*الجزء الرابع من قصه الذاكره *
لاقيت لاب توب في اوضتي ..كان بباسورد الغريب انه عرفت افتحه وكنت فاكره الباسورد لاقتني بكتب رقم الباسورد وفتحته فضلت اتفرج علي الفيديوهات والصور كنت اتمنى مفتحهوش ولا اعرف حاجه ،الفيديوهات والصور كانت وحشه جدا مش محتاج اني احكي عنهم لكن اللي فعلا كنت محتاجه احكي عنه هو ملف كان بعنوان "الذنب"فتحته ولاقيت فيديوهات مترقمه ١،٢،٣وهكذا فتحت اول واحد كنت بعيط وشكلي باهت جدا عيني حواليها سواد ماسكه سيجاره بشرب فيها وانا بتكلم فضلت اتفرج علي الفيديوهات كلها وعماله اعيط لاني اكتشفت فيهم حاجات وحشه جدا ياريتني متفرجت عليهم اول فيديو كنت بقول فيها عن حياتي وماما عايشه طول ما ماما كانت
عايشه كنت قريبه من ربنا جدا ومكنتش بعمل حاجات غلط ابدا بعد ما ماما ماتت وبابا اتجوز ازهار وبعدها بابا ماتت بدأت حياتي في التدهور فاكره اول مره عملت فيها ذنب وحاجه غلط كان احساسي عامل ازاي كنت بعيط وبأنب ضميري كنت حاسه ان دي مش انا كان في صوت جوايا بيقولي ان اللي انتي بتعمليه ده غلط ربنا مش هيسامحك ارجعي كنت اتوب عن الذنوب اللي بعملها لكن كنت بضعف و برجع تاني و الصوت اللي جوايا يرجع يحذرني تاني مع مرور الوقت الصوت كان بيوطى عن الاول لغايت مبقتش اسمعه وبقيت اتفحش في الذنوب مبقتش اعيط مبقتش احس بالذنب جسمي نحس كنت مخنوقه وكاره نفسي لكن مش عارفه اتوب حاسه اني زي ما اكون
سيبت البيت عشر سنين من غير ما اروقه فتملا تراب وعفره لو بس اقدر امحي كل الحاجات الوحشه دي من ذاكرتي وابدأ من اول وجديد لو بس اقدر ارجع تاني عليا اللي كانت بتزعل لو مصلتش الظهر ،لو بس اقدر *بتعيط* ،و كنت بحكي فيها تفاصيل الحياه اللي عشتها،شرب سجاير وحشيش ومخدرات وخمره وخروج مع شباب وسهر ولبس مش محترم وكل حاجه وحشه كنت بجرب كل الذنوب كل حاجه معقول انا كنت كده ياريتني ما عرفت حقيقتي ،لكن الفيديوهات كلها مفهاش حاجه عن سليم مين سليم انا لازم اروحله ،مسحت دموعي ومع اول فرصه ليا عرفت اهرب من البيت ده وقولت لتاكسي نفس الوصف اللي قاله الراجل ساعة ما كان بيوصف لعبدالله في التليفون ورجعت تاني لسليم خبطت علي الباب ملقتش حد بيفتح فضلت قاعده قدام الباب لغايت ما سليم جيه
-عليا *بيجري عليها ويحضنها * ليه كده يا عليا مشيتي ليه
=*بتعيط*يارتني ما مشيت ولا عرفت حاجه
-انتي عرفتي عرفتي منين دماغك وجعتك حاسه بحاجه ؟
=للاسف عرفت ودماغي هتنفجر من الصداع ،بس انا عايزه اعرف انا قابلتك ازاي وفقدت الذاكره ازاي ؟
=طب تعالي ندخل وهحكيلك تعالي
*بيدخلوا وبيقعدوا علي الكنبه *
=بوصي يا عليا انتي كان في حياتك ذنوب كتير وذكريات وحشه كتير كان نفسك تتخلصي منها فعلشان كده خليتك تفقدي الذاكره
-خلتني !يعني انا معملتش حادثه بسببها فقدت الذاكره
-خلتني !يعني انا معملتش حادثه بسببها فقدت الذاكره
= لا انا كنت بشتغل على دوا جديد الدوا ده بيساعد علي فقد الذاكره كنت هعمل بيه ضربه جامده متخيله لو الناس فقدت الذاكره وبدأت حياتها من جديد الدوا جربته علي حيوانات لكن مجربترش علي انسان وانتي نفسيًا وجمسانيًا كنتي مؤهله لتنشيط الدوا انك تكوني مدمنه علي الكحوليات بشكل كبير و انك نفسيًا تبقي متوتره مضطربه طبعا دي حاجات لو زادت عن حدها بتساعد الدوا ده انه ينشط واللي بيشتغل علي حاجات في المخ وخصوصا على نقص فيتامين الثيامين
-ثواني ثواني انا مش فاهمه اي حاجه انا جتلك ازاي وايه الكلام المعقد اللي بتقوله ده وبعدين يعني الاشعه والتحاليل اللي كنت بتعملهالي ده علشان تختبر الدوا مش علشان تطمن عليا !!
