رواية عشق الصقر الفصل التاسع عشر

عشق الصقر
الفصل ال ١٩ ..
صقر بصدمة : شهد ..انتى جيتى ازاى ..
شهد : هكون جيت ازاى بالطيارة .. جيت اشوف جوزى ال سابنى وانا لسه فايقة من غيبوبة .. ال سايبلى رسالة. لو عايزة تبعدى هنفذلك طلبك ..
صقر : مش انتى ال قولتى امبارح امشي ..
شهد : ههه مكنتش اعرف انك غبى يا صقر ...
صقر : انا غبى يا شهد ..
شهد بصريخ : ومليون غبى .. اولا انا قولتلك امشي دلوقتى وتعالى بكرة الصبح مش امشي من حياتى ..
بس انا ال غلطانة .. ملاحظتش اننا كنا بنكلم وفجأة قولتلك امشي ..
اقولك انا بئا قولتلك تمشي ليه ..
اول ما فوقت واتكلمت معاك واغمى عليا تانى الدكتور قالك هفوق بعد ساعة .. قبل ما تدخلولى .. الدكتور قالى أن بعد شوية .. كل الالام ال فى جسمك ودماغك هتبتدى تظهر وغلط وانا فايقة من الغيبوبة اخد مسكنات أو بنج ..
بعدها دخلتولى ..واحنا بنتكلم فجأة الالام ابتدت تظهر بشكل رهيب .. قولتلك امشي مكنتش عايزاك تشوفنى وانا بتألم هتفضل تجيب اللوم على نفسك .. واكملت بسخرية ممزوجة بوجع :
هه بس مكنتش فاكرة ان حبك ليا زى ما بتقول كلام وبس ..

صقر : انا حبى ليكى كلام وبس ..
شهد بصريخ وانفعال : أيوة كلام وبس .. لما تقولى لو عايزة تبعدى هنفذلك طلبك دة معناها ايه فهمنى ..
صقر بدموع : حسيت من كلامك انك مش عايزة تكملى معايا من بعد ال حصلك لأن ال حصلك كان بسببى ..
شهد : ههه .. انت مش طبيعى .. انا لو عايزة ابعد كان زمانى بعدت من ساعة ما اخدت جرح فى دراعى ولا نسيت كنت بعدت لما عرفت موت اختك ومراتك بسبب انتقام .. مكنتش وافقت اكمل معاك حياتى .. كنت أقول أنا اكيد حياتى هتبقى فى خطر معاه لسه اعيش مع واحد حياتى هتبقى فى خطر طول ما انا معاه .. لكن عشقى ليك .. خلانى أتقبل اى حاجة .. كان كفاية عليا انى هعيش بقيت عمرى .. عارف لما الكلب ال خطفنى كان بيضربنى وتقريبا كنت بموت كان كل ال هامننى انت هتعيش من غيرى ازاى .. كان نفسي اشوفك لآخر مرة انا فضلت اسبوعين فى الغيبوبة حاسة بيك لكن خايفة اصحى لتكون مش جمبى واكون بتخيل ..
بس شكلى هندم انى حبيتك يا صقر .. انا بئا ال جاية ابلغك لو عايز تبعد .. اعمل الانت عايزه مبقتش فارقة ..
كسرتنى يا صقر بكلمتك ..
ولسه هتقوم تمشى .. مسك ايديها... وبدموع وانهيار ..
اسف يا شهد سامحينى .. انا عمرى ما اقدر ابعد عنك انتى حياتى وروحى وقلبى انا قولت الكلمة ديه وانا بتقطتع .. ارجوكى سامحينى ..
قلبها كان بيتقطع على من منظره كان نفسها تاخده فى حضنها وتهديه ..
لكن رسمت قناع الجمود .. انت معملتش حاجة عشان اسامحك عليها .. ارجوك سيبنى انا تعبانة مش قادرة اقف ..


وخرجت من الاوضة وسط انهيار صقر ...
لقت مروان فى وشها ..
مروان : حصل ايه ..
شهد بدموع : ادخل يا مروان هدى صقر ومتسبهوش خالص ..
مروان : حاضر ... خدى دة مفتاح اوضتك ..
خدته وجريت على اوضتها ..
دخل مروان على صقر لقاها اعد على الأرض وبيبكى بكل قوته ..
مروان : أهدى يا صقر أهدى ..
صقر : مروان شهد كويسة ..
مروان : كويسة متخافش ..
صقر : اااااه يا مروان شهد مش هتسامحنى ..
مروان : أهدى يا صقر .. انشاء الله لما تهدى هتسامحك ..
صقر : ياااارب يا مروان يااارب ..
فضل معاه لغاية ما نام ...
بعد ما اتأكد أنه نام ... طلع من الاوضة لقا شهد واقفة ..
وعلى وشها كل التعب ومش قادرة تقف...
شهد بتعب : بئا كويس..
مروان : شهد انتى تعبانة لازم تروحى المستشفى ..
شهد بتعب : امم رد عليا بئا كويس ..
مروان : أيوة بئا كويس .. فضلت أهدى فيه لغاية ما نام ... المهم تعالى معايا المستشفى..
شهد : لأ مش ... وقبل ما تكمل كان مغمى عليها ..
شالها وطلع بيها على المستشفى ..


