ميمووو 5
*******
سبحان الله وبحمده وسبحان الله العظيم
لا حول ولا قوة إلا بالله العلى العظيم
أستغفر الله .. الحمد لله ... لا إله إلا الله .. الله اكبر
💗💗💗💗💙💙💙💙💚💚💚💚💚💚
محمد : ميمو .. بت يا ميمووو .. فوقيلى كدا ثانيه
ميمووو بنوم : يووواه بقى عايز ايه يا محمد سيبنى انااام
محمد : فين شرابى الاسود واتخمدى .. خلصى مش لاقيه
ميموو : هااااه .. ماعرفش ابعد عنى
محمد : لا دا انا اروح فيكووو اخر الشارع .. لسا شاريه جديد بورقته وشد البطنيه اتعدلى هناااا وبيبص على رجليها لقاااها لابسه مسك رجليها الاتنين وبيهزها جااامد .. ايه دا يا الا تتنيلى على عينك .. لابسه شاربى ومن بجاحتك لابسه بالتيتك
ميمو : 😂😂😂 عشان ارجعه مكانه من غير ما تحس .. اصلك شرانى ونابك ازرق
محمد بغل : نابى ازرق طيب تعالى عشان انتى تستاهلى كل خير واترمى عليها مسكها من دراعها عضها
ميمو بتفلفص منه وبتتحرك جاامد وبتصرخ : اعاااا
صباح دخلت جرى وضربت محمد : اتعدل من على اختك يا واد انت
محمد اتعدل : الهانم انا قالب الدنيااا على الشراب وهى لابساااه .. انا قايل ايه ورايا مقابله مهمه يا بارده وها اقعد واحط رجل على رجل
ميمو حطا ايديها على دراعها وبترفع راسها وتنزلها وهى بتقول : اعاااا .. اعاااا .. اعاااا
صباح : اكتمى جعورتك .. بتلبسى شرابه ليه
ميمو بتمسح مناخيرها فى كمها وبتتشنهف : لقيت حاجه جديد يا صباح بالتيتك اسيبه .. قمت لابساااه وبتخن صوتها وملبسوش ليه يعنى
محمد شد الشراب : هو بتاعك وبيشد الورقه الا عليه من قدام .. لابسه فى رجلك شراب با اليافطه
ميمو وصباح : هههههههههه
سعد : انتو مش ها تبطلو مناقره ابدا
ميمو : بابا اضربه
سعد قرب عليه وضرب محمد بهزار على راسه : تامرى بحاجه تانيه يا سوت هانم
ميمو : متشكرين يا عمووو عثمان خده فى ايدك وانت خارج الله يخليك وادبحلك ديك
محمد : انتى اخرك قطه تدبحيها يا معفنه
سعد ضربه جاامد على راسه : طب قدامى ولم نفسك
محمد طالع قدام ابوه : حاضر يا بابى ..
ميمو بغمزه : خير اللهم أجعله خير سعد رايق انهارده .. لا بيشخط ولا بينطر
صباح : الله اكبر فى عنيكى اتخمدى واسكتى ورفعت ايديها يارب يفضل كدا على طول
ميمو : يارب يا صباح يارب .. وشدت البطنيه عليها وكملت نووووم .. صحيت فى معاد شغلها ولبست وخدت البوكس ونزلت جرررى .. وصلت المحل وعملت المعتاد عليه .. فضلت طول النهار تستنى ان امير يجى بس خلف توقعها ومجاش ابدا .. الليل جه وهو مجاااش .. صاحب الشغل جه وهو مجاااش
كمال : عامله ايه يا ست ميموو
ميمو : الحمد لله بخير
كمال : ها الاخبار انهارده ايه
ميمو : الحمد لله كله تمام وعشره على عشره .. وبدأت تطلع الدفتر والفلوس .. ولاحظت انها بتكلمه وهو مركز مع معاها هى شخصيا مش مع الا بتقوله
ميمو باحراج : مالك يا استاذ كمال
كمال : طلعتى شاطره وامينه جدا .. انتى ليه ما بتاخديش الزياده الا على حق النضاره
ميمو : اخدها ليه من غير ما حضرتك تعرف
كمال : عادى .. طيب ما البنات بيجو يصورو ويعرضو وبياخدوها بسعر مخفض وبيعرضوها على جروباتهم بسعر اعلى بكتير وبياخدو هما فرق السعر
ميمو : لو انا شغاله زيهم اكيد ها اعمل كدا .. انما انا فى المحل عندك ولازم يبقى عندى امانه وماعنديش استعداد اخد جنيه واحد مش من حقى او من وراك
كمال : ربنا يكتر من امثالك يا ميمووو ..وبص على البوكس .. هو دا ايه بتاعك
ميمو بارتباك : ايوا .. الصراحه لاء .. انا ها اقول لحضرتك كل حاجه وحكتله على الا حصل من أمير كله لما خد النضارات وباعتهم مع لد صغير .. بس هو دا الا حصل
كمال هز راسه وابتسم : طيب حلال عليكى ليه سايبهم هنا
ميمو : عشان لو جه تانى ارجعهملووو لايمكن اقبل حاجه زى كدا
كمال : وانتى ماتعرفيش عنه حاجه طبعااا
ميمو هزت راسها بنفى : ماعرفش ايوتها حاجه الله يسامحه
كمال ضحك بصوت عالى : ايوتها .. طلع تليفونه واتصل على واحد وميمو بتاخد حاجتها وخارجه شاور بايده تستنى وقعدت وهو خرج كمل المكالمه برا .. ودخل عليها وميمو قامت وقفت والصدمه باينه على وشها وبتقوم من على الكرسى ببطئ
كمال حاطت ايده على كتف أمير وبيبصله : ايه رايك جبتهولك اهووو .. احبسه هنا واضربهولك علقه حلوه وتمام .. وأمير بيبص لها وبيضحك ...
