عمرو / انا روحتلك على البيت وماما قالتلى انك خرجتى بدرى
همسة مش عارفة تقول اية
عمرو / انتى نسيتى اننا هنفطر مع بعض النهاردة انا مبجيش على بالك صح
همسة / اسفة جدا والله انا
عمرو / مع سليم صح
همسة / كان لازم اطمن علية انت عارف انى
عمرو / الظاهر انى معرفش حاجة لما يكون عندك وقت فاضى كلمينى سلام
في شقة سليم
اشرف / انا هروح اجيب البنت وهروح على الشركة
رحمة / هتيجى على العشاء
اشرف / لا مظنش عندى شغل كتير وعندى اجتماع لوقت متاخر لو حبة تنامى هنا مع سليم وانا الصبح هاجى اخدكم
رحمة بتدايق
اشرف / سلام احسن هتاخر
رحمة بتقاعد تفكر ومديقة اوى حاسة ان اشرف بيبعد عنها
.
**************************
.
همسة بتروح لسليم المكتب وباين عليها مديقة
سليم / همسة انتى كويسة فى حاجة
همسة بتبص لسليم اوى
همسة / للاسف كنت هعمل حاجة هندم عليها باقى عمرى
سليم / اية تقصدى اية
همسة / انا لازم امشى
سليم بيروح على همسة
سليم / فى اية فهمينى طب اية حصل وتقصدى اية
همسة / انت ممكن ترجع لوحدك صح
سليم / اة طبعا بس انتى
همسة / انا لازم امشى
همسة بتاخد شنطتها وبتخرج بسرعة و سليم مش عارف
هى تقصد اية وبيدايق اوى وبيقف بيفكر اوى فيها وبيروح بيبص من الشباك بتاع اوضته وبيشوف همسة بتركب تاكسى وبتمشى
و سليم بيروح على مكتبو وبيحاول يركز فى الورق والشغل بس بيتعصب وبيبعد الورق بعيد وبيلف فى الاوضة بيفكر
وريم بتدخل على سليم المكتب
ريم / بش مهندس الفاكس دة وصل من الشركة الالمانية
سليم / حطية على مكتبى ومش عاوز اشوف اى حد النهاردة
سليم بيجيب الموبيل بتاعو وبيتصل بهمسة و همسة فى التاكسى وبتشوف رقم سليم وبتعيط وبتحط الموبيل
فى الشنطة
.
**************************
.
هالة فى البيت والباب بيخبط وبتروح تفتح وبيظهر على وشها ملامح الحزن والخوف
هالة / انت
هاشم / ممكن نتكلم مع بعض هاخد من وقتك دقايق
هالة / بس
هاشم / هم دقيقتان بس
هالة / لو سمحت روح من هنا الى بتعملو دة مش هيوصلك لاى حاجة
وبيوصل اشرف وبيروح لوالدت همسة بسرعة
هالة / طنط هالة فى حاجة
هالة بترتبك اوى
هالة / لا يا حبيبى دة دة واحد من قرايب عمك عزت وكان ماشى خلاص
هاشم بيبص لهالة اوى
هاشم / فعلا بعد ازنكو
هاشم بيمشى و اشرف بيبص علية وهو ماشى ومستغرب اوى منو و هالة مرتبكة اوى
هالة / تعالة يا ابنى اتفضل ادخل
اشرف بيدخل وهمسة بتجرى على اشرف
اشرف / حبيبت بابا ها تعبتى تيتة ولا اية
هالة / ابدا همسة هادية وبتسمع الكلام ربنا يحميها
اشرف / انا هاخدها وشكرا جدا والله انا مش عارف اشكرك ازاى
هالة / ولا شكر ولا حاجة هي فى غلاوة همسة بنتى
اشرف بيمشى وبياخد بنته معاة و هالة بتقاعد ومديقة اوى وبتفكر
.
**************************
.
همسة بتروح لعمرو على الفندق وبتشوف عمرو قاعد ومعاة اتنين من رجال الاعمال فى الرسبشن و بتروح عليهم
همسة / عمرو
عمرو بيبص وره وبيشوف همسة وبيبتسم اوى و بيمسك اديها وبيروح يعرفها على العملاء
عمرو / اقدملكو همسة عزت المصممة بتاعتنا وكمان خطبتى
عمرو مبسوط اوى و همسة بتسلم على العملاء و عمرو بيمسك همسة من اديها وبيخليها تقاعد بكل حب و همسة بتشوف الموبيل بتعها بتشوف سليم بيرن عليها
عمرو / حببتى لو تليفون مهم ممكن تردى عادى
همسة / لا مش مهم اوى عادى يعنى
همسة بترجع الموبيل تانى فى الشنطة وبتسمع الحوار
الى بين عمرو والعملاء
.
