#الحلقه_التاسعة_عشر
ف اليوم التالي
........
ياسمين : يامجنونه ف واحده تتكلم ف التليفون تاني يوم جوازها ،
همس : هو انتي فين !
ياسمين : قاعده ف الكافيتريا اهه !
همس : طيب بصي وراكي كده grin رمز تعبيري
ياسمين بصدمه : ياااامجنونه ايه ال جابك،
تغلق التليفون وتقترب منها ^-^
همس : وحشتيني اووووووووي
ياكتكوتي،،
ياسمين: وربنا انتي مجنونه grin رمز تعبيري
همس : عاوزه كل المحاضرات والسكاشن ال نقصاني، باقي ع الامتحان عشر تيام!
ياسمين : حاضر يامجنونه grin رمز تعبيري
..........
من بعيد
شيماء : هي دي اللي الدكتور كريم اتجوزها ال بنات الجامعه هتموت عليه،
بصي لابسه ايه !!
مني : بس ع فكره عسوله اوي سيبك من لبسها امال انتي فاكره ايه ،
ما كله دلوقتي بيلف يلف وف الاخر بيتجوزوا حد محترم ،
تقطع اماني الحوار والتي تنظر الي همس من بعيد بحقد : تقصدي ايه يااستاذه مني يعني انا ماكنتش محترمه! عشان كده سابني
شيماء : طيب ماتهدوا كده انتو هتتخانقوا ولا ايه !!
اماني : هشام حذرني من فتره من البت دي، بس انا متخيلتش انها توصل للجواز !
هي وصلت لكده !!
وتبتسم بحقد : اماني احمد
اما تحط حد ف دماغها يبقي تقروا الفاتحه عليه ،،
وتكمل كلامها...
ايه يابنات مش واجب برده نروح نبارك للعروسه smile رمز تعبيري
شيماء بتهكم : انا برده بقول كده
ويذهبون بأتجاه همس وصديقتها.
...............................
همس : بس ياياسمين هو ده ال حصل،، الموضوع كله اتفاق مش اكتر !!
ياسمين بغضب : هي وصلت لكده ياهمس!! تخلي الجواز عقد مقدس زي ده !
مجرد اتفاق وبس ،،
ومقولتليش ليه ع حاجه زي دي قبل ما الموضوع ده يحصل !!
همس : عشان كنت عارفه انك هترفضي ،متزعليش مني ماكنش قدامي حل تاني،،
ويقطع حديثهما مجموعه من الفتيات....
اماني :هاااااي ياقمر
لقد كان هذا الوجه مألوف لهمس
فلقد رأتها تقف مع كريم كثيرا ف السابق : اهلا بيكي
شيماء : انتي بقي عروسة دكتور كريم، اللي كل الجامعه بتتكلم عليها ،
ياسمين بتعجب : بتتكلم عنها ازاي !
اماني بتوتر مصطنع: وتغمز لصديقتها بيديها : سوري هي مش تقصد حاجه حبينا بس نباركلها مبروك ياااااا مش همس برده
همس : ايوه همس
طيب فرصه سعيده اوي ويارب نبقي اصحاب ،
همس انا اسعد
وذهبوا ....................
ياسر : انت مجنون ياابني ازاي تقبل بحاجه زي دي اصلا وازاي تعرض عليها حاجه زي دي ،
كريم : ياسر انا مش بقولك عشان تكمل عليا اهو ال حصل بقي، ومتسألنيش ع حاجه جديده !!
اماني : ايه ده دكتور كريم شخصيا واقف!! مبروك ياعريس طيب مش كنت تعزمني ^-^
كريم بنفاذ صبر : طيب ياسر استأذن انا !
اماني بغضب : انت مش بترد عليا ليه !!
كريم بتهكم : اصل مراتي قالتلي اني مااكلمش بنات سلام smile رمز تعبيري
....
اماني : بقي كده ياكريم انا،، تتعامل معايه كده! انت ال بدئت والبادي اظلم
........................
