الحلقة السادسة
( تطلع ميادة وريان من الاوضة .. دقات قلب ميادة عمالة تذيد .. ريان يسيب ايدها )
ميادة : رايح فين ؟؟
ريان : هاسبقك انا عاوزك تطلعي ع اقل من مهلك اوك ؟
ميادة : اوك .. اوك
( يطلع ريان )
ريهام : اومال فينها ؟؟
ريان : طالعة
( تطلع ميادة باين عليها الثقة والابتسامة ع وشها .. لكن من جواها مرعوبة .. الكل يشوفها يتصدم من جمالها .. تسلم ع الكل ويباركولها ع نجاحها ويفضلوا يمدحوا في جمالها .. تشوفها هندا تبصلها باستحقار ان ازاى في حد موجود اجمل منها ومهتميين بيه عنها .. يتفاجا احمد لما يشوفها .. يقرب عليها )
احمد : هديتك
( احمد يدي لميادة علبة )
ميادة : ميرسي يا احمد
احمد : افتحيها
( تفتح ميادة العلبة تلاقي فيها عقد الماس )
ميادة : يجنن يااحمد ميرسي
( تفرح ميادة بالهدية وان احمد واقف معاها .. ياخد احمد العقد ويلبسه لميادة و بكدة يذيد من فرحة ميادة ويقلل من غرور هندا .. ريان واقف مبسوط انا كل حاجة عدت ع خير وان ميادة فرحانة .. يبدا كل واحد من المعازيم يبارك ويدى هدية لميادة .. وطبعا بالنسبة ليها هى مجلهاش غير هدية واحدة .. هدية احمد .. يروح احمد يقف مع عمامه .. تجري ميادة عند ريان وسلمى وريهام الي واقفين مع بعض )
ميادة : شوفته جابلي ايه
سلمى : يجنن
ريهام : تحفة
ميادة : ولبسهولي كمان
ريهام : ايوة بقا
ميادة : انا مبسوطة اوى مكنتش متوقعة اليوم هايعدى كدة
ريان ... هو لسة شاف حاجة
( تشتغل اغانى .. تقفش هندا في رقبة احمد وترقص معاه .. ينزل الكبار يقعدوا تحت من دوشة الاغانى ويفضل الشباب والبنات فوق .. ميادة قاعدة شايفة هندا واحمد ومضايقة )
ريان : مالك يا حزينة ؟
ميادة : ماليش .. عاوزة اروح
ريان : يخربيتك انتى هاتعيطي
ميادة : مش شايف منظرهم
ريان : طب اهدى هاتفضحينا
( يقوم ريان يروح عند الدي جي ويطلب منه يغير الاغانى .. تسكت الاغانى وتقلب مرة واحدة ع مهرجان فرتكة فرتكة .. الكل يقوم يرقص ويتجنن .. طبعا احمد مالهوش في الاغانى دى يقعد .. تضايق هندا ان لحظتهم الرومانسية اتفسدت وتروح تقعد جنبه )
ريان : اشطا كدة ؟
ميادة : اشطا اوى
ريان : اى خدعة قومى يلا
ميادة : اقوم فين ؟؟
ريان : قومى هانرقص
ميادة : لا انا مبعرفش ارقص
ريان : مافيش بنت مبتعرفش ترقص
ميادة : انا بجد مبعرفش
ريان : رقصتى قبل كدة ؟؟
ميادة : لا
ريان : يبقى بتعرفي
( يشد ريان ميادة من ايدها ويقومها يرقص ريان مع بنات وولاد عمامه ويحاول يخلي ميادة ترقص ميادة واقفة محروجة مش عارفة .. احمد قاعد متفاجا ان ميادة قايمة ترقص مش شايل عينه من عليها عاوز يعرف هاترقص ولا لا .. هندا تشوف احمد بيبص لميادة تضايق )
هندا : قوم نرقص
احمد : نرقص ايه انتى اجننتى مليش في الكلام دة
هندا : ماشي براحتك
( تقوم هندا ترقص .. يتوجه نظر احمد ليها )
ريان : هاتفضلي تلفي حوالين نفسك كتير ؟
ميادة : مانا مش عارفة المفروض اعمل ايه ؟
ريان : سيبي نفسك للمزيكا مش شايفة هندا ولا ايه ؟؟
( تبص ميادة تلاقي هندا شغالة رقص )
ميادة : بس انا مش هاعرف ارقص زيها كدة
ريان : هاغيرلك الاغنية
( يروح ريان للدي جى يشغل اغنية يا منعنع .. تبص ميادة تلاقي عين احمد مش متشالة من ع هندا .. تتغاظ ميادة هاتنفجر .. تروح ميادة ع جنب تقلع صندلها وترجع ترقص قصاد ريان .. تلفت نظر الكل .. يوقف الكل رقص ويقفوا يصقفولها ويشجعوها .. تتحرج هندا وتروح تقعد جنب احمد .. ميادة مش مع حد كل همها تلفت نظر احمد الي قاعد مبحلقلها .. الكل متفاجا انها بترقص ومش مصدقين ان دى اول مرة حتى ريان ووقف يرقص معاها عشان متتكسفش .. احمد يضايق يقوم يقرب عليها )
احمد : مش كفاية كدة ؟
ريان : تعالى ارقص
احمد : مبرقصش انا
( ريان يزق ميادة من دهرها ع احمد عشان يرقص معاها .. يتحرج احمد يمسك ايد ميادة وياخدها ع جنب .. يكمل الباقي رقص )
احمد : ايه الي بتعمليه دة ؟!!!!!!!!
