#مؤامرة_خسيسة
قصة حقيقية ح 3
_ياساتر ي رب ايه اللي عمل فيها كدا ، الجنين انفجر في بطنها
_ي عيني ي بنتي دي عروسة ماكملتش شهر ي دكتور
_دي مخبوطة جامد أو وقعت علي بطنها .؟؟ ولا حد عامل فيها كدا … بيحاول يستدرج امها المسكينة اللي ماتعرفش اصلا ايه اللي حصل ؟
_حد مين بس ي دكتور دا نسايبنا ولاد حلال ماشوفناش منهم مكروه ..
الدكتور مش مصدق الكلام دا وعايز يطلع يسأل الناس المريبة اللي برا دي لكن الحالة محتاجة عملية ضروري ..
دخلت ندي العمليات وطلعت بالسلامة والدكتور مافتحش بوقه بعد ماعرف أنها يتيمة ولسه عروسة جديد فمش مأمن لاهل جوزها حاسس ان في شئ مش مظبوط اصر يستناها لما تفوق عشان يبلغها باللي حصل لها حتي ماقدرش يقول لامها
هيقولها ايه
_بنتك العروسة حصلها تهتك في الرحم وصعب تحمل تاني 💔
سكت ومسك لسانه العيلة دي غلابة وماعهمش راجل سألها بصوت هادي
_انتي مالكيش ابن ي خالة ؟
_لا ي دكتور ربنا مارادش
_اممم ولا يهمك اعتبريني زي ابنك
_ربنا يكرمك ويسترها معاك قادر ي كريم
_طيب عن اذنك اطمن الناس اللي بره
_اتفضل ..
ساب ام ندي معاها في الاوضة وخرج لاهل جوزها بره كان واقف حسين مش ع بعضه وجامبه أمه واخته تهاني قاعده علي الكرسي ماسكه التليفون وبتكلم خطيبها علي النت ولا كأنها عملت حاجة …!
_ها طمنا ي دكتور
_مش خير انا لازم اعمل محضر وأثبت العنف اللي البنت اتعرضت ليه ..
_ي خبر اسود عنف ايه بس ي ابني ،،دا انا شايله مرات ابني في عيوني من ساعة ماتجوزت ،اكلها بيطلع لحد سريرها
ومابتعملش اي شئ
_ النزيف كان بسبب خبطة قوية في البطن سببت بنزول الجنين وا….
سكت فجأة وفكر أنه كدا بيقطع نصيبها من البيت دا لو حماتها بالذات عرفت انها صعب تحمل وتجيب لها حفيد وتفرح ابنها ،خاف علي البنت المرميه جوا مجهولة المستقبل اكتفي أنه يخوفهم عشان يراعوا ربنا فيها ..
_ كانت حامل … ي حول الله ي ربي
كلم اخوك ي حسين يجي يشوف مراته لازم يجي ويعرف الحقيقية
_الدكتور .. ايوا حقيقية ايه بقي ؟؟
_ششش حقيقية ايه بس ياما ماربنا هيرزقه غير الطفل دا وبعدين كله بتاع ربنا ..
طبطب علي أمه ومثل أنه بيهديها ولما بعد عن الناس قال مهدداً
_انتي مش ف وعيك صح ،،عايزا ابنك يعرف أننا السبب في اللي حصل دا عشان يولع فينا ي ام فهمي
_ الأمور مش هتوصل لكدا
_اسمعي مني واسكتي ابنك عصبي لما يعرف أننا لفقنا موضوع خيانة ندي وكنا سبب ف موت ابنه البكر اقله هيقاطعنا ويسلمنا للمركز ب أيده
_ ايوا حسين عنده حق يامه المفروض فهمي مايعرفش حاجة ،،
_طب خلاص كلموه يجي يبقي جانبها ويعرف مننا بدل ماتقول له هي فتكسب وده ..
_ ي عوذ بالله حتي ف دي باصه لها فيها ..
_قولت حاجة ي حسين ؟
_لا ي ست الحبايب بقول حاضر ..
______________________
حبيب ندي مش مصدق أنها بعتتله رسالة ماسك التليفون ومبسوط وف نفس الوقت عارف انها خلاص اتجوزت وبقت لراجل غيره نفسه يكلمها ومش راضي
_وحشتني اوووي ونفسي اسمع صوتها
_لا افرض جوزها اللي رد .. انا لازم اتجاهل الرسالة ولو هي عايزا تكلمني هتتصل ..
