#مؤامرة_خسيسة
قصة حقيقية ح 6
_لو جوزي اللي جه هيعرف اني كدابة ومش هيثق فيا بقيت عمره ولو حماتي هتعرف اني مش عاجزة وكنت بفتش في اوضتها ،، او ممكن يكون اخو جوزي هو اللي رجع ودا اكيد مش هيرحمني ويفرج الشارع عليا 😔
_ انتي بتعملي ايه هنا ؟؟
_ اوووف الحمد لله أن انتي اللي جيتي ،كنت هموت لو طلع حد فيهم
حطت اسماء شنطتها وقالت وهي بتشور بأيدها فهمي وأبوه جايين ورايا هيدخلوا حالا
_ هنعمل ايه ؟
_ مش عارفه ي ندي انا مصيبة خالص ومابعرفش اتصرف
اسنديني بسرعة واول مايدخلوا قولي انك لاقتيني واقفه علي السلم وقلقانه
تمام ..
_ السلام عليكم ورحمة الله ، ايه ي بنتي ليه نزلتي من شقتك
_ تهاني وقعت ي عمي وكنت قلقانه عليها فنزلت ادور علي اي حد يطمني ..
_ فهمي حبيبتي انتي كويسه .. الحمد لله انك رجعتي تمشي علي رجلك تاني
_ وقته ي فهمي يالا نروح لأختك ع المستوصف
_ يالا يابا .. لامؤاخذة ي حج ..
_ كنتي بتعملي ايه تحت ،انطقي 🤔😉
لما نطلع الشقة هحكي لك كل حاجة
_______________
دخلوا المستشفي أبو فهمي لابس جلبية وعليها كفية وماسك عصاية في أيده وخطوته تقيله بحكم سنة اللي قارب الخمسين ، واقف حسين وامه في الطرقه
_ ايه اللي حصل وفينها تهاني
_ حصلها كسر في الرجل الشمال وبتتجبس جوا
سببت اختك لوحدها ليه ي حسين
اوامر الدكتور كدا ،، دلوقتي هتطلع
_ ربك يسترها ، انا مش عارفه ايه اللي بيحصلنا دا بس
_كله قسمة ونصيب ،، وماحدش بياخد غير نصيبه ي حج ..
_ونعم بالله ي ام فهمي ، بأذن الله هطلع حاجة لله اول ماتهاني تخف وندي تقوم بالسلامة
_ جبسنا رجلها وتقدروا تروحوا بعد ماتدفعوا 300 جنية تمن الادوات والأدوية
_ تمام .. الله يكرمك ي دكتور
_ هتيجي إعادة كمان اسبوع عشان والمسكن دا عند اللزوم ..
_حاضر
_ عاملة ايه ي قلب امك ؟
تهاني نايمه علي ضهرها ورجلها مرفوعه لفوق ووشها مخطوف
امها بتكمل كلام .. يالا عشان هنروح بالليل ..
_لا مش عايزا اروح عند ندي ؟؟
_ ي بنتي الله يكرمك ندي ايه اللي حالتها بالبلا في البيت هي عارفه تنطق ولا تتحرك ،، انتي عملتي لها حاجة تاني ؟
_حاجة.. حاجة ايه لا ماجيتش جامبها
_عارفاكي حنينه زي امك وجدعه
دخل فهمي مبسوط أن مراته بدأت تتعافي وقال لأخته
_حمدلله علي سلامتك ي توتا ،، مش ندي كانت قلقانه عليكي اووي لدرجة أنها سالت عليكي واتفكت عقدة لسانها ..
اتعدلت علي السرير بخوف وقالت بجد بعيون واسعة مركزه علي وش أمها اللي كشر اول ماسمع وكأنها حست بصحة كلام بنتها ..
_الف بركة ي حبيبي عقبال ماتجيبلك نونو نلعب بيه
_انا هفضل في المستشفي مش هخرج
_السلام عليكم ورحمة الله
وعليكم السلام ي حج ..