=لاطبعا علشان اطمن عليكي وكنت خايف يظهر عليكي اي آثار جانبيه بوصي انا هفهمك احنا اتقابلنا بالصدفه انا كنت في محل بشتري حاجات وكنتي هناك بتتخانقي مع بنات شكلهم بلطجي كده واللي عرفته لما فوقتي انك كنتي بتكلمي جوز وحده منهم فاتخانقوا معاكي وضربوكي ضرب جامد جدا خدتك وديتك المستشفى وقعدتي فيها حبه حلوين لغايت ما خفيتي حكيتيلي فيها كل حاجه عنك ،كنت ساعتها انا كنت بعمل تجارب علي الدوا الجديد ده وقولت اجربه عليكي وفي نفس الوقت اساعدك بدأت ادهولك وانتي كنتِ بتنسي كل الذكريات مره عن مره عماله تنسي كنت شايف ان نتايج الدوا هايله لكن اكتشفت اني حبيتك في الفتره دي وعرضت عليكي الجواز واتجوزنا كنت عارف اني مينفعش اتجوزك بس مكنتش قادر اتحكم في قلبي وبعدها فجاه اغمى عليكي ودخلتي في غيبوبه يومين لكن كنت قلقان يحصلك حاجه او الدوا يأذيكي واتحول كل هدفي من ان الدوا ينجح لي اني اساعدك بعدها فوقتي مش فاكره حاجه ومظهرتش عليك اي آثار جانبيه كنت فرحان علشان انتي نسيتي والله مش علشان الدوا نجح بدأت احطلك ذكريات حلوه واحاول ابعدك عن اي حاجه تفكرك بماضيكي لان اي ارتباط بالحياه القديمه بيعمل خلل في الدماغ وبيخليكي تفتكري حاجات مكنتش اعرف انك هتصري كده وهتعرفي كل حاجه
-مكنتش اتخيل ان حياتي كانت كده طب ارجوك اديني الدوا تاني انا مش عايزه افتكر حاجه عايز ارجع تاني لعليا مراتك اللي بنخرج يوم الجمعه وحياتنا كانت حلوه
=مش هينفع يا عليا انا اكتشفت ان الدوا ده ليه آثار جانبيه وحشه جدا ممكن تصابي بالجنون واعراض تانيه كتير مش هقدر ادهولك تاني ،وانا اكتشفت ان لما هنمحي ذاكرتنا هنمسح الحاجات الحلوه كمان ،الدوا ده مكنش ينفع اخترعه
-بس انا عايزه انسى الذكريات دي *بتعيط*
=هننساها يا عليا وهنحط مكانها ذكريات جميله من غير دوا لو خدتي الدوا مش بس هتنسي الذكريات الوحشه هتنسيني انا كمان وهتنسي الفتره اللي عشناها سوا حتي لو كانت قصيره ،وهتنسي مامتك
-بس انا خايفه اضعف تاني وارجع للذنوب
=كل ما ترجعي تتوبي تاني عادي احب الناس الي الله التوابين يا عليا ،هتوبي ونبدأ حياتنا من جديد ،حتي لو هنبدأ كل يوم
*بعد سنه *
الحمدلله كل الذنوب الندوب والذكريات الوحشه نسيتها و من غير دوا بقيت انام مطمنه وانا عارفه اني لو مُت دلوقتي مش هبقى قلقانه الصوت اللي بيحذرني ظهر تاني جوايا وبقيت اسمع صوته،ورجعت تاني اعيط وازعل لو اتاخرت على صلاة الظهر ، ولو اذيت حد ،ولو عملت حاجه غلط ،اكيد معملتوش ذنوب زي ذنوبي لكن افتكري ان اي ذنب مهما كان صغير بيأثر جواكي فأمحيه قبل ما يكبر ويكون ذكريات وحشه مش محتاجه دوا علشان تمحي ذنوبك محتاجه اراده محتاجه ترجعي الصوت اللي جواكي اللي دايما بيحذرك من الغلط اللي بيخليكي تتراجعي في اخر لحظه ،انتي تستحقي انك تنامي مطمنه ....
في ذاكرتنا جزء ملئ بالذنوب والندوب نتمنى لو يمحى، لو يعود بستاني مُزهر دون اللون الرمادي الذي احاط به 🖤
احب اعرف رأيكم 🌚
