الحلقة الرابعة
ميادة : قول
ريان : احمد اخويا وانا عارفه .. بيحب البنت المرحة الشقية والمسهوكة
( يقوم ريان يقف رايح جاى جاى رايح )
ميادة : خايلتنى يا ريان
ريان : بفكر اربي دقنى
ميادة : احنا في ايه ولا في ايه !!!!
ريان : اة صح .. اولا تبطلي كسوف عايزك تكونى متكلمة وحشرية ورخمة ومغرورة
ميادة : ايه دة كلوا !!!!!
ريان : هو كدة اسمعي الي بقولك عليه
ميادة : وثانيا ؟؟
ريان : اربيها ولا ايه ؟
ميادة : ياربي عليك مش وقته
ريان : ثانيا عاوز شوية دلع ع شوية شقاوة
ميادة : انحرف ؟؟؟
ريان : يخربيتك هتلبسينى مصيبة
ميادة : طب كمل
ريان : اشؤط البت هبة من الولا خالد
ميادة : ايه ؟؟
ريان : هو انا قلت هبة بصوت عالي ؟
ميادة : لا ابدا
ريان : ثالثا عاوزك تطلعي الانوثة الي جواكى
ميادة : ازاى يعنى ؟؟؟
ريان : مهو هو دة بقا رابعا .. هاتشتري هدوم جديدة وتولعي في هدوم اعدادي دى انتى دلوقتى داخلة الجامعة ولا عايزة الناس تضحك ع منظرك دة ؟
ميادة : اوك هاشتري هدوم جديدة
ريان : لا يا حلوة انتى تقوليلي مقاسك وبس
ميادة : وانت هاتعرف تشتريلي هدوم
ريان : اه هاعرف كدة كدة مقاسك زى مقاس سلمى هابقا اخدها معايا
ميادة : طب ماروح انا معاك
ريان : لا هاتنقي هدوم معفنة شبهك
ميادة : شكرا
ريان : العفو .. خامسا بقا
( يقرب ريان ع ميادة ويقعد قصادها )
ريان : خليكي غامضة الي يشوفك يبقى عاوز كتالوج عشان يفهمك
ميادة : ودة ازاى ؟؟
ريان : متبقيش زى الهبلة وواضحة في كلامك حوري بذكاء وباسلوبك .. بضحكتك ونظرة عنيكي .. هاتخلي الي يشوفك يبقا عاوز يعرفك اكتر واكتر ويقرب منك اكتر
ميادة : هههههه انت مفكر سهل اعمل كل الي قلته دة ؟
ريان : لا طبعا ولا حاجة من الي قلتهالك سهلة .. عشان كدة هانبدا من اللبس والشكل .. اه وقبل مانسى اهم من كل دة .. الغيرة
ميادة : الغيرة !!!!
ريان : اها الغيرة
ميادة : مش فاهمة الحتة دي !!!!
ريان : هافهمك .. دلوقتى انتى هاتنفجري من هندا وغيرانة منها ع احمد مش كدة ؟
ميادة : اها
ريان : اشطا يبقى نخليه هو كمان يغير خصوصا انكم عايشين في بيت واحد
ميادة : اعرف واحد يعنى ؟؟
ريان : واحد في عينك
ميادة : اومال ايه مش فاهمة ؟!!!!
ريان : عشان مندخلش حد في الموضوع فهنظبطه انا وانتى
ميادة : هامشي معاك يعنى ؟
ريان : تمشي معايا !!!!!
ميادة : اومال ايه ؟؟
ريان : بصي عشان انتى شقلبتى دماغي خليكي في الاسلوب بس وسيبي الغيرة عليا
ميادة : طب تمام
ريان : واهم حاجة الاستهبال .. استهبلي ع قد ماتقدري في الكلام اوك ؟
ميادة : ربنا يستر
ريان : شكلي هاربيها
ميادة : هي ايه ؟؟
ريان : دقنى
ميادة : اوووف عليك
( ييجى الليل توصل ريهام وسلمى البيت .. ريان يكلمهم ويفهمهم ع كل حاجة )
ريهام : اشطا انا معاكم
سلمى : وانا كمان
ريان : طيب دلوقتى سلمى هاتييجى معايا عشان نشتري الهدوم وريهام تشوف المفروض نجيب ايه معاها
سلمى : تمام
ريهام : اوك
ميادة : طب وانا مش هاعمل حاجة معاكم ؟؟
الكل في صوت واحد : لا
ميادة : طويب
( يمشي ريان وريهام وسلمى يروحوا المول يشتروا الهدوم و المكياج والاكسسوارات ويرجعوا البيت .. ميادة قاعدة في الانتريه بتتفرج ع التي في .. تشوفهم داخلين )
ميادة : عملتوا ايه ؟؟
ريهام : ظبطنا كل حاجة
ميادة : كل دى هدوم !!!!!!
سلمى : ولسة قالوا هايبعتولنا الباقي ع العنوان
ميادة : لسة في باقي ؟!!!!!
ريهام : ايوة احنا بنغير ستايل كامل ياما
ميادة : جبتوا ايه ؟
( يحط ريان الشنط ع الكنبة ويطلع يجري ع فوق )
ريهام : لالا
ميادة : في ايه ؟؟
سلمى : متجيش جنب حاجة دلوقتى
ميادة : ليه ؟!!!!!
