حادثه بالعربيه قلبت حياتنا كلها ،انا وبابا واختي كنا عايشين في الكويت حياه مرفهه وده لان بابا كان دكتور اي حاجه بعوزها بيجبهالي كان طيب وكان كل همه في الدينا انه يعيشنا مرتاحين واختي كمان كانت دكتوره كانت ذكيه جدا وشاطره في شغلها بابا كان بيحبها جدا كانت بتسمع كلامه ومريحاه علي عكسي انا المهم اننا كنا ماشين بالعربيه وبابا كان بيزعقلي وانا كنت بزعق وكان متعصب جدًا واختي بتهديه وصوتنا كان عالي وفجأه عربيه خبطت فينا بابا معرفش يسيطر علي العربيه اتقلبت كنا بنبص علي بعض وكأننا بنودع بعض بابا كان بيستشهد واختى عماله تقول يارب يارب
بعدها محستش بحاجه غير وانا في المستشفى ايدي ورجلي متجبسين اول ما فوقت كنت بسأل عن اختي وبابا وللاسف بابا مات واختي اتشلت انا السبب ،اكيد انا ،مكنش ينفع اعصب بابا مكنش ينفع اعمل كده، بابا مات وهو زعلان مني، مات وسبنا انا واختي لوحدنا ،ظهرنا اتكسر ،علاج اختي وعلاجي خلص علي كل الفلوس اللي بابا كان محوشها ،مكنش قدامنا غير اننا ننزل القاهره اللي منعرفش فيها حد لاننا ملناش قرايب كنا لوحدنا لوحدنا تماما زي ما نكون ورقتين شجر الهوا بيقلب فيهم ،مكناش عارفين نعمل ايه روحنا بيتنا القديم كان مليان تراب ،تراب السنين كلها كان على
العفش فضلت اروق فيه كتير اوي ،كل الحاجات دي انا عمري ما عملتها فجأه اتحمل مسؤولية اختى والبيت كان كتير عليا كان اكبر من اني استوعبه ،اهرب اسيب كل حاجه واهرب بس اهرب اروح فين،الايام بتجري وبقينا محتاجين فلوس وانا مش معايا شهاده غير شهاده الثانوي علشان بسقط في الجامعه ومتخرجتش ومحدش بيشغل بالشهاده دي حتى الكول سنتر عايزين شهاده جامعيه،كل الابواب اتقفلت في وشي لغايت ما جتلي فكره لشغل فكره ودتني في داهيه
الجزء الثاني من هنا
