الحلقه_الثالثة_عشر
بعد ان اخذ الظابط
بيانات همس بدء التحقيق،،
الظابط : انتي قابلتي العميد شخصيا قبل المره دي!!
همس : ايوه مره واحده
الظابط : السبب ؟!
همس: مشكله كانت حصلت بيني وبين دكتور كريم ،،
وكان طردني من المحاضره ف روحت اشتكيت ليه،
قبل ما كنت اعرف حتي انه والده،،
وهو خد حقي وخلاني احضر المحاضرات بتاعت الماده تاني..
الظابط : كنتي ريحاله المره دي ليه ،،
همس : كنت عاوزه اسأله عن التحويل لجامعه تانيه ،
الظابط : تحولي ليه ،
همس: ماكنتش مرتاحه ف الجامعه
الظابط :بسبب؟!
همس : مشاكل مع الدكتور كريم وكانت نفسيتي تعبت ،
الظابط:وليه ف التوقيت ده وهو كان احتمال يبقي روح ،
همس : انا شوفت العربيه بتاعته، والتوقيت ده لان كان حصل مشكله تاني لنفس السبب وكنت ف حالة انهيار .
الظابط : طيب ايه ال حصل بعد كده،
دخلت حضرتك المبني وجيت عند باب مكتبه سمعت كأن صوت غريب،،
وحد بيقوله انا مش هسمحلك تفضحني ،او حاجه زي كده !!
:وتكمل همس وجسمها كله يرتعش...
انا مركزتش غير ان ف حد بيستغيث فتحت الباب بسرعه،،
ووووشوفت !
وتبكي همس بشده،،،،
ولا تستطيع ان تكمل كلامها !!
الظابط : كملي ،
يقاطعه كريم :
بعد اذن حضرتك بلاش تضغطوا عليها سبوها تهدي وكملوا تحقيق ف وقت تاني!
الظابط : دكتور كريم اتفضل تقعد وخلينا نشوف شغلنا ،
همس تحاول ان تتمالك اعصابها ،،
همس : انا كويسه هكمل !!
الظابط اوصفي ب الظبط ال شوفتيه
همس : كان الدكتور عبد الحميد قاعد ع مكتبه
وواحد ماسك حديده والنجفه كانت مكسوره،
وتأخذ همس نفس عميق!!
وكان بيضربه ع راسه جامد ،والدم ف كل مكان
هو بص عليا ^-^
وانا قاعدت اصرخ بصوت عالي !!
عشان حد يسمعنا بس الراجل ده قرب عليا بسرعه ،
وضربني ع راسي ومش فاكره اي حاجه تاني !!
الظابط: شوفتي شكل الراجل !!
همس ايوه : كان لابس بدله ،
وكان كبير ف السن شكله مش قاتل !!
الظابط عمره تقريبا؟
همس: ممكن 50او55 من عمر الدكتور عبد الحميد .... الظابط طيب بعيد عن اي حاجه انا اعرف ان ال بيبقي عاوز يحول او عاوز تفاصيل،، بيروح للاداره مش للعميد!!
همس :انا كنت رايحه ليه لسببين ،
السبب الاول /مش عشان هو عميد لاه،
عشان هو والد كريم وكان لازم احكيله ال حصل ،عشان يعرف ان ابنه ظالم !!
كريم بقاطعها بغضب :انتي حتي مدتنيش فرصه تسمعيني وقت اما كنت ف الكافتيريا ،
انا كنت جاي اعتذر لكن انتي حتي مسمعتنيش !!
يبقي انا ال بقيت ظالم!!
همس باستنكار: تعتذر!! حضرتك عمرك ف حياتك وقفتني واتكلمت غير انك تهزأني وتمشي !!
الظابط : دكتور كريم بعد أذنك المره الجايه هتضطر اخرجك برا خليني اشوف شغلي،،
ويكمل الظابط:
طيب ياانسه همس لو جبنا رسام تقدري توصفيه
همس : تقريبا ،
الظابط طيب احنا هنحتاجك تاني معانه ،
ممنوع السفر بدون ماتدينا خبر ،
دكتور كريم معايه دقيقه لو سامحت،
يفتح الظابط باب الغرفه ويجد ف الخارج
الحاج ابراهيم بتوتر يقف ع الباب .........
