الجزء التاني من قصة ( شالية الساحل )
كنت بتهته بالكلام، مقولتش كلمة مفهومة على بعض لكن في الاخر قدرت اخرج كلمة واحده مفهومة:
- احنا مأذناش حد، انتي مين؟!
اول ما قلت الجملة دي، الست او العفريتة دي اتعصبت اكتر من الاول فضلت تصرخ بكل قوة لدرجة اني حسيت ان مش هي بس اللي بتصرخ ده في الالف من الكائنات اللي بتصرخ معاها!
اخر جملة قالتها قبل ما تختفي:
- هيدفعوا التمن يا بنتي، هيدفعوا!!
وكل حاجه اختفت، لقيت نفسي ع الارض و صحابي التلاته جمب مني، احمد و حسام وجودة.
كانوا مخضوضين وبيحاولوا يفوقوني!
بصيت عليهم وانا مش فاهم حاجه، اكيد انا شربت كتير و هلوست.
جودة و احمد وحسام قوموني من الارض وقعدت على الكرسي بعدها جودة اتكلم وقال لي:
- ممكن اعرف ايه اللي حصل جوه، و البت راحت فين بظبط!
رديت و قلت له:
- معرفش ايه اللي حصل، انا دخلت انا وهي ولسه هقلع القاميص ببص مالقتهاش قدامي! لحد ما حصل حاجات غريبة جوه.
كلهم كانوا بيبصوا عليا وهما منتبهين لكلامي وماحدش فيهم نطق بكلمة فكملت انا وقلت:
- لما البت اختفت معرفش بدات اسمع اصوات غريبة و الاوضة مسك فيها النار، وظهرت واحده ست و وطفلة! الست كانت بتقول حاجات غريبة زي اننا قتلنا بنتها وهي مش هتسبنا! انت جبت البت دي منين داهية!
جودة سكت شوية و هو بيبص حواليه، راح على باب الشقة وبعدها رجع قال:
- الباب لسه مقفول زي ما هو امال هي خرجت ازاي!
احنا مش فهمين اي حاجه، يعني ايه حد يكون موجود معاك ف الشقة وهي مفقولة، فجأة ماتلقوش يختفي ايه نط من الشباك، طب حتى الشبابيك عليها حديد عشان الحرمية!
فضلنا على الحال ده لحد تاني يوم الصبح، انا قررت اني هرجع القاهرة السفرية دي شؤم اصلا. كلهم وفقوني الراي وفعلا حضرنا شنطنا و رجعنا القاهرة.
****
تالت يوم من رجعنا القاهرة محصلش ما بينا طول التلات ايام دول اي تواصل.
في اليوم الرابع صحيت من النوم مفزوع من ابشع كابوس اشوفه. صحيت لقيت نفسي في شقة الساحل و شفت هناك جودة كان جوه الشقة، بيسحب طفلة على الارض! فضل يسحبها لحد ما خرج بيها بره الشالية، كنت سامع صوت الطفلة وهي بتتسحب، صوتها كان زي صوت التعابين! لما خرج الطفلة بره الشالية، جاب حجر كبير ونزل على راسها ضرب لحد ما راس الطفلة بقت مافهاش حتة سليمة! بعدها شفت جودة دخل الشالية تاني و هو كان مبسوط جدا وبيضحك بنصر! خرج بعد شوية من الشالية وكان في ايده جركن، فضه الجركن ع جسم الطفلة و بعود كبرية حرقها!!
صرخت وقمت مفزوع من الكابوس!
فضلت صاحي مش عارف انام وبفكر ف اللي شفته طيب ليه انا شفت جودة وهو بيحرق الطفلة دي؟! كمان هي هي نفس الطفلة اللي شفتها اول مرة ف الشالية بعد ما دخلت مع البت و اختفت؟! طيب ايه ياترى يا جودة مخبي عننا ايه!
ف اللحظة دي لقيت احمد بيتصل بيه، احمد ليه هيتصل ف الوقت ده احنا بعد نص الليل! رديت عليه كان باين ع صوته انه خايف و مش عارف ياخد نفسه قال لي وهو مش قادر ياخد نفسه:
- انا شفت جودة كان بيحرقها يا اسلام!
مش فاهم حاجه منه فقلت له:
- اهدى يا ابني انت ووضح كلامك مش فاهمك
= جودة شفته ف حلم او كابوس معرفش بقى، شفتو وهو بيحرق طفلة عند الشالية بليل!
الله يعني نفس الكابوس اللي انا شفته احمد شافه ومش بعيد حسام التاني يكون شافوا!
قفلت مع احمد و هديته وقلت له اني هاجيله بس التليفون رن تاني وكان جودة هو اللي بيتصل!
فتحت التليفون وجالي صوت جودة اللي كله خوف:
- اسلام الحقني هي هنا بتقول انها هتحرقني انا شفتها ف المطبخ جايبه جركن جاز و ف ايديها كبرية جريت ع الاوضة وقفلتها! بس هي بتحاول تكسر الباب الحقني ارجوك!!
سمعت كلامه جريت ع الفيلا بتاعت ابوه اللي عايش فيها لوحده لانه مسافر بره مصر، دخلت جوه لقيته قاعد برة الفيلا و جسمه كله متغرق جاز!!
شفته ع المنظر ده قلت له:
- ايه اللي حصل يا ابني ايه اللي مبهدلك كده!
= كسرت عليا الباب وسحبتني لبره وكبت الجاز عليا واختفت!
زعقت فيه عشان افهم منه ايه اللي بيقولوا ده فسالته:
- مين دي بقى اللي عملت فيك كده فهمني
= هي نفس الست اللي شفتها ف الاوضة!
****
بعد ما دخلت جودة وغير هدومة اللي كلها جاز جه احمد و حسام، فضلنا قاعدين نفكر ف الرعب اللي احنا ده.. طبعا النقاشات ما خليتش من الخناق مع جودة لانه هو اللي دخل البت الشالية ومن بعد اختفائها المفاجئ ده وكل الرعب جالنا!
ف الاخر جودة قالنا انه يعرف حد زميلة لي ف المواضيع دي و بيعمل جلسات تحضير ارواح! هنروح له وهو بقى يشوف لنا حل.
فعلا رحناله بعربية جودة، دخلنا بيته وحكيناله كل حاجه وهو قال لنا انه هيعمل جلسة تحضير ارواح والجلسة دي هي اللي هتعرفنا ويفسرلنا اللي بيحصلنا..
الجزء الثالث من هنا
