الحلقه التالته
بوسي بزهق : انتي هنقطيني ما تخلصي يا بنتي وتقوليلي ايه اللي حصل
تلا : فاكره زمان لما كان اخوكي خاطب... انتي كنتي صغيره بس هتفتكري
بوسي : اه كان خاطب واحده اسمها يمني وماتت... ايه المثير في ان واحده ماتت مش فاهمه
تلا : المثير يام لسان طويل انها ميته مقتوله
بوسي بصدمه : ايه... ومين اللي قتلها
تلا : اهلها... أخوها الكبير هو اللي قتلها بمعرفه اهلها
بوسي : ايه الزفت ده... ليه كدا
تلا : يمني كانت اتعرضت لحادثه اغتصاب
ضربت بوسي صدرها : يا نكدي
تلا: وجالها صدمه معرفتش تقول مين اللي اغتصبها.... اصلا هما معرفوش ان هي اغتصبت غير لما لاقوها وقعت مره واحده راحوا كشفولها لاقوها حامل
بوسي : يا سلام... يعني ملاحظوش زعلها وانهيارها
تلا: لا ملاحظوش لان اغلبيه الوقت كانت قاعده في اوضتها وبعدين طبيعه يمني انها بتعيط علي اقل حاجه مهما كانت هايفه
بوسي : كملي
تلا : فأول حاجه جت في بالهم ان هي حامل من مين
بوسي : يا مراري... اخويا عدي ؟!
تلا : ضربوه لما عدموه... وطبعا عيلتنا مسكتتش ضربت الكبير في عيلتهم قبل الصغير.... اتنشر في البلد حكايتها وان عدي اللي غلط معاها وبقت فضيحه
بوسي : يا ليله مش فايته
تلا : المهم ان عدي نفي انه له علاقه بالموضوع وكان هيتجنن... راجت كتبتله رساله ان هي مغلطتش وربنا عالم انها اغتصبت ومش قادره تقول هما مين اللي اغتصبوها علشان هددوها انهم هيولعوا في عيلتها
بوسي : هما... انهم ؟!
اتنهدت تلا بضيق : كانوا اتنين
بوسي : الهي يتشلوا
تلا : المهم اما عدي عرف بده... راح وقال لأهلها انه هو ابو الولد اللي في بطنها وان مستعد يتجوزها وقتي
بوسي عينيها دمعت : يا حبيبي يا اخويا.. رمي نفسه بالباطل علشان سمعتها
تلا : بس اخوها الكبير طردها وقاله انه هيقتلها... وعدي حذره انه يمسها وده كله وصوتهم جايب اخر الدنيا وبقت الفضيحه علي عينك يا تاجر... المهم اخوها نفذ اللي قاله وقتلها وقاله أنها انتحرت وتقرير الطبيب الشرعي جه في صالحهم بعد ما رشوا الدكتور ... قالوله انها غلطت واخوها انتقم لشرفه وان كان يريده يدخله السجن يرضيه وحظهم وهناهم ان الدكتور كان صعيدي متعصب كتب تقرير ان هي اللي انتحرت وخلصت الحكايه واخوكي عاش فتره ربنا اللي عالم بيها... فقرر يسيب الجمل بما حمل ويسيب البلد ويمشي
بوسي : له حق طبعا... بصراحه استحمل فوق طاقته
تلا : ربنا ينتقم من اهلها واللي اغتصبوها
بوسي : امين يارب... بدل ما يعاقبوا اللي عملوا فيها كده... يقتلوها حسبي الله ونعم الوكيل.
دخلت بروج عليهم فسكتوا فجأه... فضلت تبصلهم فتره
بروج : خير يارب... ايش لم الشامي علي المغربي.
