايا البيت 
لحد لما أشوفلك واحده غيرها بدل قعدتك لوحدك دي 

قالت لي لا خليني ومتنساش بس تشوفلي واحده غيرها
سلمت علي أختي وخرجت من عندها 
وأنا نازل ملاقتش عم أحمد البواب 
قلت الراجل ده راح فين إختفي يعني

مشيت بالعربية وكلمت واحد صاحبي طلبت منه يشوفلي واحده تخدم أختي قالي هرد عليك كمان يومين 
رجعت البيت تاني يوم لقيت الباب بيخبط بفتح 
لقيت أختي أمال ومعاها سمر إللي بتساعدها 
طبعاً فرحت جداً 
قلت لأختي أخيراً جيتي 

قالت لي جايه أقعد معاك شويه وهمشي رايحه مشوار 
أنا وسمر والموضوع إللي كلمتك عليه إلغيه ماشي  
قلت لها تمام قعدنا نتكلم ونهزر شويه 
وبعدين أختي وسمر مشيوا 
لقيت أختي قالت لي عايزاك تجيلي بلليل ضروري ومتتأخرش

قلت لها طيب ياستي حاضر هجيلك ومش هتأخر ..
بلليل لبست ونزلت من البيت ركبت العربية وأنا في الطريق
لقيت أختي بتتصل بيا بتقولي متتأخرش أوعي متجيش
قلت لها أنا في الطريق وجايلك أهو وقفلت معاها .. 

وصلت للمنطقه إللي أختي عايشه فيها نزلت من العربية 
وأنا داخل العمارة لقيت عم أحمد البواب واقف برا 
سألته واقف برا ليه ياعم أحمد ؟

لقيته قرب ليا وبرقلي بعنيه وقالي خليك في حالك 
وبعدين مش أختك قالت لك متتأخرش ماتطلع ياله بسرعه 
ولقيته دخل العمارة ودخل أوضته وقفل الباب 

أنا إستغربت هو عرف إزاي !!
وإزاي بيكلمني كده لأول مره قلت حسابك معايا ياعم أحمد 

دخلت العمارة وركبت الأسانسير وطلعت للدور السابع 
فضلت أخبط علي شقه أختي محدش بيرد 
أخبط محدش بيرد 
من شدة التخبيط والرزع علي الباب الجيران إللي في الدور إللي فوق وإللي تحت طلعوا من شققهم 
لقيتهم جايين عليا في إيه خير 

قلت لهم أختي كلمتني من شويه وقالت ليا إنها مستنياني في الشقه وأنا بخبط ومفيش حد بيرد 
وخايف عليها أوي قالولي خلاص نكسر الباب ..
بالفعل كسرنا باب الشقه كانت ضلمه شغلنا الأنوار 
وبدأت أدخل الأوض أدور علي أختي مش لاقيها 
دخلت الحمام صرخت بصوت عالي 
لما شوفت أختي واقعه في الحمام 
الجيران جريوا عليا بدأنا نفوق في أختي لكنها مبتنطقش بلغنا الإسعاف والشرطه 
الدكتور أول لما وصلوا كشف علي أختي 
قالي إنها متوفيه خدوها علي المشرحه 
الشرطه بدأت تحقق معايا وياخدوا أقوال الجيران 
خلصوا تحقيق معايا وطلبوا مني إني أروح ليهم القسم بكره علشان يكملوا بقية التحقيقات 
والنيابه لسه كمان هتاخد أقوالى 
تاني يوم روحت القسم وكنت منهار 
بسبب موت أختي وكانت الصدمه ..

إن تقرير الطب الشرعي أثبت إن أختي متوفيه بقالها 4 أيام يعني قيل ماتيجي عندي البيت كانت ميته 
وسبب الوفاه غير معلوم والأغرب كمان إنهم لقوا عم أحمد البواب ميت كمان من 4 أيام بردو في أوضته 
وسبب الوفاه غير معلوم مبقتش فاهم ايه اللي بيحصل واختي ماتت ازاي وايه حكايه سمر  طبعا وكيل النيابه كان عايز يستجوب ناس كتير منهم الجيران وبواب العماره بس غريبه بواب العماره مش ظاهر وبالفعل قوه من الشرطه راحت العماره عشان تشوفه مكنش موجود وسآلوا الجيران قالوا ده من قبل الحادثه وهو مختفي
وصلوا لباب اوضه البواب وفي ريحه ظهرت مش حلوه وامر ظابط الشرطه بكسر الباب فورا وبالفعل دخلوا وكانت جثته في الحمام بنفس وضعيه موت اختي وبعد تقرير الطب الشرعي كالعاده السبب غير معلوم
وصلت لدرجه من الجنون ومبقتش فاهمه

#الجزء_قبل_الاخير
بقيت مستغرب وهتجنن قلت لهم إزاي أنا قربت أتجنن  
قلت لهم طب فين سمر قالولي إحنا لسه بنعمل تحريات وأكيد هنوصل ليها إديت ليهم كل معلومه 
وكل خيط يقدر يوصلهم لسمر دي ..

بعد يومين طلبوني في النيابه بلليل روحت ليهم 
لقيت وكيل النيابه بيديني صورة وبيقولي هي دي سمر 
إللي كانت شغاله عند أختك صح ..

مسكت الصورة وإستغربت قلت له أيوه هي دي فعلاً سمر
لقيت وكيل النيابه بيقولي سمر دي ميته مقتوله من سنه 
طبعا أنا مبقتش عارف أنطق من الصدمه  
بعد ساعه من التحقيق مشيت و وكيل النيابه قالي 
تعالي بكره بردو نكمل التحقيق 
أنا بقيت مندهش ومش عارف إيه إللي بيحصل ده 
وياتري التحقيقات آخرتها إيه ربنا يستر 

ركبت عربيتي ومشيت وأنا عمال أفكر في إللي بيحصل ده وفجأه سمعت صوت في الكرسي إللي ورايا بيقولي ..

" ياتري هترجع البيت تاني وتشوف مراتك "
 ضربت فرمله العربية جامد وبصيت في الإزاز إللي أدامي لقيت سمر قاعده في الكرسي إللي ورايا ......
الجزء الاخير من هنا

بدل ماتدور وتبحث علي الروايات خليها علي تليفونك وحمل تطبيقنا

تعديل المقال