 |
| سر الغرفه |
ولما البوليس طب علينا خدوا أمين البواب وانا وجلال صاحب ابوكم واول استجواب كان لجلال ولما تم استجوابه قال كنا قاعدين كلنا سهرانين نهزر ونضحك ع باب العماره واليوم ده كان الجو برد جدا والليل كان ضالمه اووى بس الهزار خدنا والضحك احنا كنا 4 أنا وأيمن
ومرتضى وصلاح وطبعا أمين البواب بس كان قاعد بعيد عنا ولما كنا بنحتاج حاجه كان أيمن بيطلبها منه واحنا كنا قاعدين فجأه مرتضى تعب وقام مشى وأيمن راح وصلوا بس متأخرش ورجع بعد شويه وفضلت أنا وأيمن وصلاح وقبل الفجر بشويه ايمن طلب شاى من البواب وعمل الشاى وكنا مبسوطين لأن بقالنا فتره مشوفناش بعض وكان صلاح مضايق اوى وسأله أيمن :؟
مالك كده مهموم حاسس انك مش معانا وصلاح : قاله بنتى لسه متجوزتش وعدت 25 سنه اللى زيها اتجوزوا وعندهم عيال انا خايف لا تقعد على طول من غير جواز متقدمش ليها اى عريس لحد دلوقتى ده غير المصيبه الكبيره راح أيمن قاله مصيبه أيه رد عليه صلاح وقاله اتسرق منى مبلغ ومش عاوز اتهم حد بسرقته بس شاكك فى واحد صاحبى فالشغل راح أيمن قاله واللى يعرفلك مين اللى سرق هتعمل ايه راح صلاح قاله لي الحلاوه بس اعرف مين ؟؟
راح أيمن قال للبواب تعالى مش انت بتعرف فالطالع احنا عاوزين منك خدمه صلاح فى فلوس مسروقه منه وعاوزين نعرف مين خدها ؟؟ راح أمين البواب قال إن شاء الله هقولكم مين بس كده هنضطر نطلع فوق سطوح العماره فالأوضه اللى فوووق وفعلا كلنا طلعنا أنا وأيمن وصلاح وأمين البواب سبقنا على فوق ولما طلعنا لاقناه محضر حصيره وقال لنا هنقعد على الأرض بس أيمن قاله هنقعد على الأرض وكمان الدنيا ضلمه رد عليه أمين البواب وقاله يا بيه سبنى علشان اعرف لكم مين السارق وفرش الحصيره قدام الأوضه بتاعته وكان الباب مقفول وقعدنا احنا الاربعه على الأرض وأمين البواب قال يا استاذ هى الفلوس اتسرقت منك فين واسمك ايه واسم ولدتك ايه ؟
رد عليه صلاح وقاله اتسرقت فالشغل وانا من وقتها وانا مضايق وشاكك فى عشره عمرى وخايف اكون ظلمته ... وأمى تحيه وانا صلاح وهزر معاه صلاح وقاله ايه يا عم امين هتعملى عمل ولا ايه عموما انا أسمى صلاح ابن تحيه رد امين البواب وقال طيب معاك منديل قماش ابيض رد صلاح وقاله لا راح أيمن قال لازم منديل قماش طيب هنزل اجيب من شقتى بس أمين البواب مرضيش وقال انا
هجيب وفعلا قام جاب حته قماش لونها ابيض وقفل باب اوضته تانى وفرش المنديل وقال ياريت الكل يغمض عينه ومهما تسمعوا محدش يفتح عينه واللى هيفتحها هيتأذى وفعلا كلنا غمضنا عنينا وفضل يتمتم ويقول كلام غريب محدش فهمه وفى وسط الكلام قال احضرى هنا ودلوقتى عاوزك تقوليلى مين سرق فلوس صلاح ابن تحيه وفعلا سمعنا صوت ناعم وكلنا استغربنا مين دى وراح صلاح قال افتح عينى ؟؟ رد أمين بصوت عالى وكان متنرفز لا لا كده هتتأذى وفعلا فضلنا مغمضين بس كل واحد فينا جواه
سؤال مين البنت دى أنا مشوفتهاش بس سمعت صوتها وكان صوتها جميل وقالت عاوز تعرف مين اللى سرق أمين البواب قالها ايوه ردت وقالت خدمتك انا هقولك مين اللى سرق وهنا أيمن فتح عينه وكانت المصيبه ....
بدل ماتدور وتبحث علي الروايات خليها علي تليفونك وحمل تطبيقنا
