لين خش عمي سالم(اب اكرام وامينه واماني ومجد)
خش للحوش وصدمنا كلنا ...
خديجه:سالم...شنو هاذا يلي في يدك !
سالم:لوح الڤيلو ع الارض..قفطان بنتك
خديجه:شافت للڤيلو كيف معبي دم وعيونها بيطلعو
اكرام؟...سالم؟...شن شن شش شنو هاذا....
سالم:درق عيونه المدمعات بيديه وعطاهم بضهر ..اخر كلام قاله قبل مايطلع
الله يرحمها جهزو الصاله العزي هنايا
نهااااارت امها مش مصدقه طاحت ع الارض والعياط عبى المكان !
خواتها وكللللل العيله في صدمه قاعدين مستوعبوش الشي يلي سمعوه قبل شويه!!!
كيف؟؟شنو يقول ؟امس عروسه هيا مفروض اليوم صباحيتها !!
_______________
قمر:قعدت ساكته مصدومه نشوف في امها طايحه ع الارض وكلهم يحاول. يفيقوها !
هياط خواتها بصوت عالي وكيف الدنيا تفركست في بعضها ...جت قدام عيوني شكلها كيف تترجى في جدها وتبوسله في رجليه وهوا دفها 💔
نزلو دموعي لما نذكر في الموقف بدون ما نحس !
جيهان:بصوت واااطي وعيونها على الڤيلو يلي معبي دم...قمر
قمر:بدون ما تحرك عيونها...ااه
جيهان:بديت نخاف منه المكان هاذا ....نبي نطلع حاسه ان في شي مش طبيعي
قمر:شفتهم بعيوني كيف يدلو فيها💔
جيها:شنو شفتي
قمر:مسحت دموعها...ولا شي انسي
خلي بالك من ماما كويس
جيهان:خذت نفس وخشت وسط العياط تطمن على امها ❤️
🔥رِوايـَــــاتْ بـــــَــــنـــو تــِةْ الشــِـــيـــــــخْ🔥
🔥أَروى الطــَـــاهـــــِرْ المــــســـلاتـــــــــي🔥
رغم كارثة الخبر وصدمته !..في لحضات بس تلقطت الدنيا كلها!
خيمة الفرح تحولت لي خيمة عزي
صدمة الاقارب وبكي امها عليها وكلام الناس يلي ميرحمش !
انتشرت قصة اكرام يلي في ليلة دخلتها قتلت روحها بي طلقه من مسدس راجلها بعد ما خلاته رقد !
متحملتش قوة الصدمه!
متحملتش يوم فرحتها وحفلتها يوصلها فيديو لي راجلها بمنضر بشععع مع وحده في السرير 💔
احتقار جدها ليها واهانتها وكيف خلاها تروح معاه مذلوله ومكسوره 💔
حس راجلها وقتها ان اكرام بدون سند وان فعلا كل الحق مع الراجل ...وفهم كويس مثل الراجل ما يعوره شي !
وقرر يعاملها بعنف ومن اول ليله زواج ضربها طريحه!
اكرام كانت مصممه ع الانتحار لان الرصاصه كانت في القلب طول !
والشي هاذا خلاها تتوفى في مكانها !
كثرت الاشاعات وهلبا ناس قالو قتلت روحها لان مش بنت 💔
وفيه يلي قال عليها سحر ! وفيه يلي قال مريضه نفسيا وكل واحد يحكى في دوه بروحه وكثرت الاقاويل
_________________
قمر:اول يوم كان صعب علينا كلناااا صدمه وكآبه اكتر من قبل في القصر هاذا !
وزايدتنا ماما كل شويه تنوض فينا كأن مفيش غيرنا غسيل وتفريق وتنضيف ..معدلتش بلعكس هاذا اجر وفي موته زي هاذي
بس تعب هلبا💔💔...حطيت السفره وقعمزت ع الكرسي في الخيمه نتصفح في الفيس
سماح:قعمزت جنبها...اهلا ياحلوه شن اخبارك اليوم ؟
قمر:اهلين سماح...سماح صح؟
سماح:اي بزبط وقعمزت ...عضم الله اجرك حقا😔
قمر:تسلمي ...رغم اني منعرفهاش مكانش فيه وقت باش نتعرفو او نحكو مع بعض حتى 💔...بس وجعتني في قلبي وربي
سماح:تنهدت بحزن وعيونها لمعو وبصوت واطي...هاذي مش اول وحده تموت ولا رح تكون الاخيره
قمر:مسمعش كويس!...شنو
سماح:تغيرت تعابير وجها...لالا سلامتك
تبي نصيحه من وحده فاهمه كويس الحوش هاذا؟
قمر:اكيد ..يقولو النصيحه بجمل
سماح:كل شي يطلبوه قولي تمام حتى لو كان زواجك من قريبك
قمر:ضحكت بهزوه...زواجي من قريبي؟؟تسحابيني متخلفه زيهم ؟
سماح:مفيش حد يعيش هنايا يقدر يطلع ره!!