تلا : مفيش حاجه بنتكلم عادي
بروج : طيب... حضرولي نفسكوا زي الحلويين كده علشان هنروح عند خالتكوا قوت الواد ابنها قرأ فتحته
تلا : والله انا هتجنن منك يا شيخه.... انتي عارفه ان اياد قرأ فتحته علي بنت من بنات فارس وهتروحي تباركيلهم رغم انك لسه قيلالي انسي بلال علشان من ولاد فارس
بروج : والله يا حلوه يا سكره انتي خالتك بنت حبيب يعني من الحبيايبه وبين الحبايبه وفارس مفيش تار ولا زعل
تلا : وانا امي حسنيه اختها من الحبايبه برضه يعني ما بينهم وفارس مفيش تار ولا زعل.. اشمعنا انا
بروج : بس ابوكي الله يرحمه من عيله مين يام قويق من عيله علام صح
تلا : اوووف
بروج : جهزولي نفسكوا يلا
************************************
عند خالتها
حضنت قوت بروج بقوه
قوت : عقبالك يا حبيبتي
بروج : الله يخليكي يا خالتوا
قوت : كان نفسي اياد يخطبك انتي يا قلب خالتك اوي بس قالي يا خالتي دي عندها 25 سنه وانا عندي 24 سنه وهي كبيره عليا وانا بعتبرها زي اختي
لوت بروج بوزها : اياد ده اخويا يا خالتي عمرك شوفتي واحده بتتجوز اخوها
قوت : ربنا يكملك بعقلك يا حبيتي
راحت قوت عند تلا
قوت : تعلالي يا تخين يا مقلوظ انت
تلا في نفسها : بدأنا الموشح.
حضتها جامد
قوت : وحشاني يا تلابيب
تلا بغيظ : تلا يا خالتي
قوت : يأختي جتك نيله... تلابيب احسن ... فين امك الناقصه اللي مفكرتش حتي ترفع سماعه التليفون تكلمني وتقولي مبروك
تلا : علي الله تسمعك اهي جايه ورايا اهي
قوت : يالهوي انا قصدي فين امك حبيبتي .... تعالي يا بوسي يا حبيه قلبي لما ابوسك
بوسي قربت : قبل ما نبوس يا خالتي... هتبوسي اربعه ولا اتنين علشان الاحراج بس
شدتها قوت لحضنها : هبوسك تمانيه
بوسي : يا مراري
بعد لما قوت خلصت بوس
قوت : كبرتي واحلويتي يا بت يا بوسي.... ايه رأيك اجوزك الواد نادر
بوسي : يا مراري نادر مين اللي اتجوزه ده تخرطيه علي بصله يا خالتي
بصتلها بروج بغيظ
بوسي : ايه متبصليش... دي بتقولك هتجوزني نادر الاهطل
حطت بروج ايديها علي بوق اختها
بروج : معلش يا خالتي حقك عليا
دخلت حسنيه المكان : نادر ده مين يأختي اللي هتتجوزه... بوسي دي مش هتتجوز غير ابني اسلام... ابن عمها وابن خالتها وهو اللي اولي بيها... ومش انتي اختي يا قوت بس لو اتكلمتي في الحوار ده تاني هنزعل من لعض اه والله هنزعل من بعض
عضت بوسي ايد بروج فبروج صرخت من العضه وشالت ايديها من علي بوقها.
بوسي : واسلام ده مين كمان... ابنك الغتت الرخم التبت اللي كل ما يشوف وشي يقولي ذاكري... ده مش بيجري في عروقه دم لا ده بيجري فيه غباء لا متناهي... وده بقي مش تخرطيه علي بصله... ده تحطيه في مستشفي المجانين لان ده مكانه... قال اسلام قال
بروج : ايه يا بت راديو مش عارفين نقفل بوقك ده
وجت تشد ايديها بس بوسي هربت منها
بوسي : بتقولك اتجوز اسلام... خالاتك بيشقطوني لبعض زي الكوره الشراب حاجه تشل
شدتها بروج من ايديها
بروج : طب تعالي تعالي هقولك
بوسي : ورب الكعبه اللي هتقول اني هتجوز ابنها لأكون بطحاه في دماغه بأجدعها طوبه فيكي يا بلد..... ايه المرار ده
بروج اخدتها وخرجت برا
وضربتها علي دماغها
بروج : ايه
بوسي : ايه ايه ؟!