تانى يوم. ..
صحى صقر ... وافتكر ليلة امبارح كلها .. قلبه وجعه ..
وقرر أنه هيعمل اى حاجة مقابل انها تسامحه....
قام اتصل ب مروان ..
صقر : الو يا مروان .. شهد فين ..
مروان : شهد فى المستشفى يا صقر ...
صقر بفزع : ايه مستشفى ايه الحصل .. مش مهم انتو فى مستشفى ايه ..
مروان : مستشفى (..)..
صقر : انا جاى حالا ..


لبس هدومه ونزل جرى للمستشفى ..
دخل جرى على مروان : هى فين .. حصلها ايه ..
مروان : أهدى يا صقر هى كويسة .. وأكمل بنبرة عتاب هى بس تعبت لأنها المفروض كانت ترتاح مكنتش تسافر يا صقر ..
صقر : طب هى فين ..
مروان : الغرفة اهيه هى لسه فايقة من شوية ..
دخل صقر عليها واول ما شافته دورت وشها الناحية التانية ..
صقر بدموع : الف سلامة عليكى ..
شهد : كفاية بئا دموعك ديه بتقتلنى حرام عليك ..
بتعذبنى يا صقر ..
صقر : انا بسمح انى انزل دموعى ادامك بس لأنى بنزلها لما بكون ضعيف ..
مسكت ايده ومسحت دموعه : متقولش كدة انت اقوى راجل فى الدنيا .. عمرك ما كنت ضعيف ..
صقر : وحياتى عندك سامحينى ...
شهد : مقدرش ازعل من حياتى ..
حضنها بكل قوته .. وحشتينى اوييي ..
شهد : وانت كمان وحشتيتى اوى ..
صقر بهمس : بحبك ..
شهد بنفس الهمس : وانا بعشقك ..


بتمر الايام .. وعشق صقر وشهد بيزيد كل يوم ..
وجه يوم زفافهم ..
كانت تنظر لنفسها فى المرأة وهى ترتدى فستان زفافها التى جلبته معاها من اخر رحلة لها فى باريس هى وصقر ..
فاتن وهى تحتضنها : مبروك يا حبيبتى .. عشت وشوفتك عروسة يا شهد ..
شهد : الله يبارك فيكى يا ماما ..
روان : انا مش مصدقة شوشة هتتجوز يا ناس بعدها تقوم بإحتضانها مبروك يا شوشة ..
شهد : هههههه الله يبارك فيكى يا رونى .. عقبالك
روان : لما الاقيه الاول ..
شهد : ههههه متقلقيش موجود ...
روان: اصدك ايه ..
شهد : بعدين تعرفى .. يلا عشان اتأخرت على عريسى..
روان بضحك : هههههه يلا يا ختى ...
وقف طارق وهو ينظر اليها بكل حب .. طفلته تتزوج ..
طارق : مبروك يا حبيبة بابا .. الصغنن كبر يا ناس وبيتجوز ..
شهد : الله يبارك فيك يا احلى بابا فى الدنيا ..
مسكت فى ذراعيه حتى يسلمها لعريسها ...
كان واقف فى اخر السلم ..
فى غاية وسامته ..
نزلت وسط الموسيقى ...
طارق : انا بسلملك حتة من قلبى حافظ عليها واوعى تزعلها ..
صقر : انا اموت قبل ما ازعلها ..
شهد : بعد الشر ..
امسك يديها و باسها على جبينها ..

شهد : المرادى انا ال هبتدى واقولك بعشقك ..
صقر : بعشقك ..
.........
دخلوا إلى القاعة المليئة بالمعازيم .. وتميزت بالفخامة والروعة والجمال ..
وجلسوا فى المكان المخصص لهم ..
صقر : اخيرا بقيتى ملكى يا شهدى ..
شهد : انا ملكك من ساعة ما اتولدت ... ربنا كاتبلى من قبل ما اتولدت انى ابقى ملكك ... لو انى مبحبش الكلمة ديه .. بس زى ما انا ملكك انت كمان ملكى انا بس ..
وبعد فترة قصيرة ..
ذهبوا إلى الاستديج .. ليرقصوا رقصة هادئة ..
صقر : حبيبتى سرحانة في ايه ..
شهد : سرحانة فى حياتى ال اتقلبت ٣٦٠ درجة فجأة ..
صقر : يا ترى التغير دة حلو ولا وحش ..
شهد : طالما انت موجود فيه اكيد هيبقى حلو .. وكمان انت العامل الأساسى فى التغيير دة اساسا .. انت ال عرفت شهد معنى الحب والعشق ..
صقر : انا بئا كنت عارف يعنى ايه حب وعشق لكن مكنتش لاقيهم مع حد لغاية ما جيتى ولاقيتهم معاكى ..
اوعدينى يا شهد انك متبعديش عنى ابدا ..
شهد : مقدرش ابعد عن روحى ..
..................

