#بنات_إبليس 3
معاذ:يعيط بصوت عالي ....جااااااايك يازهررره جايك ورحمت امي لما نقتلك قبل ما تكوني لي حد تاني !
خووووووي يازهره؟خووووووي
زهره:مم م معاد
معاذ:سحب سلاحه ...جايك ..وسكر الخط ...
زهره:حطت التالفون جنبها وخذت نفس عميق❤️
رغم كل المصايب يلي قاعده تصير لاكن تحاول تحافض علي هدوئها ومتنهارش 💔رفضت حتى تحكي مع نفسها بخصوص معاد لان الشي يلي لازم يصير انها توافق علي الجوازه عشان بنت اختها بس!
سكرت عيونها وهيا تحاول تكون هاااديه قد ماتقدر
حازم:يساوي في وشاح ساره ..مدام خلاص شفتك روحي
ساره:بنقعد نحكي مع خالتي سلمى عشان ال....
حازم:قلت روحي ساره اسمعي الكلام
ساره:تنهدت..به حاضر حاضر انت الايام هاذي مش فاهمه شن صايرلك ديمه معصب ومش م....
حازم:قاطعها بي بوسه❤️
ساره:حطت يدها علي فمها وقلبها يدق🤭..مبردك
حازم:مسحلها فمها بصبعه...هي جيبي حجاتك وروحي كلميني
ساره:ابتسمت...تمام
_____________________
زهره:لبست برنوصها وفتحت باب الحوش بهدووووء نزلت بخطوات هاديه !ووقفت في نفس المكان يلي متعوده تقابل فيه حبيبها ❤️
معاذ:كانت حالته مبهدله وعيونه حمرررر
زهره:ساكته وتشوفله
معاذ:هز راسه بمعنى شنو؟
زهره:بلعت ريقها بتوتر ...لازم لل لازم تنسى !
معاذ:مسكها من فمها والسلاح علي راسها...شن يلي بننساه شن تحككككككي انتي كيف قادره تتقبلي الموضوع اصلااااا
زهره:نزلو دموعها...معاذ لازم يتم الزواج هاذا
معاذ:بعد من عليها وموجه المسدس علي راسها
زهره:لا!!مديرهاش لانك انت الخاسر
معاذ:ساكت وعيونه معبيات دموع
زهره:بتنحبس وانا نموت معاذ نحنا في الحالتين مش رح نكونو لبعض لا كن خليني نربي بنت اختي 💔خليني معاها
معاذ:وانا؟
زهره:حطت يديها علي عيونها ...مسحت دموعها ربي يهنيك وينسيك فيا
معاذ:خلي في بالك ان ح يجي يوم ونقتلك صدقيني ...طلع بسرعه لي السياره وزهره ركبت بي جسم يرجفففف من الخوف واول ما خشت لي دارها سمعت صوت سلاح في الشارع كانت اكتر من 10طلقات !...كأنه معاد يفرغ علي غضبه بطريقه هاذي 💔
🔥رِوايـَــــاتْ بـــــَــــنـــو تــِةْ الشــِـــيـــــــخْ🔥
🔥أَروى الطــَـــاهـــــِرْ المــــســـلاتـــــــــي🔥
الدكتوره:كيف زهره قدرت تتحمل ؟معقوله درجت البرود عندها هكي
البنت:ساكته
الدكتوره:به كمليلي القصه خشي في صلب الموضوع نبي نفهم منو يلي قتل شيماء وليش؟
البنت:هلبا ناس ماتت في القصه هاذي!
الدكتوره:كيف😨في حد مات غير شيماء ؟
البنت:توقعي
الدكتوره:شنو توقعي ؟...فهميني
البنت:كملت تحكي !...
فات اسبوع بس !سلمى ومنال حاولو يخربو قصة الخطوبه لاكن محمد كان مصمم ع الشي هاذا او مصمم علي العروسه نفسها 🤷🏻♀️
وكل هاذا زهره حاسه نفسها تحلم!جهزت شنطتها عباره علي ملابسها القديمه نفسها وشوية حجات جديده عطورات ومكياج فقط !!
جي يوم الخميس وقرو الفاتحه العصر وكانت زهره مش عروسه ابدا!...ملبستش ڤيلو 💔ولا مشت مزين !..ولا دارت الحنه زي اي بنت تتزوج !!
كل يلي في بالها انها صابره وبس متبيش تسمح لي نفسها حتى انها تفكر في معاذ اصلا!...طلعت من حوش بوها وسط دموع وحسره 💔ماسكه بنت اختها في يدها ومحمد نزل من السياره ركب الشنطه ورجع قعمز وفي قلبه الف حسره ع الموقف يلي نحط فيه !
