#عائله_من_جهنم_17 والاخيره
قمر:ساكته وتراقب في غيث اين وصل للكوشه❤️
صور لقطات مع اخته❤️
وفتحو اغنيه طبعا نفس اللقطه العبيطه يلي تصير ركبو العمات والخلات يرقصو ويبوسو في غيث ويحاولو يرقصوه معاهم لين قاطعهم صوت المنشطه وهيا تقول لو سمحتو ياريت تفضو الممر شويه لان غيث اليوم عنده شي مهم
غيث؛ابتسم لي سميه ولي امه ....نزل من ممر القاعه لعند البابا وكلهم مستغربين !!
مسك قمر يلي لافه العبايه ع نفسها وطلع الذبله لبسهالها ❤️
فتحو اغنية هلا بريحة هلي❤️ وسط زغاريط !!!
وسط صدمة اماني واخواتها وامها !!
بس الغريب في الموضوع ان خوات قمر وامها يعلمو
ام غيث وخواته يلي يمثلو انهم نصدمو كان عندهم علم من بداية العرس ومرتاحين لان غيث قلهم جدي يعلم بي الخطبه يلي بتصير اليوم ❤️
قمر وسط دهشه لبست الذبله وهيا مش مصدقه يلي يصير ؟؟ عيونها معلقات في غيث وسط الزحمه تصفيق وتزغريط والتورته يلي خشت للقاعه فجأه
تورته بي ديكور خطوبه❤️
قمر:فاقت شويه من صدمتها ع صوت غيث وهوا يلبس فيها في تاكم الذهب 🙈
غيث:هوا اعترف بحبه قدامهم
وانا خطبتك طول قدامهم ..حب واعر على حب واعر يفرق ره!
جنى:تصفق وتنقز في مكانها...يهبلووو😭😭
وفاء:شبحت لي جنى من فوق لعند لوطه
اماني:تشوف لي بنات العيله ونساوين عمها كيف كلهم ركبو لي ممر القاعه ويباركو ...!
حست نضرات اختها ونضرات باقي بنات العيله كلها اهانه ليها 💔
ياما اماني دارت عمايل في بنات العيله ..هددتهم وخوفتهم عشان يباعدو ع غيث
وتوا جت قمر خداته منها بكل بساطه 🔥
سيبت القاعه كلها وخشت للحمام تغللللي تغلللي
ومره مره تطلع تشوف في غيث وقمر كيف يسلمو ويستقبلو في المباركات ❤️
_____________________
اريام:ماسكه ولدها...شن دخلي انا مش عيل هوا باش نغصبه ع اختك
امينه:مقتلكش اغصبيه بس كيف نحنا منعلمو بي شي
اريام:حتى انا زيكم هاذا وين شفته
امينه:ماشي يا اريام تمام...سيبتها ولحقت اختها
اريام:ناقصنى مصايب انا 😒
غيث:باس يد قمر❤️..توا بنطلع انا زيد بيدخل عروسته
قمر:غيث انا نحلم ؟مش مستوعبه يلي صاير قاعده
غيث:قرص خدها...تو تستوعبيه لما نوصلو القصر
قمر:ابتسمت وكان قلبها بيطلع منها❤️
غيث:طلع من القاعه بعد ما باس راس امه❤️
صارت دوشه في القاعه بسبب الخطوبه يلي صارت❤️وزعو التورته تبع الخطوبه وكلهم يهدرزو هلى غيث وقمر ويباركولها ❤️لين خش زيد وجنبه جيهان❤️
🔥رِوايـَــــاتْ بـــــَــــنـــو تــِةْ الشــِـــيـــــــخْ🔥
🔥أَروى الطــَـــاهـــــِرْ المــــســـلاتـــــــــي🔥
في وقت زفة جهان وزيد طلع غيث وكان جده مقعمز ع الكرسي بكل شموخ رافع راسه زي العاده
التمو كلهم على غيث يباركوله وجده مش فاهم شي
غيث:جبد كرسي وقعمز جنبه
الشامخ:على شنو يباركولك؟
غيث:خطوبتى
الشامخ:غير تلبسها الذبله خيرهم مستعجلين
غيث:لا خلاص لبستها وتم
الشامخ:كيف تلبسها بدون ما نكون موجوده
غيث:بنت ومن حقها تفرح لبستها داخل مع تورته كأنه بيان وزدت ع الحديده تاكم
الشامخ:سكت شويه....اممم به به حتى هاذا راي
غيث:شي واحد تغير
الشامخ:شافله بي استغراب؟
غيث:ابتسم...العروسه ياحاج لبست قمر
بنت سميه الشرقاويه
الشامخ:نصدم وكان بيحكى بس قاطعه غيث
غيث:6سنين نحاول نفهمك ان اماني مش ليا ولا متقبلها وانت فاهم وعارف الشي هاذا!