ميادة : عملت ايه ؟
( تشوفهم هندا تقرب عليهم )
هندا : في حاجة ولا ايه ؟
احمد : هندا لو سمحتى شوية
( تتحرج هندا وتمشي .. تفرح ميادة بس متبينش )
احمد : ايه الي بتعمليه دة من امتى بترقصي في مناسبة ومن امتى بتلبسي اللبس دة ؟؟!!!!!!!
ميادة : عادى يا احمد تغيير
احمد : هو فعلا تغيير بس ياريت تمسكي نفسك عن كدة شوية
ميادة : حاضر
احمد : انزلى اقعدى تحت
ميادة : اوك
( تنزل ميادة يشوفها ريان نازلة يستغرب .. يخلص اليوم والكل يروح .. تطلع ميادة اوضتها .. تطلع وراها سلمى وريهام وريان يدخلوا اوضتها )
سلمى : حصل ايه ؟
ريان : كان بيكلمك في ايه ؟؟
( تحكي ميادة حوارها القصير بينها وبين احمد )
ريان : انتى هبلة ولا بيتكم وقع ؟؟
ميادة : في ايه ؟!!!
سلمى : بوظتى الدنيا
ريهام : هههههههه براحة عليها لسة في اولها
ميادة : حصل ايه طيب ؟
ريان : هو دة الي اتفقنا عليه ؟؟؟
ميادة : ايوة مش لبست الفستان واتمكيجت
ريان : يا صلاه العيد وانا مالي انا بام الفستان والمكياج الله يحرقك
ميادة : بالراحة بس فهمني
ريان : يابنتى مش قلنا تتقلي في الكلام وتحورى وماكد عليكي تستهبلي .. فين دة كلوا بيكلمك تقوليله حاضر !!!!!!
ميادة : مانا ارتبكت لما كلمنى
ريهام : كان لازم تطولي الحوار اكتر من كدة
ريان : ابو شكلك يا شيخة
ميادة : مضايق ليه بس مهو اليوم عدى زى الفل اهو
ريان : لا ابدا مش مضايق دة شكل واحد مضايق
ميادة : طب معلش هاسمع بعد كدة الكلام بس فهمنى
ريان : بقالي يومين بفهم فيكي وهنا طبق كبدة مش دماغ
ميادة : معلش
ريان : الاستهبال ابوس ايدك استهبلي ع قد متقدري ماشي
ميادة : ماشي حاضر
ريان : اتخمدى
ميادة : اوك
( يمشي ريان يروح اوضته .. تطلع سلمى وريهام وياخدوا الباب في ايدهم )
ريهام : تصبحي ع خير يا موزة
ميادة : وانتى من اهله
( تروح سلمى وريهام يناموا .. ميادة تغير هدومها وتنام مبسوطة باليوم .. يطلع الصبح .. تقوم ميادة تاخد دش وتنزل تفطر .. طبعا لبسها متغير وشكلها متغير )
ليلى : كنتى زى القمر امبارح يا ميادة
ميادة : تسلميلي يا طنط
العم : عقبال منشوفك بالابيض انشاء الله
ميادة : ميرسي يا عمي
ريهام : ومفيش عقبالي انا كمان ؟
ريان : هانبدء الحشر
ريهام : بس ياض
العم : عقبالك ولا تزعلي
ريهام : ايوة كدة
( يخلصوا فطار وكل واحد يشوف الي وراه .. يفضل في البيت ريان وميادة واحمد .. ريان قاعد مع ميادة في الانتريه واحمد بيلبس عشان يروح الشغل )
ريان : عملتلك فيس .. الصورة بقا .. اعملي كدة
( تقرب ميادة ع ريان وتتصور معاه صورة للفيس )
ريان : كدة الصفحة جاهزة
ميادة : مش بحب الحاجات دى
ريان : هو انا بعزم عليكي بسجارة بانجو
ميادة : اتلم
ريان : اشطا يبقى تقولي ماشي وتخرسي
ميادة : ماشي وهاخرس
ريان : ظريفة والله بتعرفي تقسمي
ميادة : طبعا
ريان : هاتقوليلي مشوفت كل حاجة
ميادة : والله ؟
( ينزل احمد يشوفهم من دهرهم قاعدين )
ريان : عيلكي وسط يانهار اسود في الرقص
ميادة : هههههههه
احمد : انت يابنى ايه الي انت بتقوله دة !!!!!