ميمو : احممم .. ه.و .. احممم .. وبتشاور بصباعها .. انت تعرفه
كمال ضحك : ابنى الكبير .. يعنى اعرفه عز المعرفه .. البيه كان جايلك عشان الشغل ليكى اول يوووم ويعلمك لانى ماكنتش قادر ومن ساعتها وهو بيشتغلك وبيراقبك طول الوقت وجننى وجنن امه بيكى .. هى نفسها تشوفك من كتر كلامه والضحكه الا ما بقتش تفارقه
ميمو شدت شطنتها وطلعت تجرى برا المحل .. وامير جرى وراها .. ما رديتش تقف ركب العربيه ومشى وراها ..
امير نزل القزاز وبيكلمها : ميموو ... اسمعينى .. طيب انتى زعلانه ليه طيب
ميمو بتتكلم فى التليفون : انت فين ماجتش خدتنى ليه
محمد : خارج مع اصحابى ما انتى عارفه .. ياله سلام وقفل
أمير : ها انزل اركبك عافيه
ميمو سمعت الكلمه وطارت فى الشارع وأمير وراها .. وصلت بيتهم وطلعت بسرعه .. ودخلت اوضتها وبتبص عليه من الشيش بتاع الشباك .. ولقته واقف زى ما هووو .. لحظات ولف ومشى ..
صباح : مالك يا ميمو داخله وواخده فى وشك يابنتى ..
ميمو اترمت فى حضن امها وجسمها بيتنفض وبتعيط
صباح القلق بان على وشها وضمتها جاامد وبعدين عدلتها : مين دايقك صاحب المحل .. والا الواد الا جابلك الهديه
ميمو رفعت صوباعين : الاتنين
صباح : ليه اوعى يكون قل ادبه عليكى قدام صاحب المحل وصاحب المحل طردك
ميمو : يا ماما انتى ألفتى قصه فى ثانيه ليه هو انا قولت كدا
صباح : طيب ايه حصل تعالى نقعد الاول .. وقعدو وميمو قصت لامها كل شئ
صباح ابتسمت : طيب ايه دايقك كويس انه قايل لابوه وامه يعنى نيته سليمه
ميمو عيطت اكتر : انا كنت مستغربه اشمعنا التلات نضارات دول الا جابهوملى .. البيه كان بيراقبنى فى كاميرات المحل .. يعنى قاعد يتفرج عليااا السافل .. وكمان سايبنى اضحك عليه فى السعر
صباح : انتى بتضحكى على الناس فى سعر الحاجه يا ميمو .. اخص عليكى وعلى تربيتك
ميمو : يا ماما لا مش باخد حاجه حرام .. انا بعرض عليكى بسعر انتى وافقتى عليه تمام ما وافقتيش براحتك .. وبردو انا عملت سيرش على اسعارهم احنا اقل من اى حد برا
صباح : طيب قومى غيرى هدومك عشان مش ها ترجعى الشغل تانى
ميمو : وشغلى ومرتبى
صباح : بصى يا بنتى اسمعى منى الكلام وحطيه حلقه فى ودنك .. الشغل الا يجى على كرامتك وخصوصيتك بلاش منه .. الناس دى احنا مانعرفهاش ولا نعرف اخلاقها ولا غرضها .. والرسول عليه افضل الصلاة والسلام قال ايه
ميمو : عليه افضل الصلاة والسلام
صباح : اتقو شر الشبهات .. يعنى اى حاجه انا شاكه فيها او ممكن تشبهنى ابعد عنها دا افضل لياا ... مش ارمى نفسى فى التهلكه واقعد اتفرج ايه يحصل
ميمو عيطت : بس يا ماما كل المحلات كدا فيها كاميرات مراقبه
صباح : انا عارفه بس المراقبه دى عشان الزباين والسرقه او اى أمر لقدر الله .. انما واحد قاعد يتفرج عليكى والله أعلم كنتى بتعملى ايه لوحدك .. واخده راحتك .. قاعده براحتك .. بلاااه الشغل يا ميمو احنا فى غنى عنه وعن الفلوس اسمعى كلام أمك ربنا ها يكرمك ويقربلك كل الخير يا بنتى
ميمو بعياط رمت نفسها فى حضن امها .. وامها بتمسد عليها وبتحاول تسكتها .. خدتها وقامو يجهزو الغدا .. ومر يوم بعد يوم وميمو بطلت تروح الشغل ... وامير ها يتجنن ..