بس متبيش تصلح الوضع
الشامخ:يتكلم بغيض ...الذبله تنسحب من يدها اليوم وتنحط في اليد الصح فاااااهم
غيث:انا لبستها لو نموت متنسحبش
الشامخ:لو منسحبتش وجهك وانت وياها معش مشوفه في القصر
غيث: ولا يهمك الموضوع هاذا درته في الحساب
خذيت شقه وفتحت قهوا من فلوس المعرض
يعني الطلعه ساهله ونصرف عليها هيا وعيلتها انا
الشامخ:رجع قعمز....الاسد يلي ربيته توا بينقلب عليا؟
غيث:الاسد يلي ربيته فاق على عمره
دم اكرام ودعاء وولد خالها في رقبتك لين تموت
كنت تقدر تعالج الوضع بدل موتهم بس توا خلاص
قانون العيله هاذا يلتغى
الشامخ:انت قد كلامك؟
غيث:لوين متبي ....يلي في القصر معش حد يتحمل قوانينك لان خلاص فاض الكيل !!
اكتر من هكي معش حد بيتحملك بي القوانين يلي مدايرها
بوي وعمامي كلهم قاعدين زي العواويل تحتك مانعهم من الخدمه وانت تصرف عليهم !!
علاش؟باش تقعد طول عمرك شادهم من يدهم يلي توجعهم !!!
الشامخ:في سر انت متعرفاش ...بس تو تعرفه مع الايام وتشوف عقاب يلي مياخدش قوانيني
غيث بيرد لكن قاطع حديثهم صوت زيد وهوا طالع من القاعه فرحان ❤️
جابو الزكره وزي العاده الكندر مداير العار 😂
______________________
طول الحلفه قمر مقعمزه في مكان واخد تشوف لي ذبلتها ...راسها مقاماتاش منها
خوال جيهان وقمر (الشراقه❤️)كانو مدايرين جو في القاعه بي اغانيهم مره مره مع المنشطه كان جوهم يهبللللل زيهم❤️
اروى:نحبكككككككككم اهل الشرق❤️❤️❤️
من غير الجو الجميل هاذا هلبااا ناس حقوده تشوف لي قمر بحسد
جليله من اما اطلقت راضيه بدت تخاف ع روحها يصير فيها شي بدت طوول الوقت مع سلفاتها وتسمع في كلامهم❤️
وهدى وخديجه بدو يتأقلمو مع سميه ام قمر لان حسو الصوره يلي كانو واخدينها عليها مش صح ابداااا!!
بلعكس كانت سميه وكل حد جي من الشرق للعرس كويس وجايبين معاهم كل الخير
تغيرت هلباااااا نضرتهم ليها
جنى:ووووه عليا بنبكي ع جيهان ولا عليك توا
قمر:ريحي روحك جيهان معندها وين ماشيه غير لي جناح زيد بيقعد وجها في وجهك😂
جنى؛ذبت اليوم في اللقطه يلي دارها غيث
قمر:حطت يديها على خدودها ...صدمني ❤️
جنى:تحبيه؟
قمر:بننننت....شنو قلت الادب هاذي نوضي
جنى:اي تو بدت في جو المخطوبات
قمر:شافت لي الذبله متاعها وابتسمت❤️
___________________
وفاء:اريام
اريام:دارت روحه مسمعتهاش
وفاء:بيروح بيك عز الدين؟
اريام:اي
وفاء:بتروحي للحوش ولا للقصر ؟
اريام:علاش ؟باش تاخدي راحتك ولا كيف
وفاء:بلعت ريقها
امينه:نخصت اريام
الموضفه:لو سمحتم.....وبدت توزع في صواني العشي ع الطاوله
وفاء:قلبها يدق من الخوف وندمت انها سألت💔
اماني:اسككككككتي بروحي مش طايقه حد
امينه:شفتى ولا تكلمت انا ونبحت من البدايه بس مفيش حد يفهم
اماني:به ياستي خلاص فهمنا كلامك صح ياسر !