ركبت في السياره والجو هدوووء مفيش اي صوت ومحمد مقالش حتى كلمه ! مره مره يشوف لي بنته بس
محمد:درس السياره ...نازل القهوا بناخد عشاء تبي شي معين؟
زهره:عادي اي شي
محمد:تمام ...ونزل من السياره
زهره:خذت نفس عميق وكانت خايفه يصير شي لما توصل الحوش او معاد يدير كارثه
_______________
رتاج:شن اديري برا ماما؟
منال:طيري من قدامي مش رايقتلك يافرخه
رتاج:بصوت واطي ...خيرها امك؟
رانيا:قريب تتفجر هيا وعمتي سلمى لان اليوم عمي محمد بيروح بي عروسته
رتاج:اهااا اخت شيماء الله يرحمها
رانيا:اي
رتاج:ياخوفي حتى هيا تموت
رانيا:كيف؟
رتاج:وين نعلم نقصد انها تنتحر زي اختها
رانيا:رتاج انتي مش مخبيه عليا شي صح؟
رتاج:لا شنو بنخبي عليك مثلا!...شوفي شوفي وصلو
منال:وقفت تتفرج ....جايبه معاها البنت من اول يوم؟
سلمى:ع اساس متزوجه علي خاطر البنت تبي تبين انها بنت كويسه قدام محمد لا اكتر
زهره:سكرت باب السياره وركبت مع محمد وكمية التوتر يلي حاسه بيها مش طبيعيه 😣
محمد:فتح الباب وكانت الشقه تلممع ..خشت زهره لي غرفة النوم بسرعه ومعاها جنى
اما محمد حط العشاء علي الطاوله ومتوتر مش عارف كيف يتصرف او شنو يحكي معاها!!
______________
معاذ:مقعمز قدام الحوش مكسور 💔مش قادر يدير شي !معاذ كان مستعد يحارب لاخر نفس معاها
لاكن يلي كسرله ضهره ان زهره تخلت عليه بسهوله فجآه بدون مقدمات هكي !
حازم:خيره الغالي برا؟
معاذ:يحاول يخفي عيونه ...كساد
حازم:دخول محمد اليوم؟
معاذ:اي اليوم 💔
حازم:ربي يهنيه ..._شنو ياخال شكلك غاير منه تبي مرا حتى انت😂😂
معاذ:ضحك بدون نيه
حازم:تروح تتعشى معاي؟
معاد:لالا صحتين منور
حازم:شاف تالفونه يشرين...تمام امالا هي تصبح
معاذ:اشرله براسه ورجع غارق في همومه
__________________
زهره:مقعمزه علي السرير وجنى راقده مش فاهمه شنو ادير تطلع من الغرفه او شنو؟
محمد:طق مرتين ع الباب وخش ...تعالي تعشي
زهره:اءء تت تمام
محمد:رجع للمطبخ ووراه زهره
زهره:قعمزت ع الكرسي وساكته
محمد:فتح الثلاجه...عنب ولا خوخ؟
زهره:عادي اي شي
محمد:طلع العصير وزهره تشوفله كان متغير علي قبل محلق ومرتب هلباا
محمد:حاول يخفف من التوتر يلي صاير بينهم ...في شكلاته في الثلاجه لو تبي حاجه حلوه
زهره:مسكت الكاشيك وتاكل ...صحيت
محمد:خذي نفس عميق ويتفرج علي زهره كيف واضح عليها تاكل مغصوصه ...خليك براحتك
زهره:قامت راسها...نعم!
