ميموووو 4
*******
سبحان الله وبحمده وسبحان الله العظيم
الحمد لله والله أكبر ولا حول ولا قوة إلا بالله العلى العظيم
أعوذ بكلمات الله التامه من كل شيطان وهامه ومن كل عين لامه
مر اكثر من اسبوع والامور مستقره كما هى
ميمو قايمه الصبح بكل همه ونشاط ... وبتتسحب على طراطيف صوابعها .. محمد قرب منها وبهمس.
محمد : ايه فى ايه بتتسحبى كدا ليه
ميمو بصوت اهمس منه : بابا هنااا وبتنطر ايديها والا مشى
محمد نطر ايده زيها : مشى من بدرى .. مالك بقى ..
ميمو فى حركه فجائيه رفعت ايديها وبتلف وترقص وتقول : العب يالا ... هههههه .. ارقص يالا
محمد نط قدامها وماشى يرقص وبيردد وراها : ماتلعب يالا .. ما ترقص يالا .. الاتنين جريو على امهم كل واحد باسها من خد
ميمو : صباح الصباح وبتميل وبتقولها بدلع ياست صباح
صباح بضحكه : صباحك معطر بالرزق يا ميمو
محمد : صباحووو يا صباح
صباح : صباحك ورد وفل وزرق يابنى .. ربنا يسعدكم دايما ويبعد عنكم الهم والحزن والكرب قولو أمين وصلو على النبى الأمين
محمد وميمو : اللهم صلى عليه .. اللهم أمين
صباح ضربتهم ضربات خفيفه : قايمين تغنووو وتترقصووو على الصبح مين صلى فيكو الفجر وبعدين اترقصووو براحتكووو
ميمو رفعت صباااع ومحمد كمان : وربنا صليناااا
صباح : ما شفتكوش يعنى
ميمو : ها تشوفينا ازاى وسعد خاطفك ومحلق عليكى جوا الاوضه ... وبتعلى صوتها .. نزل صلى فى الجامع انهارده يا صباح ..
صباح هزت راسها بنفى : لاء
ميمو : ماهو دا ادم صلى معايا وبتشاور على محمد يبقى اكيد سعد ما خرجش من البيت .. ثم كمان هو اليومين دول كل يوم ينزل فى نفس المعاد ليه .
صباح : عمك ابراهيم قاله تعالا بدال قعدتك فى البيت افتح معايا الورشه الصبح واهووو ربنا يرزقه باى حاجه هى فلوس المعاش ها تكفينا
محمد : اهاااا .. قولتى واعترفتى بالسانك يا ام أحلم واتمنى اطلب واتهنى انتى وبنتك
ميمووو : ههههههههه احلم واتأمبر وفوق واتأنعر ..
محمد ضربها على راسها جااامد وجرى على الاوضه
ميمو حطت ايديها على راسها وبعلووو صوتها : عيل رزل.. وبصت لامها .. روحى انتى وانا ها اعمل الفطار
صباح : نعمله مع بعض ونتكلم انا وانتى .. انا بحس ان انتى اختى مش بنتى
ميمو ركبتها الهوا : بتصغرى نفسك يا صباح وبتضحك .. اختك وماله ما يضرش
صباح : قوللى حلمتى بايه انهارده
ميمو : ههههههه محمد خلانى قطعت الاحلام .. الحمد لله ما حلمتش
صباح : وعامله ايه فى شغلك .. امورك ماشيه والا ايه
ميمو : الحمد لله ماشيه وصاحب الشغل مبسوط قوى كمان
صباح : اوعى تكونى بتشغلى اغانى يا ميمووو يلمو الشياطين ويطفشو الرزق يابنتى
ميموو : لا يا ماما .. انا ماشيه منتظه ساعه لقلبك وساعه لربك .. اول ما اروح المحل اروقه واشغل قران ... بعد الضهر بساعه اغااانى .. قبل ما امشى اطفش الشياطين الا اتلمت عليااا واشغل قرأن تانى
صباح : هههههه انتى يتفاتلك بلاد .. اهم حاجه انك بتشغلى القران ساعه الصبحيه
ميمو : صبحيه ايه يا صباح انا بروح الساعه 11
صباح : صبحيه بردو .. ربنا يرزقك انتى واخوكى والناس كلها رزق واسع ويباركلكم فيه يارب
ميمو بفرحه وبتفرد ايديها على وسعها : كترى كترى من الرزق عايزين نغتنى بسرعه
صباح : هههههه ياله طلعى الاكل
خلصو فطارهم ومنقارتهم لبعض ومحمد راح شغله وميمو ساعدت امها فى ترويق الشقه ونزلت لشغلها هى كمان ...