امينه:شويه وتلقي خوك مجد ولا الكندر واخد جنى
احتلو عيله كامله الله لاتربحهم
امانى:تشوف لي قمر يلي كانت تضحك مع خلاتها
وجيهان يلي مقعمزه في الكوشه هاديه كأنها ملاك❤️
كمل العشي وطلعو الزمزانات دارو شوط مقوم خلو المعازيم كلهم يهيجو مفيش حد ع الكرسي😂
لين جت الساعه 12في الليل
________________________
زيد:هيااا الزح مش قادر نصبر
غيث:متكى ع السياره....نفختهم رااااك خلاص ارزن
زيد:ونبي اسكت من عليا انت هيا بنروح بيها
مجد:كان واقف عليهم على بعد خطوات بس يحكى ع الفون ومعصب...شششن تقولي انتي؟
سماح:زي ما سمعت اي ...انخطبت والعرس قريب
مجد:تي اما خطوبه متع وجهك هاذي حركات البنات يلي اديري فيها متمشيش عليااا
سماح:به تمام مش حركات بنات؟؟خلاص اوكي سيورك تتأكد او كنت نكدب ولا
مجد:مسح وجها بيديه بتوتر...بلا لعب فروخ سكري مني توا وبري الغي كل شي
سماح:علاش بنلغيه؟؟كل يوم تسب فيا وتهين فيااا
تبيني نلغي ع خاطرك؟؟؟
مجد:ماسك اعصابه...متخلينيش ندير شي تندمي عليه عمرك كله
سماح:تهديداتك معش تخوف فيا خلاص
امس كانت فضانيتي وانا توا انكتبت لشخص لو جيت هنايا وفتحت فمك رح تاخد حسابك ومعش يهمني شي
حسبي الله فيك على قلبي يلي حرقته لانه حبك
وعلى معالمة الكلاب يلي عاملتهالي بيها 💔...وسكرت الخط
مجد:لوح تالفونه ع الارض لين الشاشه تكسرت
غيث:لاحض ان مجد مضايق بس مجاش في طريقه
____________________________
طلعو سيارات العرسان الزوز وبدت الالعاب الناريه تضرب ❤️
بعد ساعه ونص فضت القاعه كلها من المعازيم وبدو نساوين العيله يروحو كل مجموعه ركبت مع واحد
عمر:ماسك يد حوريه...اخيراااا قداااش ليا نراجي فيه اليوم هاذا
حوريه:ابتسمت وراسها لوطه متحشمه❤️
عمر؛تنهد...اخيرااا تعب السنين بيكمل
حور:سنين؟
عمر:باس يدها ...ياقلبي انتي
حوريه:ابتسمت وكملو طريقهم عادي صح استغربت من كلمة سنين!
وهيا متعرفش عمر الا من شهور بس لكن مدورتش الموضوع هلبا
_______________________
في غرفة زيد:-
زيد:قام الطرحه لي جيهان وابتسم ❤️
جيهان:مبروك علينا
زيد؛مسك يديها الزوز وسكر عيونه ...جت في باله صورة اكرام الله يرحمها 💔
قلبه وجعه !!...اللحضه هاذي تمناها معاها قبل ومقدرش يحصلها بسبب الضلم يلي موجود في العيله وبسبب سكوته
فتح عيونه وكل الوجع اختفى لما شاف جيهان قدامه❤️
🔥رِوايـَــــاتْ بـــــَــــنـــو تــِةْ الشــِـــيـــــــخْ🔥
🔥أَروى الطــَـــاهـــــِرْ المــــســـلاتـــــــــي🔥
جنى:قمر قتلك ماما تعالي تعشي مكليتيش باهي في الصاله
قمر:تشوف لي دبلتها...معنديش نيه
جنى:وااااك على جو المخطوبات ارحمينا يا بنت
قمر:حطت يدها ع قلبها وهيا مبتسمه❤️
اريام:تبدل لي ولدها ....لالا اليوم بنروح منقدرش
بكرا تو نجي
امينه:به المهم جيبيلي معاك بلوزتك البيضه راك تنسى
اريام:مش ناسيه
طق طق طق
امينه:ادخل
وفاء:وووه بنخش الحمام معش قادره خلاااص اماني اختك سكنت فيه حمام داري
امينه:هههههه خشي اهو قدامك
وفاء:حطت تالفونها ع الطاوله وخشت تجري
امينه:لفت وجها لي اريام وكانت ملامح تعابير اريام واضح الكره في عيونها
امينه:ولدك قاعد صغير ...زيدي شهور بعدين اطلبي الطلاق وتريحي من يلي انتي فيه
اريام:حسبي الله بسسس
ترن ترن ترن
امينه:تالفوني وين
اريام:وراك
امينه:مش تالفوني يلي يشرين
اريام:ناضت واتجهت لي تالفون وفاء
والمتصل كان عز الدين 💔راجل اريام