ريهام : كدة سيبيهم وقت الحفلة
ميادة : طب هاطل عليهم
سلمى و ريهام : لا
ميادة : طيب اما نشوف اخرتها
( ينزل ريان وفي ايده صندوق كبير يجري ع تحت )
ميادة : رايح فين ؟
ريان : خمسة وراجع
( ينزل ريان يركب عربيته ويمشي )
ميادة : متسيبونى اتفرج بقا
سلمى : لا
ريهام : انسي
ميادة : ماشي
( تقوم ريهام تطلع شنط الهدوم والحاجات اوضتها تحطها في الدولاب وتقفل عليها .. تدخل ميادة وسلمى يقعدوا معاها وبيتكلموا )
ريهام : انشاء الله هانفجر الحفلة بكرة
سلمى : اها
ميادة : ربنا يستر
سلمى : مالك انتى لسة زعلانة ؟
ميادة : بحاول ع قد ماقدر اتلهي معاكوا في الى بتعملوه عشانى بس خايفة من بكرة
ريهام : متخافيش احنا معاكي
سلمى : وبعدين حد يمشي ورا ريان ويخاف بقا دة كلام بردوا
ميادة : مهو دة الي مخوفنى
ريهام : ههههههه عندك حق
سلمى : اول مرة اشوف ريان مهتم لحد اوى كدة
ريهام : اه
ميادة : مش هنساله الي بيعمله عشانى
( يوصل احمد البيت .. يخبط ع اوضة ريهام )
سلمى : ادخل
احمد : هو مافيش حد في البيت ولا ايه ؟
ريهام : لا مافيش غيرنا
احمد : فين ماما هى لسة مجاتش ؟؟
ريهام : لا لسة في النادى
احمد : لحد دلوقتى ؟!!!!!
ريهام : بابا رحلها ع هناك هايتعشوا برة
احمد : اهااا .. وانتوا ايه الي مجمعكم كدة ؟؟
ريهام : احم
سلمى : عادي يعنى مافيش غيرنا فقاعدين مع بعض
احمد : اها فين ريان ؟
( يهجم ريان كالعادة مرة واحدة ويحط ايده ع كتف احمد )
احمد : يخربيتك
ريان : نعم بتسال عليا ؟؟
احمد : وياريتنى مسالت اوعى
( يشيل احمد ايد ريان من ع كتفه )
ريان : هاتطفحوا ايه بما ان امكوا وابوكوا حلقولنا ؟
ريهام : نطلب دليفري
احمد : انا مبكولش اكل من برة
ريان : وبعدين ؟؟
احمد : الي هاتشتروه اعملوه في البيت
ميادة : اوك
سلمى : ماشي
ريهام وريان : لا والله !!!!!!
ريهام : ومين انشاء الله هايطبخلك السعادى ؟؟
احمد : لا مش طبيخ يعنى لو هتجيبوا بيتزا اعملهوا انتوا ولو برجر بردوا اعملوه انتوا .. فاهمين قصدي ؟
ميادة : اه اه فهمت
ريهام : اه اه ايه يبقى انتى الي هاتعملي
ميادة : اوك معنديش مانع
سلمى : طب يلا ع المطبخ
( تنزل ميادة ومعاها سلمى )
احمد : وانتوا ؟؟
ريان : نعم ؟
احمد : مش هاتنزلوا تعملوا معاهم
ريهام : نعمل ايه ؟
احمد : الاكل
ريان : مين ؟
احمد : انتوا
ريهام : مالنا احنا ؟
احمد : مش هاتكلوا ؟
ريان : احنا ؟
احمد : ايوة
ريان : هناكل
احمد : طب يلا انزلوا
ريان وريهام : ليه ؟؟
احمد : عنكم ماطفحتوا
( ينزل احمد )
ريان : الاستهبال مفيد احياناا
ريهام : فعلا ؟؟
ريان : هاتشوفي
ريهام : طاااه
( تعمل ميادة وسلمى البيتزا ويساعدهم احمد .. وطبعا ريهام وريان ييجوا ياكلوا ع الجاهز .. يخلص اليوم ويطلع كل واحد اوضته ينام .. تنام ميادة وخايفة من بكرة خايفة من الحفلة .. يطلع الصبح .. تدخل سلمى وريهام اوضة ميادة مرة واحد )
ريهام : يلا اصحي
سلمى : قومى يا مزة انهاردة يومك
ميادة : قايمة قايمة
( تقوم ميادة تغسل وشها .. تجيب ريهام شنط الهدوم وتفضيها كلها ع سرير ميادة .. تقرب ميادة وتتفرج ع الهدوم وتمسكها .. تتخض )
ميادة : ايه دة ؟!!!!!!!!!!!
ريهام : مالك ؟
ميادة : دى فساتين ولا بدل رقص
سلمى : هههههههه
ريهام : فساتين طبعا
ميادة : وايه الهدوم دى !!!!
ريهام : مالها دى كمان ؟
ميادة : مسخرة مش شايفة دى مقطعة ومفتحة
ريهام : هى موضتها كدة
سلمى : اختيار ريان
ميادة : عشان كدة مرضاش يخلينى اروح معاكم .. انا مش هالبس الهدوم دي
ريهام : اوف عليكي
ميادة : انسوا
( تفتح ميادة دولابها .. تبرق .. الدولاب فاضي مفهوش ولا اى حاجة )
ميادة : رياااااااااان
( تجري ميادة ع اوضة ريان تفتح الباب مرة واحدة وتشده من ع السرير )
ريان : في ايه ؟!!!!!!!!!
ميادة : فين هدومى ؟؟؟؟؟
ريان : هدومك !!!
ميادة : ايوة هدومي فين ؟؟؟
ريان ... اتبرعت بيها لجمعية رسالة امبارح
ميادة : ايييييه
الحلقة الخامسه من هنا