**************************
فى الليل
همسة فى البلكونة قاعدة وبتروح عليها والدتها
هالة / مالك يا حببتى من ساعة مارجعتى من برة وانتى زعلانة
همسة / لا مفيش حاجة دة انا كنت مع عمرو النهاردة وكان يوم حلو
هالة / طب مش هتيجى معايا
همسة / هتروحى فيين
هالة / هروح اطمن على سليم انا عملتلو شوربة سوخنة من الى كنتو بتحبوها انو الاتنين وكنتو بتتخنقو عليها كمان
همسة / لا روحى انتى يا ماما انا تعبانة وعوزة انام بدرى
علشان فى تصاميم لازم اكملها بكرة الصبح
هالة / على رحتك يا بنتى انا مش هتاخر
هالة بتمشى و همسة عنيها على البلكونة بتاعت سليم
و سليم بيخرج البلكونة واول ما همسة بتشوفو بتدخل بسرعة علشان ميشفهاش
و همسة بتبص علية من ورى باب البلكونة وسليم ماسك الموبيل وباين علية بيكتب رسالة وفى نفس الوقت الموبيل بتاع همسة بيوصلو رسالة و همسة بتجرى وبتقراها
سليم / انتى فيين ولية مبترديش على الموبيل طمنينى عنك
.
**************************
.
سليم بيدخل الاوضة وبيفتح الاب توب بتاعو وبيسمع رحمة بتقول اهلا اهلا يا طنط هالة وبيخرج بسرعة على امل ان همسة تكون موجودة معاها
هالة / حمدالله على السلامة يا ابنى
سليم / تعبتى نفسك لية انا كنت بكرة الصبح هجيلك بنفسى
هالة / والله لما همسة قالتلى كان عقلى هيطير منى الف سلامة
رحمة / سليم طنط عملتلك الشوربة الى انت بتحبها
سليم / تسلم ايدك طب كويس ان رحمة ماخدتهاش منك
وبيضحكو
سليم / هى همسة مش فى البيت
هالة / لا دى رجعت من بدرى كانت مع خطبها ونامت علشان عندها شغل بكرة بدرى
سليم / اة كانت مع خطبها
رحمة بتبص لسليم اوى
هالة / انا اطمنت عليك انا همشى بقي ولو احتجتو اى حاجة كلمونى
رحمة / ربنا يخليكى لينا يا طنط يارب
هالة بتمشى
سليم / انا هدخل انام دماغى مصدعة تصبحى على خير
رحمة / انت كويس
سليم / رحمة تصبحى على خير
سليم بيروح على اوضته وبيقفل الباب وبيحدف بجسمو على السرير
.
**************************
.
فى الصباح
سليم بيصحى على صوت همسة الصغيره بتلعب حولية
و سليم بيمسكها بسرعة
سليم / انتى اية انتى عفريتة
همسة / لا انا اميرة التلج
سليم بيلعبها وبيضحك اوى وعيونو بتيجى على البلكونة وبيروح يفتحها وبيبص على اوضة همسة و رحمة بتروح على سليم ومعاها القهوة وبتحطها قدم سليم
رحمة / خرجت من ساعة تقريبا
سليم / نعم
رحمة / انا جوبتك على السؤال الى كنت بتدور على اجبتو
سليم / دة انتى عندك الحاسة السادسة بقي
رحمة / فى غيرك مش قادر يعرف اجابة وحدة من الاسالة الى فى دماغو
سليم / فى اية انتى و اشرف
رحمة دموعها بتنزل و سليم بيحضنها
رحمة / حاسة اننا عايشين مع بعض علشان لازم نعيش مع بعض وبس
سليم / بس اشرف بيحبك
رحمة / الحب لة وقت وبينتهى
سليم / الحب عمرو ما بينتهى بس احنا الى بنخنق الحب لحد ما يختفى بس بيرجع يظهر تانى اول ما بندور علية
رحمة / للاسف دة مجرد كلام وبس اما الحقيقة حاجة تانية
انت تعرف ان النهاردة معاد الدكتورة علشان تقولى نوع الجنين وحتى اشرف مفتكرش بس الشغل اهم
سليم / من زحمت الشغل ممكن ننسا كل حاجة حتى نفسنا
رحمة / انا هوصل همسة على المدرسة وهروح على الدكتورة
سليم/ هروح معاكى
رحمة /لا عوزة اكون لوحدى
سليم / مستحيل اسيبك لوحدك انا كمان عاوز اشوف ابن اختى
رحمة / سليم لو سمحت لازم اتعود شوية شوية
سليم / لا مستحيل
رحمة بتتعصب اوى
رحمة / سليم خلاص لو سمحت
سليم / خلاص اهدى من غير عصبية ولا نرفزة اوكى روحى
بس هتكلمينى اول لما تخلصى مع الدكتورة
رحمة بتروح تاخد همسة وبتمشى
.
