وعدت ع خييير 😍
وكان الحوار بين ياسمين وشرين وكانت شرين خايفه ان مجدى يعرف
شرين : انا خايفه لا يعرف انى مشيت فالطريق ده مش هيسامحنى
ياسمين : يا بنتى مش خلاص اتجوزتوا متقلقيش كله خييير
شرين : انا هقفل علشان بعمل أكل علشان مجدى باى دلوقتى
ياسمين : باى يا حبيبتى هكلمك بعدين يلا باى
وقفلت ياسمين وكانت مضايقه خايفه ع شرين اووى
شرين : لما ادخل اشوف مجدى
شرين : ايه ده انت قومت من سريرك ليه وانت تعبان
مجدى : حبيبتى أنا خارج عندى شغل
شرين : انت تعبان فى ايه استأذن
مجدى : معلش حبيبتى ده مشوار شغل ضرورى
شرين : خلاص يا حبيبى ابقى كلمنى
مجدى : اكيد
ومجدى غير هدومه وكان جسمه تعبان من نزله البرد بس عاوز يخرج مشوار مهم
شرين : طيب انا هدخل أكمل الأكل طيب اعملك حاجه دافيه
مجدى : حبيبتى انا هخرج مش هتأخر سلام
ومجدى خرج بالفعل واول ما نزل من البيت اتصل بياسمين بنت خاله شرين وياسمين رددت عليه وكانت خايفه اوى
مجدى : الو ازيك يا ياسمين انا فالشارع دلوقتى
ياسمين : اوك طيب انا مش فاضيه دلوقت قدامى ساعه وقولى هتستنانى فييين ؟؟
مجدى : اوك انا هروح عند ماما وهكلمك بعد ساعه نتقابل فالكافيه اللى قدام الشركه اللى بتشتغلى فيها
ياسمين : اوك
ومجدى راح عند مامته لحد ما ياسمين تتصل
مامت مجدى : تعالى يا حبيبى انت خرجت وانت تعبان
مجدى : ايوه يا ماما عندى مشوار
مامت مجدى: ومراتك هان عليها تخرجك كده
مجدى : يا ماما مراتى شيلانى من ع الأرض شيل فعلا دى بنت اصول ومتربيه
مامت مجدى : يا ابنى مقولتش حاجه طيب والديون ووصل الامانه اللى عليك فاضل عليه 10 ايام ولو مسددتش هتتحبس
مجدى : مش عارف بس زى ما تيجى تيجى انا مش هكلمك شرين فى حاجه خالص
مامت مجدى : انت حر طيب ومنال مش انت بتحبها
مجدى : انا اتجوزت خلاص وده نصيب
مامت مجدى : لا حول ولا قوه الا بالله انت حر بقى
مجدى : ايوه انا حر
فون مجدى بيرن ولما شاف لاقى شرين بتتصل رد عليها بسرعه وقال الو
شرين : الو ايوه يا حبيبى انت فين طمنى عليك
مجدى : انا كويس وان شاء الله ساعتين وهكون فالبيت
شرين : ماشى يا حبيبى خلى بالك من نفسك
مجدى : حاضر
شرين : سلام يا حبيبى
مجدى : باى يا حبيبتى
شرين : لما اكلم ياسمين ومجدى مش موجود
وفعلا شرين اتصلت بياسمين بس ياسمين مردتش
شرين : ياااه ما تردى عاوزه اكلمك ومجدى مش هنا علشان اكون ع راحتى واتصلت تانى وياسمين مردتش
شرين : يا ترى مش بتردى ليه 🤔 لما اتصل تانى يمكن ترد
وفعلا اتصلت بياسمين بس ياسمين ردت
شرين : ياسمين مش بتردى ليه
ياسمين : بقولك يا شوشو هكلمك بس انا خارجه دلوقتى لما ارجع هكلمك
شرين : كنت عاوزه اكلمك ومجدى مش هنا
ياسمين : لما ارجع هكلمك باى بقى
شرين : باى
وياسمين قالت لما اكلم مجدى علشان انزل اققبله واشوف ايه الحكايه بالظبط
وياسمين اتصلت بمجدى وقالت إنها هتستناه فالكافيه اللى قدام شغلها وفعلا نزلت من البيت ومجدى نزل من عند مامته وراح يقابل ياسمين واول ما وصل كانت ياسمين لسه موصلتش وقعد فالكافيه يستناها واتصل بيها بس مردتش
الحلقة التاسعه والاخيره من هنا