اريام:ردت ودموعها يطيحو بدون صوت
عز الدين:الوو ...الوو
وفاء:طلعت من الحمام وبسرعه خطفت التالفون من اختها
وفاء:منوقالك ردي مصحك
اريام:معش قدرت تتحمل اكتر من هكي💔هجمت على اختها وهيا تبكي وتعيط بصوت عااالي ...حسبي الله فيييييك
وفاء:فكت روحها مت بين يدين اريام...ع شنو تتحسبي خيرك انتي هبلتي ولا كيف
اريام:وهيا تبكي...ضاااااقت؟؟؟ضاقت عليك خلاص معش لقيتي غير راجل اختك ؟
امينه:اريام اششش اهدي
اريام:بعدي يا امينه ...خلاص سكتت وتعبت هلباااا يااااسر...اخرتها ترضي في اختك الخونه يا قليلة الاصل
وفاء:خونة شنو يامررررريضه ع شن تحكي
اريام:هه ع شنو نحكي ؟؟؟تتلاقي انتي وياه ورا حوش المزرعه في الزرده
ديمه تسألي عليه وتوا يتصل بيك
وبكل وقاحه تقوليله خايفه اختي تسمعنا ولا تحس بشي كنهادا تقلب الدنيا ...كيف هنت عليك مفكرتيش في ولدي؟؟مفكرتيش ان حوشي بينخرب
وفاء:بصوت اعلى من اريام....تي خيرررررك انتي
راجلة تلاقيت انا وياه ورا حوش المزرعه لان جايبلي هديه من حبيبي
حبيبي يلي هوا ولد عم راجلك احمد .
متصل بيا توا لان احمد بيجي يخطبني ويخطط معاي كيف العيله بيوافقو
يلي خايفه تعرفيه علاقتي بي ولد عم راجلك لانك ديمه كنتي ضدي واما حكيتلك قبلها بي سنتين سكرتيلي فمي وقلتيلي السيره هاذي معش نبي نسمعها
اريام:سكتت بصدمه وعيونها حمررر
هدى:فتحت الباب...خيركم يابنات صوتكم طالع
وفاء:خليني يا ماما بالله اليوم انا بنحكى كل شي وخليها تتقربع ...الحقيره يلي يخون فيك راجلك معاها هيا نفسها يلي معاك ديمه ومسانداتك في كل شي وتمثل عليك انها تحبك وهيا نفسها يلي سمماتك اسبوع عرسك ودارولك غسيل معده ع خاطرها
هدى:وفاااااء اسكتي منبوش مشاكل
وفاء:تي طزززززز خليها تتقربع ...انا اختك يلي دافعت عليك ونحاول نباعدهم على بعض ومن غير منقولك عشان متنصدميش فيها بس هيا حقيره وقوية عين لدرجة قاعده تكلم فيه لتوا بدون خوف
اريام:شافت لي امينه بعيون منفوخات بوجه مصدوم يحاول يجيب اعذار او افكار تانيه غير الحقيقه
وفاء:اي اي نفسها يلي تشوفيلها توا امينه اي
طحت في محادثه هيا وياه يقوللها اختك اريام
هوا كان عارف انكم زي الاخوات ومع هاذا الزوز غدرو بيك وجايه تتهمي فيا انا بري شوفي تالفونها
اتصلي بي رقم عز الدين شوفي الرسايل ....طلعت وفاء قربعت الباب
واريام خذت تالفون امينه تحاول تكدب بي اي طريقه
بس للاسف شافت محادثه صادمه
هدى:اريام اريام بنتي اطلعي شويه
اريام:تشوف لي امينه...شنو درتلك؟
ااء انا انا شنو درتلك؟؟
امينه:ساكته وترعش
اريام:انا اءء انا انا ...واغمى عليها قبل ما تكمل 💔
_____________________________
الشامخ:خطأ كبير رح تدفع الثمن عليه انك خالفت قوانيني
غيث:مش ديمه انت الصح
الشامخ:انا اكبر وافهم منك ونخاف على مصلحة العيله
غيث:مفيش حد زوجته بكيفك وحب مرته !!
كلهم طايقين بعضهم بسيف
الشامخ:يتزوجو بدون الحب والكلام الفارغ احسن من هلبا حجات تصير ادمر العيله
طق طق طق
صالحه:خشت للمكتب راعشه
الشامخ:تفضلي؟
صالحه:حوريه يا حاج حوريه
الشامخ:توا نوض عشان تشوف كيف كلامي صح !
غيث:طلع بسرعه وهوا متوقع ان جده قتلها او دار فيها شي
بس انصدم من شكل اخته يلي واضح عليها مضروبه
كانت لابسه عبايه وواضح ان تحتها لابسه قصير طول الوقت تحاول تستر روحها
منضر نزل على غيث زي الصاعقه لما شاف حوريه تبكي وحاضنه بوها 💔
غيث:شنو يلي صاير !!
