صرخة زوج الجزء السابع
كلها ذكريات كدابه 😭
ولما هشام طلع شقته ودخل الحمام كان الفون ع الصامت والفون رن وهو مسمعش ولما خرج لاقى رساله من نفس الرقم وكانت ليلى طبعا وبتقول طلقنى يا هشام لو راجل طلقنى مش هينفع نعيش مع بعض تانى طول ما دخل بينا طرف تالت وهنا هشام تنح وقال طرف تالت يعنى ايه ؟!
وهنا هشام عرف أن ليلى بتخون زى اى ست جوزها مش مالى عينها 💔
هشام . مسك الفون واتصل ولاقاه مغلق رمى التليفون ما باليد حيله ودخل اوضه النوم ومن غير ما يغير هدومه نام ع السرير وعلشان كان تعبان من كتر التفكير نام نوووم عميق وفجأه قام من النوم مفزوع ع كابوس وفضل يستغفر ونام تانى ......
وفى صباح اليوم التالى فى شقه كريمه وكانت بتحضر لعزومه عمها وولاده وكانت الساعه حوالى 2 بعد الضهر ودار بينها وبين احمد جوزها الحوار ده
احمد . كريمه انتى يا ست هانم
كريمه . نعم هى فيها ست هانم يعنى البدايه مش مبشره 😂🙄
احمد . هشام عمل ايه مع ليلى يا ترى عرف راحت فييين ؟
كريمه . ما انت واخد جمب وحتى مسألتش وع يدك لو كان عرف كان ارتاح وكنا كلنا ارتحنا
احمد . غصب عنى دى صدمه وفضيحه كبيره ؟ عارفه ساعات بحس هو اللى عمل فى نفسه كده ! بقلمى كوكى سامح
كريمه . ليه بقى علشان بيعاملها احسن معامله
احمد . جايز بس اكيد دى انسانه مش كويسه
كريمه . ليه بتقول كده انت شوفت منها حاجه ؟
احمد . لا لا بس انا مستغرب ازاى تهرب وتسيب ولادها دول اطفال محتاجين رعايه امهم قبل ابوهم اللى تعمل كده تبقى من غير قلب .. قلبها ميت يبقى ازاى يقدر يحب
كريمه . انا مش صعبان عليه غير هشام هيموت نفسه عليها
احمد . صدقينى هشام عبيط
كريمه . لا عيب تقول ع اخويا كده هشام دكتور ولى مركزه ومحترم مع الكبير قبل الصغير ياريت تحترمه فى غيابه قبل وجوده
احمد . والله ما اقصد المعنى نفسه انا بقصد ميزعلش ع ست ناقصه خاينه عارفه انا ساعات لما بسمع اى جريمه راجل قتل مراته علشان خاينه أو ست قتلت جوزها علشان خاين بضايق جدا بقول ليه ما ربنا حلل الطلاق اى نعم هو أبغض الحلال إنما حلله منعا لكل ده .. والله ما اخد يوم حبس علشان ست خاينه تغور فى داهيه اكيد كانت شر ليه بقلمى كوكى سامح
كريمه . يعنى لو انا عملت كده هطلقنى بس طيب كويس 😂🙄
احمد . لا يا حبيبتى أنا عارف انك بنت اصول ومتربيه احسن تربيه . هقتلك بس 😂
كريمه . بردوا الرجوله جواك متنكرش وقعدوا يهزروا ويضحكوا وفجأه هيا عيطت وفضلت تصرخ
احمد وكريمه دخلوا عليها الأوضه ولقوها بتعيط كريمه فضلت تسكت فيها وخدتها فى حضنها وقالت ربنا ينتقم منك يا ليلى ايه ذنب الملاك ده وعينيها دمعت وأحمد قالها إن شاء الله بكره تتعدل
كريمه . خد شيل هيا بقى 😂 أنا هقوم احضر للعزومه عمى هيوصل ع 7 وانت عارفه خلقه ضيق 😂
احمد . هاتى هيا وروحى انتى
كريمه دخلت المطبخ واتشغلت فى تحضير الأكل طول النهار وقالت ياالله ازاى مكلمش هشام علشان ينزل وخرجت وقالت احمد هاتى التليفون ولا اققولك كلم هشام علشان ينزل
احمد . لا لا كلميه انتى بقلمى كوكى سامح
كريمه . علشان خاطرى كلمه مش عاوزاه يحس أنه لوحده
احمد . حاضر يا كريمه وأحمد مسك التليفون واتصل بهشام ولاقاه معاه تليفون
احمد . شكله بيتكلم واكيد لما يخلص هو هيتكلم
كريمه . ماشى عموما انا خلصت خلاص وهدخل اللبس علشان استقبل عمى وولاده واكيد انت عارف ان مجدى اول مره ينزل مصر ياااه ده بره من 15 سنه واللى متغاظه منه أنه متجوزش لحد دلوقتى مع أنه محامى ولى وضعه
احمد .والله ارتاح 😂 بقلمى كوكى سامح
كريمه . ههههه يا سلام انا داخله اللبس وكريمه دخلت تلبس وهشام اتصل ع تليفون كريمه وأحمد رد عليه وهو بيكلمه كريمه قالت احمد هات التليفون هقولوا ع حاجه
احمد دخل ع كريمه الاوضه واداها التليفون وقالت لهشام عامل ايه يا حبيبى أن شاء الله تكون احسن هشام رد بصوت حزين وقال الحمد لله على كل حال
كريمه يلا انزل بقى عمك ع وصول وكنت نسيت اققولك ان مجدى رجع من بره انزل علشان تسلم عليه
هشام قالها انا مش فايق والله بس هنزل حاضر ...
كريمه يلا مستنياك يا قلب اختك
هشام قفل مع كريمه وقال لما اققوم اعمل قهوه واجهز وانزل وفعلا دخل المطبخ يعمل قهوه وفتح ضرفه المطبخ وفضل يدور ع بن ونسى وقال ليلى فين البن وهنا قال يااااه معقول بعد كل الحب ده تسبينى وتهربى منى بس وحيات حبى ليكى ما هتشوفى ضفر عيل تانى يا ليلى وفضل يدور ع البن ملقاش وقال خلاص هقضيها شاى وعمل شاى وخرج قعد فالانتريه ويفتكر ليلى وكدبها عليه وازاى قدرت تمثل الحب وفجأه باب الشقه اتفتح وهشام اتخض وقال ...
الجزء الثامن من هنا
