#بنات_إبليس 6 حقيقيه بدون اضافات خيال
سلمى:حطت يدها علي منال...كنت حاسه انك اديري في شي من ورايا ياوسخه
منال:تنفض في روحها من التراب ...فهمتي غلط ره مش ان
سلمى:بهدوء....هاتي حقي ونضمي امورك معش عندي بيك دخل
منال:طلعته عشان نبيعه بكرا مش قصدي نخنبه الذهب
سلمى:هه زي مخنبتيه المره الاولى تختبيه مره تانيه حبيبتي
منال:سلمى بطلي الكلام يلي تقولي فيه احسن ما ننقلب عليك وتبدي عدوه عليااا
سلمى:😄ضحكتيني حبيبتي انا عمايلك كلهااا عندي بتعطيني حقي ولا نقوللهم كيف خنبتي ذهب شيماء كله وخليتي خوي يشك في مرته واشبح يكون ليك يد في قتلها او لا
منال:دفتها بقوه...حقيررررره واطيه انتي يلي عندك يد في موتها مش انا
سلمى:لونها انخطف..وعلاش بنقتلها شن تحكي انتي
منال:تسحابيني راقده علي وداني ؟انا عارفه ان حبيبك ايهم كان يموت في حاجه اسمها شيماء قبل ما تنخطب لي خوك وشيماء رجعت تكلم فيه حتى بعد تزوجت محمد
سلمى:لا مش صح
منال:بي وذني سمعتك تهددي فيها لو ماتبعدش عليه تفضحيها قدام محمد وواضح لما شيماء تعامل في راجلها بجفاف ان في حد تاني في حياتها ف بطلي لف ودوران عليا
سلمى:بس الشي هاذا مستحيل يخليني نقتلها متوصلش لهدرجه
منال:توصل حبيبتي لما يقرر يسيبك عشانها ويحاول يطلقها من راجلها باش ياخذها
سلمى:بلعت ريقها...سكري فمك احسن مايسمعك حد ويصدقك
منال:هاذم زود حدايد مشي بيهم امورك ولو تزيدي تطلبي مش رح نرحمك
سلمى:خذتهم وخشت للحوش وهيا متنرفزه
_________________
ساره:شافت الدم نزل جنب رجليها وسيف يتألم ...موت كلب مش رح نندم في يوم علي قتلك
سيف:طلع من الحوش وهوا يتألم صح ينزف بس الخبطه مكانتش قويه هلبا او بمعنى اصح الجرح مكانش عميق. هلبا
ساره :مسحت الدم من الارض ورجعت لي سريرها بدون اي خوف او حتى شوية اهتمام 💔
لبست جاكيت حازم زي العاده ورقدا جنبها صورته كان حازم ادماااان بنسبه ليها وعقلها مش قادر يستوعب فكرة انه خلاص حازم بحح من الدنيا
🔥رِوايـَــــاتْ بـــــَــــنـــو تــِةْ الشــِـــيـــــــخْ🔥
🔥أَروى الطــَـــاهـــــِرْ المــــســـلاتـــــــــي🔥
ثاني يوم🌤🌤
ام محمد:شنو وين مرتك معاد ريناها شكلها زي اختها مسمومه وشاده روحها فوق
محمد:يما والله البنت كويسه الله يهديكم انتم
ام محمد:اي اي واضح عليها مريت منها خير لا هيا ولا اختها
زهره:خشت ماسكه جنى وجايبه كيكه...السلام عليكم
محمد:تفاجئ بيها كيف نازله😍
ام محمد:وعليكم السلام ...عاش من شافك تقول متسكنيش فوقنا
زهره:ابتسمت...والله لهيت شوي يا مرت عمي معليشي ميف حال صحتك انتي
ام محمد:الحمد الله من ربي بخير
زهره:حطت جنى ع الفراش ...وين سلمى ؟
ام محمد:عند منال تشرب في قهوا ومخليني هنايا
زهره:ابتسمت...ولا يهمك انا تديرلك قهوا
ام محمد:شبحت بنضرات استغراب ممزوجه بي احتقار لي زهره ومحمد كان عاجبه تصرفها وكل يوم تزيد تكبر في عينه اكتر واكتر
زهره:خشت للمطبخ ادير في القهوا لحقها محمد
محمد:مكنتش نتوقع تنزلي
زهره:اليوم جمعه كيف مننزلش😅
محمد:والله يازهره مفي منك انتي وربي
زهره:حتى انت بجد انسان كويس
محمد:قام براد الشاهي وكان سخون هلبااا...اااه
زهره:مسكت يده بخوف...سلاااامتك خيرك وين جاتك
محمد:قام عيونه يشوفلها بنضرات تجنن لان بجد اول مره حد يخاف عليه هكي ويعامله بطريقه الحلوه هاذي
زهره:قامت عيونها ...استنى نجيبلك ثلج ...وهيا ماشيه مسكها من يدها
زهره:😨
محمد:فوتيه الثلج بسيطه القصه عادي
زهره:ممكن توا تحس فيها عاديه بس بعدين توجعك ره
محمد:مسح بيده على خدها حاس بنفسي كويس❤️
زهره:نزلت عيونها تحشمت
محمد:نزل يده ...من يوم تزوجنا مطلعتكش شن رايك نتعشو برا اليوم؟
زهره:ااه اي اي ليش لا😅
محمد:ابتسملها...تمام زهوره ❤️...وطلع
زهره:خذت نفس عميق ...