مروان : آنسة روان ..
روان : امم حضرتك استاذ مروان تقريبا .. صح
مروان بإبتسامة : صح .. عايز اطلب منك طلب ولو هيضايقك اعتبرينى مقولتش حاجة..
روان : اتفضل ..
مروان : تسمحيلى بالرقصة ديه ..
روان : اممممم معنديش مانع ..
فرح كثيرا مروان بعدم رفضها بالرقص معه ..
......
شهد : بص بص مروان بيىرقص مع روان ..
صقر : هههه الحمد لله .. دة الواد هيتشل نفسه يتعرف عليها ...
شهد : ههههه متخافش هيحصل ..
تعال نقعد انا تعبت..
صقر : يلا يا قلبى ..
راحوا لمكانهم .. وابتدت الناس تروح تبارك لهم ..

شهد : ايه يا حبيبى انت عازم مصر كلها انا تعبت ..
صقر بحب : ما انتى عارفة حبيبك رجل اعمال ولازم يعزم مصر كلها على رأيك ..
وكمان جايين يشوفوا ال خطفت قلب صقر المنياوى ..
مسكت چاكت البدلة وقالت بدلع : ويا ترى مين ال خطفت قلب صقر المنياوى ..
صقر : بنت زى القمر مفيش جمالها ورقتها وزى العسل على اسمها .. اسمها شهد ..
وفجأة بتتغير ملامح صقر وشهد بتلاحظ دة ..
شهد : مالك يا حبيبى ..
وقرب واحد ...
مبروك يا ... صقر ..
شهد أيقنت أن صقر اتضايق من الراجل دة ..
صقر : الله يبارك فيك ..
ووجه نظره لشهد ..
مبروك يا مدام شهد ..
شهد بضيق : مبسلمش على رجالة ..

ابتسم صقر لرد فعلها ..
صقر : اعرفك حبيبتى .. ماهر الشرقاوى .. منافسي فى السوق ..
ماهر بخبث : بس مقولتش المنافس رقم كام ..
شهد : مش محتاج يا ماهر بيه يقول اكيد المنافس رقم ٢ لان حبيبى صقر المنياوى رقم ١ فى كل حاجة ..
ماهر : ههههه هنشوف يا .. مدام شهد ..
بعد ما مشي خطوتين ..
شهد : ماهر بيه ..
ماهر : نعم ..
شهد : هو صقر عزمك ..
ماهر بإحراج : احم .. لأ .. بس رجال الأعمال كلهم حضروا ..
شهد : اه فعلا كلهم حضروا بس بدعوة من صقر .. اتمنى أن حضرتك متروحش مكان حضرتك مش مرغوب فيه ..
زاد غضب ماهر ومشي من غير ولا كلمة ...
....
صقر بإبتسامة : عملتى كدة ليه ..
شهد : عشان اشوف الابتسامة ديه .. مقدرش اشوف حد ضايق حبيبى واسيبه كدة ..
صقر مسك ايديها وباسها : ربنا ميحرمنيش منك ابدا ..
شهد : ولا منك ..
.........

بعد شوية جه عليهم مروان ...
شهد : تعال هنا عملت ايه فى البت ..
مروان بهيام : اااه يا شهد حورية البحر يا ناس قمر و عسولة .. وو...
شهد : اهدا على نفسك كدة .. مروان هو انا قولتلك عمى بيشتغل ايه ..
مروان : لأ ..
شهد : عمى عميد فى الداخلية ..
مروان : احم ربنا يستر ..
شهد : ههههه يعنى لو سمعك .. هتتشد على القسم من غير ولا كلمة ..
صقر : هههههه ويتعلم عليه ..
مروان : بعيدا عن سخافتهم .. انتى واحدة معجزة يا شهد ..
شهد بإستغراب : اشمعنا ..
مروان : انتى من ساعة ما دخلتى حياة صقر وهو بيضحك .. كان أول مرة اشوف صقر بيضحك معاكى .. بينى وبينك كان ملك الكأبة ..
صقر : طب امشي من قدامى بدل ما اوريك الكأبة ال على حق ..
مروان : اهو اتحول اهو ...
صقر : يا بنى امشي احسلك ..
شهد بضحك : هههههههه خلاص يا صقر .. يا بنى امشي هيقوم يأكلك ..
مروان : ماشي ماشي ..
صقر : بصراحة الواد عنده حق..
شهد بحب : بجد يا صقر انا كنت السبب فى ضحكتك ..
صقر : انتى السبب فى كل حاجة حلوة فى حياتى ..

الفصل العشرون من هنا

بدل ماتدور وتبحث علي الروايات خليها علي تليفونك وحمل تطبيقنا

تعديل المقال