*الجزء التاني الذاكره *
ساب الحاجه وخرجنا بسرعه مين دي ؟ وليه سليم اتوتر كده اول ما شافها ووليه زعقلها بالشكل ده !! كان في اسئله كتيره في دماغي ،ركبنا العربيه وسليم مبيتكلمش ومتوتر وبيهز رجله
-مين دي يا سليم
=.....
-سليم انت مبتردش عليا ليه
*فضل ساكت عشر دقايق بعدها *
=دي كانت صحبتك
-مين دي يا سليم
=.....
-سليم انت مبتردش عليا ليه
*فضل ساكت عشر دقايق بعدها *
=دي كانت صحبتك
-طب لما هي صحبتي ليه عملت معاها كده
=بقولك كانت يعني مبقتش صحبتك بعد كده ليه ،هي اذتك طلعت عليكي كلام مش كويس وانتي وقتها نفسيتك تعبت اوي علشان كده كنت خايف لما تشوفيها تفتكريها وتتضايقي
-معقول !
=دي بت منافقه اصلا بوصي جايه تسلم عليكي ازاي ولا كانها عملت حاجه بت غريبه
-.....
=ايه ساكته ليه افتكرتيها
-لا مش فكراها خالص انا بس مستغربه انها جايه تسلم عليا كده وهي بتكرهني
=علشان منافقه
روحنا البيت لكن بعد الموقف ده وسليم بدأ ينشغل في شغله جامد ومبقناش نخرج خالص حتى يوم الاجازه وبدأت ازهق من البيت والروتين وفي يوم فكرت انزل اجيب حلويات كده وسناكس يسلوني وانا بفتح الباب وخارجه
-الله ايه ده انتي مين يا حبيبتي ؟
=ها انا ساكنه هنا
-ساكنه هنا ! هو انا سافرت كتير ولا ايه هههه
=مش فاهمه
-اصل انا لسه راجعه من السفر زي ما انتي شايفه كده الشنط اهي لسه بدخلها فلما ارجع كده الاقي الواد سليم اتجوز بس ماشاء الله اختار بنت زي القمر
=شكرا يا طنط
-وانتي اسمك ايه بقى
=عليا
-الف مبروك يا عليا وقولي لسليم طنطك سعاد زعلانه منك مش كنت تعزمها علي الفرح هههه
=انتي شكلك مسافره بقالك كتير
-هههه اه بحب اقعد في
*صوت رنة تليفونها يقاطع كلامهم *
-طب يا حبيبتي مع السلامه بقى دلوقتي ،الو يا حبيبتي اه وصلت
*سبتها ونزلت اجيب الحاجه وانا دماغي مشغوله بكلامها فرح ايه اللي سليم يعزمها عليه ده الفرح بقاله اكتر من سنه لسه فاكره وبعدين هي معقول مسافره بقالها سنه ،رجعت البيت وكنت بتفرج على فيلم كان فيه الممثل كان عايز يوصل لبنت اعجب بيها فعمل سيرش علي الفيس بوك ولاقها وجتلي فكرة اني اعمل فيس بوك وادور عليا اكيد انا قبل ما افقد الذاكره كان عندي فيس بوك واول ما سليم جيه
-عليا حبيبتي انتي فين انا جيت
=انا اهو في الاوضه
-مجتيليش عند الباب ليه زي كل يوم
-عليا حبيبتي انتي فين انا جيت
=انا اهو في الاوضه
-مجتيليش عند الباب ليه زي كل يوم
=تعبانه شويه
-مالك حاسه بايه يا حبيبتي دماغك وجعاكي ولا حاجه،ايه الاهراض اللي حاسه بيها قوليلي
=انت اتخضيت كده ليه يا سليم ده شويه ارهاق
-طب مالك ؟
=مفيش،صحيح يا سليم الجاره اللي قدامنا دي بتقولك انها زعلانه منك علشان معزمتهاش علي فرحنا
-ايه ده انتي قابلتيها ازاي
=اصل نزلت اجيب حاجات فقابلتها
-نزلتي !!انتي بتهزري متنزليش بعد كده تاني
-ليه يعني يا سليم انت حابسني هنا وبعدين هي سعاد كانت مسافره من ساعة ما اتجوزنا وجت دلوقتي ولا ايه
-لا طبعا دي كانت مسافره عند بنتها كذا شهر كده بس هي عندها زهايمر فبتنسى حاجات كتير
=امممممم طب ازاي عيالها يسبوها تعيش لوحدها
-لا عندها شغاله بتساعدها طبعا،وعليا من فضلك متنزليش تاني من البيت،و ايه بقى عملتلنا اكل انهارده
=ها سليم انا عايزه اعمل فيس بوك
-ههههههه انتي فاكره الفيس بوك
=لا ده انا شوفت فيلم ولاقيته بيقولها ابعتيلي ادد علي الفيس بوك فانا عايزه يبقي عندي فيس
-حاضر يا ستي من عنيا بس ونبي ناكل انتي نازله عليا بالاسئله كده وانا جعان
*فات اسبوع بعد الحاح مني علي سليم انه يعملي الفيس بس هو كان بيتهرب مني وكأنه مش عايز يعملي او في حاجه مش عايزني اشوفها كنت شاكه في تصرفاته وحاسه انه مخبي حاجه ،لما راح الشغل خبطت علي جارتنا
-اهلا اهلا يا حبيبتي عامله ايه وسليم عامل ايه ؟
=الحمدلله يا طنط انتي لسه فكراني
-ايوه طبعًا
*دخلت وقعدت علي الكنبه وبعدها طلعتلي البنت اللي بتساعدها بعصير فراوله بنت في العشرينات قعدت اتكلم معاها وعرفت انها بتدرس في جامعه وان فعلا طنط سعاد عندها زهايمر يعني سليم طلع مبيضحكش عليا وبعدها طلبت منها موبايلها علشان هشوف حاجه علي الفيس بوك اول ما مسكت الموبايل عملت بحث علي اسمي..ولاقيت بوست عني غريب جدًا..
-اهلا اهلا يا حبيبتي عامله ايه وسليم عامل ايه ؟
=الحمدلله يا طنط انتي لسه فكراني
-ايوه طبعًا
*دخلت وقعدت علي الكنبه وبعدها طلعتلي البنت اللي بتساعدها بعصير فراوله بنت في العشرينات قعدت اتكلم معاها وعرفت انها بتدرس في جامعه وان فعلا طنط سعاد عندها زهايمر يعني سليم طلع مبيضحكش عليا وبعدها طلبت منها موبايلها علشان هشوف حاجه علي الفيس بوك اول ما مسكت الموبايل عملت بحث علي اسمي..ولاقيت بوست عني غريب جدًا..