يدخل ابراهيم الي الغرفه بنبره جاده:
ها ياهمس قولتيله ايه !!!
همس وتنهمر بدموعها : انا اسفه ياعمي انا قولتله ال حصل!!! مقدرتش استحمل ذنب شهادة الزور عند ربنا!!
..............
الظابط : انت ليك اي اتهام ،للبنت ياكريم !!
كريم : لا طبعا مستحيل،
انا واثق انها مش بتكدب وبتقول ال حصل ،،
الظابط: بس انت قولت ان عمها قالك انها مشافتش حاجه!!
كريم: عمها خايف يقعوا ف مشكله ،
بس رغم كده هي مهمهاش!
الظابط: بس ده معناه ان والدك اتعرض لهجوم الموضوع كبير اوي ، لازم نعرف كل كبيره وصغيره ،
وكل شركائه
وهنبدء التحقيق من بكرا !!
كريم : انا جاهز ب أي تفاصيل مطلوبه مني،،
الظابط : تمام والبقاء لله كمان مره ربنا يصبرك ..
اراد كريم ان يشكر همس مهما كان كرهه لها ،
فلقد ساعدته ولم تبخل بشهادتها وتحدت الكل ...
اقترب كريم من غرفة همس فسمع،،،
........
ابراهيم بصوت عالي: فتحيه كان عندها حق انتي خساره فيكي المعروف، ده انا دخلتك بيتي ،بعد ما ابوكي مات وكنت ف الشارع!! ده جزاتي ،
تعرضينا كلنا للخطر !!
انتي عارفه الراجل ال اتصل وهددنا ده !!
قال لو انتي اتكلمتي هيأذيني وهيأذي بناتي!!
ياسمين تبكي : ياعمي بالله عليك هي تعبانه مالوش لازمه الكلام ده
همس بانهيار : سامحني ياعمو
مقدرتش اغضب ربنا واكتم الحق انا اسفه !!
ابراهيم : ولا اسفه ولا مش اسفه!!
من هنا ورايح انا مش عمك انتي اخترتي بنفسك الطريق ال تمشي فيه !!
معاكي فلوسك ال ف البنك وهجبلك
هدومك ،
لكن بيتي انتي مش هتحطي رجليكي فيه تاني !!
همس بصدمه : عمي متقولش كده
انت انت اتت عارف اني ماليش حد غيرك،
اعيش فين واروح لمين؟!! بالله عليك ياعمو بلاش تقول كده انت كده بتطردني !!
ابراهيم بغضب : وانتي جايه تفكري بكل ده دلوقتي؟!
مفكرتيش ليه وانتي بتشهدي ف المحضر!! الكلام ال عندي قولته؟!
من النهارده مش عاوز اشوف وشك تاني!! وشنطة هدومك هسبهالك مع الممرضه تحت ،
وخرج ابراهيم بغضب وضرب الباب خلفه!!
ياسمين تبكي وتحضن صديقتها
متزعليش ياهمس والله هتتحل ياحببتي اهدي بس ياقلبي frown رمز تعبيري
ده ابتلاء من ربنا ليكي
همس بهدوء متفاعل : انا فعلا ماليش حد ياياسمين اهلي ماتوا وعمي ال كنت فكراه بيحبني طلعت بالنسباله ولا حاجه ...
ياسمين : هو بس زعلان شويه عمره ماهيجبلك شنطة هدومك،
هتتحل ياهمس
همس : اللهم انت حسبي وولي ونعم الوكيل ماليش غيرك يااااارب
...............
كريم : كل مره كنت بظلمها ياياسر دلوقتي بقت ف الشارع مالهاش حد تروحله، وعمها الحيوان ده طردها !!
ياسر : بنت بمية راجل
كريم : انا تعبان اوووي ياياسر مش قادر اتخيل ان والدي كمان راح اول مره احس اني ضعيف وماليش ضهر يحميني، علطول كنت بعمل اي حاجه وانا متاكد انه ورايه !
وهيحميني من اي حد، دلوقتي حاسس اني ضعيف اووي رجعت طفل عندي عشر سنين!!
ياسر : كريم لازم تشد حيلك اكتر من كده انت مسؤليتك كبرت اوي ،
ف مستشفيات لازم فيها متابعه!!