ماشيه فى أمان الله .. اعترضت طريقها عربيه
ميمو : على فكره الطريق قدامك اهووو تيجى تطلع معايا على الرصيف بالعربيه ..
أمير أبتسم : وعلى فكره انتى حلوه قوووى فى مانع اعاكسك بالعربيه
ميمو : قصدك تدوسنى بالعربيه .. ثم كمان احترم نفسك ترضاها على أختك .. طب بذمتك ترضاها على أمك .. بلاش امك ترضاها على نفسك
امير ضحك اكتر : انا بتعاكس عااادى ومابرضاش ازعلكم .. ترضيها انتى على اخوكى
ميمو بصت له وتنحت ولما ركزت شويه افتكرته .. هو .. ايوا هو امير الا اشترى منى النضارتين .. سابته ومشيت كملت طريقها وشبح ابتسامه على وشها .. وصلت المحل وفتحت وهى مراقبه بصمت ولاحظت انه كمل طريقه معاها ... دخلت وفتحت القرأن وبتنضف المكان زى ما هى متعوده ..وامير فتح ودخل وبيتنحنح
أمير : أحمممممم
ميمو : على فكره عيب قوى ولازم تفهم يا حضرة الاستاذ انى مش من النوع السهل والا حاجه او اجرى ورا سعتك .. اتفضل اخرج برا دا مكان أكل عيشى
أمير : بس انا زبون .. ينفع تخرجى الزبون برا المحل
ميمو : عايز ايه يا حضرة الزبون عشان انا بروق دلوقت ومش فاضيه
أمير : 😂😂 انتى غريبه عجيبه انا داخلت عيكى فى البيت
ميمو قربت عليه وبشر : وانت موريب وغامض .. وأمير بيرجع براسه لورا باندهاش ..
أمير : ليه طيب عملتلك ايه .. بقولك زبون واشتريت قبل كدا منك
ميمو : وهو المفروص الزباين تعاكس الا شغالين كدا عادى .. من غير لا رابط ولا حاكم .. وبرسميه اتفضل شوف انت عايز ايه
أمير بيبص لها بطرف عينه وبغمزه : شكلك كدا صاعبه ومش ها اعرف اتفاهم معاكى
ميمو بتهز راسها يمين وشمال : ايوا انا صاعبه جدا
أمير بيلف ايده وابتسم : جدا جدا .. والا ممكن نص ونص
ميمو بصوت هامس : والله على حسب .. وعلت صوتها انت بتقول ايه هى الاخلاق فيها نص ونص
أمير ضحك بصوت عالى وهى مراقبه ضحكته .. واتكلم بهمس جمب ودنها مش على حسب زى ما قولتى ولكى الاجر والثواب
ميمو : شكلك كدا دمك خفيف ويلطش .. اتفضل
أمير وقف قدام النضارات : طيب ها تختارلى ايه على ذوقك انهارده
ميمو : انهارده .. هو انت كل يوم بتشترى
أمير : لا بس حبيت المحل دا جدا وشكلى ها اصرف المهيه بتاعتى وتبقى جدعه لو عملتى واجب ليااا
ميمو : والله على حسب ها تاخد ايه وكام واحده
أمير بيشاور : انا ها اخد دى ودى .. ودى
ميمو احولت بعيونها : دا نضارات حريمى وأصلى وكمان اغلى حاجه
أمير بتاكيد : عارف ..ممكن بقى تظبطيلى الدنيااا .
