روايه القلب وما يريد
( ارض الانتقام )
الحلقه العاشره
فضلوا يمشوا ما بين الاشجار لغايه ما لقوا بيت اقرب للكوخ كده كل واحد فيهم مسك. اللي جه في ايده اللي مسك قالب طوب واللي مسك حته خشبه ودخلوا لاقوا اتنين بيتهجموا علي بنت راحوا ضربوهم وبعدوهم عنها ولأن التانيين مجرمين فعارفين اساليب ضرب اعنف من الشباب التانيه ضربوهم جامد المهم ان ربنا كان مع الشباب وخلاهم قدروا يحرروا تلا.... الدوك لقي شعرها باين وعبايتها فيها حتت اتقطعت قلع جاكيته ولبسوهلها وهي كل اللي همها شعرها..... وفضلت شعري شعري غطوا شعري... صاحبه التاني قلع الكوفيه بتاعته وادهولها غطت شعرها... وهما خاجين من الباب راح واحد من المجرمين ضرب الدوك بالمطوه في ضهره قام صاحب الدوك مسك الخشبه وضربه علي دماغه فوقع جنب صاحبه المجرم التاني
شهاب ( صاحب الدوك ) : دوك انت كويس
الدوك. بوجع : اه اه تعالي لما نمشي قبل ما يفوقوا
اخدوها وراحوا عند العربيه وصلحوا العطل اللي فيها وعلي اقرب مستشفي
**************************
قاعد قدام اخوه حاسس انه عايز يخنقه... امبارح رءوف قاله علي مكانه فراح هو ورجاله رءوف من غير ما يقول لبروج علشان عارف كويس انه لو قالها هتصمم تروح معاهم وهو خايف عليها... راح لقي المحروس لوحده في الاوضه ولما كسروا الباب وسأله عن تلا قاله الحقيقه.... جسور معرفش يتمالك اعصابه فضل يضربه لغايه ما خلاه يرجع دم.... هو عارف ان اخوه جبان بس مش للدرجادي.... وعرف منه كمان ان لما المجرمين فكروا اان جسور بلغ البوليس نقولهم لمكان قريب من القاهره........ قام وخرج من الاوضه علشان لو فضل معاه هيقتله.... خرج وكل همه ان يا تري ايه اللي حصلها لانه لما راح لقي المجرمين متكومين طب يا تري ايه اللي حصل يارب تكون عرفت تهرب منهم
**************************
دخل شهاب في الاوضه يتطمن علي الدوك
شهاب سحب كرسي وقعد قدامه.
الدوك بتعب : هي عامله ايه
شهاب : لسه مفاقتش وبصراحه انا كنت هندم نفسي طول عمري لو مشيت وسبتها بس يا صاحبي انت خليت ضميري يصحي
الدوك : الحمد لله ان احنا روحنا في الوقت المناسب.... المهم الجرح اللي في ضهري اخد كام غرزه
شهاب : 10 غرز
الدوك : مش مهم فداها
دخلت الممرضه بعد شويه
الممرضة : دكتور عاصي
الدوك ( عاصي ) : نعم
الممرضه :المريضه فاقت
خرجت الممرضه
عاصي :شعااااب
شهاب بضحك :اااه مدام شعااب يبقي فقت لما اقوم اروح بقي
عاصي : الحق عليا اني بدلعك يعني... طب اقعد يا نيزك وشوفني هقولك ايه
شهاب بعد ما كان وقف رجع قعد تأني وحد ايده علي خده : اقول يا دوك... الكلام علي ايه
عاصي : في فيزا كانت معايا قبل ما اجي في المستسفي
شهاب حط ايده في جيبه وخرجها :معايا اهي
عاصي : دي تأخدها زي الشطور الأمور العسل كده وتروح تسحب فلوس
شهاب قاطعه : فلوس اللي هو المرتب اللي محلتكش غيره
عاصي : الله ينور عليك... المهم هتأخد الفلوس وتروح تشتري فستان للبنت لأن عبايتها مينفعش تخرج بيها وهتروح علي الشقه تفتح الدرج. اللي في اوضتي هتلاقي موبايل كده غير موبايلي هاته علشان لو عايزه تكلم حد
شهاب : مجبلهاش دفيدي بالمره
عاصي بصله بلا تعبير بس رفع حاجبه كأنه بيتحداه انه ينطق كلمه تانيه
شهاب : بهزر والله ... ربنا يباركلك. يارب... بس انت كده مش هتعرف تدفع ايجار الشقه ... هيتفضلك مبلغ صغير
عاصي بص للساعه اللي في ايديه : لا باذن الله محلوله متخافش انت
شهاب : بس دي غاليه عليك يا صاحبي ... دي من اخوك جسور
عاصي بضحك : خليه يشتريلي غيرها.. ومتنساش تبقي تديها قرشين علشان لو حبت تروح مواصلات ولا حاجه
شهاب : تمام
خرج شهاب ينفذ اللي عاصي قاله عليه... عاصي بعد ما شهاب ما خرج بص لساعته بحزن : انتي عارفه انتي غاليه قد ايه.... بس انا مضطر ابيعك... انتي مش غاليه زي حياتها
وبص لموبايله : وانت كمان هبيعك ... لازم ادفعلها مصاريف المستشفي
**************************
بروج كانت قاعده علي السرير... حاضنه نفسها... بتبص للموبايل اللي هي رمياه بعيد عنها... جدها كل شويه يتصل بيها هي عارفه ان هي اتأخرت عن الميعاد بس هي هتعمل ايه... مفيش اي اخبار دلوقتي عن تلا.... هتقول لجدها ايه
بعد تفكير طويل اخدت نفس عميق : لا انا هرد عليه واقوله علي الحقيقه.. ما يمكن يقدر ينقذها ويساعدني بدل منا محتاسه كده
مسكت موبايلها بايد بترتعش بس استغربت لما لاقت الرقم رقم غريب
بروج : الوو
وصلها صوت مخنوق... صوت خايف صوت متوتر
تلا : بروج
بروج نطت من علي السرير : تلا دي انتي ؟!!!!... انتي كويسه يا قلبي... انتي بخير ؟!!!!!