وشركات لازم تتابع شويه،
الموضوع صعب عليك، انا عارف بس لازم تركز ع الاهم
ده قضاء ربنا
كريم : والله العظيم ياياسر لو اخر يوم ف عمري لازم ارجع حق ابويا
كريم : كل مره كنت بظلمها ياياسر دلوقتي بقت ف الشارع مالهاش حد تروحله، وعمها الحيوان ده طردها !!
ياسر : بنت بمية راجل
كريم : انا تعبان اوووي ياياسر مش قادر اتخيل ان والدي كمان راح اول مره احس اني ضعيف وماليش ضهر يحميني، علطول كنت بعمل اي حاجه وانا متاكد انه ورايه !
وهيحميني من اي حد، دلوقتي حاسس اني ضعيف اووي رجعت طفل عندي عشر سنين!!
ياسر : كريم لازم تشد حيلك اكتر من كده انت مسؤليتك كبرت اوي ،
ف مستشفيات لازم فيها متابعه!!
وشركات لازم تتابع شويه،
الموضوع صعب عليك، انا عارف بس لازم تركز ع الاهم
ده قضاء ربنا
كريم : والله العظيم ياياسر لو اخر يوم ف عمري لازم ارجع حق ابويا حتي لو ايه حصل!!
ياسر بمواساه : حق ابوك هيرجع كل حاجه محتاجه وقت ،
،بس خلي عندك امل !!
كريم انا طلعت اذن الدفن ،وخلصت الاجرائات ياله بينا عشان نلحق نسافر ندفنه....
.........
الممرضه خلاص كده احنا اتاكدنا الحمدلله ان مفيش اي نزيف داخلي، كده ممكن تعملي اذن خروج وتمشي !
همس : هو عمي مش برااا !
الممرضه: لا مشوفتهوش من امبارح
ياسمين :هنزل ياهمس اعمل اذن الخروج ونروح ياحببتي،،
وزي ماقولتلك توكلي ع ربنا
وماتفكريش ف اي حاجه ممكن تزعلك اتفقنا^-^
همس بابتسامه حزينه : اتفقنا
..........
ياسمين ف الموبيل : بس ياماما ده كل ال حصل وقالها مش عاوز اشوف وشك ،
بحاول اطمنها بس انا كمان مش عارفه هعمل ايه !!
ام ياسمين : حسبي الله ونعمه الوكيل ازاي يرمي بنت اخوه كده اوعي تسبيها ياياسمين جبيها تبات معاكي، واخوكي انا هخليه يبات عند خالتك الفتره دي، لحد ما نشوف حل !!
ياسمين : طيب ياماما انا خلصت الورق اهه وهجيبها واجي ......
ياسمين :استني ياهمس هوقف تاكسي
همس : هروح فين ياياسمين
ياسمين : انتي غبيه طبعا هتيجي تباتي عندي ،
همس والدموع تنزفر من عينها : لا انا هروح عند عمي وديني ليه هو كان زعلان شويه بس لكن لو شافني هيدخلني ،،،
وتكمل كلامها بأمل: وبعدين هو قالي هسيبلك هدومك مع الممرضه ،وهو مجابش حاجه ده معناه اني ارجع البيت !!
ياسمين لم تعرف ماذا تفعل؟! فلقد رضخت لطلب صديقتها فلم ترد ان تقتل اخر امل بداخلها!!
وذهبوا سويا الي بيت عمها....
همس بتردد : ترن جرس الباب وبعد فتره ليست بكبيره !!
فتحيه : مين
همس بصوت مكسور : انا همس لم تجب عليها تركتها ع الباب خمس دقائق !
ثم انفتح الباب
فتحيه : شنطتك هدومك اهه ورمتها لها ،،
ودي الفيزا ال فيها فلوس الارض بتاعتك، عمك مش بياكل فلوس مش بتاعته !!
وتكمل فتحيه : ابعدي بقي عننا مش عاوزين نشوف وشك تاني !
وهمت ان تغلق الباب ..
اوقفتها همس ببكاء كالاطفال: فين عمي عاوزه بس اكلمه
فتحيه ببرود متفاعل : وعمك مش عاوز يشوف وشك ،
ولم تعطي لها فرصه لتكمل حديثها واغلقت الباب بوجهها..