**************************
.
سليم بيروح على الشركة
ريم / بش مهندش الخيوط الجديدة وصلت المخازن ودى الاوراق
وبتيجى موظفة تانية
الموظفة / يا بش مهندس دة الفاكس وصل لحضرتك النهاردة وكمان دى اوراق الضرايب وكمان فى
سليم / اية دة كلو اهدو شوية اروح المكتب ووحدة وحدة
سليم بيروح على مكتبو والموظفيين وره وبيبدا الشغل وبياخد الورق وبيمضى عليهم وبتدخل همسة ومعاها لفة قماش كبيرة مكتب سليم و سليم بيروح عليها بسرعة وبيساعدها
همسة/ شكرا
سليم بيبص لهمسة اوى و همسة بتعمل نفسها مش وخدة بلها خالص
همسة / انتى كويسة
همسة / انا اة
سليم / كلمتك كتير امبارح ومبترديش على التليفون
همسة / انا مسمعتش الموبيل وكنت مشغولة شوية
همسة / مالك فى اية
همسة / مفيش هو فى احاجة اصلا
همسة بتبص فى الساعة
همسة / ياااة الوقت اتاخر اوى لازم اروح خط الانتاج
همسة بتهرب من سليم بسرعة ودة بيعصب سليم وبيروح وره وبيروح على خط الانتاج و همسة بتشوف سليم وبتستخبى ورى ماكنة كبيرة و سليم بيسال العمال عن همسة
والعمال / الانسة همسة كانت هنا من ثوانى مش عرفيين راحت فيين
وبعد شوية همسة بتبص على سليم بيكون مش موجوود
و حطة اديها على قلبها وبتتنفس بصعوبة وبتخرج من ورى الماكينة وبتبص يميين وشمال على سليم ومش موجوود
همسة / الحمد لله
ولسة همسة بتبص وره بتشوف سليم واقف وحاطط ايدو فى جيوبو وبيتفرج عليها و همسة بتتخض اوى
همسة / سليم
سليم / انتى هتيجى معايا دلوقتى
سليم بيمسك ايد همسة وبيخرج بيها قدم الموظفيين وبيشدها من اديها وره وبيروح على اوضة المكتب وبيقفل الباب
سليم / انا اكتر واحد عرفك وفهمك ماشى انتى دلوقتى هتقوليلى فى اية مالك متغيرة لية فيين همسة بتاعت زمان ولية بتتهربى منى فى اية فهمينى
همسة / سليم لو سمحت وطى صوتك شوية انا مبحبش الصوت العالى وانت عارف
سليم / ولو موطتش صوتى هتعملى اية يعنى
همسة / سليم انا بحظرك ماشى.
وبيدخل مصعب
مصعب / اسف قاطعت كلامكو
همسة / لا ابدا مفيش كلام اصلا
مصعب / همسة كل حاجة فى العربيات وكمان فى اتنين من العمال مع العربيات ومنتظرينك تحت
سليم / ثوانى عربيات اية
مصعب / همسة قررت تشتغل فى الفندق والفندق خصص اوضة هناك علشان همسة تشتغل براحتها واخدت كل القماش والتصاميم
سليم / وانا معنديش اى خبر لية
همسة / اهو انت عندك خبر دلوقتى بعد ازنك
همسة بتروح تاخد توب القماش ومصعب بيشيلو عنها
و همسة بتخرج هى ومصعب و سليم بيتعصب اوى
وموبيل سليم بيرن وبتكون رحمة
سليم / رحمة
رحمة بتعيط
سليم / رحمة فى اية اهدى واتكلمى براحة اقدر افهم
رحمة / سليم ان ااا اناااا
سليم / طب انتى فيين
رحمة / انا فى المستشفى
سليم بياخد المفاتيح بتعتو بسرعة وبيخرج وبيروح على عربيتو و همسة بتشوف سليم بيجرى وباين ان فى حاجة
مصعب / فى حاجة حصلت ولا اية
همسة / اكيد
.
**************************
.
هالة فى السوبر ماركت و هاشم بيطلع قدمها
هالة / انت مبتفهمش
هاشم / انا حاولت اتفاهم معاكى باى طريقة بس انتى للاسف
هاشم بيمشى ومتعصب اوى و هالة بتخاف وبتروح على البيت بسرعة وبتمسك الموبيل وبتتصل بهمسة
هالة / همسة بنتى تعالى بسرعة عوزاكى فى موضوع مهم
الحلقة الثالثة عشر من هنا
