#قصة_لغز_الفتاة_العمياء. الحلقة الرابعه
حارة ضيقه جدااا بيوت قديمه ومتهالكه علي اول الحاره نزل من العربيه صالح وايناس
صالح ماشي عادي جدا علي عكس ايناس اللي بتبص للبيوت الطينيه والمتهالكه باستغراب شديد وكأنها اول مره تشوف المنظر ده بتبص باستغراب شديد علي البيوت والاطفال اللي بتلعب في الشارع وماسكه في لبس صالح وكأنه هيجري منها.
وقف صالح مع صاحب محل
-السلام عليكم يابلدينا لو سمحت كنت محتاج استفسار بس
-اتفضل يا استاذ
-فيه واحده عميه كانت عايشه هنا؟؟
صاحب المحل بص حواليه وكأنه اتخض من السؤال
بيبلع ريقه ويرد علي صالح : خير فيه حاجه؟؟
-لا مفيش يابلدينا كنت عاوز اعرف بس فيه واحده عميه كانت عايشه هنا ولا لا
لاحظت ايناس تردد وخوف صاحب المحل قاطعت كلامهم
-انا ياحج جايه من طرف ناس بتعمل خير وكنا جايين ناخدها عشان نطلعلها مرتب شهري او لو ليها عمليه نعملهالها
بلع صاحب المحل ريقه وكأنه كان خايف من حاجه ورد علي ايناس
-الله يرحمها يا استاذه اتوفت من فتره مش كبيره
-ايه ده بجد؟؟ الله يرحمها. هي ماتت بمرض يعني ولا ايه
صاحب المحل بصوت واطي : مااتت مقتوله لقيوها محروقه ومتعذبه باين الناس اللي كانو بييجو ياخدوها هما اللي قتلوها
-ناس قتلوها ؟؟ طيب ليه ‘وهي بتشتغل معاهم واكيد بيعطفو عليها عشان ظروفها اكيد هي مبتعرفش تشتغل ممكن يكون حد تاني ربنا ينتقم منه
-لا ياست الكل اصلها كانت روحها شفافه حاجه كده بيقولوها بتوع السحر والجن.
كان فيه واحد بييجي ياخدها بعربيته وبيقولو كان بيستخدمها عشان يكلم الجن وعشان يفك بيها كنوز الفراعنه
بدأ الخوف يدب اكتر في اوصال صالح واسراء
صاحب المحل بيتكلم بطريقه فعلا مخيفه جدا. وكأنه خايف يتكلم وكمان موضوع ان فيه ناس كانت بتستعمل البنت المقتوله في السحر واستخراج الكنوز خوفهم اكتر
ناصر سأل صاحب المحل :.هي اصلا كانت عايشه فين
-في البيت اللي هناك ده. ومن وقتها بنسمع اصوات من جوا كأنه فيه حد عايش مع انها جدتها اللي كانت عايشه معاها ماتت من الزعل لما عرفت انها اتقتلت جالها سكته قلبيه
بس كل يوم بنسمع صوت صريخ من جوا البيت
-بص صالح وايناس للبيت وبصوت واحد قالو
-بس ده الشباك مفتوح يعني حد عايش هنااك
صاحب المحل بصوت واطي : لا ده الشباك ده كل مابنقفله يتفتح لوحده. والكل اصلا خايف يقرب تاني يقفله فيه ناس بيقولو شافوها جوا قاعده بتبكي
جسم صالح وايناس اتهز من تخيل المنظر واستأذنو من صاحب المحل
مشيو ناحية البيت اللي فعلا شايفين في شباكه واحده واقفه كانها مستنياهم
صوت همس في ودنهم : ادخلو البيت ومتمشوش هوريكم حاجه
بدأ يظهر بصوره اوضح واحده واقفه في الشباك وبتشاورلهم
قربو للبيت اكتر
المنظر بشع. البنت واقفه ومحروقه بالكامل. جسمها بيطلع دخان كان النار مطفيه حالا
حوالين جسمها بطانيه نفس البطانيه اللي راحت بيها المستشفي
ايناس مسكت ايد صالح بقووووه قلبها بيدق ورجليها بتترعش وبتقوول
-يالا نمشي ياصالح انا مش عاوزه ادخل انا خايفه
-لو مشينا مش هتسيبنا لازم ندخل
