انا فى كارثه يوم حنه بنتى اكتشفت مصيبه الناس كانت فرحانه والاغانى شغاله والكل بيرقص ومبسوط وانا عينى على بنتى بودعها علشان هتروح على بيت عريسها وهى كانت بترقص وفرحانه وفجأه لمحت بنتى الكبيره ولاء المتجوزه بتشاور لعريس اختها وفعلا دخلت الشقه
وهو دخل وراها وانا خدت بعضى ودخلت وراهم لأن كانت نظراتهم غريبه وسمعت المصيبه ولاء بتقول لمحمد خلاص هتسبنى وهتجوزها لالا ومحمد بيقولها انا هتجوزها اسم بس إنما انتى اللى فالقلب يا ولاء مقدرتش امسك دموعى وقولت يادى المصيبه بنت عمرى تخون اختها اللى ملهاش غيرها انا الام المغلوب على أمرها جوزى مات
وساب فى رقبتى بنتين وولد ولاء ودعاء وأحمد علمتهم احسن تعليم بس اكيد مش ده جزائى انى اتصدم فى بنتى غير الفضيحه وغير كسر قلب اختها طيب هعمل ايه دلوقت ويا ترى العلاقه بينهم ايه وفضلت افكر وخدتنى دوامه التفكير وبقيت اندب حظى ليه يا بنت عمرى تعملى كده وقولت لازم اتكلم مع ولاء واعرف ايه حكايتها مع خطيب اختها وانا واقفه سرحانه ببص ملقتش قدامى غير دعاء وكانت يا حبيبتى فرحانه وبتقولى فى ايه يا ماما مالك
واقفه ليه وسألتنى كذا مره والله مكنتش عارفه ارد وارتبكت ودعاء لاحظت عليه وقالت ماما ردى عليه سبتها ومشيت وخرجت بره الحنه اراقب الجو وابتديت اراقب نظرات ولاء ومحمد والاتنين ولاقيت محمد قام رقص مع ولاء وخرجت دعاء وقالت ماما ماما انتى سبتينى ومش بتردى عليه ليه ولما بصت شافت ولاء بترقص مع محمد بس دعاء نضيفه من جوه فرحت اوى وقعدت تسقف ورقصوا مع بعض ولما دعاء راحت ترقص معاهم الغيره دبت فى قلب ولاء وانا عارفه بنتى مجنونه وتعمل اى
حاجه لاقيتها دخلت الشقه وانا جريت وراها ما انا لازم اتكلم معاها لاقيتها منهاره جوه الشقه بنتى خاينه وبتخون اختها انا تعبت ومش عارفه اعمل ايه انا ام واب فى نفس الوقت بس لازم اتصرف مسكت راس ولاء وقولتلها ارفعى راسك مالك بتعيطى ليه رددت بكل حزن انا زعلانه ع جواز اختى يا ماما خايفه عليها دى لسه صغيره على المسؤوليه
دى 🤦 قولتلها ايه غيرانه بس ولاء برقت اوى بعنيها اصل ولاء عنيها واسعه وحلوه وقالت غيرانه من ايه يا ماما
الام : خايفه ع اختك ولا غيرانه يا بنتى
ولاء : غيرانه ليه مش فاهمه انا متجوزه وحامل يعنى مش ناقصنى حاجه
الام : ياريت تعملى حساب لجوزك وابنك الجاى
ولاء : ماما نفسى اتكلم معاكى بصراحه انا تعبانه
الام : الحمل تعبك وانا بكلم نفسى فى سرى ياريت تحكيلى يا بنتى علشان ارتاح وافهم كل حاجه
ولاء : ماما انا تعبانه نادر جوزى مش جمبى سنه مسافر ومش هيرجع الا بعد 3 سنين والله تعبت وكمان جدد العقد انا زهقت يا ماما
الام : دى حياتك وانتى اخترتيها ايه اللى جد وطبعا الام نفسها أن ولاء تفضفض وتحكى ع كل حاجه
تليفون ولاء رن وولاء بصت بذهول وفرحت اوى ورددت بسرعه وفى خباثه ودخلت المطبخ وطبعا متعرفش أن أمها عارفه حاجه او ملاحظه حاجه والام دخلت تتسحب وراها وسمعت ولاء بتقول
محمد حبيبى انت بتكلم جد انت بتحبنى اوى كده معقول مهنتش عليك ومهانش عليك ابنك اللى بطنى هستناك النهارده يعنى هتكون فى حضنى
الام : ابنه اللى فى بطنها !!!!!!!! انا لازم اروح وراها شقتها
الجزء الثاني من هنا
بدل ماتدور وتبحث علي الروايات خليها علي تليفونك وحمل تطبيقنا
