#مؤامرة_خسيسة
قصة حقيقية ح 5
_مافيش غيرها مرات اخويا اللي وقعتني من علي السلم ..
بصت لحسين وقالت بصوت هادي _اختك طول عمرها بتغير من ندي من ساعة ماكانوا زملا في الدبلوم ..
_صرخت اطلعي شوفي ياماما بسرعة
_ هههههههه فاكرين انهم اذكي ناس في الدنيا وهيقدروا يثبتوا عليا حاجة ،، قعدت ورا باب الشقة ومديت ايدي بقماشه نصها منظف والباقي ناشفه عشان انشف الأرض ورجعت علي سريري قبل ماحد يشوفني ..
_ ام تهاني بتبص بتركيز ولا المفتش كرومبو لا وبتشمشم كمان
_مافيش حاجة ي بنتي
_تعالي ياما نلحق نسغفها بدل جو المؤامرات المسموم اللي معيشين نفسكوا فيه دا والله البت اللي قاعده جوا دي بدأت تصعب عليا منكوا .
_اه رجلي براحه ي غبي ..
_انا غبي ماشي لولا أنك اختي ومحتاجاني كنت رميتك من ايدي ..
_لا لا خلاص براحه الله يخليك مش قادرة احرك رجلي الشمال
_كان مستخبي لك فين بس ي ضنايا 💔
_هقابل مصطفي ازاي بكره وانا متكسحه كدا ..
_ان شاء الله خير المستوصف اللي جامبنا شغال النهاردة دلوقتي يطمنا عليكي .
_اه مش حاسه أنه خير ي ماما
______________________
في المستوصف دخل حسين وامه تخصص الحوادث ،من ساعة ماقراروا يتأمروا علي ندي البنت اليتيمة والمصايب مابتخلصش ..
_عايزين كرسي بسرعة ، براحه عليها
_ ماتقلقيش ي حجة دكتور العظام موجود وهيبص عليها حالا ..
_الدكتور .. ايه اللي حصل ؟
_ وقعت من علي السلم ي دكتور
لازم أشعة حالا هكتبلكوا اسمها وهتعملوها في البارتشن اللي جامبي دا ،،
_ فين ؟؟
لا مؤاخذة في الاوضة اللي جامبي
_ حاضر .. يالا ي تهاني استحملي شويه
عملوا الاشعة وراحوا للدكتور
_للاسف في كسر في الرجل الشمال ولازم تتجبس وممنوع تمشي عليها لمدة شهر
_ لزمتها ايه الدموع دي ي ام فهمي ،،
اختك صعبانه عليا اوووي ي حسين
اهي علي الأقل ماكانتش حامل وسقطت ولا عاجزه وقليلة الحيلة ،تهاني جامدة وهتقوم بالسلامة ..
مش هقدر اشوفها انا هخرج برا
_يفضل تخرجوا كلكم والممرضة معايا كفايه ..
طيب ..
صوت صريخ تهاني جايب اخر دور ف المستوصف من كتر الوجع بس هدي لما اخدت حقنة بينج ..
__________________
في البيت قامت ندي من سريرها وفضلت تتنطط من الفرحة وحاسه أنها انتصرت في أول جولة من ساعة مادخلت البيت دا ،بتتحرك وترقص وفجأة قالت اه
مسكت بطنها وحست أنها لسه برضو تعبانه ومحتاجة راحه ،نزلت البيت الكبير تدور علي تليفون تهاني عشان الضربة التانية 💪
_فين الموبايل علي طول بيبقي في أيدها مش لاقياه خالص ..
ممكن الاقي اللي بدور عليه علي تليفون حماتي ،دخلت اوضتها اللي نسيتها مفتوحه لاول مره
_ي خبر ايه دا كله ي خيريه كل دي فاكهه شيلاها في الدولاب 😔 ي حول الله ي ربي كليها بالسم انتي وعيالك مادام بتعتبروا مرات ابنكوا مجرد ضيفه عمركوا ماهتتهنوا لا دي حتي ضيفة ماحصلتش ..
_اهو التليفون
فضلت تقلب في الصور عشان تلاقي صور لتهاني وبالصدفة شافت صور فرحها علي تليفون حماتها بس من غيرها 😭😣
ازاي بتفكر كدا كل الصور لابنها وجوزها وقرايبها وانا يدوب طرف فستاني اللي يظهر والباقي مقصوص للدرجة دي مش عايزا تشوف وشي وغيرانه مني ..