أمير : وبعدين يا بابا .. انا ماعرفش هى زعلت من ايه
كمال : زعلت انك استغفلتها ..قول منظرى ايه قدامها .. لتكون فاكره اننا بنلعب بيها
أمير : انا عايز اتقدم لها شكلها كدا ما بتتفاهمش فعلااا
كمال : على طول كدا يا امير هى اشتغلت غير فتره صغيره
أمير : بقالك اد ايه بتزن علياا عشان العروسه .. والعروسه موجوده واختبرتها بما فيه الكفايه البنت بيرفكت ..وكفايه اخلاقها
كمال : خد راي امك وانا معانديش مانع .. انا شخصيا حبيتها جدا
أمير ابتسم : ما بلاش انت
كمال ضحك : ما قولتلك لا يجوز .. صحيح نفسى اتجوز تانى بس امك حبيبتى بردو
أمير : وربنا انت لو فكرت بس كانت تبقى مصيبه
كمال : هو انا مخوفنى غير المصيبه دى ..اتفضل بقى انا مروح مش قادر اقف فى المحل
أمير : لا مش ها ينفع السنتر انهارده صعب اغيب او اعتذر عنه .. ها يقولو علياا مدرس فاشل
كمال : طيب اتفضل عشان مش طايقك كانت البنيه شايله الليله ومبسوطه راحت ما رجعتش
امير بغمزه : خلاص شوف غيرها بقى .. ومشى على طول
كمال : حتى العربيه مش مهنينى عليها .. الله يسامحك يابنى .. ودخل المحل ..
مر اسبوع اخر
************
محمد : انتى ها تفضلى مرزيه كدا .. فين الشقلبظات بتاعتك .. حتى دمك تقل .. مالك يا بت انتى يروح امير ويجى وزير
ميمو : ههههههه وزير حته واحده
محمد : لا على كذا حته .. ها يبعت رجالته عشان يجيبو قرارك .. وبعدين اهله يعاينو البضاعه .. وبعدين امه تكسر البندق وتشد شعرك .. وبعدين هو بقرار جمهورى بغسل وشك للتاكد من وجود رموش طبيعيه وخدود وشفايف ام اسماعيل مش ابو اسماعيل
ميمووو : 😂😂😂😂 هو انت عملت كدا فى داليااا
محمد : دالياا انا اول حاجه عملتها قولتلها اتوضى وتعالى نصلى الجمعه فى الجامع مع بعض
ميمو : اه يا قرد .. والنيه
محمد رفع صباعه : بأمر سليمه يرضيكى اخدها داليا .. تطلع واحده تانيه
ميمو هزت راسها : تعرف ان عندك حق .. الموضوع بقى اوفر قوى
محمد : يابنتى الواد صاحبى عمل مكياج عندنا عيل كان ها يخطبه ونازل معاكسه فيه والنصيبه جاله هبل اول ما التانى شال البلاوى الا البنات بتعملها من على وشه
ميمو : انا مخنوقه يا محمد .. مخنوقه قوووى وعيطت
محمد لف ايده حوالين راقبتها وضم راسها .. وبيمسح دموعها .. وقام بيشدها .. قومى
ميمو : ها نروح فين دلوقتى
محمد : ها اكلك ايس كريم عارفك بتعشقيه فى الشتااا وربنا يعوض علينااا ..
ميمو لبست ترنج تقيل ونزلت هى ومحمد وحاطين ايديهم فى ايد بعض ... وبيهزرو ويضحكووو .. بعد وقت طالعين مع بعض وميمو ماسكه ايس كريم بسكوته فى ايديها وبتاكل منها ومحمد فتح ودخل وهما بيضحكوووو .. واول ما دخلت اتسمرت مكانها اول ما شافت أمير قاعد فى وشها وشكله يهبل وجمبه ابوه وامه .. بصلها وعيونه بتلمع وفيها بسمه وغمز غمزه خفيفه لها ..
محمد شدها وقالو السلام عليكم .. وهما ردو عليهم ووالدة أمير قاامت وبتشاور على ميمو ومبتسمه .. هى دى عروستنا
سعد بابتسامه : ايوا هو عروستنا ..