بروج : ايه الفضايح اللي انتي عملتيها جوه دي
بوسي : يا مراري... علي اساس اللي هما كانوا بيقولوه ده اذاعه مدرسيه مهو فضايح برضه
سكتت بوسي لما لاقت اياد ابن خالتهم. جاي ناحيتهم
اياد : ازيكوا يا بنات
بوسي : انا هغور انا.. يقف امك تشوفني وافقه معاك تقولي لازما اتجوزك انت كمان
دخلت بوسي جوه وجت بروج تحصلها
اياد : بروج
بروج : نعم
اياد : عايز اقولك علي حاجه
بروج : قول
اياد : انا ناوي اهرب من الخطوبه
بروج : ايه ايه ايه
اياد : زي ما سمعتي.
بروج : وليه يا اخويا ان شاء الله.
اياد : انا اصلا مكنتش موافق علي الجوازه دي... خالتك هي اللي عملتلي الفخ ده
بروج : فخ ؟'
اياد : اه فخ... ليه اقيد نفسي بواحده... مع أني اعرف بنات اشكال والوان
فيه واحده عدت من جنبهم فاياد بصلها بنظرات وحشه وصفر
بروج : بصلي هنا جتك خابط في نفوخك وبطل القرف بتاعك ده
اياد : خلاص ماشي علشان خاطرك انتي يا بوجي هبطل لمده ساعه ... بس انا قررت اهرب
بروج : يمين بالله لو فضلت حاطط الكلام ده في دماغك ومتعدلتش لأكون خارجه من هنا وراحه مبلغه اهلها
اياد : ايه ده... ده انا فكرت هتفرحي بقراري
بروج : علشان اعدائنا وكده... بس اللي انت بتقوله ده يمس سمعه بنت وانا عمري ما هسمح بكده اياً كانت البنت دي مين
اياد بزهق : بس انا مش عايزاااها مش عايزاها
بروج :تتم خطبتك وبعد كده ابقي اتلكك علي اي حاجه وفشكلها انما متروحش الخطبه من الاساس مش هسمحلك وساعتها مهتسواش عندي غير طلقه بتلاته مليم... كلامي خلص
جت تمشي مسك دراعها.
اياد : استني بس... خلاص تمام هعمل اللي قولتي عليه بس متقوليش لحد علي اللي قولتهولك
بروج بصت لأيده اللي علي دراعها وقالت بصوت عميق : ايدك لأقطعهالك
اياد نزل ايده بسرعه : اسف مكنتش اقصد والله
فجأه لاقوا جسور بعيد عنهم بخطوات... مش عارفه ليه ارتبكت او ما شافته يمكن علشان اول لقاء ما بينهم كان تحدي بس اتعمدت متظهرش ده قصاده
اياد بخوف ليكون سمع كلامهم : اهلا ابو نسب
جسور باختصار وبابتسامه صفرا : اهلا
مد اياد ايده يسلم عليه فجسور حط ايده في ايد اياد وفضل يبص لبروج غصب عنه افتكر اول لما جه وشافه بيلمس بروج ومن غير ما يحس سلامه طول وايده بدأت تعصر ايد اياد بقوه.. حتي ان اياد حاول يسحب ايده من الوجع
اياد : ايه يابو نسب هو انت ربنا ميديك قوه تقوم تفتري علي خلق الله كده
انتبه جسور لأيده وسحبها بسرعه
بروج : طب سلام يا اياد ومتنساش الكلام اللي قولتلك عليه
اياد : ماشي من عنيا انت تؤمر يا جميل
فجأه لقي ايد قويه اترزعت علي ضهره كانت هتبلعه قلبه لدرجه انه فضل يكح
جسور : ايه يابو نسب مش هدخلني بيتك ولا ايه
اياد بوجع : اااااه اه طبعا اتفضل
********************************
في البيت نزل عدي من اوضته لقي جدته قاعده بتتفرج علي التلفزيون فقعد جنبها
عدي البيت هادي يعني !! ... فين البنات
فيروز : منه فوق بتذاكر علشان وراها امتحانات... والبنات راحوا عند خالتك قوت علشان يباركولها علي قرايه فاتحه ابنها
عدي : وماما
فيروز : فوق تعبانه شويه
عدي : هقوم اشوفها
فيروز: لا استني عايزه اعلمك
