*الجزء التالت الذاكره *
مسكت الموبايل عملت بحث علي اسمي..ولاقيت بوست عني غريب جدا ،كانت صوره ليا بس كنت لابسه لبس ضيق وكان مكتوب فوق الصوره اني مرجعتش البيت وتايهه وكانوا كاتبين رقم موبايل مكنتش مصدقه اللي بشوفه تايهه ازاي اتصلت علي الرقم من موبايلي بسرعه
-الو
=الو مين معايا
-انا عليا
=عليا مين عليا ؟
-حضرتك حاطط صورتي والرقم وكاتب اني مرجعتش البيت وكلام غريب كده
-الو
=الو مين معايا
-انا عليا
=عليا مين عليا ؟
-حضرتك حاطط صورتي والرقم وكاتب اني مرجعتش البيت وكلام غريب كده
=علياااا انتي فين يا بت انتي ده بودا بيدور عليكي في كل حته
-ثواني لو سمحت واتكلم كويس وفهمني
=انتي بتتكلمي كده ليه ، انتي بتشتغليني
*قفلت في وشه وانا مش فاهمه حاجه ودماغي بدأ يبقى فيها خبط جامد نزلت وفضلت الف في الشارع مش عارفه انا مين احساس وحش لما متبقاش عارف انت مين وايه حكايتك ياترى سليم بيضحك عليا وهو مش جوزي وبعدها لاقيت الرقم بيتصل عليا
_الو عليا حبيبتي انتي فين انا هموت من القلق عليكي
=انت مين
-معقول نستيني
=انا اسفه بس انا فقدت الذاكره ومبقتش فاكره حاجه
-فقدتي الذاكره ااااه معقول طب انا عايز اعرف انتي فين انتي كويسه انا قلقان عليكي اوي
=مش عارفه انا معرفش انا فين ولا انا مين هو انت مين ااااااه اااااه *بتمسك دماغها*
-مالك عليا عليا ردي عليا
=انا دماغي بتوجعني اوي
-قوليلي انتي فين وانا هجيلك حالا
=مش عارفه
-ادي الموبايل لحد يوصفلي
*بتدي الموبيل لراجل بيوصفله المكان وبيجي ياخدها *
...............
*سليم بيرجع من الشغل مش بيلاقيها بيتصل عليها محدش بيرد بيلاقي حد بيخبط على الباب كانت البنت اللي بتساعد جارته سعاد *
-ازيك يا استاذ سليم
=الحمدلله في حاجه ولا ايه ؟
-انا بس كنت عايزه اقولك ان استاذه عليا شافت الصوره دي بعدها اتصلت علي حد وكانت بتعيط ونزلت بسرعه من هنا فانا قلقت وكنت عايزه اقولك
=غبي غبي *بيضرب بايده علي الحيطه وبينزل جري علي السلم *
................
-وحشتيني اوي يا عليا انا كنت خايف يكون حصلك حاجه
=انا عايزه اعرف انت مين
-انتي فعلا مش فكراني انا خطيبك عبدالله احنا كنا هنتخطب خلاص بس فجأه اختفيتي دورت عليكي فكل حته كنت هتجنن خفت يكون حصلك حاجه،مالك عليا مالك
=انا مش قادره دماغي دماغي هتنفجر ،انا مش مستوعبه اللي انا بسمعه ده انا كنت عايشه مع شخص بيقول انه جوزي ودلوقتي انت بتقولي انك خطيبي
-جوزك !!هو فين والله لاقتله هو لمسك عملك حاجه ؟
=ارجوك متعليش صوتك انا دماغي وجعاني
-صدقيني يا عليا ده احنا كنا قصة حب عظيمه حتي لو مش مصدقاني هوريكي الصور *بيفتح الموبيل وبيفرجها علي صور ليه هو وهي *
=ايه ده هو انا مكنتش محجبه وليه لابسه حاجات ضيقه كده
-انتي بتحبي تلبسي كده معرفش ايه الهدوم اللي انتي لابساها دلوقتي دي بوصي الفيديو ده في عيد ميلادك كان يوم جامد
=خلاص خلاص مش عايزه اكمله
-ليه ده انتي رقصك حلو اوي
=قولي هو انا مامتي عايشه
-ها لا امك ميته بس انتي عايشه مع حجه ازهار مرات ابوكي بس ست طيبه وانتي بتحبيها اوي ،علوله انتي فعلا مش فاكره ايتها حاجه
=للاسف مش فاكره
*شخص بيجي يقاطعهم *
-مش مصدق نفسي الملكه ايه الغيبه الطويله دي
=امشي دلوقتي امشي
-ايه يا ملكة مبترديش عليا ليه اتكبرتي علينا خلاص
=غور في داهيه بقولك
عليا:هو مين ده ؟
-فكك منه ده عيل عبيط ،تعالي بقى نروح لحجه ازهار علشان تفكرك بكل حاجه وتغيري الهدوم دي
*روحت لبيت قديم في منطقه غريبه مكنتش مرتاحه وانا راحه طلعنا البيت ولاقيت ست كبيره حضنتني اول ما شافتني وفضلت تقولي وحشتيني لكن برده انا مكنتش مرتاحه وحاسه في حاجه غلط قعدت اسبوع معاها ، في مره شافتني بصلي قالتلي ان انا مكنتش بصلي وايه اللي غيرني كده ومن امتى بصوم اتنين وخميس ولبسي اتعير خالص فكنت عايزه افهم انا مين وكنت ايه وقعدت ادور في اوضتي علي اي حاجه تفهمني و لاقيت لاب توب ..كان بباسورد الغريب انه عرفت افتحه لاقتني بكتب رقم الباسورد وفتحته فضلت اتفرج علي الفيديوهات والصور،كنت اتمنى مفتحهوش ولا اعرف حاجه ..
