الليله دى كانت غريبه بجد وعمرى ما هنساها من اسبوع وانا بجهز لها ليله رأس السنه واو😍 علشان اخرج انا ومجدى جوزى و نحتفل زى اى اتنين لسه متجوزين واول سنه جديده فى
بيتنا وجديده مع بعض بس كانت أسوأ ليله فى حياتى 😭 لما قمت الصبح من النوم لاقيت مجدى جوزى قاعد بيشرب شاى ومحضر فطار لنفسه وده كان جديد عليه احنا لسه عرسان
جداد سألته وحبيت أصبح عليه وقولتلوا صباحك فل يا حبيبى رد عليه وكان مبتسم وقالى صباح الخير طبعا اضايقت هو ايه البرود ده انا لسه عروسه مكملتش اسبوعين روحت قاعده ع كرسى السفره وافتكرت كلام ماما ليه وهى بتقولى انتى لسه عروسه ادلعى ع جوزك وحببيه فيكى لو ضحك اضحكى حتى لو مش ليكى نفس ولو كشر اسأليه ماله فضلت افكر طيب هو ضحك اضحك يعنى ولا ايه 😂 روحت رقعه ضحكه وعينكوا ما تشوف الا النور راح مجدى قام اتخض وحسيت انه خاف 😂😏 وقالى ايه يا شرين ده! :
روحت رديت عليه وقولتلوا ايه ده دلع 😂
مجدى: دلع ايه يا شيخه ده انا اتخضيت 😁😂
بصراحه اتكسفت وانا مش واخده ع مجدى لدرجه دى اصل انتم متعرفوش انا عرفت مجدى ازاى هقولكم
انا كنت رايحه الجامعه وكانت اخر سنه ليه وطبعا كنت نازله من البيت بدرى وكان عندى محاضرات ووقفت قدام عمارتنا وكنت مستنيه بنت خالتى ياسمين لأنها معاها عربيه هى مش كبيره إنما اهى بتقضى الغرض ياسمين بتشتغل فى شركه صيانه
ياسمين اليوم ده اتأخرت وفجأه وبقدره قادر لاقيت واحد واقف وعينه ومش نازله من عليه بصراحه استغربت جدا هو متنح ليه كده 😂 وع فكره انا مش جميله خالص وفاشله فالدراسه جدا جدا بمعنى هى اخر سنه ليه فالجامعه إنما كنت بسقط ع طول وكنت ع طول بقول هو انا ليه دخلت اصلا بس يلا اهى شهاده والسلام المهم نرجع لموضوعنا اتعرفت ع مجدى ازاى
مجدى فضل يبصلى ومتنح اوى اوى وانا مش مصدقه حاسه انى بحلم لاقيته جاى لحد عندى وقالى انسه يا انسه عملت نفسى مطنشه وانا كنت هموت عليه 😂 لأنه زى القمر
وطبعا رديت عليه وانا مكسوفه نعم حضرتك
راح قالى ممكن أسألك ع حاجه قولتلوا طبعا اتفضل
سألنى سؤال غريب وقالى هو فى سباك فالمنطقه دى 😂
بصراحه كنت عاوزه اديلوا بالقلم سباك ايه بس ده انا بقول انت معجب بيه رديت عليه وانا مكشره جدا وقولتلوا انت شكلك جديد فالمنطقه
مجدى رد عليه وقالى لا لا مش ليه انا بايت عند صاحبى وحنفيه الحوض باظت ومغرقه الدنيا وطبعا انا اضغاظت منه جدا وقولتلوا بصراحه معرفش ولاقيت ياسمين جت بعربيتها وسبته ومشيت بس الغريبه انه كان متنح وعينه مش نازله من عليه وانا هموووت كده من جماله 😂 واول ما ركبت مع ياسمين كان قلبى بيتقطع انى سايباه كده من غير حتى ما نتعرف بس قولت فى بالى ما هو قليل الزوق بيقولى تعرفى سباك 😂 ورجعت تانى قولت يعنى من جمالى كان هيعاكسنى يعنى ولا هيتقدملى 😏
الجزء الثاني من هنا
بدل ماتدور وتبحث علي الروايات خليها علي تليفونك وحمل تطبيقنا