نزلو البنات لكن بسرعه ما منعهم الشامخ وخلاهم يرجعو يركبو
ميبيش حد يكون موجود .
_________________________
حوريه:تمسح في دموعها وكان وجها اصفرر ....
كان كل شي عادي وتمام💔بدلت حوايجي وعسلت وجهي وصلينا ...اول ما كملت صلاتي هجم عليا ضرب وقالي انتي مش بنت وقعد يسب فيا بي كلام كبير 💔مفهمتش علاش
بدت تحكى وتبكي....لبست عبايتي وحطني قدام القصر قالي قولي لي جدك هكي تعادلنا قالك فتحي 💔...ونهارت بي البكي
سالم:شن يلي صاير يابوي؟؟
الهاشمي:كيف تعادلتو منو فتحى شني بينكم ؟
حمدي:تكلم بوي ؟؟؟
الشامخ:نوضي مع البنات داخل
ناضت حوريه مستنده ع الحيط ومستمره تبكي 💔
غيث:كان مصدوم ....مفيش شي غير انه مصدرم بس !
الشامخ:تعبت وانا نتكلم ونقول متوافقوش على حد برا العيله !
الهاشمي:صاير شي حنى منعرفوشي؟؟
الشامخ:يحكى وهوا سارح...قبل سنين خوي الله يرحمه(راجل ايه)ضحك على بنت من عيله كبيره
ومعروفه ...ضحك معاها وغلطت البنت
حملت منه
مجد شاف للكندر بصدمه
الشامخ:جت البنت لي عند بوي الله يرحمه ...لكن مفيش حد صدقها ورحمها كلنا درنا عليها حرب وفضحناها قدام الجيران وفضحنا خواتها يلي مدارو شي وقلنا هاذي غالطه مع فرخ شوارع وجايه تتبلى ع خوي باش ياخدها .
العيله سمعتها توسخت وهاجرو .
خوي مقالش الحقيقه مقالش انه ورا القصه هاذي لين توفى بوي
بعد ما توفى بوي بدينا نستلمو في التهديدات وان كله رح يردوه في بناتنا كلنا مش في بنت وحده
هاذا الشي يلي خلا خوي ميتزوجش لين كبر تزوج لان خلاص معش يجيب صغار
وهاذا يلي خلاني نزوجكم من العيله ونحافض عليكم تحت جناحي السنين هاذي كلها خوفا عليكم نخدم فيكم عندي مش باش تقعدو تحتي باش ميضحكوش عليكم
نزوج بنت العم لولد العم اهون من ياخدها حد براني ويشهدرو بيها زي مصار مع حوريه توا ...هاذي نتيجة افعالكم يا ولاد الهاشمي
(غيث وزيد)
غيث:وقف...هاذي نتيجة افعالك انت وخوك المتوفي
لو كنتم مدايرين خير في بنات الناس راهو مش هاذا يلي صار لكن نستاهلو ما جانا ....وطلع وسيب المربوعه
سالم:قام يده وناض...نتفق مع كلامه وطلع
الهاشمي:حسبي الله ونعم الوكيل...وطلع
حمدي:طلع بدون ما يحكى شي
الكندر:بصوت واطي...قبل مكانش في انستا ونت كيف قدر خو الشامخ يلخبط البنت ؟!
مجد:وين نعلم
الكندر:ياريت قالي قبل ما يموت بالك نقدر نلخبط يلي عندي
مجد:هز راسه بملل وطلع
الكندر:وقف...ويدي يطلع بشويه بشويه
قعد الشامخ مقعمز بروحه...لوح العصاة متعه وراسه بين يديه
المصيبه يلي كان يباعد فيها من سنين وصلت لعنده!!
🔥رِوايـَــــاتْ بـــــَــــنـــو تــِةْ الشــِـــيـــــــخْ🔥
🔥أَروى الطــَـــاهـــــِرْ المــــســـلاتـــــــــي🔥
غيث:وينها؟!
وفاء:داخل خليتها ادوش بعدين رقدت طول
غيث:قعمز ع الدروج وهوا حاس بذنب
هدى:شنو يلي بيصير توا فهمني؟؟
غيث:ولاشي ...ولاشي حقهم وخذوه الناس
خديجه:حق شنو ياولدي حوريه شن دخلها بي القصه يلي حكاها جدك
غيث:يمسح في وجها بيده....حتى خوات هذيك البنت مدخلهم في شي وفضحوهم بي كلام كذب
هاذي نتيجه ولازم نتحملوها .
