يجلس يوسف ف الصالة يفكر ف وضعها ياترى ماذا تفعل الآن وفكر أنه يروحلها وفجأة سمع صوت باب غرفتها يفتح وسمع صوت باب الثلاجه يفتح صنعت لنفسها شاى باللبن واحضرت بقسمات وذهبت إلى الصالة
أميرة : ممكن افتح التلفزيون
استغرب يوسف
يوسف: عادى
فتحت التلفزيون ع فيلم كوميدى وبدأت تصدر اصوات من قرمشة البقسمات وبدأ صوتها يعلو بالضحك
استغرب يوسف منها بعد كل ال حصل وعندها كل هذا التحمل
من يوم زواجها منه وارغامها عليه وما فعلته امه ومرات عمه وهو وطريقته القاسية وأخيراً زوجة أخيه وأخيه ، من اين تأتي بكل قوة التحمل هذه
أميرة : انا اسفه
يوسف : نعم ، ع اى
أميرة : انا السبب ف ال حصل انت مش بتحب الدوشة ولا الصوت العالى بس انا مقصدش كل ال حصل غصب عنى
استغرب يوسف منها ومن اعتزارها فهى التى لها الحق أنه يعتذر لها
لم يرد يوسف ع كلامها وفضل السكوت
أما هى فعادت الى القرمشه والضحك مره اخرى
أميرة : بس انا مبسوطه جداً جداً
شوفت ولاء واطمنت ع اخواتى وابويا وامى وولاء خلصت ورقها كله وهتبتدى دراسه ربنا معاهم كلهم يارب
يوسف : بصوت عالى خلاص خلاص كفايا انتى اى مش حاسه ب ال بيحصلك ابكى صوتى اعملى حاجه مفيش حد كدا انتى مش طبيعيه
أميرة : تصبح ع خير
وذهبت إلى غرفتها ووضعت جسدها ع السرير وقرأت الأذكار وراحت ف نوم عميق
ف غرفة اولاد صالح
ينظر عمر وعاصم إلى السطح وهناك حالة من الصمت
رن جرس هاتف عمر ولم يهتم بالمتصل
عاصم : يأما ترد ع الزفت دا يأما تقفله
عمر : مليش نفس ارد ع حد
عاصم : انا صعبانه عليا أميرة
عمر : وانا
عاصم : مش هتنام
عمر : نام انت ليه صاحى لحد دلوقتي
عاصم : انا حران انا طالع ف البلكونه
عمر : بلهفه روح روح شم الهوا خد راحتك ع الآخر
عاصم : ومالك فرحان كدا ليه
عمر : لا عادى
عاصم : آه فهمت انت عايز تاخد راحتك مع حبيبة القلب
عمر : تقصد مين
عاصم : هو ف غيرها شريفه
عمر : بعدم مبالاه اه اه صح
خرج عاصم البلكونه مسك الهاتف
اتصل متصلش اتصل متصلش وحسم أمره ع الاتصال
ولاء : السلام عليكم
عاصم : وعليكم السلام هو انتى اى حد بتردى عليه ع طول
ولاء : كنت مستنيه أميرة ترن او اى حد يطمنى عليها . واكيد المتصل الغريب هيكون انت او عمر
عاصم : باستغراب عمر مييين
ولاء : اخوك يعنى عمر مين ، هى أميرة عامله اى انا قلقانه من ال حصل حتى مقولتش لحد هنا وقولتلهم اتصلت وطمنتنى عليها
عاصم : والله أميرة زى الفل
ولاء : متأكد
عاصم : اه والله هى زى الفل
ولاء : الحمدلله
واخدوا حوالى ربع ساعة يتكلموا وبعدما قفلوا نام عاصم ع الكرسى وهو ينظر الى النجوم
داخل الغرفة
ولاء : السلام عليكم
عمر : وعليكم السلام هو انتى بتردى ع اى حد
ولاء : هههههههه هو انتوا حافظين نفس المنهج
عمر : تقصدى اى
ولاء : لا ولا حاجه
عمر : انا رنيت
ولاء أكملت : عشان تطمنى ع أميرة
عمر : صح ما شاء الله عليكي لماحه ، هو انتى كنتى بتكلمى مين
ولاء : ويخصك ف اى اكلم مين ولا مكلمش مين
عمر : عادى بطمن عليكى
ولاء : آه قولتلى . عموما كنت بكلم عاصم
عمر : باستغراب عاصم مين
ولاء : اخوك كان بيطمنى ع أميرة
عمر : اه قولتيلى .