عدي : اؤمري يا رزه
فيروز : اخواتك بنات محتاجين راجل يبقي جنبهم
عدي :اخواتي البنات هييقوا كويسين من غيري وخصوصا بسمعتي دي
فيروز : بس انت مظلوم وانت عارف كده كويس
عدي : انا عارف وانتي عارفه بس الناس اللي بره مش عارفين فعلشان كده لازماً ابعد ... مش كفايه سمعه ابويا اللي ساب امنا علشان يتجوز واحده اجنبيه كل يوم سهر ونكد... لغايه ما كان هيضيع بروج
فيروز : قفل علي الموضوع قفل اصل كل اما يتفتح قدامي بدعي علي ابوك.... البت لغايه دلوقتي بتعاني من اللي حصلها ببقي اعدي علي اوض البنات اطمن عليهم بلاقيها يا عين امها بتخرف وهي نايمه واوقات بتصرخ
عدي : حسبي الله ونعم الوكيل في ده اب... تعرفي احسن حاجه ان جدي لما محمد ابن عمي الله يرحمه قاله علي اللي حصل قاله مفيش بنات تعقد معاه تاني... دول بناتي انا وانا اولي بيهم وجبهم قعدهم معاه ... لسه كلامه بيتردد في ودني.... ولومت نفسي اوي اني اخترت جدي من الاول وسبت منه وبروج لبابا
فيروز : ايه يلا العبط اللي انت بتقوله ده
عدي : لا يا رزه متفهمنيش غلط انا قصدي اني كنت لازما ابقي زي ضلهم وكنت احميهم علي الاقل كنت منعت اللي حصل لبروج.
فيروز: طب ايه رأيك بقي اني فرحانه ان انت مروحتش مع ابوك من الاول... علشان غصب عنك كنت هتتطبع من طبعه وطبع اقوك فاسد... مش هو ابني اهو بس فاسد واخلاقه اتعدمت... ويا سيدي بروج ربنا بعتلها منذر ابن عمك الله يرحمه نفذها.... راخر بروج بعد موت منذر ربت ابنه لدرجه ان بيقولها يا ماما حنينه عليه اوي
اتلفت عدي حواليه
عدي : الا هو فين ابن منذر مشفتوش من اول ما جيت
فيروز مسكت رأسها : فجر '!!!.....يأختااااااي صدعلي دماغي اه والله وخلي بروج اختك تشد في شعرها قعد يزن علي دماغها علشان يطلع الرحله وفي الاخر وافقت اختك المتعوسه مهو مبتقدرش ترفضله طلب ..... وكل شويه يا قلبي امها تمسك تليفونها تتصل بالمشرف ... تطمن عليه...
وكملت فيروز وهي بتلوي بوزها : الرحله هتعقد تلت ايام اما اشوفها هتستحمل ازاي الفالحه بعاده
عدي : الواد ده بيصعب عليا اوي... امه ماتت وهي بتولده... وابوه يموت وهو عنده 5 سنين
فيروز : ربك بيقطع من هنا ويوصل من هنا... اهي بروج حنينه عليه... ولو كانت امه موجوده مكنتش هتحبه زي ما بروج بتحبه
كتف عدي ايديه وابتسم بسخريه
عدي : المشكله بقي الحال ده هيفضل حتي بعد ما بروج تتجوز!!!! .... مظنش.... مهو مسيرها برضه تتجوز
*************************,***,****
بعد يومين قاعده بروج في البرنذا واخواتها البنات معاها
بصت بروج لبعيد
بروج : مش دي سهام صاحبه تلا
منه : اه هي
بوسي : البت دي مبتنزليش من زور
بروج : قومي اندهي تلا تيجي تقابلها
منه : انا بقالي يوم مشوفهاش... يمكن تعبانه لما اقوم اشوفها
راحت منه تشوف تلا ووصلت سهام وهي بتنهج
سهام : بروووووج
بروج : منه راحت تندهلك تلا.. اقعدي استريحي
سهام : مش هتلاقيها
بروج : بمعني ؟!
سهام : تلا هربت مع واحد من عيله ولاد فارس
بروخ بغيظ : بلااااااااااال ؟!
*********************************
الحلقة الرابعه من هنا