_____________________________
اريام:فتحت عيونها بتعب ..شافت وفاء ماسكه ولدها ترقد فيه
وفاء:حطت ولد اريام وغطاته وقربت منها
اريام:بدت ع طول تبكي وتتأسف منها
وع طول وفاء حضنتها
وفاء:انتي اختي يا هبله ❤️من لحمي ودمي متتأسفيش
اريام:انكسرررررت انكسرررررت💔💔💔
وفاء:مسكت وجه اريام ..اشسش معش تقولي هكى
حنى معاك يلي عنده خوت وخوات مستحيل يكسره شي
اريام:كملت بكي في حضن اختها لين بدت تغيرلها في جوها شوي شوي وتحكيلها يلي صار في حوريه
___________________
الساعه2ونص :-
اماني:حسبي الله فيهم الكلاب
جنى:ربي ياخد الحق
جليله:تصبحو على خير انا بنركب
هدى:تتكلم بقهر...تلاقي الخير
سميه:جنى وين اختك قمر؟؟
جنى:نزلت قالت بندير قهوا
صالحه:تلود ع الدار وتبخر فيها
_______________________________
قمر:انت مليكش ذنب ...انت كنت تبي سعادة اختك بس
غيث:متحملتش نشوفها بي الوضع يلي هيا فيه ...حاس بروحي تاااعب
كان غيث مقعمز وقمر واقفه ... لفت يديها على راسه وجباته لحضنها❤️..كل شي تو يفوت
معش اضايق روحك خليك قوي زي مانعرفك
غيث:باس يديها الاثنين
قمر:خليك زي زيد مش داري بي الدنيا وين
رغم يلي صار كله والعياط مفتحش حتى داره وطلع 😂
غيث:ضحك ...لاهي مع الحب متاعه
🔥رِوايـَــــاتْ بـــــَــــنـــو تــِةْ الشــِـــيـــــــخْ🔥
🔥أَروى الطــَـــاهـــــِرْ المــــســـلاتـــــــــي🔥
#تسريع_في_الاحداث ❤️
العيله كلها نقلبت على الشامخ وبدت تلوم عليه
اول شي خفي الحقيقه عليهم وتاني شي لانه شرد عيله كامله هوا وخوه
فات اسبوع ونص :-
اريام لعبتها صح 🔥...مبتش تطلق وتخلي الناس تحكي عليها وولدها قاعد صغير ...كملت نع راجلها وبدت اذل فيه انها عرفت بي خيانته
وهوا زاد خوفه من غيث لما طلع على شور جده وحط في باله ان في اي لحضه زيد وغيث يهدو عليه ينهوه من الوجود
مع هاذا بدت اريام مهتمه بي نفسها وحوشها اكتر عشان يزيد عز الدين يتعلق بيها
بدت البنت المثقفه الفاهمه الواعيه القويه
يلي في كل اجتماع عائلي في حوش راجلها كلهم معجبين بيهل ك طبع واسلوب ❤️
حس عز الدين ان يلي صار مع امينه كان مجرد نزوه !!
بدات لما هيا يلي بدت وهيا يلي اتصلت بيه وتناشب فيه
امينه جاته في وقت اريام مهمله في كل شي بسبب وحمها
بدي عز الدين زي المراهق...يستنى امتى يروح لي اريام وزاد حبها اكتر واكتر بي تصرفاتها ❤️
غيث:حط مسؤلية كل شي عليه هوا !...جاب ورقة طلاق حوريه ومخلاهاش تحس بي المصيبه يلي صارت
مباش يلومها ويقولللها هاذا يلي اخترتيه لا بلعكس
كل يوم يطلع فيها يفطر فيها برا ويتمشو شويه ع البحر عشان نفسيتها تتغير
كندر:ياريتني حوريه 😂
اروى:انت اسكت 😂خليني نكمل ...
بس مع هاذا عمر طليق حوريه خذي حسابه بي طريقه مش لازم حد يعرفها🤫🤫🤫
بدت حوريه تخدم في روضه لي الصغار بعد ماكانت ممنوع الخدمه في قانون الشامخ ...
زيد وجيهان خارج نطاق تغطية العيله كلها😂
العيله مقلوبه مشاكل وهم وزياد جايب تورته يدخل فيها بي الدرقه عشان يحتفل بي عيد حبهم ومش هامه لا الشامخ ولا هم يحزنون😂🔥
قمر:تخلت على هبالها شويه وحست ان في وقت لازم تكون فيه مع غيث وتسانده عشان يفوت من الازمه هاذي !