كريم يتصل ب همس
كريم : انتي فين دلوقتي ،،
همس : ف الكافيتريا اهه!!
كريم : طيب هتروحي ولا فاضل حاجه تاني ،
همس : لا خلصت محاضراتي !!
كريم : طيب هستناكي عند الباب الرئيسي
................
كريم : انا هوصلك البيت ،وهنزل انا عشان عمتي جايه من الامارات!
هروح
استقابلها ف المطار ومش هتأخر ،ولا تيجي معايه عشان متخافيش
همس : لاه مش للدرجه دي مدام مش هتتأخر وانا خدت ع البيت شويه،
كريم :انا هتصل بمطعم يجهز اكل عشان هي هتيجي تتغدي !!
همس : مفيش داعي انا هجهز الاكل انا !
كريم بتفاجأ مصطنع : وبتعرفي بقي gasp رمز تعبيري
همس : ايوه علي قدي كده unsure رمز تعبيري
كريم : طيب بس عشان ميكونش فيه تعب عليكي !!
همس : لا مش لدرجة تعب ،عادي انا متعوده علي كده !!
.............
نجلاء : يعني اتجوزت ياكريم وانا معرفش ،
كريم : والله ياعمتي كل حاجه جت بسرعه، وكمان معملناش فرحه حاجه ع الضيق كده! عشان بابا !!
نجلاء : اللي خلف مماتش كل حاجه عامل فيها زي ابوك !ماشي من دماغك
...........
همس : والله منوره الدنيا ياطنط
نجلاء :تسلمي ياحببتي الاكل يجنن تسلم ايدك،
كريم : اساسي ياعمتي انا متجوز واحده، بروفشنل ف اي حاجه!!
نجلاء : ربنا يسعدك ياحبيبي ويوفقك انا كمان ماليش ف الشكليات والافراح والجو العقيم ده، مدام انتم مرتاحين لبعض ده اهم حاجه !
همس : والله ياطنط انتي عسوله خالص انا ارتحتلك اوي !
كريم : يابختك ياطنط ^-^
نجلاء طيب انا عاوزاك تتصل تحجزلي ف فندق!
كريم بتعجب : فندق ايه ياطنط مينفعش ال بتقوليه ده من امته اما بتيجي بتقعدي ف فندق!!
نجلاء : لا ياحبيبي الوضع اتغير انت وعروستك لسه عرسان جداد،
والبرتكول مش بيقول كده grin رمز تعبيري
همس : لا ياطنط متقوليش كده والله ده انا حتي بخاف اما بقعد لوحدي حتي تونسيني ف البيت، عشان خاطري اقعدي،،
نجلاء : اممممممم طيب اوك اقنعتوني !!
همس : انا هطلع اجهزلك اوضة حضرتك عشان لو هترتاحي شويه بعد أذنكم ....
نجلاء : مراتك شكلها عشريه وطيبه اوي ياكريم،
بجد اول مره احس انك عرفت تختار ،
وانا بكلمها بحس كأني بكلم مع والدتك الله يرحمها !
كريم باعجاب : انا نفسي كل يوم بكتشف فيها حاجه جديده ،
طيبه وف نفس الوقت صعبه،
ومحترمه ومش متزمته،
وقويه ف شخصيتها وضعيفه كبنت ،
كرامتها اهم حاجه عندها ومش مغروره برده!!
ن
تبتسم نجلاء : قد كده بتحبها !
ينفزع كريم ويجاوب بالنفي وكأنه يبعد عن نفسه تهمه : لا ياعمتي مش لدرجه بحبها
نجلاء بتعجب : مش فاهمه !
كريم بتوتر : ههههه اقصد كلمة بحبها دي قليله يعني!!
...........
همس : وكده الاوضه بقت تمام،
نجلاء : معلشي ياحببتي تعبتك معايه
مش عارفه كريم مشي الخدم ليه ،
كريم : اصل همس بتحب تعمل كل حاجه بنفسها،
نجلاء : طيب هدخل انام بقي ،وانتم كمان ادخلوا اوضتكوت ناموا اكيد مجهدين من الصبح ،
.........
