ح7#ليالى_الكنز
#تربية_ابليس_ج2
#تربية_ابليس_ج2
رغم انى مكنتش مصدقة كلام حسام وان ممكن يكون عنده طريقة علشان نوصل بيها للكنز لكن كملت كلام معاه وسألته :
= ايه الطريقة؟
.. طريقة زمان
= ازاى ؟!
.. بما ان الوحيدة اللى قدرت تقرب من الكنز كانت مومس واستخدمت الطريقة الجنسية لاغواء حارس الجن ، فاحنا عندنا فرصة ان نجيب حد يعمل كده ونجرب يمكن تظبط معانا
= والجنية التانية اللى قتلت المومس ، دى هنتصرف معاها ازاى؟
.. بنفس الطريقة فى نفس التوقيت
= مش فاهمة !
.. يعنى هنجيب راجل وست يعملوا نفس الطقوس فى نفس المكان فى نفس الوقت ، وبكده نكون نجحنا فى كسب حراس الكنز ويفتحولنا المكان
= طب لو افترضنا ان ده هينجح ، هنجيب ادوات الحفر للمسافة دى منين ؟!! ، ولو فرضًا عرفنا ، هنعدى ازاى من الرمال المتحركة؟
.. بصى اللى انا عرفته ان فيه يومين فى نص السنة الرملة دى مبتتحركش فيهم وبتكون ثابتة ، بس المشكلة ان نقدر نحفر فى خلال اليومين ونطلع الكنز والمشكلة الاكبر اللى هتواجهنا ، "لو بتقرأ القصة من مكان تانى اعمل سيرش بإسم الكاتب مصطفى مجدى بالانجليش وتابع من الصفحة الرسمية"، نودى راجل وست يعملوا مهمتهم مع حراس الكنز قبل يومين الثبات بأسبوع!
= انت جبت سيرة الكلام ده فى البحث او الدكتور عرف عنه حاجة؟
.. لا خالص
= طب كويس ، احنا لازم نتحرك فى الموضوع ده من غير مايعرف
كان لازم نفكر فى حل بره الصندوق وكمان الناس اللى هتنفذ الطريقة دى لازم يكونوا قريبين مننا ومينفعش يطمعوا ويغدروا بينا ، بعد تفكير كبير جدًا قررت الاول انى اربط حسام بعقد جواز عرفي بيني وبينه لان هو اللى معاه الخرايط وكل شئ وكمان هو اللى عارف الطريقة الوحيدة للهروب من الرملة المتحركة ، كلمته وروحنا لمحامى جنب الجامعة ، وكتبنا الكتاب فى السر ومحدش عرف عن الموضوع اى شئ ، خدنا شقة ايجار جديد فى مصر الجديدة ، علشان نتقابل فيها ونحضر لموضوع الكنز وكمان عملناه مكان لخلوتنا ، تقريبًا مبقتش اروح الجامعة غير تخاطيف ، كنت كل يوم الصبح اروح الشقة فى مصر الجديدة ، اقعد وانام مع حسام وارجع فى ميعاد الجامعة ، لحد مافى يوم حسام طلب اكل ديليفرى ، ولما وصل وفتحت الباب ، لقيت خالد فى وشى ، اتصدمت مبقتش عارفة اقوله ايه ولا ابرر وجودى ، كل اللى قدرت اقوله :
= ارجوك متجبش سيرة لحد ، الموضوع كبير وهفهمك عليه بعدين
خالد متكلمش نص كلمة وخد فلوس الاوردر ومشي ، وحكيت لحسام عن اللى حصل وعن خوفى لخالد يقول لبابا عني ، وعن الشقة ، حسام طمنى وقالى ، ان شاء الله هتعدى على خير ، وبعدين احنا متجوزين ومعملناش حاجة غلط ولو على الاعلان الرسمي انا جاهز ومعنديش مشكلة ،"القصة للكاتب مصطفى مجدى" اطمنت لكلام حسام وجه فى بالى كلام تيتة الله يرحمها عن خالد وازاى كان فى النار وخرج سليم وانه مش طبيعي ، وفكرت انى استخدمه علشان يفتحلنا الكنز ، وبالمرة كمان اشترى سكوته عن اللى شافه لحد مااعرف اطلع الكنز وابقى اعمل اللى انا عاوزاه.
اتصلت بخالد وقولتله:
= خالد انا عايزة اقابلك حالا فى نفس المكان اللى جبتلى فيه الاوردر ، لان فيه موضوع مهم وسري وعايزة اكلمك براحتى
.. هخلص شغل وهعدى عليكي
اول ماجه خالد دخلت فى الموضوع على طول وحكيتله على الكنز وقولتله على طريقة التنفيذ ، رد عليا :
= تفتكرى انى ممكن اغامر بحياتى علشان كنز مش محسوب ، وبعدين ليه حسام اللى معاكى مينفذش الشروط
.. علشان انت الوحيد اللى ممكن تعمل ده وتنجح فيه
= علشان الكلام اللى جدتك قالتهولك قبل ماتموت؟
.. ايه ده انت عرفت ازاى؟!!!
= مش مهم عرفت ازاى ، المهم ان طلبك مرفوض وانا كأنى مسمعتش منك اى حاجة
خالد زود الموضوع صعوبة عليا جدًا ، ومبقاش قدامى غير خيار وحيد هو المتاح ، ولازم اجازف بيه ، وهو قمر وخطيبها ، لازم استغل ظروفها المادية السيئة وانهم عايزين يتجوزوا ويخلصوا ، وعلشان كده قعدت مع قمر وخطيبها حاتم فى البيت عندنا وهو بيزورنا وكلمتهم عن الموضوع بشكل كامل والرد الجميل اللى كنت بتمناه سمعته من حاتم لما قالى :
= احنا موافقين
قمر زعلت انه معندوش نخوة وعايز يخليها تنام مع الجن علشان الكنز ، لكن لان الطمع غالب ، وافقت ومخدتش وقت كتير فى التفكير ...