اما اماني ميأستش تحاول تكون مسانده غيث ومهتمه بيه وكل حركه اديرها قمر اديرله نهار اسود رغم انه مدخله في شي😂
_________________________
على شط البحر ❤️
هدى:هههههههه عطيك الهني ياسميه ضحكت من وسط خاطري
سميه:هههههه كنها جليله عدت ناديها تجي تشرب القهوه
خديجه:جليله جليله
جليله:نعم
خديجه:تعالي خيرك واقفه بعيد
جليله:قعمزت جنبهم وكانت فرحانه من داخل ان بدو يحسبو فيها منهم ❤️
جنى:ككيف💔؟
كندر:اي خلاص بنرجع تركيا...بنكمل قرايتي و ..
خلاص معش نقدر نقعد
جنى:اهاا...كويس
كندر؛بتفتكي مني ولا😅
جنى:بضحكه صفراء...اي
كندر:السبت بنمشي
جنى:💔ساكته
كندر:متبيش تقوليلي شي؟
جنى:امتى بتروح
كندر:لالا معش بنروح يعني نجي لكن شهر شهرين ونرجع زي العطله فهمتي
جنى:اهاا...به ربي يوفقك
كندر:سلمك
جنى:ناضت ...تنفض في حوايجها من القزه
كندر:وين
جنى:انا بنمشي نشوف ماما بالك محتاجه شي
كندر:اهاا تمام
جنى:عطاته بضهر وبتمشي لكن اذكرت حاجه!!!
تلفتت
كندر:شنو ؟
جنى:مش ع اساس الجواز متعك راح الاسبوع يلي فات؟؟
كندر:بلع ريقه
جنى:حطت يدها في نصها...تكدب ولا؟؟🙂
كندر:وقف ...كنت نحاول هكي اني نبصر 😅
جنى:كذااااااب تافه دراه كبد ...وبدت تلوح عليه في القزه وامية البحر وهوا يجري وهيا وراه وكل شويه اطيح وهًوا يضحك تأكد من تصرفاتها ان متبيشي يسافر❤️
___________________________
قمر:تفضل ختيبي
غيث:خذي القهوا...سلمها الفالحه ❤️
قمر:🙈🙈
زيد:تتجكتر عليا؟
غيث:اي😏
زيد:احممم....يامرررتي ترا قهوا
جيهان:ضحكتله من بعيد ...حاضر🥰
وفاء:عمرررري انا حبيب خالته الغالي ❤️
اريام:ريتيه ولا كيف كبر
وفاء:عسللل
حوريه:هاتيه جاي نبيه
وفاء:لا مفيش متعي بس
حوريه:هاتيه يادراه مش انتي بس خالته
هدى:وووه ع الولد بيتقطع يناري
حوريه:مهم خديته😂❤️
وفاء:ضحكت...وصلك مسج ياحلو
اريام:خذت فونها لقت المسج من راجلها
عز الدين:استاحشتك ❤️
اريام:سكرت التالفون
وفاء:حني عليه حتى بي ايموجي
اريام:مزال مطابش خاطري خليه
وفاء:ضحكت...وشافت لي امينه واختها كيف مقعمزين بروحهم .
اما مجد كان بيهبل لان سماح عرسها قرب كان يسب ويذل فيها ويسمع فيها وسخ ودانها ويخون فيها قدامها ..ويقول ان منحبهاش مجرد وحده وخلاص
لكن الحقيقه كانت ان يموت فيها بس ميعلمش لانه معمراش ضاق فراقها ديمه كانت تتحمل فيه💔
______________________________
تقريبا كانت العيله كلها مرتاحه ❤️لمدة شهور
الشامخ معش يطلع من غرفته زي قبل
ورغم كل شي صار غيث مزال يخدم ويطل على جده كل فتره وفتره
لين جي يوم نصدمت مدينه كااااااامله بي خبر وفاة الشامخ 💔
كان سبب الموت سكته قلبيه وهوا راقد !!
رغم كل شي داره في العيله هلبا ناس في القصر زعلت على موته !!...واولهم كان غيث يلي تأثر هلبا
وهلبا ناس فرحت بي موته وتشمتت في صالحه 💔
___________________________
بعد فرق العزي طلعو الوصيه ❤️
وزي مكان الكل متوقع !...النص الثاني يلي بي اسم الشامخ يلي مفروض يكون للورثه انكتب بي اسم غيث
يعني توا القصر كاااامل لي غيث .