ميمو قربت وشالتهم بفرحه وحسبت الحساب بتاعهم وقالت لأمير
أمير رفع حاجب : انتى متاكده انك عامله واجب وكدا
ميمو : طبعا اسأل على سعرهم برا وانت تعرف .. عارف الانواع دى مش ها تلاقى زيها تااانى .. انت ماشاء الله عليك طلعت بتفهم قوووى فى الانواع والاشكال الممتازه غير ذوقك الراقى وانا عملت الواجب وزياده
أمير شارو على نفسه : انا عارف طلعتى حنينه وبتوجبى الصراحه جاامد وزياده واتكى على زياده .. ها اخدهم ماعنديش مشكله
ميمو بتمط شفايفها وبترفع كتافها لفوق ؛ ولا انا عندى مشكله .. عملت الفاتوره وجهزتهم وامير خدهم والابتسامه ما اتشالتش من على وشه
ميمو قعدت وبتكلم نفسها : خد النضارات الا طالعه من عينى وكمان طلع مرتبط السافل اخ .. اخ يا نارى لو شوفتك ها انفجر فى وشك زى الكوره الكفر .. واتفجر ليه انا مالى وماله اصلا .. انسان ولا كل النسانيس عاملين زى القرود ما بيبطلوووش يتنططو من واحده لوحده
أمير خرج وركب جمبه واحد فى العربيه .. وبيقوله
مجهول : هااا ايه الا تم
أمير ضحك وفضل يضحك ويخبط ايد على ايد وبيتكلم باندهاش : تخيل ادتنى النضارات وزودت عليهم 500 جنيه واقنعتنى انها عامله واجب ونزلت فى تمانهم كتير وخلاص لقيت لقيه
مجهول : هههههههههههه تستاهل مش انت الا عايز كدا
أمير : فظيعه وربنا والا رد فعلها جااامد وشاطره
مجهول : دا الا عجبنى فيها بردو
أمير غمز : لا كدا نخسر بعض ومش ها ينفع اخسرك انت خط احمر بس ممكن ابلغ الحكومه
مجهول شاور على راقبته : هههههه اندبح ما تقلقش نيتى سليمه ميه فى الميه .. ومشى راح محل هدايا حط النضارات فى بوكس وحط على البوكس فوينكه كبيره جدا وكارت وكتب فيه ... ودا اجمل واجب منى لاجمل ميمووو عشان تعرفى انى أكرم منك .. وقبل ما تخلص شغلها بعت طفل صغير ومعاه البوكس .. وميمو خدته لما لقت اسمها على الكارت وطلعت تجرى ورا الولد بس ما لحقتهوش بمجرد ما خرج من الباب اختفى رجعت تانى المحل وعلى وشها علامات استفهام كبيره واول ما صاحب المحل وصل حطت الشال على البوكس الا ماتعرفش فيه ايه .. وسلمته كل حاجه وخدت حاجتها والبوكس وهى بتحاول تداريه ومشيت ..محمد قابلها وهو مروح وهى ماشيه ساكته ما بتنطقش.. وصل البيت وها يتجنن ويعرف مالها مش عارف دخلت الاوضه على طول ومحمد معاها وامهم دخلت وراهم عشان تعرف فى ايه وحطت البوكس قدامهم على السرير وباصله وحطا ايديها على شفايفها بتفكير .. ومحمد بيبص على العلبه وعمل زيها .. وامها واقفه ساكته . محمد كسر القاعده وبيقرب على البوكس ميمو صرخت بصوت واطى عشان ابوها ومحمد طار عند الباب ..ومبرق وبيقول
محمد : ايه ها تنفجر .. انتى جايبه ايه يا زفته
صباح : ههههههههههه تعالا يا راجل العيله
محمد بينفخ صدره وبيقرب عليها وميمو بتضحك وبيشاور على امه وبيكلم ميمو : هى تقصد اهانه بالموضوع دا
ميمو : قرب يا ديك البرار .. تعالا انا اصلا ماعرفش فيها ايه ولا جايه من مين
محمد ضربها على راسها : وبتاخديها ليه لما انتى ما تعرفيش .. بصى انا ها اخدها اديها لداليااا مولد النبى قرب وها اقولها خدى حار ونار فى جتتك
صباح : اعوذ بالله منك .. حرام عليك يابنى تعيش انت وهى وتتهنوو
محمد : هئ هئ .. هى بتتهنى لوحدها دا قربت تفتشنى وانا خارج من عندهم طول السنه مواسم وهداياا.. المهم ارجعو ورا عشان افتح دى وامرى لله ها اضحى بنفسى .. بس بقولك ايه لو فيها حاجه تستاهل نبيعها وبالنص
ميمو : وسع كدا .. انا ها افتحها بلا نص بلا ربع .. وقربت من العلبه وفتحتها وشالت الشيكولاته الا على الوش واتفاجئت بالنضارات
محمد مسك شيكولاتيه فى ايد ونضاره فى ايد : يا نهارى يا أما بتك انحرفت وماشيه على حل وسطها
ميمو شدته من شعره : اسمها حل شعرها
محمد : اه .. مش مهم المهم انك محلوله فى بعضك ..