ها جاهزين
طبعا .. يالا بينا
_تهاني .. ي ماما
بصت لها بغمزه وعضت علي شفايفها وكأنها بتفكرها بطبع ابوها الشديد اللي مابيحبش الدلع الزايد فسكتت وروحوا كلهم ع البيت
___________________
رجعوا البيت واول مادخلت ام فهمي قالت
_في ريحة طبيخ في البيت ،،
_ايوا فعلا لحمة أو سلق
_انتي بتعملي ايه دلوقتي الساعة 10بالليل
_بطبخ لتهاني فرخة تتقوت بيها ي حماتي ،،انا بنت بلد وعارفه أنها اتوجعت كتير ومحتاجة لقمة دافيه
_اه قولتيلي .. دخلت تشمشم بقرف وهي لاويه خلقتها وكانها طابخه برجلها مش بايدها زي الناس
_طيب خلصي ودخليلها الاكل انا هدخل اخد دش
_مش هتاكلي ؟
انا .. لا شبعانه
حتي لو جعانه مش هتاكلي من اكلي قدامي ع أساس أنك اخر الستات النضيفة في الكرة الأرضية ومش هيعجبك حاجة لو اتشقلبت 😁😁
_ ماتسرحيش وانتي بتحمري الفراخ لتولعي فينا ي اختي
_ ها .. حاضر
جهزت الاكل ودخلت عند تهاني حطت الاكل علي طرف السرير ووقفت تبصلها من بعيد وهي بتضحك
_ عامله ايه ي توتو أن شالله تكوني متكسحه قصدي كويسه
_ف اي ي ندي هو احنا مش أصحاب
_طبعا ي بت دا حنا عشره عيب عليكي وواحد كمان
_دا العشم برضو ،، انتي بنت اصول
_استني بس ماهو عشان واحد هاكل الفرخة الجميلة دي واديكي العضم تبلي بيه ريقك هههههه
_ ندي انا ..
_انتي كدابة ومها تقولي مش هصدقك
_ افهم من كدا ان انتي اللي وقعتيني من علي السلم ؟؟
حست انها بتقررها وبتبص ناحية الباب ،، مسكت ورك الفرخة وراحت علي بوقها وبتاكلها وقالت .
_ايه الكلام دا ي تهاني دا انتي زي اسماء اختي ،، كلي ي حبيبتي وسيبك من الشيطان اللي دخل مابينا دا ..
قام ماشي ابو تهاني وسابها تاكل بعد ماطمن عليها مع مرات اخواها الحنينه زي مراته بالظبط .. ماجمع الا ما وفق ..
رجعت تاني وكملت اكل وادت لها الفتافيت مش طفاسة قد ماهو رد دين ولازم يتعمل فيها زي ما عملت معاها ..
_____________________
تاني يوم الضهر ميعاد استلام الصور
_اسماء خدي ال500جنية دول وانزلي حوليهم للرقم دا
_ليه المبلغ دا ؟؟
_من غير أسئلة بصي عشان ترتاحي طلبت عباية من النت حلوة خالص
_ماشي
حولت وقبل ماترجع كانت الصور وصلتها راحت عامله اكونت جديد وبعتت الصور لحسين كلب أمه اللي اكيد هيجري عليها ويقولها كل حاجة
_ حسين ..انت مين ؟؟ وجبت صور اختي دي منين ؟؟ طب طلباتك ايه ؟؟
ياما ي ام فهمي .. ي نهارك مطين ي تهاني الزفت مابيحبش من ورا البنات غير العار والفضايح
_في ايه ،، ليه الغلط دا
_تعالي اتفرجي
لطمت علي وشها اول ماشافت صور بنتها بقمصان نوم وملابس عريانه ..
_ايه الصور دي مش ممكن تكون اختك
ليه بقي أن شاء الله شوفتي جسم بنتك بعد ما كبرت ..!!
عشان البت دي ارفع وتهاني زي العجلة زي مانت شايف غير أن اختك ابيض من الجسم دا ..
التفاصيل دي الرجاله مابيشوفوهاش ي ام فهمي يعني لو صورة من دول نزلت ع النت عليه العوض ومنه العوض في العيلة كلها 😔
طب واللي بعتهم عايز ايه ؟
طلب غريب اووي ،، تسيب خطيبها
تبقي بنت خالته اللي بتعمل كدا عشان عايزاه
ماليش فيه الشبكة بتاعت مصطفي ترجع معاه النهاردة لحد ما نعرف نلم الموضوع دا
ي عيني ي بنتي دي ماصدقت اتخطبت وهتتجوز زي البنات هطفشه ازاي بس ..
ندي مراقبه ارتباك حسين وامه في حوش البيت الكبير ودخلت فرحانه ومش مصدقه أنها كسبت في تاني جولة ،،اعلنت الحرب عليهم خلاص ،،رن التليفون قالت
_الو
_ايوا ي ندي شوفتي اللي حصل ؟
_ايه ي مدحت في ايه
_مصيبة وجت علي رأس جوزك وأهله
يارب مايكون اللي ف بالي حصل
الحلقة السابعه من هنا
