الحقونى أنا فى مصيبه ومش ليه حد يقف جمبى ويساعدنى وخايفه على عيالى ليجرالهم حاجه وهما على وش جواز
انا مريم عندى ٥٠سنه وجوزى احمد ٦٠سنه اتجنن خلاص
عندى بنتين فى اخر سنه فى كليه
انا رغم سنى بس لسه مهتميه بشبابى وصحتى وواخده بالى من نفسى وبلبس احسن برندات ومهتميه بنظافه بيتى وبناتى بس جوزى اتجنن خلاص هو من ساعه ما اتجوزنا وعلاقته بيه كانت كويسه وملهوف ديما عليه لحد ما سكنت هيام فى الشقه اليي قصادى
هى ٣٢سنه وارمله ومعندهاش ولاد لما جات سكنت اعتبرتها زى بنتى فتحتلتها بيتى
ومجاش ببالى خالص أن جوزى يميل ليها وهيام نكاره الجميل ومصانتش المعروف وأيدى اليي مدتلها
كنت بخدها أخرجها وافسحها وبقيت اطلعها مصيف معانا
وبناتى حبوها جدا واتقربنا لبعض
كانت بتيجى تروقلى الشقه وتقولى هعملك الاكل وانا ارفض تقولى اعتبرينى زى بناتك انا مبسوطه فكنت بقول. ببالى اهى تخرج من حاله الحزن اليي هى فيها
ومن خلال شغلى جبتلها عريس شاب ومطلق وظروفه شبها جيت بلغتها وقولتلها تعالى جيبالك عريس رفضت من غير ما تعرف ظروفه
حاولت اقنعها تقول لا انا مش هتجوز
سكت وقولت يمكن لسه حزينه وكانت بتحب جوزها اسبها على حريتها
ومشكتش فى حاجه خالص نحياها
جينا كنا خارجين لقتها بتقولى مش هخرج
جيلى ضيوف
مسالتهاش ونزلت انا وبناتى
ولما رجعت ملقتش جوزى موجود
كلمته مردش كتير عليه
رحت اخبط على هيام اسالها يمكن حست بيه مردتش عليه رغم انى الانوار بتاعت الشقه كانت منورة
ولما رجع الفجر سالته كنت فين قال. كنت على القهوة ومسمعتش اتصالك
وعدينا الموضوع
وبدأت هيام تبعد عننا لحظه بلحظه
قولت هى حرة بس فى يوم وانا راجعه من شغلى لقيت محل السمك نازل من عندها
فبقوله انت جبتلنا الاكل
قالى لا دا لمدام هيام
وطالبه اكل زى طبق البيه المخصوص
قولته وماله بالف هنا
وطلعت مش ببالى بس الكلمه فضلت ترن فى ودانى طبق البيه
اصل جوزى ليه تحبيشه معينه فى طبقه من اختراعه المحل نفسه مش بيعملها غير ليه
قومت اتصلت عليها
بكلمها لقتها بتقولى انها هتتغدا باره عند اختها
الشك بدأ يقتلنى
اتصلت على جوزى بكلمه لقيته بيقولى أنه هيتغدا باره ومعملش حسابه على اكل
بقيت بغلى ونفسى أجرى اكسر باب شقتها اشوف هو جوه
وقعدت اقول إن بعض الظن اسم
ويمكن تهيأت
ومابين مرواح ومجى ناحيه باب الشقه ليه وليها سمعت حد عندها جوه بيقولها ...
الحلقة الثانيه من هنا