_في حاجة ي مدحت ؟
_لا يابا انا كويس
_كويس ازاي ي ابني وانت بتكلم نفسك
_كان في حسبه بس كدا مش عايزا تيجي
_قولي وانا احسبهالك انت عارف دماغ ابوك اله حاسبه
_ههههههه لا شكرا ي حج شايلك للتقيلة
_اخبار الغلة ايه هنضمها ولا لسه شويه ؟
_لسه ي حج كمان اسبوعين يكون الحب نشف شوية واكتفي من التربة ..
_طب كمل ري وماتديهاش ميه تاني
وهو كذلك ..
مدحت ابن الحج منصور عندهم فدان ارض وعنده أختين بنات لازم يجوزهم الاول وندي ماستنتهوش أو بمعني اصح امها قالت لها هتبقي مرات الوحيد وأمه وأبوه هيغيروا منك ويبصولك ف كل كبيره وصغيره ماتعرفش أن ممكن تبقي وسط عيلة وبرضو يبصوا لها ويتعبوها ..
_________________
دخل فهمي يجري وملهوف علي مراته اللي اتجوزها تقليدي بس حبها في الخطوبة وبينهم لحظات جميلة
_مالها ندي ،، فين ندي ياما؟
_ماتخافش هي كويسه بس بس
_ها بس ايه
_بس الجنين نزل
_هي ندي كانت حامل ؟
_ايوا ي ابني وماحدش كان يعرف ،يظهر أنها كانت محتاجة راحه وحد زعلها
_تهاني لا مش زعله انا دخلت لاقيتها مرميه علي للارض وبتنزف ..
_ي خبر هي اتاذت بسببي انا اللي زقيت مراتي وضيعت ابني ..
حطت أيدها علي بوقه ومنعته من الإستمرار في الفضفضة
_اسكت ي فهمي دي مسؤولية توديك في داهية ي ابني ونتفضح بين الناس
_ لازم اشوفها
_ممنوع امها بس اللي جوا حتي أختها واقفه برا زي مانت شايف
_ازاي انا جوزها هدخل يعني هدخل ..
_____________
_ياما ميه عايزا ميه
_ خدي ي قلبي ،، حمدالله علي سلامتك ي ندي
شربت بصعوبة وقالت مش عايزا اشوف حد اطلعي للي بيزعق برا دا وقوليله اني لسه نايمه ومايدخلش عليا ..
عايزا الدكتور ،،حاسه بوجع فظيع
_ اهي أمها طلعت
_ايدك والباب ي فهمي ،،ندي نايمه وقبل ماتدخل المستشفي قالت انت اللي عملت كدا
رجع لورا وقال ازاي بس س حماتي ؟؟
جه الدكتور بسرعة لما حس بالدوشة ،دخل الاوضة ومادخلش حد حتي ام ندي ،قال لها تفاصيل حالتها وماخباش حاجة
_يعني ايه ،يعني مش هبقي ام ؟؟
_استغفر الله ي ندي دي حاجة بايد ربنا هو صعب لكن بالعلاج مافيش مستحيل
_انا لازم انتقم من السبب
_ مين ؟؟
_مش مهم مين دلوقتي ،ممكن اطلب منك طلب واعتبره جميل ف رقبتي ي دكتور
_اتفضلي ..
اتكلموا مع بعض شوية وخرج للناس بملامح حزينة وقال
_مدام ندي فاقده النطق ومش هتقدر تمشي في الوقت الحالي لازمها راحه بسبب الام شديده ف الضهر
_ تيجي عندي بيت امها أولي بيها
_لا ي حماتي ندي مراتي ولازم ترجع بيتها وامي واختي يخدموها ويشوفوا طلباتها ..
_ الام ،، امك مين دي اللي تخدمهاة
مسكها حسين من أيده وقال ،،احمدي ربنا أن مافيش سين وجيم ولا البت بتحكي
_طب ماتحكي هتقول ايه يعني ؟؟
_عينيها كانت كشفاني طول الطريق بتبصلي بلوم وحزن كأنها عارفه حاجة ..
_ممكن تطلع أمتي ي دكتور ؟
_بكرة الضهر أن شاء الله ،، خلوها الليلة دي تحت الملاحظة
_ طب يالا ي تهاني علي البيت يالا ي حجه
_ايوا ي حسين خد اسماء وحماتي كمان وانا هفضل معاها
_لا مش هسيب بنتي
_اسمعي الكلام ياما روحي معاهم وانا هفضل جامب اختي لو احتاجت حاجة
_بعد جدال طويل وافقت ومشي الجميع ماعدا اسماء وفهمي ،،راح فهمي يشتري اكل من برا وساب اسماء مع ندي ،دخلت اسماء الاوضة والدموع ع خدها ..
_اختي حبيبتي ،،ان شالله اللي يكرهك
فتحت ندي عنيها فجأة وقالت اسماء اقفلي الباب
الحلقة الرابعه من هنا