معاذ:خش للمطبخ وفتح الثلاجه...كأن اوضاعكم بدت تطور
زهره:بلعت ريقها بصعوبه وخذت القهوا وجايه بتطلع
معاذ:حسبي الله فيك كل دقيقه ...كيف تخليتي عليا وحرقتيلي قلبي الله يحرق قلبك
زهره:عيونها تعبو دموع وتلفتت...انت عارف كويس ليش درت هكي معاذ انسى كل شي وابني حياتك من جديد
معاد:لوح العصير بقوه...وطلع بعد ما شبحلها شبحه تموووت
________________
الدكتوره:وقتها زهره قاعده تحبه؟
البنت:هزت بكتافها بمعنى منعرفش !
الدكتوره:بس واضح من تصرفاتها انها تقبلت الواقع وبدت تحاول تتأقلم مع راجلها صح!
البنت:ممكن
الدكتوره:ياااا..منعرفش اسمك ولا انتي اي وحده فيهم بس انا لا توا مفهمتش قصة بنات ابليس يعني مفروض بنت وحده بس وهيا تكون يلي قالت شيماء وطبعا يا اما منال او سلمى او....زي ماقلتي قاعده مطلعتش
البنت:اي اي
الدكتوره:كملي بعدين ؟
منال:اي تعرف والله مستحقه ونبي نبيع ذهبي كله زي مافهمتك امس ياخوي ضروفنا صعبه وعندي دين قوي لازم نخلصه
صاحب المحل:فهمت عليك ربي يفرج عليك وخيتي
منال:ياارب تسلم مشكور
صاحب المحل:20الف تبيعي ؟
منال:مفيش اكتر؟راهو هلبا الدهب قصدي
صاحب المحل:والله هاذا يلي عندي
منال:سكتت شويه ...تمام علي بركة الله
صاحب المحل:تمام
______________
نعمات:بنتي
ساره:بصوت ضعيف ...ها
نعمات:سيف مبكري جي لي بوك فاتحه في موضوع
ساره:قعمزت بسرعه ...شنو يبي الواطي هاذا
نعمات:يبيك انتي ...الولد ناوي الحلال وانتي لازم تطلعي من الحاله هاذي يابنتي !خلاص حازم في مكان احسن من هنايا
ساره:نزلو دموعها...لا امي لا
نعمات:زيدي فكري مرات سيف هوا يلي يطلعك من هاذا كله ❤️
ساره:دفنت وجها في المخده وقعدت تبكي بصوت عااالي امها حاطه في بالها ان تبكي عشان حازم
بس ساره اذكرت الليله يلي اعتدى عليها سيف الحقير وكل شي داره معاها 💔ومش قادره تحكي لي حد لان مستحيل حد يصدقها !
________________
في المطعم:-
محمد:خيرك مرتبكه؟
زهره:ها لا شي بس !!...يعني مش متعوده ع الاماكن هاذي
محمد:ضحك...والله؟غريبه
زهره:اي 😅
محمد:بس حلو المكان هااادي صح !
زهره:اي حلو
محمد:مش احلى منك اكيد
زهره:نزلت عيونها....
محمد:منعرفش لو كان انتي يعني ان ..شوفي انا عزمتك واصريت نخلي جنى عند امك عشان في هلبا كلام نبي نقوله
زهره:ان شاء الله خير !
محمد:ااءء يعني صح الضروف جبرتنا ناخذو بعض ..هاذا شي اكيد بس...
زهره:بس شنو؟
محمد:انا بجد معجب بي كل شي درتيه وقاعده اديري فيه كل تصرفاتك زهره بدون اي استثناء
زهره:☺️
محمد:انا منبيكش مجرد مربيه لي جنى بس !!
زهره:وجها احمر ...منبيش فكرة اني كويسه معاك تضغط عليك وتجاملني
محمد:هه اي مجامله تحكي عليها انتي جديات انا قاعد نحكي في كل شي من قلبي
زهره:ساكته
محمد:مسك يدها...نبيك زهره نبيك ام لي جنى وزوجه وكل شي ليا
زهره:ابتسمت برضا وداخلها شعور ملخبط ..فجآه طاحت جنبهم طاسه تكسرت والشي هاذا دار رهبه عند زهره
محمد:اهدي اهدي نكسر الشر
زهره:قعدت تشوف فتره للمرش بعدين رجعت عيونها علي محمد
🔥رِوايـَــــاتْ بـــــَــــنـــو تــِةْ الشــِـــيـــــــخْ🔥
🔥أَروى الطــَـــاهـــــِرْ المــــســـلاتـــــــــي🔥
ساره:ناضت من سريرها وحاسه بطنها توجع فيها وكبدها زاهقه خشت للحمام بسرعه ترجع والدوخه الايام هاذي مش مبطله!!...شكت في شي ولو كان صح وقتها جديات حياتها رح تدمر وهلباااا!!!