محمد:اي خليك براحتك الليله وحتى بكرا لو تبي نضمي امورك ويصير خير
زهره:وصلتلها المعلومه ان يحكي علي ال🔞🔞
محمد:شوفي زهره ...كل يلي نبيه منك اديري بالك علي بنتي بس منبي شي تاني ولو تبي مفيش داعي انزلي لوطه ابدا وتخالطي العيله
زهره:هزت براسها
محمد:لو احتجتي شي قوليلي وتلقيه عندك
زهره:ان شاء الله
محمد:ناض من جنبها للحمام يغسل في وجها مش مستوعب انه رح يلمس اخت مرته 💔😣
________________
فاطمه:وين علي خير
ساره:راجلي جايبلي حجات ناخذهم ونجي علي السريع ونبي
فاطمه:خطيبك امتى ولا راجلك بلا هبل
ساره:به به خطيبي 😅..وطلعت بسرعه
حازم:واقف برا ويتفرج ع النجوم
ساره:بصوت واااطي...حزومي
حازم:ابتسم وتلفت ...ياعيونه
ساره:سكرت الباب بهدوء ..جيتك
حازم:حضنها...محلاك يافرخه
ساره:احكيلي وين ماشي بكرا؟
حازم:جنزور عندي خدمه مع عمي غادي
ساره:قداش بتقعد
حازم:جو اسبوع هكي
ساره:اسبووووع كانل مش رح نشوفك 😨
حازم:تو نهدرزو فيديو 😅
ساره:بلا جو حازم نحكي جديات مش حاس ان اسبوع هلبا؟
حازم:حضنها بيد وحده...اممم. به نخلوها 4ايام
ساره:زيد نقص😂
حازم:طماعه 4ايام قلت
ساره:اففف به اربعه ايام
حازم:طلع من جيبه شكلاته ..هاك غزالتي
ساره:خدتهم وهيا تضحك
حازم:باسها علي خدها ....ربي يخليك ليا
ساره:وميحرمنيش منك❤️
حازم:هي خشي الحوش توا
ساره:به
________________
حازم:بيخش لي حوشهم لاكن شاف منال ادور في الجنان وتحفر تكلم من بعيد..تبي مساعده؟
منال:وقفت ووجها اصفررر...لالا صحيت ☺️سلملي علي امك
حازم:يوصل...وخش للحوش وهوا يتكلم داخله...هبلت رسمي هاذي وقت حفر في الليل 🤦🏻♂️ربي يتبت العقل
منال:كملت يلي ادير فيه وخشت لي حوشها بسرعه وحمدت ربي ان محدش كشفها 🤷🏻♀️
محمد:راقد علي السرير ومسكر عيونه حس بي حد قعمز جنبه !...فتح عيونه شاف زهره راقده وعاطياته بضهر حكي في داخله....كيف قدرت توافق علي راجل اختها وترقد معاي في نفس السرير؟الواضح اني اخترت صح لي بنتي وحده ضحكت بي نفسها عشان بنت اختها يعني وح تكون ام كويسه ....من الكلام والتفكير هاذا لين بدي محمد بيرقد خلاص...سكر عيونه وحس بي يد تتلمس في لحيته بدلع ..بعد اليد المره الاولى بس رجعت والمره هاذي نزلت علي رقبته وصدره !
فتح عيونه ببطئ وكان الضي مسكر ..ناض بخوف فتح الضي شاف زهره راقده
محمد:شاف لي نفسه في المرايا كان فيه اثر ضوافر علي رقبته ...نحلم ؟شن جاب الاثار هاذي ؟
زهره:حطت يدها علي عيونه بسبب الضي القوي وتكلمت بصوت ناااعس...جنى فيها شي ؟
محمد:لا اسف فتحت الضي عليك
زهره:ولا يهمك
محمد:سكر الضي وطلع من الدار شرب اميه وصلى ركعتين لان يلي صار بجد يخوف !!
🔥رِوايـَــــاتْ بـــــَــــنـــو تــِةْ الشــِـــيـــــــخْ🔥
🔥أَروى الطــَـــاهـــــِرْ المــــســـلاتـــــــــي🔥
ثاني يوم:-
زهره:محمد محمد؟
محمد:فتح عيونه بتعب وكان راقد علي صالون ..اهاا
زهره:صباح الخير
محمد:صباح النور
زهره:الفطور واتي
محمد:شاف جنبه كانت صفرة فطور مرتبه !...عمرها شيماء مادارت هكي قبل
محمد:قعمز يحرك في رقبته كانت توجع فيه بسبب التعب ..ناض من مكانه خش الحمام غسل وجها وجي بيطلع لاكن رجع لما شاف روب شيماء معلق!
نصدم فيه ؟؟الروب شنو يدير هنايا ...طلع من الحمام وهوا يدكر في الشي يلي صار معاه قبلها بليلة بس !
_______________
ساره:واقفه تحكي بي التالفون ..شن بيكون في جديد يعني ؟نفس العاده
حازم:وين انتي ؟
ساره:في المخزن بناخذ كم حاجه ..حاسه بروحي استاحشتك تعرف اخي لما طلعت مريتكش قدام حوش جدي
حازم:ههههه اهو مروحلك ياهبله ومدايرلك مفاجآه
ساره:قووووولي نبي نعرف
حازم:لا
ساره:ونبي حزووومي هيااا
حازم:بنروح نحدد العرس
ساره:الله 😍😍😍😍😍😍
حازم:وربي ❤️المهم توا سكري جاني الراجل
ساره:تم ياروحي ❤️...وسكرت الخط
سيف:خش وسكر الباب
ساره:شنو؟!شن خاش هكي انت!!
_________________
محمد:فتح عيونه ببطئ وراسه مشوش ..قعمز وهوا مش مذكر شي !
كان السرير كله حايس وخاش في بعضه ..في شوية قطرات دم علي الشرشاف ..
الحلقة الرابعه من هنا