................
#هاجر_أنور
#الحلقه_الرابعة_عشر
.......
لحظة صمت ، قاطعة هذه اللحظه صديقتها ،،
ياسمين : ياله ياهمس، متقوليش غير حسبي الله ونعمه الوكيل !!
لم ترد همس عليها ،
فقط ذهبت معها فلم يكن بيديها شئ اخر........
ام ياسمين : حمد لله ع سلامتك ياهمس، والله كان نفسي اجيلك، بس انتي عارفه ان ابو ياسمين تعبان ومينفعش اسيبه لوحده !!
همس بتماسك : والله عارفه ياطنط ربنا يشفيه يارب،
ام ياسمين : همس يابنتي انتي زيك زي ياسمين بالظبط ،
اوعي تحملي هم حاجه وهي اوضتها كبيره باتوا فيها انتو الاتنين،
ومتقلقيش احمد راح عنده خالته
انتي عارفه انها عايشه لوحدها ،وبتتمني بس انه يقعد معاها ،
همس : انا اسفه ياطنط ع اللغبطه اللي حصلت بسببي، والوضع مؤقت لحد مااشوف هروح فين،
وتحاول ان تممالك دموعها : مش عارفه اشكركم قد ايه انتم فتحتولي بابكم ف الوقت ال كل الابواب اتقفلت ف وشي،،
ام ياسمين : طب بس متتكلميش، انتي جايه تعبانه ادخلي نامي كده وارتاحي والصباح رباح
.............
كريم يجلس ف غرفته وفي يده صوره تجمعه هو ووالده وامه ،
ياااااااااااه يابابا سبتني لمين ف الدنيا دي !!
انا ايه من غيركم ،بس اوعدك اني هجبلك حقك،،
وهكون قد المسؤليه ال انت سبتهالي !!
هثبتلك اني راجل ...
ويقاطع تفكيره وكأنه قد تذكر شئ ،،،
ثم يمسك هاتفه ويطلب رقم !!
كريم : الو
الطرف الاخر: مستشفي المستقبل الموظف : ايوه اتفضل
كريم: لو سامحتي عاوز اسأل ع المريضه همس هاني محمود
الطرف الاخر: لحظات معايه.........
هي خدت اذن خروج الساعه سابعه النهارده وخرجت ،
كريم :طيب بعد اذنك ممكن اي رقم تليفون ليها او لحد من اهلها ف البيانات عندك!!
الاداره :اسف يافندم مش هقدر ،
يغلق كريم الخط ..
انا ازاي نسيتها ياتري عاملت ايه مع عمها!!!
....
ياسمين : هموستي موبيلك بيرن من بدري
همس بلهفه : مين عمي؟
ياسمين: مش عارفه ظاهر رقم غريب اهو بيرن تاني!
همس : سلام عليكم
كريم : عليكم السلام
ازاي صحتك يادكتوره همس ،،
همس:.......
كريم : الو
همس : مين معايه
كريم : انا كريم عبد الحميد
همس : انا كويسه الحمد لله
كريم : اتصلت بالمستشفي وقالوا انك خرجتي،
همس: انت جبت رقمي ازاي !
كريم : الظابط هو ال اتصل بيا ، اتصل برقم عمك ال كان موجود ف المحض،ر وعمك قاله انه مالوش دخل بالموضوع ،وانك سبتي البيت واداله رقمك ده...
فاانا قولت اتصل بيكي انا ،
عشان اعرفك ان هما محتاجينك النهارده ف القسم ،
هو انتي قاعده فين دلوقتي !
همس : بيتهيألي حضرتك دي حاجه متخصكش !
كريم : ازاي بقي وعمك طردك عشان شهادتي ف قضية قتل ، اللي هي كانت تخص والدي انا!!
همس : تمام حضرتك تقدر توفر نظرة العطف دي، انا مش محتجاها! وابعتلي عنوان القسم ف رساله،
ولم تعطه فرصه للرد واغلقت الخط!!
ياسمين : عاوزينك ف القسم
همس : ايوه،
ياسمين طيب انا هااجي معاكي
همس : لا طبعا انا مش هقبل انك تدخلي قسم كفايه انا، هخلص وهااجي !!