واتكلموا حوالى ربع ساعة
دخل عاصم فجأة ع عمر
عمر : طيب هتصل بعدين
ولاء : وانا كمان رايحه انام لو فى حاجه بخصوص أميرة اتصل لو مفيش مسمعش صوتك ياعندليب
عمر : هرد عليكى بعدين ، سلام دلوقتي
وقفل السكة ، وجلس بجانبه عاصم
عاصم : بتكلم مين
عمر : وانت مالك
عاصم : يعنى كنت عايزنى اطلع عشان تتصل بولاء
عمر : وانت طلعت عشان تكلمها
عاصم : عمر انت خاطب
عمر : دى حاجه متخصكش
عاصم : ابعد عن ولاء
عمر : ف اى ياعاصم اى ابعد عن ولاء هو انت بينك وبينها حاجه
عاصم : لأ ، وبعدين مينفعش
عمر : فعلا مينفعش دى عمها قاتل عمك وبعدين احنا مش ع بالها واكبر دليل انها واخده ارقامنا احنا الاتنين وكمان بتقول لكل واحد فينا انها كلمت التانى هى قالتلى انها كلمتك واكيد قالتلك انى اخدت رقم فونها يعنى نيتها تطمن ع اختها ملهاش نيه ف حاجه تاني والا مكنتش قالت لكل واحد فينا أن احنا بنكلمها ولاء محترمة مش ع بالها تلعب بينا وانت اخويا وانا عارفك هتسلى شويه وبعدين
عاصم : ملكش دعوه
انت مش من حقك تقولى ابعد عنها محلل لنفسك كل حاجه وانا مش ف نيتى العب بيها دى اخت مرات اخويا وبعدين بص لحالك عامل نفسك مؤدب ومحترم وملاك وانت خاطب وبتفكر ف واحده تانيه انت ال بتلعب مش انا
وانا ال بقولك ابعد عنها
لم يرد عمر ع كلام أخيه ، فاخيه عنده حق
عمر : تصبح ع خير
عاصم : وانت بخير ياخويا
الكل ذهب إلى النوم ما عدا يوسف ف ظل طوال الليل يفكر ف أميرة ويفكر من اين تلك القوه التى تمتلكها ف اى واحده غيرها لكانت فعلت الكثير والكثير
الحلقه الرابعه عشر
اميرة في بيتنا
صحيت أميرة ف آذان الفجر قامت لكى تتوضأ وتصلى خرجت إلى الحمام
سمعت صوت خبط ف غرفة يوسف ذهبت لكى ترى ماذا يجرى هناك
خبطت ع باب الغرفة
يوسف : وكان يعلم أنها هى قامت لتصلى الفجر ، ادخل
فتحت أميرة الباب ووجدت يوسف والغرفة كلها متكركبة
أميرة : هو ف اى انا سمعت صوت وقولت اطمن
يوسف : برتب الاوضة
أميرة حبيت تقوله اساعدك ولكن عارفه انه مش هيقبل وربما يرفع صوته عليها : طيب انا هروح اصلى
يوسف : خلصى وتعالى
أميرة : اجى فين
يوسف : يعنى هتاجى فين ، روحى صلى الأول
أميرة : استغربت أميرة حاضر هروح واجى بسرعة
يوسف : خدى راحتك
ذهبت أميرة لتصلى وبعد أن انتهت ذهبت الى غرفة يوسف
يوسف : ادخلى
أميرة : تحب اساعدك
يوسف : حطى الكتب ال ع السرير ف كرتونه
أميرة نظرت الى الكتب كلها كتب عن الصيدلة وعن الطب
أميرة : حاضر ، كل دى كتب محتفظ بيها بس دى فيها كتب طب
يوسف : الطالب الشاطر يذاكر اى كتاب قريب من تخصصه
أميرة : دى رحمه بتخلص كتبها بالعافية
وبدأت ف الثرثرة
رحاب الكبيرة والسنة دى اخر سنة ف الكلية قال هتبقى مدرسة اصلها تربية انا معرفش هتعلم العيال ازاى
هتمسك العيال طبلة وطار ، تعرف
يوسف : لا معرفش
أميرة أكملت كلامها كل ليلة كانت تعمل فرح رقص وغنا
أما رحمه لحد دلوقتي بابا بيقول معرفش دخلت صيدلة ازاى كل ما يدخل عليها يلاقيها بتغنى وعايشه دور نجمة وإنها ام كلثوم في زمانها ومصدعنا بصوتها دى كانت تذاكر بالشبشب وامى كانت تقعد جنبها عشان تذاكر أما ولاء اولى كلية علوم دى بقا مفيهاش دماغ اصلا ملهاش زاوية بتحب اللبس والأكل والفسح لما يكونوا اخواتى الأولاد قاعدين كل يوم لازم يخرجونا ، وسكتت فجأة