ينظر كلا من كريم وهمس لبعضهما
همس ف سرها : اوضتنا ....
كريم : طيب تصبحي ع خير ........
كريم : ايه هتفضلي واقفه كده unsure رمز تعبيري
همس : انا ممكن افضل قاعده هنا، لحد ماهي تصحي واقولها اني صحيت بدري !
كريم : انتي بتهرجي ماهي ممكن تصحي ف اي وقت !!
همس : خلاص ال تشوفه ،،
دخلت همس غرفة كريم كريم : انتي بقي هتنامي ع الارض وانا هنام ع السرير unsure رمز تعبيري
همس بنظرة غضب : البنت هي ال تنام ع الارض برده
كريم بغضب : بهزر ،
ماكنتش بهزر اوي يعني بهزر نص ونص
ويكمل بغيظ: اتفضلي انتي يادكتوره نامي ع السرير، وانا هنام ع الارض ف اخر الاوضه هناك كده ولو عاوزاني اطلع انام ف الجنينه مفيش مانع يعني، ماهي سايبه unsure رمز تعبيري
تبتسم همس : لا مش للدرجه دي!
الاوضه اصلا كبيره خالص، نام هناك مفيش مشكله!
كريم : الصراحه مش عارف اودي كرم سيادتك فين ،،
تصبح ع خير
همس : وانت من اهل الخير........................
اخذت همس تتمتم بأذكار نومها حتي نامت ،
استيقظت قبل الفجر ع صوت اهتزاز تليفونها، فلقد جعلته ف وضعية الصامت المتحرك، حتي لا توقظه،،
فصديقتها يوميا ترن عليها لقيام الليل ............
نظرت همس للساعه فوجدتها الثالثه فجرا! فقامت ع انامل اصابعها وخرجت من الغرفه، مما لفت انتباه كريم المتمدد ع الارض فلقد استيقظ ع صوت حركات خفيفه ف الغرفه وأثار انتباهه خروجها من ألغرفه بهذه الطريقه ،،
ف خرجت الي الغرفه المجاوره التي تضع فيها حقيبتها ودخلت وتوضأت من حمام الغرفه !
واخرجت مصحفها واسدالها ووضعت سجادة الصلاه ،
وبدئت الصلاه واخذت ترتل بصوتها الجميل المنخفض لكي لا توقظ احد...
وهو يقف ع باب الغرفه يتابعها ف تعجب واعجاب ...
وجلس ارضا ع باب الغرفه ليستمع لها
فلقد شده صوتها العذب البسيط وقرائتها المرتبه، ل ايات القران
وكان يتعجب، ف كلما كان تقرء ايه فيها عذاب ووعيد كانت تبكي بشده .....
كان يرتعد قلبه لبكائها ع ايات القران،
وقبل ان تنتهي من صلاتها، ذهب لمكان نومه ووضع رأسه لكي لا تعلم انه يتابعها،
وف باله الف سؤال وسؤال !!
وبعد اذان الفجر دخلت الغرفه واقتربت من مكان ماهو نائم ،
وبصوت منخفض ومن مسافه محدوده : دكتور كريم
كريم : ويصطنع النوم ايوه ياهمس ،
همس : الفجر أذن قولت اعرفك عشان تقوم تصلي !!
كريم : حاضر هقوم !!
همس : بجد صحيت ولا اجي اصحيك كمان شويه،
كريم : لا انا خلاص صحيت روحي انتي نامي !!
وهمت لتذهب
كريم : همس
همس : نعم
كريم : شكرا
همس : علي ايه ده واجبي عليك،
تصبح ع خير...
#الحلقه_العشرون
ف اليوم التالي
.....
نجلاء : انا هخرج اقابل صحابي ال مشوفتهمش من زمان ،
همس : خدي ب من نفسك
......
