 |
| في عشق الياسمين |
الحلقة الاولى بقلم : هدير محمود
ياسمين :ماما انا عايزه اخرج مع اصحابى
ام ياسمين : لا قولتلك لا يعنى لا هو كل يوم كده يا ياسمين
ياسمين : يا ماما والنبى وافقى بقى كل شويه لأ
.....
دى حكايتى .... انا ياسمين عندى ٢٤سنه متخرجه من كليه اداب اجتماع وحيده ماما وبابا والدى اتوفى من سنتين وماما وكيله فى مدرسه خاصه بتخاف عليا جدا لأ دى بتخاف عليا جدا جدا جدا مليش اصحاب غير دعاء ما كلهم بعدوا عنى من كتر تدخل ماما هى بتمحى شخصيتى قدامهم وعلطول كلمى دى ومتكلميش دى ومتجرجيش ومتجيش ومتعمليش
من وانا فى ابتدائى وهى علطول معايا لحد ثانوى وكليه
تخيلوا كانت تستنانى برا الكليه وانا بحضر محاضراتى وتاخدنى من ايدى وترجعنى البيت حتى دروس ثانوى كانت برده تنتظرنى
هى بتخاف عليا خوف مرضى بتعتقد ان العالم غابه وانا لو مشيت لوحدى ممكن حيوان مفترس ياكلنى
هى اصلا مش بتخرجنى غير معاها حتى دعاء صاحبتى بتجيلى البيت لكن انا اروح لها او اخرج معاها لا
.............
ياسمين اجرت اتصال
ياسمين :دعاء تعاليلى حالا
دعاء: خناقه كل يوم صح . حاضر هجيلك
....
وجت دعاء اصل هى بيتها جمبنا وقدى فى السن وكانت معايا فى الكليه
....
دعاء: ياسمين يا حبيبتى مامتك بتخاف عليكى وبصراحه كده هى مش هتحل عنك غير لما تتجوزى لكن محاولاتك دى بتحرق اعصابك وبس
فارضى بالامر الواقع وخلاص
ياسمين : يا دعاء انا وحيده وحياتى ممله حتى الشغل مرضتش اشتغل حاسه انى مليش اى دور
دعاء: يا حبيبتى اهدى بس مامتك بتخاف عليكى قلب الام بقى هنعمل ايه انتى حاولى اشغلى نفسك واخرجى معاها وصاحبيها وربنا يهديهالك يارب
..........
وبالفعل ياسمين عملت كده وبدات تصاحب مامتها لكن مامتها كانت متسلطه على حياتها وبتدخل بيها او ياسمين شايفه كده وياسمين كانت بترفض ده علطوووول
فى يوم
......
ياسمين : يا ماما هخرج يعنى هخرج انا مش صغيره وبعدين مبقاش ليا غير دعاء وده اول يوم ليها فى شغلها وعايزانى احتفل معاها
مامتها : تحتفلوا هنا مش برا وبعدين انتى مبتزهقيش كل يوم خروج خروج مفيش خروج
ياسمين بنفاذ صبر : لا هخرج وغصب عنك كمان يلا بقى
جرت من البيت وخرجت وراحت لصاحبتها
والده ياسمين : والله لما ترجعى بقى هعرفك ازاى تعملى كده تانى
دعاء_:ايه ده اخيرا خرجتى لوحدك
ياسمين :_ خرجت غصب عنها جريت وسبتها
دعاء: يا نهارك اسود دى لما ترجعى هتطين عيشتك
ياسمين : تعمل اللى تعمله انا تعبت خلاص
............
وخرجوا واتفسحوا وبالفعل ياسمين حست انها مبسوطه وان ناقصها كتير جدا خروجه الاصحاب وجنانهم حاجه تانيه غير الاهل لكن فيه جزء جواها بيقول انها بتعمل حاجه غلط
......
ورجعت ياسمين البيت
.............
ياسمين : السلام عليكم ايه ده خالى حسن
حسن : وعليكم السلام اهلا بالهانم اللى هربت من البيت
وطااااخ طااااخ
والده ياسمين : كفايه يا حسن ياريتنى ما قولتلك
حسن : سيبينى اربيها قليله الادب دى
وضربها لحد ما وصلت للمستشفى
..........
فى المستشفى
ياسمين بتعب :مبسوطه كده يا ماما
مامتها بدموع :والله يا بنتى انا بحبك وخايفه عليكى افهمينى
انا اتربيت من غير ما امنا تعرف عننا حاجه كل همها جوزها وخلاص لكن احنا مرميين شويه عند مرات ابونا وشويه جوز امنا لما جيتى تعبت فى حملك اوى وجيتى تنورى دنيتى حلفت انى اهتم بيكى واراعيكى والله يا ياسمين بحبك
ياسمين بدموع:_ وانا نفسى احس بشخصيتى نفسى احس انى بنى ادمه مش مجرد خدامه لشغل البيت ومليش حقوق لا اخرج ولا اشم هوا وانتى بترجعى من الشغل تعبانه وبتنامى اقعد مع مين واكون مع مين بس
مامتها : وعد يا حبيبتى هكون جمبك وهسيبك تخرجى شويه بس تطمنينى علطول وتوعدينى تتصلى بيا علطول
ياسمين بفرحه : حاضر يا ماما
........
وبالفعل بدات ياسمين تخرج وتشم هوا مع اصحابها فى الاول كان كل خروجتها عبارة عن تجيب لبس وميك اب وتتفسح وبس بعد كده اكتشفت حبها للقراءه وبدات تشترى كتب وكانت بتعشق القرايه جدا
لحد ما فى يوم
...
