 |
| شوفتلك في المنام الحلقه الرابعه |
الحلقة الرابعة ..شوفتِلك فى المنام
عمى عادل سألنى:
... بتعملى ايه هنا؟!!
معرفش ازاى كانت اجابتى عليه سريعة ومن غير تردد بالرغم من انى كنت متوترة جدًا جدًا وقولتله:
.. ياعمى انا سمعت انس بينازع ومعرفش فى ايه ، جريت على اوضته جري ، لقيته مبينطقش
زقنى ودخلوا كلهم جوه الاوضة ، حاولوا يفوقوا مراته معرفوش ، اتصلوا بدكتور معرفة عمى ، واول مادخل بص على ملامح انس ، لقاها متغيرة جدًا ، وكأنه مش ميت موته طبيعية ، عينه طالعة لبرا و بتنزل سائل ابيض معرفش ده ايه ، وشه كله مكرمش واحمر بشكل غير طبيعي ، واللى اعرفه ان الميت بيكون جسمه ساقع ، انس كانت حرارة جسمه عالية جدًا وده فى حد ذاته كان غريب على الكل .
رفع الدكتور الملاية وبص لقى فيه حيوانات منوية لازقة فى الملايا وعلى جسمه ، هز راسه كأنه فهم حاجة ، بص لعمى وكأنه عايز يقوله حاجة بس مُحرج علشان احنا واقفين، عمى قالنا اطلعوا كلكوا بره ، وقالى خليكي ياسميرة ، علشان تقولى للدكتور انتى سمعتيه بينازع ازاى وايه اللى حصل. القصة للكاتب مصطفى مجدى
الدكتور طلع حُقنة من شنطته بعد ماسمع نبض مرات انس واتاكد انها عايشة وادهالها ومفيش ثوانى وبدات تفوق ، اول مافتحت عينيها وشافت انس بالمنظر ده ، قعدت تصوت وتصرخ وتلطم على وشها ، الدكتور قعد يهديها وقالها انا عايزك تحكيلي كل حاجة ، لان الكلام ده هيفيدنا فى التحقيق بتاع الشرطة ، عمى كان بيعيط على انس وفى نفس الوقت متماسك ومُترقب لانه شاكك ان مراته هي اللى قتلته ، وملامحه بتقول انه عايز ينتقم منها ، لكن بعد ماشاف رد فعلها والمفاجأة والذهول اللى ظهروا على وشها ، بدأ يستبعدها تدريجيًا ، الدكتور سألها وهي شبه منهارة وكل شوية ترفع الملايا من على وشه وتغطيه تانى
.. جوزك نام معاكى قبل اللى حصل ده
... كل اللى فاكراه انه جابلى الزبادى وكلته ونمت ، مش فاكرة اي حاجة بعدها
.. طعم الزبادى مكنش متغير معاكى
عمي قطع كلام الدكتور وقاله:
.... انت قصدك يادكتور؟ يعنى هيكون حاطتلها حاجة فى الزبادى علشان ينام معاها مثلا ، دى مراته ، فاهم يعنى ايه؟
.. اهدا بس يااستاذ عادل ، اهدا ، قوليلي يامدام محستيش بأى حاجة وانتى نايمة؟
... يادكتور مش فاكرة مش فاكرة حرام عليك حرام عليك
.. طب بعد اذنك ممكن اكشف عليكي من تحت؟ القصة للكاتب مصطفى مجدى
... ايه اللى انت بتقوله ده ؟! ، لا طبعًا
عمي عادل ضربها بالقلم على وشها وقالها هيكشف عليكي قدامنا حالا ، وفعلًا قلعت هدومها والدكتور بص عليها وخد عمي على جنب ومرات انس منهارة من موت انس ومن معاملة عمي وشكه فيها ، وقاله:
... ابنك منامش معاها يااستاذ عادل النهارده ، الزبادى اللى خدته قبل ماتنام كان فيه منوم وهي اكيد متعرفش ، فيه حد تانى ابنك نام معاه
وشي جاب الوان اول ماسمعت كلام الدكتور ، وعمي لفت وشي ناحيته وقولت انه هيبهدلنى وهيضرب فيا لحد مايعرف الحقيقة ، لكن سألنى بهدوء:
.. قوليلي ياسميرة يابنتى ، هو انتى لما سمعتى صوته بينازع مسمعتيش صوت لاى حد معاه ؟
بدات اخد نفسي ورديت عليه القصة للكاتب مصطفى مجدى
... انا ياعمي سمعت صوت مش مفهوم فى الاوضة ، شكل العيلة بتاعتنا فيها حاجة ياعمي ، لازم نشيل الشجرة اللى تحت البيت دى ، هي الملعونة والله هي الملعونة صدقنى
الدكتور قطع كلامى وقال لعمي
.. احنا لازم نبلغ البوليس ويشرحوا الجثة ، علشان نعرف مين السبب فى موته
... لايادكتور ارجوك ، لو سمحت ده ابنى الكبير وكفاية اوى وجع قلبي عليه وربنا يقدرنى واشيله لاخرته ، ارجوك اكتب انها ازمة قلبية اى حاجة ، ارجوك
بعد مااتردد شوية ، قاله
.. حاضر يااستاذ عادل ولو ان ده غير قانونى ، بس مضطر اوافقك مراعاة للظروف خاصة ان واضح فعلا انه اتعرض لأزمة قلبية شديدة غيرت ملامح وشه
خرج الدكتور وعمي من الاوضة ، وبعده خرجت جري مرات انس وهي منهارة من العياط واترمت فى حضن اختى سالى اللى حاولت تهديها ، فضلت انا قاعدة فى الاوضة ، دخل عليا سليم اخوه وحط ايده على كتفي ، وخدنى فى حضنه بيهدينى من العياط ، وفجأة حسيت ان معدتى قلبت وجريت جري على الحمام ورجعت كل اللى فى بطنى ، غسلت وشى ووقفت قدام المرايا وقولت لنفسي، يانهار اسود لو كنت حامل !!!.......
الحلقه الخامسه من هنا
الحلقه الخامسه من هنا
