قصة_الحمل_الملعون
الحلقة الاولي
-متقولش كده يا عادل دي بنتنا واحنا مربيينها كويس يا اخويا
-انا مبقولش من نفسي ياصباح مش ملاحظة بطن بنتك كبرت ازاي
-ممكن يكون قولون ولا انتفاخ البنت مبتخرجش من البيت خالص ولسه صغيره متعرفش حاجه دي عندها 14 سنه
-ماهو ده اللي هيجنني ياصباح ده انا حتي خايف اتكلم معاها او اوديها لدكتور يكون انتفاخ والبنت تحس اننا مش واثقين فيها انا هاتجنن خلاص
-خلاص ياعادل هاخدها لدكتور الصبح وهقولها اي حجه
قطع كلام الاب وزوجته بنتهم رضوي اللي خارجه من اوضتها واضح علي ملامحها الارهاق الشديد وبتقرب من امها
-ماما بطني وجعاني اوي وحاسه اني عاوزه ارجع
عادل قرب لبنته وعينيه الشر بينط منها بطنك وجعاكي وترجيع؟؟ انتي فيكي ايه يارضوي وقرب جدا من بنته وكآنه هيخنقها او هيضربها
لولا تدخل الام في اللحظه المناسبه اللي مسكت ايد بنتها وسحبتها لاوضتها بسرعه
-قوليلي يارضوي ياحبيبتي فيكي ايه انا امك صارحيني انتي تعرفي شباب؟
نطقت رضوي ببراءه شديده
-اه ياماما عارفه اخويا واولاد عمي وناس من الجيران
الام: لا يارضوي حد قربلك او حاول يلمس حاجه من جسمك؟؟
-لا ياماما انا بعمل زي ماقولتيلي ومش بخلي حد يلمسني
نظرت الام لبطن بنتها رضوي وساورها الشك وزقت اسدالها الواسع عشان تشوف بطنها اللي الاسدال مخبيها
شهقت الام
بطن رضوي كبيره وكأنها حامل في الشهر التاسع
-نزلت دموع من عين الام اقلعي اللبس بتاعك يابت الكلب شكلك فضحتينا
-رضوي بعفويه : علي ايه ياماما انا مش فهماكي
-لطمت الام وجه بنتها بقوه ودموعها ماليه عينيها : قولتلك اقلعي يابنت الكلب وبكل قوتها انهالت علي جسم بنتها الضئيل بلكمات قويه جدا مركزه علي بطن رضوي اللي كانت بتصرخ من الالم ولكن صراخها مخلاش امها تتوقف عن الضرب الا بعد وقوع رضوي علي الارض مغمي عليها
دخل الاب بسرعه علي صوت صراخ بزوجته وبكاءها وهي بتقول :رضوي شكلها حااامل بطنها كأنها في التاسع ياعادل. ااااااه يامصيبتي يافضيحتي علي ايدك يارضوي
جسم الاب اتهز والدم بدأ يغلي في عروقه
-لااااازم تموت النجسه انا كنت حاسس ان هبلها وطيبتها هاتفضحني
دموع بتنزل بغزاره من عيون عادل وزوجته
شقا السنين كله علي بنته ضاااع ف لحظة
واتحرك للمطبخ استل سكينه خد قراره خلاص ان الحل الوحيد هو موت رضوي صاحبة الجسم الضئيل لدرجة ان اللي يشوفها يديلها تسع سنين
فتح باب منزل عادل ابنه نادر شاب وسيم في العشرين من عمره ملابسه متسخه بالدقيق نتيجة شغله في احدي افران الخبز
لحظة دخوله لمح ابوه خارج من المطبخ وفي ايده سكينة المطبخ وفي رد فعل سريع جري عادل علي ابوه ومسكه من ايده
-بتعمل اييه يابابا ووشك مليان شر
-سييبني يابن الكلب اقتلها
دموووع بغزاره وانكسار شديد كسرتني وفضحتني يانادر سيبني اموووتها
-نادر مش مستوعب الموقف ولكنه مسك ابوه بقوه وعلي صوت الصرااخ واتلم الجيران اللي بيخبطو علي بيت عادل
في رد فعل سريع ساب عادل السكينه وراح فتح الباب والجيران اندفعو للداخل
-فيه ايه يا استاذ عادل
وبرد فعل سريع بص لابنه بغضب وقال
-هتسمع الكلام تقعد ف بيتي مش هتسمع الكلام تغوور ف داهيه
نادر اللي استوعب بسرعه كلام والده : حاضر يابابا هسمع كلامك بس انت اهدي
بعد دقايق انصرف الجيران وانفجر الاب في البكاء وبدأ يحكي لنادر اللي حصل كله
ناادر : مستحيييل يابابا اختي رضوي لسه طفله انتو اكيد غلطانين
عادل : ادخل وشوف بطنها ياولدي
نادر وهو هيقع من طوله من الصدمه مش عارف يعمل ايه ولا يتصرف ازاي بدأ يتحرك ناحية غرفة رضوي باقدام متثاقله
وفي منتصف طريقه للغرفه سمع صوت امه بتصرخ من غرفة رضوي
جري بكل قوته ناحية الغرفه
وشاف منظر مستحيل ينساه.......
الفصل الثاني من هنا
بدل ماتدور وتبحث علي الروايات خليها علي تليفونك وحمل تطبيقنا