دعاء: ياسميييييين ياسميييييين
ياسمين : نعم يا مجنونه
دعاء: انا جايلى عريس يا ياسمين وهيسفرنى برا
ياسمين : بزعل وهتسيبينى لوحدى يا دعاء
دعاء : بقولك هسافر وهشوف الدنيا انا مبسوطه اوى
ياسمين : ربنا يتمم بخير
دعاء: عقبالك يا سمسم انا مبسوطه اوى شوفى جايبلى ايه
ياسمين : الله حلو اوى يجنن عليكى الخاتم ده
دعاء : وبيقولى كمان انه هيسفرنى معاه ويفسحنى فى كل بلد هو دكتور صيدلى وعلطول بيسافر فى مؤتمرات وهلف الدنيا معاه هو يشتغل وانا افلسه
هههههههه
ياسمين :هههههههه والله انتى مشكله يا دعاء ربنا يسعدك يارب
.........
وبداوا يجهزوا ترتيبات الخطوبه وياسمين علطول مع صاحبتها
..........
فى يوم بالليل دعاء جت لياسمين البيت
دعاء :ياسمين ياسمين
ياسمين : مالك يا هبله فى ايه
دعاء : رافت خطيبى يا ياسمين
ياسمين :ماله يا زفته قلقتينى
دعاء :اصل باسنى 🙈
ياسمين : يخرب عقلك فكرت فيه حاجه وبعدين ثوانى هو مش انتوا كنتوا خارجين سوا
دعاء : اه خرجنا وباسنى فى العربيه الوقتى وانا مكسوفه اوى جريت من قدامه وجيت لك
ياسمين : ههههههه يخرب عقلك يعنى رافت برا طب تعالى نخرج نسلم عليه حد يعمل كده
خرجوا و رافت كان واقف بيضحك على تصرف خطيبته
رافت : ازيك يا ياسمين
ياسمين : ازيك يا رافت ايه واقف ليه اتفضل
رافت : لا الوقت اتاخر تسلمى انا كنت بوصل دعاء بس تقريبا كنتى وحشاها لدرجه انها تسيبنى وتجيلك جرى
ياسمين : لا هى دعاء بتحبنى اوى احنا زى الاخوات فكانت بتطمنى انها وصلت
رافت بضحك : ماشى
رافت لدعاء : ها طمنتى صاحبتك مش يلا بقى على البيت
دعاء: احم اه يلا وجريت من قدامهم فى وسط ضحك ياسمين ورافت
......
ومرت الايام على ابطالنا لحد ما فى يوم فرح دعاء وسفرها برا مع جوزها
...
ياسمين بدموع : كلمينى علطول يا دعاء متنسنيش
دعاء :طبعا انا ليا غيرك انتى اختى
ياسمين :ربنا يخليكى ليا يارب
دعاء :ويخليكى ليا يارب
.. ............... ......
وبقت ياسمين ترجع تانى لوحدتها ومكنش قدامها غير الكتب والروايات وبس
وبدات تقرا كتير جدا واصبحت الكتب والروايات اصحابها
كانت بتخرج باعتدال وبدات مامتها تثق فيها ويقل خوفها وبدات شخصيه ياسمين تتغير وتعقل من القصص والكتب اللى بتقراها وبدات تعذر والدتها وتحس بيها وبخوفها وبدات تقرا فى علم النفس والسلوك وعلاقتها هى ومامتها اتحسنت كتير بل ان ياسمين هى اللى بقت تحب تقعد مع مامتها واتعلقت بيها جدا
ياسمين : عارفه يا ماما انا بحبك اوى انتى بتحبينى وبتخافى عليا وعمرك ما حرمتينى من حاجه ربنا يخليكى ليا
مامتها :ويخليكى ليا يا حبيبتى وافرح بيكى يارب
الا صاحبتك دعاء اخبارها ايه
ياسمين : مجننه جوزها المجنونه دى بس والله طيبه ورافت بيحبها وطاير بيها
مامتها : ربنا يرزقك بابن الحلال يارب اللى يهنيكى ويسعدك
ياسمين : يارب يا ماما يارب ......
..............
ياسمين فى اوضتها
بتتصفح الفيس بوك
ياسمين : اوبااا بقى اخيرا مكتبه جديده اتفتحت عندنا وكمان المحافظ هيفتحها انا لازم احضر الافتتاح واشترى شويه كتب
....
وبالفعل ياسمين حضرت الافتتاح واتصورت من ضمن الشباب اللى حضروا الافتتاح وكذا حد من الكتاب المشهورين كان حاضر ومضت على كل الروايات والكتب اللى جابتها ورجعت بيتها مبسوطه
....
فى البيت
ياسمين بتفرج امها الكتب اللى اشتريتها لقت كتابين شبه بعض تقريبا من الزحمه اخدت كتابين بدل كتاب وقالت بكرة هروح المكتبه ارجعه او ادفع تمنه
.....
وتانى يوم راحت ياسمين المكتبه
_السلام عليكم
البائع _ وعليكم السلام اؤمرينى يا فندم
ياسمين : الامر لله انا جيت اقول لحضرتك ان امبارح حضرت الافتتاح وتقريبا كده اخدت كتاب زياده فكنت جايه ارجعه
البائع : تحت امرك يا فندم
ياسمين _ الامر لله اتفضل الكتاب ياا..
_ انا اسمى محمد
......
تفتكروا محمد ده هيكون ابن الحلال ولا ؟
وياسمين هيكون مستقبلها فى الكتب ولا مستقبلها هتكون ايه
الجزء الثاني من هنا