يوسف : وانتى
أميرة : حبت تغير الموضوع ، انا رتبت الكتب احطها فين
يوسف : تحت السرير ف كتاب اسمه الطب بالاعشاب اقريه
أميرة : دا بجد
يوسف : اه بجد
وبدأت تثرثر مرة أخرى
اخويا محمود اكبر واحد وهو العاقل ال فينا حنين قوى ولما بياجى بيجبلنا هدايا كتيييير
امى ببتحايل عليه يتجوز بس مفيش واحده عجباه
أما جلال دماغه زينا لو غنينا يعنى معانا ولو رقصنا يطبلنا ، خطب مرتين بيقول أنهم نكدين وهو عايز واحده فرفوشه
يوسف : فرفوشه
أميرة : هههههههه هى كلمه مش حلوه ولا اى
يوسف : سكت لبعض الثوانى فضحكة أميرة اثارته فهى ضحكة من القلب ضحكة بريئة مش خبيثة ، حكيتى ع الكل ومقولتيش حاجه ع نفسك
أميرة : اقولك حاجه بس من غير عصبية
يوسف : حسب الحاجه
أميرة : انضف الاوضة بس والله هخلى كل حاجه ف مكانها
وجدت يوسف مردش
خلاص خلاص من غير تعصيب انسى ال قولته
يوسف : مش المفروض تنامى
أميرة : منا طول النهار نايمه هو انا بعمل حاجه غير النوم
يوسف : متغيريش حاجه من مكانها
أميرة : فهمت أنه وافق ، حاضر والله ما هغير حاجه
أحضرت ادوات التنضيف وبدأت ف التنضيف
وهى بتنضف تخلص موضوع وتفتح موضوع آخر
وهو لم يسكتها عن الكلام حكتله عن ابوها وامها ومواقفهم المضحكه معهم
والمقالب ال بيعملوها ف بعض وكل ما تتذكر موقف تضحك بصوت عالى وهناك مواقف كان يوسف يتبسم لها لاحظت أميرة تبسمه
خلصت تنضيف الشقة كلها لحد ما الصبح أصبح وهى لم تبطل ثرثرة وهو لم يوقفها
يوسف : الصبح طلع
أميرة : انا صدعتك واكيد عايز تنام
يوسف : انا اقصد أن الصبح طلع ومقولتيش حاجه عن نفسك كله كلام عن عيلتك
أميرة : انا واحده عاديه معنديش حاجه اقولها عن نفسى
يوسف : متأكده
أميرة : ايوا طيب وانت
يوسف : هروح انام وكفايا كدا وانتى روحى نامى
أميرة : هنام من غير ما افطر ، احضرلك معايا
يوسف : لا انا هروح انام
فطرت أميرة وذهبت إلى غرفتها ونامت نوم عميق
صحيت صلت الظهر واكلت سندوتش ورجعت نامت تانى
وصحيت صلت العصر ونامت تانى
وهى صحى اتغدى ورجع نام تانى
وظلوا طول اليوم وهما نايمين
أميرة صحيت ع اذان المغرب صلت وفتحت التلفزيون ، سمعت طرق ع باب الشقه
يوسف : استنى انا هفتح
أميرة : مكنتش هفتح كنت هعرف مين الاول
يوسف : انا هفتح
دخلت أميرة جوه
منال : ازيك ياجو
يوسف : الحمدلله تمام
أدركت منال من رد فعل يوسف أنه ف احسن حال
منال : الولاد كانوا حبين يشوفوا أميرة
يوسف : خليهم ياجو
منال : بجد طيب هروح اجيبهم و والله مش هخليهم يعملوا دوشة
جابت منال أميرة ويوسف الصغيرين
أميرة : اهلا اهلا بالكتاكيت الصغيرة
يوسف الصغير : انا مش كتكوت
أميرة : انت عسل
أميرة الصغيرة : انا عايثه تيته ( عايزه كيكه )
أميرة : بس كدا دلوقتي نحضر احلى كيكه مش هتاجى معانا ياجو
يوسف الصغير : كلم ياخالو
يوسف: هى عليك
يوسف الصغير: انا هقعد هنا مع خالو
أميرة : يعنى مش هتاكل معانا