( تقوم ميادة وريان يتخضوا )
ريان : خضتنى ياسمك ايه
احمد : وانتى هههه فرحانة اوى حضرتك بالمسخرة الي بيقولها ؟
ميادة : لا والله دانا .........
( ريان يدوس ع رجل ميادة يقطع كلامها )
ميادة : احم .. مبنهزر يعنى عادى
احمد : عادى لا والله ؟!!!!!
ريان : مالك يا عم داخل سخن علينا ليه ماتهدى
احمد : انت تخرس خالص .. وايه الي انتى لبساه دة !!!!!!!!!
( ميادة لابسة بادى اخضر وهوت شورت جينز )
ميادة : دا دا ...........
ريان : دا صوباعي منمل
ميادة : والتوك توك محمل
ريان : اقعد ولا اكمل
احمد : بس انت وهى بتقول ايه انت
ريان : انبي ماقلت حاجة
احمد : حسابك تقل ع فكرة
ريان : كام يعنى ؟
احمد : هتهزر ؟؟؟
ريان : طب استاذن انا بقا
( يمشي ريان .. يقف ع جنب يراقب )
ميادة : انت متعصب ليه ؟
احمد : من امتى بتقعدى كدة في البيت ؟؟
ميادة : عادى غيرت طريقة لبسي
احمد : و ايه حكايتك انتى وريان ؟
ميادة : حكاية ايه ؟
احمد : بتستهبلي معاه اليومين دول كتير
( تفتكر ميادة الاستهبال )
ميادة : امممممم .. ازاى يعنى ؟
احمد : زى الناس
ميادة : احمد انا مش فهماك
احمد : لمى نفسك
ميادة : ههههههه
احمد : انا مش بهزر
ميادة : مهو انت اكيد مش بتتكلم جد
احمد : لمى نفسك ولمي تصرفاتك دى
ميادة : انا مبقتش صغيرة عشان اخد نصايح منك يا احمد
احمد : هاتكبري عليا يعنى ولا ايه ؟؟
ميادة : مش قصدي بس انا معملتش حاجة غلط اعتقد يعنى
احمد : لا عملتى
ميادة : عملت ايه ؟
احمد : حضرتى الحفلة بفستان مسخرة ومكياج ودة مش من عادتك وبردوا مش من عادتك قعادك الكتير مع ريان ولا اللبس القصير والمفتح دة
ميادة : انا نفسي اعرف بس لبسي مضايقك في ايه ؟؟
احمد : ياسيتى انا محبكيش تلبسي اللبس دة ولا في البيت ولا برة البيت
ميادة : ليه ؟
احمد : كدة وخلاص من غير مناقشة
ميادة : ربنا يسهل
احمد : هايسهل بس الي بقوله يتنفذ
( تجمد ميادة قلبها وتقرب ع احمد )
ميادة : بص يا احمد مافيش داعي تعصب نفسك .. لبسي ومش هاغيره وبالنسبة لريان دة موضوع شخصي .. اعتقد انا مش بدخل في خصوصياتك مش كدة ؟
( احمد باصص لميادة وع اخره )
ميادة : فياريت انت كمان متدخلش في خصوصياتى عشان موضوع ريان دة بالزات .. بيحرجنى
( تمشي ميادة ماسكة ضحكتها بالعافية من منظر احمد الي هاينفجر )
الحلقة السابعه من هنا
