ليلة راس السنه الجزء السادس
مش معقووووول 🤔
شرين مسكت الفون واتصلت برقم من الرقمين اللى خدتهم من عند مجدى ولما اتصلت ركزت فالصوت وقالت ايه ده انتى ياسمين ؟؟
شرين : الو الو دى قفلت السكه وقالت بس ده مش رقم ياسمين اكيد انا اتلغبطت
مجدى خرج من الحمام بس كان شكله غريب وقال يا شرين
شرين : نعم
مجدى : تعالى بسرعه
شرين قامت من ع السرير جرى وخرجت فالصاله وقالت مالك يا حبيبى وشك مخطوف ليه كده
مجدى : انا جسمى بردان وحاسس انى ماسكنى الرعشه
شرين : يالهوى ايه ده ده انت سخن كمان
مجدى : انا مالى يا شرين هى التورته فيها حاجه
شرين : لا يا حبيبى ما أنا أكلت منها انت شكلك كده البرد مسك جسمك تعالى ع اوضه النوم
وفعلا مجدى دخل مع شرين اوضه النوم وشرين ابتدت تقوم بواجبها كزوجه
شرين فتحت الدولاب وجابت هدوم زياده علشان مجدى وقالت حبيبى اللبس دول علشان تتدفى كويس وخد الشراب ده كمان
ومجدى فعلا سمع كلام شرين وتقل هدومه ونام ع السرير وكان بيرتعش جامد
شرين : خد البطانيه دى كمان
مجدى : انا جسمى متكسر وتعبان اوى يا شرين
شرين : قوم اققعد ثوانى
مجدى : مش قادر
شرين : حبيبى مينفعش قوم بس
شرين قومت مجدى وقالت هجبلك حاجه تأكلها وهجبلك برشام برد علشان تعرق وهتبقى زى الفل
مجدى : اه اه
شرين دخلت المطبخ وفتحت التلاجه وقالت الحمد لله فى شوربه وطلعت شوربه ودفتها وحطت عليها نص ليمونه وقال لما يشربها هيبقى كويس إن شاء الله ودخلت ع مجدى وكان مجدى قاعد ع السرير تعبان وبيرتعش
شرين : خد يا حبيبى اشرب الشوربه دى فيها ليمون مفيد للبرد
مجدى : هحاول اشربها مليش نفس خالص
شرين : اشرب علشان خاطرى
مجدى : انا تعبان
شرين : انا هشربك بإيدى يلا افتح بوقك
وابتدى مجدى يشرب الشوربه من ايد شرين وكان تعبان وبعد ما شرب
شرين : استنى هجبلك برشام برد بس عشر دقايق كده لحد ما مفعول الليمون يروح علشان مش يفسد البرشام
مجدى : شكرا يا شرين انا هحاول انام
شرين : انا مراتك وده واجبى بس هتنام دلوقتى لا طبعا ؟؟ هجبلك البرشام الاول وتاخده وتنام علشان تقوم عرقان وتكون كويس إن شاء الله
شرين: انا هجيب البرشام ومياه وهاجى بسرعه وخرجت عالمطبخ وفتحت التلاجه وقالت الحمد لله فى برشام برد
وجابت مياه وخدت البرشام ودخلت ع مجدى وادته البرشام ونام وغطته كويس وفعلا مجدى راح فى سابع نومه
شرين : بالشفاء يا حبيبى وقعدت ع الفوتيه فى اوضه النوم ومدت رجليها وقالت أنا مش هنام غير لما اطمن ع نفسى
وقامت وبصت ع مجدى وابتدى يعرق وقالت يارب يقوم كويس
وفضلت سهرانه ع الفوتيه لحد الصبح ومجدى نايم بس البرد متمكن من جسمه
شرين : يااه الوقت جرى لما اققوم ابص ع مجدى
وقامت وجست مجدى لاقيته عرقان وقالت يارب خيير
مجدى : شرين
شرين : نعم يا حبيبى انت صحيت
مجدى : ايوه انا حاسس ان جسمى متكسر بس الرعشه راحت الحمد لله
شرين : الحمد لله
شرين : مجدى يا حبيبى انا هنزل اشترى شويه حاجات
مجدى : هى الساعه كام
شرين : الساعه 11 الصبح اوعى تفتكر بالليل هه راس السنه خلص 😂 كل سنه وانت طيب
مجدى : اسف
شرين : انا نازله عاوز حاجه
مجدى : عاوز حقنه برد
شرين : متقلقش كنت هجبها
وفعلا شرين نزلت ومجدى رجع نام تانى وفجأه اتفزع وقال ياااه ماما لازم اكلمها
ومجدى مسك الفون واتصل بمامته وقال ايوه يا ماما
مامت مجدى : قول صباح الخير يا عريس
مجدى : عريس انا تعبان انتى مش واخده بالك من صوتى انا مش قادر
مامت مجدى : سلامتك يا حبيبى انا هجيلك حالا وفين المحروسه
مجدى : اسمعينى كويس شرين مش هنا انا مش عاوز تعرف حاجه
مامت مجدى : انت كلمتها ولا لسه
مجدى : لا ولا هكلمها فى حاجه ومش عاوز تعرف حاجه
مامت مجدى : وانت كنت اتجوزتها فى ايه ؟؟؟؟
مجدى : بقولك مش عاوز تعرف حاجه انا هقفل علشان انام لما اصحى هكلمك
مجدى : انا خلصت من ماما ناقص واحده واهم واحده واتصل بالرقم اللى مش متسجل عنده وقال ياسمين
الجزء السابع من هنا