اتحركو ببطئ لحد مدخل البيت ودخلو باب في الدور الارضي دخلهم جوا بيت القتيله
اصوات حواليهم كأن فيه شئ بيتحرك
النور فتح لوحده
بدأت الحيطه اللي قدامهم يتكتب عليها كلااام ويتمسح الكلام لوحده ويتكتب تاني الكلام كان كالاتي
-قتلووووني
-عاوزه حقي
-اسمه جعفر
-فتح بدمي كنز
-هاتولي حقي
صوت صراااخ بيزيد مع صوت الكتابه والكلام بيتكتب ويتمسح بشكل اسرع
صالح وايناس ماسكين بعض جااامد وبيرجعو خطوات لورا
عفريتة البنت العميا ظهرت من العدم قدامهم وصرخت بصوووت عااالي
-هاتووووولي حقي
ايناس اللي كانت بتترعش وقعت من طولها مغمي عليها. صالح مش عارف يجري من العفريتة االي اختفت وبيحاول يشد إيناس
بيبص حواليه شااااف ورقه ظهرت من العدم جنب راس ايناس بالظبط وصوت همس بيقوله خدها ياصااالح
مسك الورقه وحطها ف جيبه ومسك ايناس اللي بدأت تفووق شويه وبتصرخ من الرعب
خرجو من البيت وكان الحاره كلها اتلمت علي صوت صريخ طالع من بيت القتيله
الكل بيبص بترقب لحد اما شافو صاالح وايناس طالعين من جوا
مجموعة من الشباب بصو لبعض وبدأو يتكلمو
-اوووعي يامعلم. الواد ده كان جايب البنت دي وداخل جوا يعملو ايه
-شكلها صيده يامعلم ماتيجي نشوف ايه الكلام
-اهدا ياعم الواد طول بعرض وهتقلب بخناقه
-ياعم ده لوحده يعني هيخاف يتكلم تعااالي بس
قربت إيناس اللي فاقت بس واضح عليها الرعب وصالح ساندها من العربيه وقرب منهم الشباب
-واخد البطل دي ورايح علي فين يانجم
-صالح : نعم؟؟ انت بتقول ايه يابرنس
الشباب عملو دايره حوالين صالح وايناس والعربيه.
-بقولك ايه يانجم سيب المصلحه دي واخلع انت
صالح : وانا بقولك اللي هيقرب هطير رقبته انت فاهم؟؟
ايناس مرعوووبه جدااا اول مره تتحط في الموقف ده
بسرعه فتح صالح الباب ودخل ايناس وهو بيقول. اقفلي الباب عليكي بسرعه
والشباب واضح عليهم الغيظ والإصرار قربو لصالح وكل واحد فيهم طلع من جيبه سكينه او مسك خشبه وصالح جري جاب خشبه كبيره
الشباب جريو علي صالح اللي رفع الخشبه بايده وعلي راس اول واحد ونزل بالخشبه طرااااخ. وقع مكانه متحركش
التاني مسك السكينه وطلع فوق العربيه ونط ناحية صالح عشان يغرس السكينه ف جسمه او يعوره صالح أتحرك من مكانه
وقع الشاب علي الارض وصالح نزل بالخشبه علي رجله وبعدها صوت صرااخ الشاب من الالم
الناحية التانيه واحد بيحاول يفتح الباب علي إيناس اللي يتصرخ وصالح ييضرب واحد منهم وبيجري ناحية اللي بيفتح باب العربيه
ايناس رغم كل الخوف اللي هي فيه بتبص لصالح وهو بيضرب الشاب اللي بيحاول يفتح الباب بالقوه
-حاسه شعور جميييل. لاول مره حد يدافع عنها كده بتقول جواها
-معقوله طلع هيرو كده. ده ضربهم كلهم
قلبها الخائف المرعوب مبسوط جداااا وبتبص بعيونها علي صالح اللي حماها وكمان اتحدي مجموعة ومخافش منهم ولا هرب رغم انه ميعرفهاش الا من فتره صغيره
صالح في مأزق الشباب كلهم استجمعو قواهم مع الغل اللي جواهم والدم اللي ماليهم من ضربات صالح وعملو حواليه دايره
حس صالح انهم كده اتغلبو عليه وكلها دقايق وممكن يقتلوه