صباح : أدمى يا ميمو سلمى على طنط منال
ميمو بتسلم بتوتر ومحمد شد الايس كريم بعد ما سلم عليهم .. وهى سلمت عليهم ولسا ها تدخل جوا طلبو منها تقعد .. وقعدت
وامير طلبها رسمى ووالدها خدها فى الاوضه خد رايها وطلبوو اسبوع مهله .. وكمال اثر عليهم وبعد ما اتكلمو مع ميمو وافقو على خطوبتها .. واتفقو على كل حاجه حتى الجواز بعد ست شهور .. وطول الفتره دى كان سعد له قانونه الخاص الا بيمنع ميمو تخرج مع أمير .. ولو خرجت عشان تنقى حاجتها يبقى فى وجود امها اخوها ومقابلاتها مع امير حتى فى البيت قليله جدا وفى وجودهم .. ليله الفرح .. ليله مميزه عندهم الاتنين وكل واحد بيستعد لدخول حياااه جديد وميمو فى قمة سعادتها .. معقول حلمها اتحقق وخلاص ها تتجوز أمير .. نامت وقامت الصبح بكل همه ونشاط .. واهلها بيفطرو معاها وصباح مش مبطله عياط .
محمد بزعل حاضنها جامد : خلاص ها تسيبنى .. وكمان ها تتجوزى قبلى يا زفته
ميمو ضربته على ضهره وضحكت وضمته اكتر : ها يوحشنى راخمتك قوووى
محمد : من انهارده ممكن اروح وارخم عليكى وعليه ... بما انى وقعت فى اربيز امى وابويا..
ميمو اتعدلت ؛ بقولك يا واد انت صحيح اوضتنا خلاص انا ها اسيبها اتجوز انت ودالياا هنا
محمد ضحك وابوه امه : ها اتجوزها فى الاوضه بالعرض والا بالطول .. يابنتى انا وانتى كانت الاوضه واخدانا بالعافيه .. خلاص يا ميمو وعلى صوته لقيت الشقه يا بت وها ادفع المقدم بكرا
ميمو بتهيص معاااه وبيتنططو : هيييه .. والباب خبط وكانت داليااا
داليا : فرحونى معاكو صوتكو جايب اخر الشارع
ميمو فتحت ايديها وبصريخ : ها تتجوزى يا فقر .. الواد خلاص ها يتفق على الشقه وينقل العزال بتاعكم ..
داليا حطت ايديها على قلبها وقالت يالهوى ووقعت
محمد جرى عليها بيهوى وصباح راحت تجيب ميه وسعد بيخبط كف على كف
محمد : يخربيت جنانك .. ها تجيبلها ساكته قلبيه .. البت ها تروح منى بعد ما يقرب من تلت سنين عذاب
ميمو : انت داخل التاريخ .. وداليا بتفوق وصباح بتشربها ميه .. بقولها جبت الشقه وها تتجوزو وداليا شرقت تانى ..
سعد : 😂😂😂
محمد : انتى جايه تطلعى فى الروح يا داليا طيب استنى لما نتجوز
داليا : جد يا ميمو .. لقى الشقه خلاص
ميمو : وربنا جد يا بت
داليا حطت ايديها على صدرها
صباح : وربنا ها اسيب دماغك تتفتح نصين
داليا حضنت صباح وبتبوس فيها وقامت وقفت ومسكت ايد ميمو وبيتنططو جااامد ..
محمد : اهئ اهئ .. اتجننت
داليا ماسكه ميمو ونازله من غير ما يكلمو حد ..
صباح : خد يابنى الفستان وحاجة اختك والحقهم اتنين اجن من بعض .. ومحمد طار وراهم بالحاجه وبينادى .. طب وانا .. انا الا لقيت الشقه مش هما
عدى الوقت بسرعه .. وامير راح الكرافير لميمو ... ودخل خدها بفرحه .. وركبو العربيه ومحمد بيسوق وداليا جمبه ..
أمير ماسك ايديها وبيبص لها وبيضغط على ايديها جااامد ..رفعها وباسها برقه وبص فى عيونها وبهمس . مبررروك يا ميمو
ميمو بابتسامه واحراج : الله يبارك فيك
محمد : نحنو هنا يا جدعان ارحمونا بقى حرام عليكو
أمير : عقبالكم .. فى السريع بقى
ميمو بتهز راسها : اه ما تضيعوش وقت كفايه عليكو كدا
محمد : داليا يا حبيبتى ملكيش دعوه بالناس دى
داليا : ما ادايقش .. ليك عين تقولى ما اديقش
محمد : خلاص .. وربنا ما انتى مكمله .. ياله بقى كفايه عليكو كدا انهارده عشان شكلى ها افسخ الخطوبه عشان اجدد احلامى .. سلاااام مربع
الفصل السادس من هنا