ياسمين : طيب ياحببتي وابقي اتصلي طمنيني
همس : حاضر
.............
كريم: انا لو اطول اولع ف عمها ده كنت عاملت كده!
ياسر : طيب وانت هتروح القسم ليه ،،
كريم : الصراحه مش عارف هروح ليه، يعني اصل ال اتقتل من 4 تيام ده مش ابويا! والبنت ال راحه القسم ده عمها مطردهاش عشان برده ابويا !
ياسر : ده انت شلل روح انا مالي انا ،،
كريم : روح مر ع المستشفيات زي ما قولتلك ياياسر، ولو فيه اي حاجه عرفني ياله سلام !
ياسر: حاضر ياخويا اصل كنت خلفتك ونسيتك سلام!
همس تدخل القسم كريم : انسه همس
تقف همس
كريم : حمدلله ع سلامتك،
همس: الله يسلمك
،لو سامحت اروح للظابط ازاي عشان اول مره ادخل مكان زي ده،
كريم : انا كده كده رايح ليه !
في مكتب الظابط تجلس همس وهي توصف شكل الرجل ويوجد رسام ،
ويجلس كريم
الظابط : ها شكله كده
همس : قريب من كده كتير
تعرف حد شكله قريب من كده يادكتور كريم،
جاوب كريم بالنفي
الظابط: تمام ياانسه همس لو احتجنالك تاني هنستدعديكي اتفضلي انتي ،
همس : سلام عليكم وغادرت المكتب
الظابط : كريم استني عاوزك ،
كريم يغادر المكتب: هجيلك بكره ياكامل
...........
خرجت همس من القسم،
وكريم خلفها !!
فقد قرر انه سيتابعها، حتي يعرف اين تسكن هي، لكي يطمئن عليها.....
اوقفت همس تاكسي
وكريم خلف التاكسي ب سيارته،،
كريم يبتسم ويحدث نفسه : علي اخر الزمن بقيت اراقب حد،
وفي منتصف الطريق حدث شئ غريب ،
وجد سيارتان سود، اوقفوا التاكسي، وضربوا السواق،، وهمس تصرخ !!
ثم اخرجوها ووضعوها ف احدي السيارات ،
كريم بصدمه وقد هم ان يخرج من السياره ولكنه تراجع فالمكان لم يوجد به احد ،
وعددهم اكثر من ثمانيه لايستطيع قتالهم ،،
قرر ان يكمل عمله !!!
وهي مراقبة السياره التي يوجد بها همس.، ولكن ف هذه المره لابد ان يكون اكثر حذر ،
فلقد ترك مسافه كافيه بينه وبين السياره ،
اخذت السياره تذهب ف طريق العاشر
وتدخل ف شوارع مختلفه،
حتي وصلت ال فيلا شبه مهجوره!! فقاموا بأخراجها وهم مغمين عينها ،،
اغلق كريم انوار سيارته
كان ف اصعب وقت ف حياته فلم يوضع ف هذا الموقف من قبل.
كريم : انا لازم اتصل بالشرطه !!
وانا عرفت المكان اهه
طلب كريم بعض الارقام
ايوه ياكامل الحقني :وحكي له ماحدث
الظابط :خلاص عرفنا المكان اوعي تتحرك او تدخل لحد مانيجي،
اغلق كريم الخط
وقد كان شديد القلق ع همس ،
ويحدث نفسه: لا ماانا مستحيل هافضل قاعد كده الله اعلم بيعملوا فيها ايه جوا،
وعلي ما الشرطه تيجي ممكن يبقوا قتلوها خرج من سيارته، وقفز فوق سور الفيلا ودخل الي الداخل فلقد كانت فيلا مهجوره ولا يوجد عليها اي حراسه! سوي غرفه وحيده ف الحديقه ،
كان يوجد عليها حارسين
وهذا يعني ان همس بداخل هذه الغرفه ....
اقترب كريم بحذر
ونظر من شباك الغرفه فوجد همس مربوطه بحبل وجالسه ف زاوية الغرفه ،
ولكن تفاجأ كريم بضربه علي رأسه من خلفه، أفقدته الوعي،،
ولم يشعر بشئ بعدها!!
بقية الحلقات من هنا
