ليالى الكنز..حلقة 3
تربية ابليس الجزء الثانى..
= سلوى جدة خالد جاتلى قبل الحادثة بيوم وقالتلى كلام غريب ، مفهمتوش وافتكرت ان اعصابها تعبانة وقعدت تحكيلي على ان حفيدها خالد ده مش بني آدم ونتاج شيطانى وان فيه واحد دجال ليه يد فى الموضوع وان البيت بتاعهم بليل بيقلب كله شياطين وعفاريت والصلاة ممنوعة فى البيت ، وممنوع كمان انهم يبعدوا الطفل الشيطانى ده عن امه ، رغم انها مبتاكلوش
.. مبتأكلوش ازاى ؟ّ!
= قالتلى انهم بيحطوه فى اوضة مقفولة وبيسيبوه وميعرفوش مين بياكله ومين بيشربه
.. الشيطان ده جسمه بيكون مختلف ومخيف وتصرفاته غريبة ، ده لو افترضنا ان كلامك صح
= من ضمن الحاجات اللى قالتهالى ان فيه ساعة معينة بليل بيرجع لهيأته الطبيعية وبيكون شكله مخيف جدًا جدًا وانها مش قادرة تعيش فى الوضع ده
.. وانتى اقترحتى عليها ايه؟
= انا قولتلها تروح لشيخ كبير يرقيهم ويشوف حل للموضوع ، قالتلى ان الدجال مجرد مافكر انه يبعده عن هدير امه الله يرحمها ، قتله وسلخ جلده
.. يعنى طفل حتى لو شيطان ، هيقتل حد ويسلخ جلده ؟
= اه وده ليه علاقة تاريخية مهمة جدًا والله اعلم من صحتها ، ابليس قبل مايترفع للسما كان طفل صغير عايش مع كائنات ارضية اسمهم الحن والبن ، وكانوا مفسدين فى الارض وبيسفكوا الدماء وكان عايش معاهم الجن لكن متضررين منهم او بيأذوا فى بعض، ربنا امر بتطهير الارض منهم فنزل جيش من الملائكة مع الجن وقضوا على الحن والبن ، ابليس كان طفل صغير فى كهف ومحدش كان بيقدر يقرب منه من الكائنات المفترسة دى لان درجة حرارة جسمه كانت عالية جدًا وصعب ايذاءه او حتى مواجهته ، وبعدها ربنا امر برفعه للسماء وكان عايش مدلل فى الجنة لحد ماعصى ربنا بأنه رفض يركع لادم عليه السلام ونزل الارض ونشر فيها الفساد
.. ايوة برضو ازاى هيأذى دجال وهو طفل !
= مش شرط هو ، اى حد من الشياطين ممكن يقوم بالمهمة دى بكل سهولة
.. انتى بتحاولى تقلقيني وتبعديني عنه وخلاص
= لا وكمان مش بس كده ، سلوى كانت عايزة تخلص منه بأى شكل وبأى تمن ، راحت عند واحد الله اعلم بيشتغل ايه وحكتله الموضوع وسألته عن الحل ، قالها ان لازم الام تموت وبعدها يااما يقتلوا الطفل او يسربوه ، وكان المهم ان محدش من اهل البيت هو اللى يقوم بالمهمة دى ، سلوى كان صعب عليها جدًا تقتل بنتها تحت اى ظرف من الظروف ، لكن تامر جوز هدير فى الفترة الاخيرة قبل الحادثة بقى بيشوف حاجات وبيعمل حاجات جننته وعقله مبقاش سليم ، وهو اللى فكر انه ينفذ الموضوع ده بس طبعًا مكنش قصده ان يموت سلوى وهدير ، لكن كان عايز يخلص من الطفل
.. هو اللى حرق البيت؟
= هو كان عايز يقتل الطفل بس ، حطه فى المطبخ جنب انبوبة البوتاجاز وكان لسه ماليها وكانت الساعة 2 بليل ، وفتح الغاز بتاعها وحط كمامة على نفس الواد وقعد يدخن بره فى الصالة ، سمع صوت الطفل كأنه بيتكلم جوه دخل جرى ، الله اعلم شاف ايه خلاه ساب السيجارة والدنيا كلها ولعت ، الشقة عملت صوت انفجار ولا اللى بيتعمل فى الحرب وكله مات
.. طب ازاى خالد عايش؟
= اسألى نفسك بقى
.. لا بجد ازاى؟!
= انا لما سمعت صوت الانفجار جريت بسرعة عليهم لقيت المطافى كانت وصلت وبدأوا انهم يطفوا الشقة ، دخلت زى المجنونة علشان احاول انقذ اى حد فيهم ، لقيتهم كلهم متفحمين ، ولقيت النار ماسكة فى خالد ، علشان مكنتش مصدقاها جريت بسرعة وطفيته بملاية ، ولما بصيت عليه لقيته بيضحك وباصصلي وكأن كان حد بيلاعبه مش بيتحرق ، سبته ونزلت جري ومرضيتش اجيب سيرة لحد ، عرضوا عليا انى اربيه ، طبعًا رفضت وراح لدار الايتام اتربى هناك ومعرفتش عنه حاجة لحد ماجنابه شرف المنطقة من جديد
.. انتى بتقوليلي كده علشان ابعد عنه ولا بتتكلمى جد
= انا عمرى ماهكذب فى السن ده يابنتى ومش عايزاكى انتى كمان تجيبي سيرة لحد علشان متتاذيش
تيتة قطعت كلامها وبدأت تكح جامد وتبرق بعينيها وتشاورلي على حد فى الاوضة ، بصيت ورايا ملقتش حد ، جريت اجبلها مياه ، كان السر الالهي طلع ، قعدت اصوت ، دخل عليا قمر وبابا وماما وكانوا فى ذهول من منظر وش تيتة لما مامت ......
الحلقة الرابعه من هنا