سليمان:بنتك زودتها هلباااا خلاص الولد عند ربي الله غالب شن بنديرو
نعمات:معليشي شوي شوي عليها الله غالب انت تعرف كيف كانت تحبه هلبا
سليمان:لازم تطلع من الحاله هاذي منتحملش نشوف بنتي الوحيده هكي !...زيدي اسأليها علي رايها في سيف
نعمات:ان شاء الله ...حقى خيره هوا سمعت انه مخيط
سليمان:اي خاش يحز في عركه بين زوز شوي ناشه واحد منهم بي موس
نعمات:مسكين افعل خيرا تلقى الشر
سليمان :اي هاذا هوا
_____________
ساره:ماسكه اختبار تحليل الحمل يلي خذاته من دولاب امها ومصدومه ...كانت النتيجه حامل 😨
انهاااااارت في الحمام علي كل لحضه بجد حياتها كل شوي تزيد تخرب اكتر واكتر !!
خلاص معش تقدر هيا عارفه لو سمعو بيها يقتلوها وهيا اصلا تستنى في الموت بس الفضيحه هاذي رح تخلي راس بوها وعيلتها كلها في الارض ..وهنايا عرفت ان مفيش حل غير انها تاخذ سيف لان حتى لو نتحرت رح يعرفو انها حامل بي الحرام وبوها احتمال يموت من الصدمه
بس مع هاذا كانت ناويه تقتل روحها بعد الزواج من سيف
_____________
محمد:خيرها جنى؟
زهره:تبكي هلبا معش سكتت ممكن بطنها غازات
محمد:خلاص ارتاحي انتي هاتيها عليك
زهره:عطات جنى وقعمزت جنبه
محمد:قعد يمسح علي بنته شوي شوي لين بدت تهدا ....شفتي كيف سكتت نعرفها بنوتي انا 😅
زهره؟..شاف جنبه لقي زهره متكيه علي كتفه وراقده ...حط جنى بهدوء وقام زهره بين يديه ودخلها غرفة النوم ..حطها ع السرير وقرب عليها باسها ويشوفلها بحنان ....فجآه بدت جنى تبكي بهستيريا لدرجة طلع من الدار بسررررعه خايف يكون صارلها شي بس كانت راقده عادي !!
والبكاء متعها موقفش
ساره:خذت رقم سيف من بوها من غير ما يحس واتصلت بيه ...الو
سيف:ايوا منو
ساره:اسمع ياحقير ياواطي ...انا رح نوافق مش حب فيك لاااا لاني حامل منك يا حقيرررر ياوسخ
سيف:ضحك....والله ؟الف مبروك
ساره:حسبي الله فيك ربي ياخذ فيك الحق
سيف:توا انا بطلت معش نبي نخطب
ساره:ككيف ؟
سيف:زي ماسمعتي كيف تبيني ناخذ وحده حامل؟
ساره:لالالا
سيف:ترجيني عشان ناخذك يا ساره
ساره:قعدت تبكي وسكرت الخط في وجها 💔وكانت قريب تهببببل مش لاقيا حل للقصه هاذي
________________
رانيا:ماما ماما
منال:شن تبي ؟
رانيا:شنو اديري ؟ليش اطلعي في الحوايج
منال:مدخلكش نساوي فيهم
رانيا:به قتلك رتاج شنو. ندير العشاء،؟
منال:اي حاجه ديري اهو قدامك
رانيا:افففف به به
🔥رِوايـَــــاتْ بـــــَــــنـــو تــِةْ الشــِـــيـــــــخْ🔥
🔥أَروى الطــَـــاهـــــِرْ المــــســـلاتـــــــــي🔥
ثاني يوم 🌤🌤
ساره:طووول الليل مرقدتش تفكر شنو بيصير فيها؟وهل جديات سيف رح يتراجع علي قراره او لا !!
بس تفاجآة بي مرت عمها ليلى جايه تخطب فيها لي سيف رسمي ❤️وهنايا ساره زااادت كرهت نفسها اكتر واكتر
________________
زهره:ناضت الصبح تتكسل واستغربت لما شافت انها راقده بروحها في السرير وحتى جنى مهناش !...طلعت من الدار ع امل يكون محمد وبنته في الصالون اول ما طلعت صرخت بقوه...
الحلقة السابعه من هنا
