Ads by Google X

رواية دخله علي شيطان بقلم مالك الزعيم

رواية دُخلة علي شيطان
#مقدمة_الرواية
للكاتب المصري محمد مالك 

صمم لها فستان زفاف اسود وامرها بأن ترتدية ليلة زفافها علي عريس مجهول الهوية لم تعرف حتي الان من هو ولم تقابلة ابدا طيلة الاسابيع الماضية منذ ان اخبرها بأن هناك شخص ما تقدم لخطبتها وانه قد وافق علي زواجها منه دون اذنها او حتي اخذ رأيها  .. انه عاطف سعفان الشهير ب عاطف ابليس مشعوذ وساحر خطير ادين في عدة قضايا بالنصب والدجل والشعوذة والتي تسببت في انتحار البعض وموت البعض الاخر في ظروف غامضة وقضي علي اثرها عدة سنوات طوال داخل السجن ليخرج منه كهلا عجوزا بعد ان كان شابا يافعا وليته اتعظ او اعتبر مما حدث له !! بل خرج عازما علي ان يعود الي ما كان عليه واكثر وابرم صفقة جديدة مع الشيطان  .. خرج من السجن ليجد ابنته الوحيدة زينب فتاه جميلة في سن الشباب بعد ان تركها طفلة صغيرة لم تتجاوز الاربع سنوات وقد ربتها عمتها بعد ان ماتت امها بسببة ايضا حيث قدمها قربان للشيطان ...ودخل عاطف غرفة زينب ليري هل ما اذا كانت ارتدت فستان الزفاف ام لا ..
عاطف .. ايه الاخبار يا بومة ؟!!


زينب عاضبة .. بطل تناديني بالاسم دا لو سمحت يا بابا !! انا اسمي زينب .. زينب .. زينب يا بابا
عاطف يرتجف ويرتبك بشدة ويضع يده علي فم زينب كي تسكت 
عاطف .. هس .. اسكتي يخرب بيتك .. بلاش تنطقي الاسم دا هنا خالص !! انا عارف ان اسمك زفته !! بس بومه احسن بكتير ..
زينب .. ايه اللي انت بتقوله دا ؟! بقي الاسم الفقر دا احسن من اسم زينب ؟! دا معقول
عاطف .. يا بت بلاش تنطقي الاسم دا هنا .. متودناش في داهية اومال
زينب .. هو في ايه ؟!! مالك خايف ليه كدا ؟! وعمال تبص يمين وشمال زي ما تكون خايف حد يسمعك
عاطف .. هس .  انكتمي .. ملبستيش الفستان ليه لدلوقتي .. عريسك مستنيكي ؟!!

زينب .. فستان ايه اللي عايزني البسة ؟!! بذمتك فيه عروسة بتلبس فستان اسود يوم فرحها ؟! وبعدين عريس ايه دا اللي مستنيني ؟! فين العريس دا انا ماشفتوش خالص ؟!
عاطف .. هتروحي لحد عنده وهتشوفية
زينب .. وفي واحدة تشوف عريسها بعد الجواز ؟!! ليه مجاش هنا عشان اشوفة يمكن ميعجبنيش يا بابا!!
عاطف .. مش عاوز كلام تاني في الموضوع دا خالص والبسي الفستان دا بسرعة عشان العربية مستنياكي تحت 
زينب .. يا بابا مفيش بنت بتتجوز بالطريقة دي خالص ؟!! انت ليه بتعمل معايا كدا ؟! دا انا بنتك !!
عاطف .. بطلي كلام بقي والبسي الفستان العريس مستنيكي علي نار
زينب .. مش هلبس القستان ويتحرق العريس في داهية !! بس كدا !!
عاطف يرتجف خوفا.. يخرب بيتك ايه اللي انتي بتقولية دا ؟!! سامحها يا سيدي اصلها متعرفش حاجة !!

زينب .. انت بتكلم مين ؟!! ومين دا اللي يسامحني ؟!! بابا انت غريب بجد !! انت بتعمل كدا ليه ؟! انا بقيت اخاف منك !!
عاطف .. اخرسي بقي وخلي ليلتك دي تعدي علي خير ولا عايزانا نولع في البيت كلنا ؟!.
زينب .. بابا انا مش عايزة اتجوز بالطريقة دي .. مينفعش صدقني
الاب فجأة تحمر عيناه وخيط من الدماء تخرج من احداهما ثم يمسك بذراع ابنته ويقبض عليه بقوة فتتألم زينب 
عاطف .. انتي هتتجوزية ورجلك فوق رقبتك .. فاهمه ولا لا ؟؟
زينب ترتجف من شدة الخوف .. حاضر .. بس سيب ايدي انت بتوجعني اوي !!

عاطف يتركها ولكن اصابعة تترك اثرا علي ذراع زينب 
عاطف بغلظة وغضب ..قدامك دقيقتين مفيش غيرهم تكوني لبستي فستانك وجهزتي وتنزلي عشان العربية اللي هتزفك لعريسك مستنياكي تحت
زينب مغلوبة علي امرها .. حاضر يا بابا

وبعد ان ينصرف الاب ويترك الغرفة زينب تصبح متأثرة جدا وتبكي من شدة القهر وقسوة ابيها الذي لم تعلم حتي الان انه ضحي بها وقدمها قربان للشيطان كما فعل بأمها من قبل وتنظر زينب من شباك الحجرة لكي تري سيارة الزفة التي تنتظرها كما اخبرها ابوها فتُصعق بشدة عندما تري ان سيارة الزفة هي سيارة اسعاف ؟؟؟!!!

                الحلقة الثانيه من هنا

بدل ماتدور وتبحث علي الروايات خليها علي تليفونك وحمل تطبيقنا

تحميل تطبيق سكيرهوم
تعليقات



حجم الخط
+
16
-
تباعد السطور
+
2
-