#مؤامرة_خسيسة
قصة حقيقية ..ح الأخيرة
فهمي صحي من النوم ملاقاش مراته جانبه في السرير استغرب جدا ازاي مسافرين وتخرج لوحدها ، قام مفزوع من السرير وينادي عليها في الشقة
_ندي ،، ي ندي
ودي راحت فين علي الصبح ،، ؟ يمكن نزلت تتمشي علي البحر .
وقف يبص من البلكونة دقيقتين ونفد صبره ،، لبس تي شيرت علي البرمودا ونزل يجري علي السلم ،، دماغه هتنفجر من القلق ومش فاهم هي فين وازاي ماتقولهوش ..
ندي صحيت من ساعة بسبب تليفون اختها اسماء اللي قلب استقرارها من تاني
الو
في ايه ي اسماء بتتصلي بدري كدا ..!
انا آسفة بس مضطرة
خير قلقتيتي
الصراحة أنا مش فاهمة حاجة غير أن في رقم رن عليا وسألني انتي اسماء ولا لا قولتله اه ،،قالي تمام بلغي اختك أنه عرفها واللي عملته مش هيعدي بالساهل ، حاولت افهم اكتر قفل الخط ..
مين دا ي ندي وانتي عملتي ايه ؟؟
هكون عملت ايه يعني ،،انا مش قولتلك تقفلي ام الزفت دا خالص ،، انا غلطانة دي ماكسرتهوش يومها ..
ايوا يوم ايه ؟؟
اسماء ورحمة ابوكي انا ماناقصه سيبيني دلوقتي وماتجبيش سيرة لامك .. سلام
سلام
لبست ندي ازدال واتسحبت من جانب فهمي ونزلت تدور علي اقرب سنترال عشان تشحن باقة النت وتكلم الولد مجهول الهوية دا ..
اول مافتحت الاكونت لقت رسالة مكتوب فيها
_ فضحتي اخت جوزك وارتاحتي
😲😲😲 انا مافضحتش حد وماكنتش اقصد وبعدين انت مين بالظبط وتعرفني منين ؟؟
اعرفك عز المعرفة ،، خلينا ف المهم هتفضلي تتامري ضدها كدا كتير ولا خلاص توبتي
انت بتحاسبني ولا بتهددني ؟؟
ايوا لاني هعرف جوزك كل حاجة واخليه يرميكي ف الشارع عندك ويرجع لأهله من غيرك ..
وقعت كلماته كالصخور الصلبة فوق راس ندي ،، أغلقت الحساب ولكنها تركترسالة أخيرة مكتوب بها
هقول كل حاجة بنفسي وفر تهديداتك ي شاطر
وقفلت قبل ماتشوف الرسالة اللي كان بيكتبها بسرعة عشان يبلغها حاجة مهمه ..
دخل ابو تهاني ياخد رأيها ف مدحت وهي قاعده ع سريرها وبتقرأ في كتاب اذكار صغير
السلام عليكم
وعليكم السلام ورحمة الله .. اهلا ي حج
_عامله ايه ي ست البنات
الحمد لله الجبس بياكلني اووي ف الحر دا بس المروحة بتخفف شويه ..
_ اللي بيخفف بجد هو الصبر ع البلاء ي بنتي وتحسين علاقتك بربنا
ونعم بالله
المهم ايه رايك في مدحت ؟؟
مدحت مين يابا ،، واتعدلت ف قعدتها شويه مع ابتسامة خفيفه ..
شوف البت قال يعني مش عارفه كل حاجة من إذاعة الشرق الأوسط ..
هي مين دي ؟؟ وراه أمها وهي قاصدة تلبسهم ف بعض
امك طبعا ..
نعم نعم مين دي اللي إذاعة الشرق الأوسط ،،؟
هههههه تعالي ي ام فهمي هو في غيرك فاكر اني هخاف وارجع ف كلامي ى.. مش دي الحقيقة
سكتت مع هز راسها فكمل كلامه
يعني نقول مبروك .
الله يبارك فيك ي حج هههههههه
طبطب عليها وقال ربنا يجعله من نصيبك ويطلع ابن حلال
رجعت ندي الشقة ماكانش فهمي فيها ،لمت كل هدومها وقررت يمشوا مالوش لزوم السفر مع الخناق والزعل ..
اول مافهمي رجع قال بعصبية
_كنتي فين ؟؟
نزلت اشم هوا
موبايلك كان غير متاح ليه
عادي شبكة ..
انتي بتتكلمي ببرود كدا ازاي انا كنت هتجنن عليكي
واديك كويس وانا كويسه ،، ممكن يالا بقي نرجع البلد ؟؟
انتي عبيطة ي بت احنا مش اتصالحنا وكله تمام
ايوا بس غيرت رايي ؟
شدها لعنده وشد الطرحه بايده وقال
انتي بتحلوي ليه بعد الزعل والخلاف ؟؟
يمكن عشان احساسك أننا ممكن نبعد
نبعد دا ايه ؟؟ لا يالا نقرب
بعدت عنه وقالت انا لازم اقولك حاجة مهمه اووي وبعدها نشوف هنعمل ايه ؟
قولي ،،
عارف موضوع ااا جالها رسالة ع الموبايل فتحتها
ثواني
"ماتقوليش حاجة ي بقرة انا مدحت وأنا اللي عملت الصور عشان اساعدك وف نفس الوقت اربي تهاني عشان تنفع زوجة وتعيش وموضوع صور النت دي كانت موجهه لمصطفى وأصحابه بس البت سمعتها تمام 😉 .."
مش معقول 😲
ف حاجة ي ندي ؟؟
ياااااه ي فهمي لاول مره من ساعة ماتجوزنا مايبقاش في حاجة 🙈❤️❤️❤️❤️
قصدك ايه ؟؟ كملي كلامك
لا ماخلاص مافيش مواضيع احنا لازم تشتري هدية لتهاني عشان خطوبتها
افهم من كدا انك موافقه ؟
طبعا ،، مدحت شاب كويس وابن حلال
طب وانا ؟؟
انت قالب رومانسي اووي وبدأت اشك فيك
تشكي ف ايه ،، مراتي ي هوووه وعرسان جداد
الطبيعي اني ابقي رومانسي والا تقلقي وتفكري أن الشحن فصل.
ضحكت ندي وكملت اسبوع الإجازة ولما رجعت كان خطوبة تهاني اتحددت ،دخل الفرح في العيلة ،وعم السلام العام بعد مامدحت شغل كل وقت تهاني
أما حسين وامه فربنا هداهم وبدأوا يحوشوا سوا تمن العفش اللي كان عليه كل الليلة دي
😁😁
تمت بحمد الله ..