خوديها مني
ولو بتعيشي هنايا لازم تمشي على نفس السستم معاهم !
قمر:لمحت غيث طالع ...عن ادنك لحضه
سماح:سكتت ورجعت بيها الذكريات لبعيددددد
وبدون ما تحس نزلو دموعها ...مسحتهم وخلت روحها عاديه
سرحت في الحوش وفي خاطرها تحكي في الف كلمه وكلمه.
_____________________
راضيه:زي العاده حاشيه راسها جنب جليله سلفتها
جليله:اخخ بس لو يعطونى الحكم في العيله هادي
راضيه:منو ميتمناشي الشي هاذا
جليله:مدامك نخلقتى في العيله هاذي رح تقعد اللعنه ملاحقاتك طول عمرك!
راضيه:اي والله...وفتحت تالفونها
جليله:متقوليليش شنو اديري؟بديتي24ساعه وانتى عيونك في الشطان هاذا
راضيه:شي نتصفح النت ونتعلم حجات خير من تقريم الناس
بعدين شنو عاجبك شوفي الوضع داخل !
وعزوزة غابرين مش ناويه على الخير
جليله:في شي كبير قاعد يصير مفهمتش شنو
راضيه:والشي هاذا يتعلق بي سميه الشرقاويه وبناتها متأكده انا
جليله:سارحه...جايتنا بي3بنات
واضح ان يسمعو في كلامها في كل شي!ولو سمعو كلامها وكلام جدهم
بيولو رقم واحد في الحوش هاذا وانتى عارفه الشي هاذا كويس!
راضيه:المعنى!
جليله:تو نقولك
____________________
قمر:غيث غيث
غيث:ماشي ومسيبها
قمر:بدت تجرى لين وصلت فيه وجت قدامه..ليش تهرب مني؟
غيث:شنو تبي؟
قمر:عاجبك يلي صار؟؟؟عاجبك الشي يلي داره جدك؟؟
يومها انت بي فمك قلتلي جدي معاه حق في كل شي والامور هكى مفروض تمشي...هل كان قصدك ان مفروض العروسه تموت يوم عرسها !!
غيث:سكت وجي بيمشي لكن وقفاته من جديد
قمر:جاوووووبني هنايا قولي ....من امتى كان الضلم عدل عندكم؟
غيث:مسكها من فمها ...هاذى العيله وجدك كبيرها وهاذا قانونها
قتلت روحها بروحه ومصيرها جهنم محدش اجبرها
تقتل نفسها ...وانتى مزال نسمعك تدوى بلكلام هاذا بننهيك في ارضك مش م....
قمر:حطت يدها فوق يده وتتكلم بصعوبه...غيث توجع فيااا 💔
غيث:انتبه على نفسه ...بعد من عليها وقام صبعه بتهديد ...امشي بقانون العيله يكون احسن ايك انتي وخواتك وحتى امك ...وطلع
قمر:قعدت واقفه تتحسس في ألام فمها وتشوفله لين طلع 💔
🔥رِوايـَــــاتْ بـــــَــــنـــو تــِةْ الشــِـــيـــــــخْ🔥
🔥أَروى الطــَـــاهـــــِرْ المــــســـلاتـــــــــي🔥
جيهان:كملت صلاتها وناضت طبقت المصليه
دهنت يديها بكريم مرطب
يديها ادمرو من غسيل الماعين💔
وساوت وشاحها وطلعت من الدار...كانت في طريقها لطابق الارض لكن وقفت لما سمعت صوت صراخ وتسكير 😨...رجعت بخطوات هاديه
كان الباب شبه مفتوح
زيد طايح ع الارض ومتهدم يبكى وكل شي جنبه مكسر
جيهان:خلاته وجت بتنزل ورجعت وقفت من الجديده لما سمعاته يصرخ بصوت عالي ويلعن في العيله !!هلبا كلام مش مفهوم قاله ومن ضمن الكلام
(مسدوكمش يلي ماتو قبلل قتلتو حتى هاذي؟؟تبو تكملونا بي الموت ولا شنو النم فددددددديت)
جيهان:خفت ورعشت من الكلام يلي سمعته 💔
رجعت غرفتى صبيت كاسك اميه وبتردد خشيتله
جيهان: تت ت تفضل
زيد:مقعمز ع الارض...قام عيونه في جيهان ومد يده يلي كانت معبيا خبطات ودم ..خذي منها الكوب ونزل عيونه
جيهان:مشت خطوتين لعند الباب ورجعت بعد تردد اكتر من مره ..تلفتت
جيهان:ممكن ملياش علاقه ومفروض مندخلش
بس ادعيلها بدل يلي ادير فيه هاذا
زيد:حط الكوب وهوا مقعمز ع الارض بين الاثاث المكسر والبرنوص يلي لابسه
من غير عيونه التاعبه وصوته يلي كان هاااااارب 💔
جوابها بصوت صعب ينسمع...محدش فيكم فاهم شنو يلي صاير محددد
جيهان:لو احتجت شي كلمني...وطلعت بسرعه من داره وهيا تاخد في نفس عميق وقاعده خايفه!