كأن الشامخ مجهز الوصيه من سنين ...ويلي كاتب فيها لي غيث انه لازم يدير باله على العيله
ولاد الشامخ كلهم تتحكم فيهم نساوينهم وباقي احفاده ميصلحوش لي وصيه زي هاذي
طق طق طق
غيث:مقعمز في مكان الشامخ ع المكتب وعلامات الحزن واضحه عليه !....ادخل
قمر:خشت وسكرت الباب ...قعمزت بهدوء مسكت يده ...انت بخير ؟
غيث:حط ورقة الوصيه ع المكتب ووقف...بخير معاك ❤️
قمر:بعد ما بدي القصر ليك شنو مخطط ادير؟!
غيث:مسك يديها الزوز ..
نفس ماكان مداير جدي ...ولدنا لي بنتنا
مفيش شي وح يتغير بندير بالي على العيله زيه
قمر:سحبت يديها وهيا مصدومه
غيث:رجع مسك يديها وابتسم...بس المره هاذي بكل حب ❤️
الحبيب في الحوش هاذا ياخد حبيبته !
ومفيش ضرر لو وحده ولا تنين خدت من برا !
نبي يكون القصر هاذا معبي حب بدل الكره
قمر:ابتسمت وحضناته....كنت متأمله فيك هكي ومخيبتنيش
غيث:استعدي باش تكوني اميرة القصر👑
قمر:ابتسمت وعيث باس يدها ❤️
اروى:بدون ما نطول عليكم❤️
غيث كان راجل ومرضاش حناه اطيح 💔وتبدا مذلوله خلاها بنفس المكانه وقاعده بعزها ودلالها ومشيه الكناين ع سراط المستقيم ❤️
حوريه:وجع طلبها ولد خالها الاول ووافقت عليه بعد ما لقت الراحه معاه فترة الخطوبه❤️
الكندر:خدي راحته بعد ما توفى جده مخلي الناس يلي في الحوش 24ساعه تضحك
وبدت جنى تحن عليه وكملو قرايتهم مع بعض في الجامعه ❤️
الكناين بدت علاقتهم مع بعض تجنن❤️❤️👑
اماني وامينه لا جديد في حياتهم غير ان امينه نخطبت لي واحد قريبها
اما وفاء طلبها قريب عز الدين وكان عرسها مع قمر وغيث مع بعض❤️
ايه:تحسنت احوالها وبدت تخدم واستقرت في الاردن
مرت بوها جاها الخبيث💔ماتو ولادها الاربعه
واحد غرق
وزوز في حادث
وواحد في الحرب ...دورت هلبا ع ايه عشان تسامحها
ولما لقتها ايه رفضت
سماح تزوجت وكان عندها شي غريب ان راجلها يعاملها بس احترام الشي هذايا ملقتاش مع مجد وبسرعه ما حبت الوضع
________________________
غيث:سكر باب الدار ❤️وقرب من قمر يلي نحت الطرحه بروحها مستعجله❤️😂
غيث:مسك يدها وابتسم ...مستعده؟
قمر:وجها احمررر...لي شنو 😨
غيث:ضغط على يدها ...العايله من جهنم
نبو نخلوها عائله من جنه ❤️
قمر:ابتسمت وهزت راسها بمعنى بمعنى موافقه❤️
🔥رِوايـَــــاتْ بـــــَــــنـــو تــِةْ الشــِـــيـــــــخْ🔥
🔥أَروى الطــَـــاهـــــِرْ المــــســـلاتـــــــــي🔥
1:ميغركش ان الشخص متسلط وضالم !...مرات يدير في الشي هاذا لي مصلحتك مرات خايف عليك من شي كبير
هاذا يلي صاير مع الامهات والخوت توا لما يمنعو عليك لبس ومكياج وهاتف مش معناها ميبوكش تكوني حلوه لا!!
هما خايفين عليك من شي اكبرر
2:الاخت تقعد اخت مهما كترو صاحباتك رح يجي يوم الصاحبه يلي قلتي عليها اكتر من اختى تنصدمي فيها وترجعي لي دمك
3:لما يكون عندك شخص يحبك ❤️متهيناش واذله !حيجيك يوم تتمنيه دقيقه بس ومش رح تلقيه
رح تحس بي قيمته لما تفقده !!
5:نهاية كل وحده تخون في راجلها نهاية بشعه زي راضيه ونهاية كل وحده تخون في صاحبتها انها رح تقعد بروحها 💔ردي بالك!!
مترخيش اليد يلي سانداتك
6:عمرها الدنيا ماتوقف على واحد !زيد نسي اكرام رغم حبه وقدر يحب من جديد الوقت يقدر ينسيك
وزي منقول ديمه انا اروى(بنووتة الشيخ)الحب في كل مكان بس انتى دوري واختاري صح❤️
بدل ماتدور وتبحث علي الروايات خليها علي تليفونك وحمل تطبيقنا