صباح : منين دول يا ميمو
ميمو ابتسمت وبتتكلم بهمس : وانا الا افتكرته انه مرتبط .. وضحكت ما طلعش سافل طلع غرضه شريف وحابلى شيكولاته يا ولا
محمد : انتى سامعه يا صباح الا سامعه
صباح زقتها : مين دا يا بت بدال ما افوقك بالشبشب
ميمو : ماما هو انا صاحيه وفى بوكس وشيكولاته ونضارات
صباح : زى القرد عيونك مفنجله قدامى
محمد قرصها فى دراعها جااامد واتنفضت من مكانها ومسكت دراعها بوجع وشدها جااامد عليه : مين دا ما بهزرش
ميمو : ولما تعرف مين ها تعمل ايه
محمد : ها اعمل عاركه كبيره .. ازاى يبعت النضارات كلها حريمى مش يعمل حسابى انا فيها يا اخفيها
ميمو : هههههههه وقعدت .. تعرفو ان امير الحقيقى هو الا باعت الحاجات دى .. وقصت لهم كل ما حدث من اول مره شافته لحد دلوقتى
محمد رمى جسمه على السرير وبيشخر
صباح ضربته على رجله : بتهبب ايه انت
محمد : سيبينى يا صباح احلم انى اتجوزت البت داليااا وعندى شقه عشر تلاف متر وعربيه ونضارات احلى من دى وفلوس زى الاسطوره لما دخل الاوضه وعاملها بنك
ميمو وصباح : هههههههههههههه
صباح : لو الرجاله كلها بدماغك دى ماكناش عانينا ابدا فى حياتنا .. لمى يا بنتى ادام بيجيلك المحل ها يجيلك تانى اديه حاجته ولو عايزك بيت ابوكى مفتوح احنا ملناش فى الكلام دا
ميمو لمت الحاجه وشالت العلبه : حاضر يا ماما
محمد : شوفتى انا بهزر ليه .. عشان عارفك وعارف اخلاقك على ايه .. هاتيها بقى انا بقبل عادى خالص وممكن امشى مع امير عشان البت داليااا اولى
ميمو : بعينك يا حمدا بعينك .. اطلع بقى خلينى اغير .. وغيرت وبعد ما خلصت الدنيا مطرت جريت على الشباك وطلعت ايديها بفرحه وبتستقبل المطر وبصت للسما وشكل البرق مع اصوات الرعد وبتدعى ..وبتسئل هو ممكن الحلم مهما كان يتحقق .. الاصرار فى حلمى بيفرق فعلا زى م ماما قالت .. معقول .. يارب انا راضيه بكل الا انت كاتبه ليااا ومش ها اعمل حاجه تغضبك منى .. ولو امير خير قربه ولو شر ابعده .. والواد اخوياا يارب هو كمان حقق له احلى ما بيتمنى هو والبت داليااا صحيح خنقه بس كفايه انها مستحملاه .. وكفايه بردو انه مستحملها عيال معفنه زى بعض اعوذ بالله .. محمد من وراها
محمد : يخربيت الغل الا جواكى .. بتدعيلى والا بتدعى عليااا
ميمو : ههههههههه ما انت مش سالك كل ما ادعليك انت وهى تتقلب عليكووو
محمد : صحيح تعرف فلان .. لا ما اعرفوش .. عاشرته .. اه .. يبقى اكيد ما تعرفوووش
ميمو : ههههه هو دا اثبت على موقفك .. وانا خارجه اتغدى عشان ما دقتش لقمه من الفطار وانام اوووخ
محمد : اووووخ عليكى وعلى معرفتك بت سودا.. ياله انتووو كمان عايز انام وألحلقى كام حلم .. وبيشاور على نفسه وبيكلمكم انا .. لا مش انا الا كنت بقول اتنيلووو .. دى هى هههههه سلااااام مربع
الحلقة الخامسه من هنا