بدأ يفكر في حلول
ولكن الشباب واحد ورا التاني بصو لصالح وجريو والخوف ماليهم
بجوار صالح واقفه العفربتة وبتهمس
-اركب وامشي وهاتلي حقي ياصااالح
ركب صالح بسرعه وايناس اتحركت بالعربيه لبرا المنطقة وطلب صالح من إيناس ينزل عند السكن الخاص بيه لانه تعبان جدا من قلة النوم
ودعته ايناس وطلبت منه يتقابلو بكره بعد شغله
سايقه العربيه ومنظر صالح مش رايح عن بالها
ملامحه الرجوليه
شهامته
طريقته في الدفاع عنها
لمعان عينيه لما ضربت فيهم الشمس
ايناس حست احاسيس عمرها ماحستها قبل كده وقلبها رافض نهائي يوقف تفكير
اما عقلها له رأي تاني خاالص : انتي دكتوره قد الدنيا وصالح شكله مكملش تعليم وكمان مكانته الاجتماعيه وفي الماديات مش نااافع خالص
اما صالح كان باين في عينيه الدموع
بيتكلم في التليفون
-ايوه يا امي هاتصرف وابعتلكم فلوس
لا لا اوعي اخواتي يشتغلو والله يومين بالظبط وهبعتلكم فلوس
-لا يا امي قربت اقبض مش هستلف من حد متخافيش المهم مشي امورك بالفلوس االي معاكي لحد اما ابعتلك
قفل السكه صالح وف ودنه كلمه واحده بس.
كلمة الدكتور شهاب : مخصوم منك خمس ايام من المرتب
صالح عقله مليان اسئله لنفسه ومش لاقي جوابها طب هعمل ايه واجيب فلوس منين. وازاي هقبض ومخصوملي خمس ايام. وكمان مش هروح الشغل ده تاني وصعب الاقي شغل
تليفونه رن وكان رقم شهاب علي التليفون
-ايه ياصالح انت معديتش علي مكتبي ليه بعد الشغل
-مفيش يادكتور لقيتك متعصب مشيت
-شهاب وكأنه حس ان صالح ممكن ميرجعش الشغل تاااني
متزعلش عشان زعقتلك بس مش عاوزك تنام في الشغل ممكن يحصل كارثه ياصالح ووقتها هيبقي فيها سين وجيم انت مكان شغلك حساس ولازم تكون قد المسؤليه
-صالح : انا منمتش يادكتور انا حصلي حاجات غريبه وكمان انا محتاج فلوس وتقولي خصم 5 ايام طب هاجي الشغل تاني ازاي
-لا مفيش خصم ياصالح وكمان عدي عليا بكره بعد الشغل هديلك مرتب شهر مقدم عشان تظبط أمورك
صالح قفل مع شهاب وحس بفرحه كبييره كده هيبعت لاهله فلوس زي ماوعدهم. اما الدكتور شهاب فقل وبص لزميله بابتسامه وقاله كده لما ياخد مرتب شهر مقدم هيتربط بالشغل ومش هنلاقي حد يتحمل زيه
استسلم صالح لنوم عميق بعد اما هدي شويه
شاف في منامه البنت العميا وكأنها معاه في البيت بتتكلم معاه وكأنها تعرفه بتكلمه وهي مدياله ضهرها
-انا مشيت ناس كتيره ياصالح. من شغلك ياصالح خوفتهم ورعبتهم وخليتهم ميناموش الليل. عشان تيجي انت تشتغل
انا مستنياك من يوم ماقتلوني في التلاجه
صالح في الحلم قاعد وراها وهي ببتكلم وواقفه ومدياله ضهرها
عارف ياصالح ؟ لما تجيبلي حقي انا هرتاح وانت هترتاح
صالح: طيب ليه ماخليتيش حد تاني يساعدك من الناس اللي خوفتيها عشان تمشي. كان ممكن تخلي حد منهم يساعدك بدل ماتستنيني اشمعني انا يعني
بصت لصااالح ولفت وشها ناحيته وعيونها بيضا تماما وماده ايديها لقدام ومفيهاش اثار حروق نهائي وقاااالت
-عشان انت من دمي ياصالح. انا من دمك وانت من دمي و....
الحلقة الخامسه من هنا