ف الجامعه تجلس همس ف الكافيتريا وتحاول ان تراجع ما فاتها
وتشرد بعقلها
......
همس ف بالها :
هو كويس واكبر دليل اما صاحيته للفجر النهارده قام، ومش بس كده ده كمان شكرني !
انا اوقات بحس انه شخص كويس ،
كفايه ان استقبلني ف بيته واحترم العقد ال بينا
لو اي واحد تاني ماكن هيعمل كده ...............
اماني: هاي عليكي
همس : اتفضلي
اماني : مرسيي ليكي ياقمره ،
اماني بجديه : انا جيالك النهارده عشان اقولك كلمتين مش اكتر ،
خافي علي نفسك ياهمس!!
اوعي تصدقي كريم ف اي حاجه يقولها ليكي،
همس بغضب : ايه ال بتقوليه ده لاحظي ان ال بتتكلمي عليه ده يبقي جوزي !!
اماني بتفاعل مصطنع : انا جايه عشان مصلحتك مش هستفيد اي حاجه من ال بقوله ده!!
بصي ياهمس انا اعرف كريم ده من 3 سنين، ومعروف ف الجامعه اننا وهو ف بينا قصة حب جامده!
ودلوقتي بقيت ورقه محروقه !
عارفه ليه
وتبكي بمكر : عشان ضحك عليا واقنعني اننا نتجوز عرفي، وبعد كده رماني زي ماانتي شايفه !!!
وتكمل
كريم اتجوزك عشان معرفش يوصلك ،
وبعد كده هيبقي مصيرك زيي!!
ده صورة من عقد جوازنا العرفي، عشان بس تتاكدي من ال بقولهولك!!
حاولت همس ان تتماسك نفسها : انتي ازاي تتكلمي علي جوزي بالطريقه !
كريم حكيلي ع كل حاجه، وكل مشاكله ال فاتت، ومش مستنياكي انتي عشان تقولهالي !
انا وهو بدئنا صفحه جديده ،
مفهاش انتي وماضيكي المعقد معاه،
ومش حابه اتكلم فيه
وقامت همس وهمت بالرحيل ثم توقفت كأنها تذكرت شئ ،
اها وشكرا علي خوفك عليا
وتركتها وذهبت واماني تستشاط غضبا فلم تعطيها همس فرصه لتنفذ خطتها،،،
.........
كريم بقلق : مش بتردي ليه يااارب خير ،
ياسر : ياابني اهدي خير !!
كريم بعصبيه : خير ايه بس ياياسر دي كانت مخطوفه، و حياتها ف خطر،
ياربنا !!
طب اعمل ايه دلوقتي ،،
ياسر : طيب روح البيت اتاكد انها مش روحت، وبعدين لو مش لاقتها نطلع ع القسم وربنا يستر ،،
استني هرن ع عمتي !!
نجلاء : لا ياحبيبي انا اصلا لسه مروحتش
ليه هو فيه حاجه !
كريم : ابدا ياعمتي اصل موبيلها فاصل شحن بس وكنت عاوزه اقولها حاجه ،
...........
وصلت همس الي المنزل
وضعت نفسها ع اول كرسي تجده واخذت
تبكي بشده
يارب انا تعبت اووووي ريحني يارب بقي ،،،
ووسط دموعها اغمضت عيناها ف ذهبت في نوم عميق، و بعيد عن كل شئ عن كريم وعمها ومكائد اماني....
........
كريم بعصبيه : انتي ازاي ترجعي البيت،
من غير حتي ما تتصلي تعرفيني انك روحتي!!
همس بفزع بعد ان استيقظت ع صوته المرتفع !!
همس : انا روحت، عشان تعبت شويه
كريم بنفس العصبيه : واما تعبتي متصلتيش بيا ليه ومردتيش علي التليفون ليه !
لم تتمالك همس نفسها وهي تراه يرفع صوته عليها، بهذه الطريقه ،، واخذت تبكي بشده وتركته وذهبت الي غرفتها
بقية القصه من هنا