سالت نفسي هي حماتي بتكرهني انا كندي ولو جوزت ابنها حد تاني كانت هتحبه ..؟؟
اخدت صور بنتها علي تليفوني وقولت
والله لافضحكم فضيحة اللحمة في السوق انتي وبنتك وبكره تشوفوا بنت بياعة الخضار هتعمل فيكوا ايه ..؟
_________________
_رايح فين ي أبو فهمي لسه بدري ،اقعد ي راجل نلعب كمان دور دومينو
_لا صدعت من الدخان والدوشة أنا هروح ارتاح شويه واطمن علي مرات ابني
_فيك الخير والله ي حج ،البت يتيمة وأمانه عندكم
_دي وسط اهلها ،هي مرات ابنك ايه غير بنتك ،،ظا حتي بنتك بتسيبك وتتجوز في بيت تاني إنما مرات ابنك هي اللي هتشيلك لو وقعت ..
_الله يكرمك ي راجل ب طيب
_اه أن شاء الله هيكرمني وغصب عنك ،بس ماتنساش الدور دا غلبتك 60/ل 25 ماتنساش ي خسران عشان بكره نكمل
_ هههههه يارب تنسي
الله المستعان .. السلام عليكم .
في الورشة فهمي مش مركز وكل مايقطع لوح خشب تتطلع المقاسات مش مظبوطة
_في حاجة ي ريس
_لا مافيش كمل شغلك ي حسن
_ ي اسطي الشغل بيهرب من تحت ايدك ومافيش درفة زي التانية خالص ،روح انت وانا هدهن الكراسي وبكره تبقي احسن تكمل الاوضة ..
_ ماشي هروح عشان اشوف الجماعة كانوا تعبانين امبارح
_ مع السلامة
______________________
مدحت قاعد في اوضته النهار قرب يخلص ،وقت الغروب سعران بيقلب في الذكريات شعاع الشمس مغادر الأرض حيران عايز ياخد فرحتنا وابتسامنا للحياة ،وكان الليل اتخلق للوحده والانعزال
_ الو
_ ايوا ي مدحت ازيك
_ الحمد لله ،ازيم انتي ي نودي ولا اقولك ي مدام ندي ؟
_ماعلينا اي اسم كويس المهم عايزاك في خدمة ومافيش غيرك هيعملهالي
_ طبعا ،رقبتي ليكي
_دا عشمي برضو ،انت اخ ي مدحت
سكت وقال ف نفسه ،، النصيب صعب اوووي والاصعب انك تبقي بتحب حد وهو شايفك اخ مش اكتر وكل الطرق ليه اتقفلت ومافيش امل ..
_معايا ي مدحت ولا الخط قطع
_معاكي ي أختي ، كملي
_عايزا واد شاطر في الفوتوشوب وتركيب الصور
_خير ناوية علي ايه ؟
_ولا حاجة دي صورة ليا أنا وفهمي باظت وكنت عايزا اعدلها واشيل الناس اللي حوالينا ..
_ تمام .. الله يهنيكوا .. هبعتلك صفحة واحد اعرفه بس هو مش من البلد دا من اسكندرية
_احسن .. ابعتها علي الواتس
_ ماشي .. حالا
__________________
مساء الخير ،انا عايزا منك مصلحة بسيطة كدا
اتفضلي ،، مين الاول ؟
مش مهم هبعتلك صور لبنت وعايزاك تركبها علي جسم حد تاني مش تمام قولت ايه ؟
_ هتدفعي ايه ؟
دا سؤال اسمها كام ؟ مافيش غير الفلوس اللي الناس بتتعامل بيها
_ اه يعني سكتك دوغري ..
طبعا ..هحولك فودافون كاش بس لما تخلص
علي أمتي هستلمهم ؟
بكره الضهر أن شاء الله بس الفلوس الاول 500جنية بس
سهله .. اتفقنا
قفلت ندي وقالت .. قربنا ي ولاد التيت ..
كل دا ندي تحت في البيت الكبير وماطلعتش شقته بتفتح باب اوضة حماتها سمعت صوت الباب بيتفتح 🙈🙈
في الفلاحين بالنهار البيوت مفتوحه علي بعض ومابتتقفلش غير بالليل
_ي نهار اسود شكلهم هيعرفوا كل حاجة وهيعملوا مني بفتيك …
الحلقة السادسة من هنا