تلا بعياط : انا كويسه
بروج : انتي فين وانا اجيلك
تلا : انا في مستشفي ####
بروج : وأنا في اوتيل ######.
تلا :ايه اللي جابك القاهره
بروج : لما نتقابل هقولك.. المهم انتي كويسه!!
تلا : اه
بروج :هلبس هوا وجيالگ
قفلت تلا مع بروج وادت الموبايل لشهاب اللي كان واقف جنبها
شهاب : خليه معاكي يمكن تحتاجيه
تلا :لا منا كلمت اختي وهتجيلي دلوقتي
شهاب : طب خليه معاكي لغايه ما تيجي
تلا بتردد : صاحبك التاني اخباره ايه ؟؟
شهاب : الدوك لا سليمه.. اخد 10 غرز بس
تلا : هو كويس
شهاب :اه الحمد لله
تلا : بلغه شكري
شهاب : يوصل ان شاء الله
ومد ايده بكيس فيه الفستان : اتفضلي
تلا : ايه ده ؟!
شهاب : ده فستان علشان لما تخرجي هيأخدوا لبس المستشفي
تلا : تمام شكرا
غيرت تلا هدومها وبعد شويه لقت بروج. داخله قامت جري وحضنتها جامد
بروج : يا قلب اختك انتي كويسه
تلا بعياط : كويسه
بروج : هربتي منهم ازاي
تلا : في اتنين شباب ربنا يكرمهم نقذوني
بروج بصت حواليها : هما فين اشكرهم
تلا: في واحد منهم واقف بره
بروج فضلت مخلياها في حضنها وخرجت
بروج : بجد شكرا علي اللي انتوا عملتوه
شهاب : معملناش حاجه الا الواجب
بروج : لو سمحت عايزه اعرف حساب المستشفي قد ايه؟!
شهاب : لا كده بتشتمينا... وانتي شكلك بنت بلد وبتفهمي في الاصول... الدوك دفع كل حاجه وهيزعل اوي من كلامك ده
بروج : بجد شكرا
شهاب : الشكر لله
اخدت بروج تلا ومشيوا
***********/
دخل جسور اوضته واخد موبايله
جسور : انا لازما اكلمها واقولها الحقيقه.. لازما تقول لأهلها يمكن يتصرفوا
وبص لأخوه بغيظ : مدام احنا طلعنا مش رجاله ولبسنا طرح زي النسوان هما بقي يبقوا رجاله ويدوروا علي بنتهم
بلال سكت خالص هو عارف انه يستاهل اكتر من كده
جسور اتصل ببروج
ردت بروج بفرحه : ايوه يا جسور... تلا معايا اهي احنا في العربيه راجعين البلد
جسور اتنفس بعد ما كان حاسس انه مخنوق : بجد قد تهرب منهم ازاي
بروج : لا مهربتش في اتنين شباب انقذوها .. هو اخوك مقلكش ... هو مش كان معاها وانقذوه هو كمان ولا ايه ؟!
بجسور بص لبلال وقال بتريقه : قالي الا قالي
بروج : الحمد لله... وسلام دلوقتي لان تلا نايمه مش عايزه اصحيها
جسور قفل معاها
بلال : لاقوا تلا ؟!
جسور : في اتنين رجاله ولاد حلال انقذوها واخد بالك انت رجااااااله
وسابه وخرج
**************************
حاتم مش مبطل زن ورن عليها .... فتحت الموبايل
داليدا ببرود : نعم
حاتم : مبترديش عليا ليه ؟!
داليدا : اللي بنعمله غلط يا حاتم مينفعش اكلمك من ورا اهلي
حاتم :والله هو ده بقي اللي اسمه هروب بشياكه
داليدا :وههرب منك ليه يعني
حاتم بعصبيه : علشان لاقيتي واحد غيري تتكلمي معاه
داليدا بصدمه : انا !!
حاتم : مهو اللي تكلم واحد يا حلوه تكلم غيره
داليدا مش مصدقه نفسها اول مره حاتم يكلمها كده
داليدا : انت متخلف وحيوان ومتكلمنيش تاني
وقفلت السكه في وشه وفضلت تعيط
**************************
بعد ما بروج رجعت هي وتلا لاقت اهلها كلهم متجمعين في القصر وفي حاله هرج غير طبيعبه
**************************
الحلقة الحادية عشر من هنا