يوسف الصغير: لا لا هاكل
أميرة : هههههه تاكل ومتحضرش
يوسف : روحوا انتوا وجو هيفضل معايا هنا
أميرة : ماشى
دخلت أميرة وأميرة الصغيرة المطبخ
يوسف الكبير : يوسف تعالى هنا جنبى
جو : ليه ياخالو
يوسف : انت طالع رزل لمين بقولك تعالى هنا
جو : حاضر اهو جيت
يوسف : احم ، اخبارك اى
جو : كويس
يوسف : رد كويس ، نفس رزالة ابوك
جو : ابويا
يوسف : ولا حاجه ابوك عسل اسود
جو : اه
يوسف : اى رأيك نلعب لعبه
جو بفرحة : اه اه نلعب ، نلعب اى
يوسف : انا هوصف حاجه وانت توصف حاجه ونشوف مين هيفوز
جو : لا دى لعبه مش حلوه
يوسف : هنلعب دى وبعدين هنلعب اى حاجه انت عايزها
جو : من غير نفس ، ماشى
هوصفلك ماما منال
طويلة وبيضة وحلوه وشعرها مش طويل ومش قصير
يلا انت عليك الدور
جو : هوصف أميرة
يوسف : بفرحة ، يلا اوصف
جو : هبله واقصر منى ومش بتعرف تتكلم وبتقلدنى ف الكلام و ع طول بتبكى وبتعملها وهى نايمه
يوسف : احم احم مش عيب تقول ع اختك كدا
جو : بس هى بتعمل كل دا
يوسف : اوصفلى حد تانى
جو : يلا نلعب لعبه تانى
يوسف : اوصفلى حد تانى وهنلعب
جو : مش حلوه اللعبة
يوسف : طيب قولى مين اطول ماما ولا أميرة
جو : ماما اطول بكتير
يوسف : ماما احلى ولا أميرة
جو : اكيد ماما
يوسف : مين عيونها احلى ماما ولا أميرة
جو : ماما
يوسف : مين شعرها اطول
جو : ماما أميرة شعرها صغير اوى ومنكوش
يوسف : منكوش
جو : اه وبتحط حاجات غريبة ف شعرها
يوسف : مين بتطبخ احلى
جو : أميرة مش بتعرف تطبخ
يوسف : مين أسنانها احلى ماما ولا أميرة
جو : ماما أميرة نص أسنانها مكسره
يوسف : نعم. نص أسنانها مكسره ازاى
جو : ماما بتقول عشان صغيرة
يوسف : هو انت تقصد أميرة مين
جو : أميرة اختى امال مين
يوسف : انت كل دا بتحكى ع اختك .
قوم من هنا ، دا انت ولد غريب
وتمتم يوسف بكلام غير مفهوم
انت لسه قاعد قوم من هنا
جو : هروح فين مستنى الكيكه
يوسف : روح عندهم ف المطبخ
خلصت أميرة الكيكه وعملت شاى وجلسوا ف الصالة قطعت الكيكة وشغلوا فيلم كارتون
أميرة : اتفضل معانا
يوسف : شكرا
ميرو : تل ياخالو دى حلوه
يوسف : كلى انتى
أميرة : عجبتك يايوسف
يوسف : ع اساس انى دقتها
أميرة : انا مش عليك
لاحظت أميرة أن يوسف حلق دقنه ولابس تشيرت ابيض جعله أكثر وسامه
أميرة : شكلك حلو يايوسف النهاردة
يوسف : نعم
أميرة : انا ع يوسف الصغير
يوسف : اه ماشى
ضحكوا كلهم ع موقف مضحك ف الفيلم
يوسف : ضحكتك حلوه ياأميرة
أميرة : شكرا
يوسف : انا ع أميرة الصغيرة
أميرة : اه ماشى
ف شقة صالح
ف غرفة الاولاد
يجلس عمر ع السرير سرحان
مسك الهاتف متردد يرن ميرنش وعزم الأمر ع الاتصال
ولاء : السلام عليكم
عمر : وعليكم السلام اخبارك اى
ولاء : اخبار أميرة اى
عمر : تمام زى الفل الدنيا هاديه خالص
ولاء : امال بتتصل ليه
عمر : بطمنك انها كويسه
ولاء : والله
عمر : اه والله
ولاء : طيب شكرا ياسيدى
عمر : وانتى اخبارك اى
ولاء : الحمدلله
عمر : تحبى تشوفى أميرة
ولاء : بلهفه اكيد طبعا
عمر : خلاص سيبى الموضوع عليا
الحلقه الخامسة عشر والسادسة عشر من هنا