______________________
قمر:معش نبي اقارب ولا نبي فلوس ولانعيش في قصر زي هاذا نبي نرجع لي حوشنا بس
جيهان:سمعت كلام من ولدهم يخوف💔
قمر:كل شي يخوف هنايا...وسكتت بس داخلها تحكى
مرت عمى يلي نسمع فيها من الحمام 🔞كأنها مراهقه
موت اكرام
الف قصه وقصه!!
جنى:به كلمى ماما منرجعوش لي حوش الايجار نمشو للحوش يلي ملك بابا في المزرعه معش نبو نقرو خلاص
قمر:جنى انتي دوة الكبار متحكيش فيها
جنى:فصلت😂...كبار كبار كبار خلاااااص بالك تسحابيني صغيره حبيبتي انا ثالثه اعداي بنخش اولى ثانوي ره
قمر:مش ناقصينك خلاص اسكتي
جيهان:نساوي في كمام بلوزها وشافت قطرات دم على يدها
على طول اذكرت لي زيد !
جنى:بعدت من جنب خواتها وهيا مضايقه من معاملتهم ليها..قعمزت على الدروج مقابل الخيمه
شافت ولد معاه شنطة سفر وكلهم يسلمو عليه
الصغار يحضنو فيه ويقول الكندر جي الكندر جي
في وقتها جنى خذت الموضوع بهزل...وقالت في خاطرها شن يخرطو هاذم؟
مكانتش عارفه ان هاذا بدات يلي بيطلع الدنيا كلها🙅🏻♂️
_________________
امينه:تمسح في عيونها المتورمات ...شنو خيرك؟
اريام:كانت تبكي زيها....مش وقته بنيت عمي
امينه:بي انتباه ...احكى اريام خيرك
اريام:وسط زحمة الموته وفرق العزي والتمر يلي ماشي جاي
بدت اريام تحكى لي امينه في خيانة راجلها مع وحده معرفتهاش منو؟
صور وفيديوهات وحجات عاااااار .
ورغم ان امينه كانت محروقه على موتت اختها بس وقفت معاها وقعدت تحاول تهديها !!
🔥رِوايـَــــاتْ بـــــَــــنـــو تــِةْ الشــِـــيـــــــخْ🔥
🔥أَروى الطــَـــاهـــــِرْ المــــســـلاتـــــــــي🔥
في مدينه تااااااانيه :-
أيه:مرت الاب !!!...كنت نشوف فيها في الروسوم زمان !
كيف تبدا مرت الاب واعره في البنت تضرب فيها وتخلي فيها خديمه
كنت نسحابه خيال !!...متوقعتش يصير معاي 💔
ياريت خلتني خديمه
ياريت خلتني من الصبح لعند الليل نغسل ونطيب ياريت 💔
ياريت مخدتش فلوس من خوها مقابل يعتدي عليا في اي ليله يبيها وانت في سن 16السنه 💔
حرقني هذبي تحته كنت زي البمبله يلعب بيا ويلوح فيا 💔...كان بابا مريض
بعد ما ماتت امي وتزوج بدي معش يدكر فيا
ومعش يذكر حتى مرته وبدي زهايمر تام ادرجة يطلع لي الشارع معش يعرف يروح
بدت مرت بوي واخذه راحتها وصارلي اكتئاب !!
حاولت ننتحر منجحتش كنت ضعيفه💔
جتني فرصه وحده نطلع من هاذا كله!!
هوا انتي نتزوج انسان عمره زي جدي 💔
وافقت بدون اي اهتمام لي الشي كنت نبي نظلع بسسسسسس من الجحيم
معش قادره نرقد وانا حاسه بلقرف في كل شي جنبي
كل مكان يذكرني بي خوها اعتدائه وصوته وضحكته💔💔💔💔
مكانش عندي حد نمشيله لا خوال ولا شي كذب عليك بعد امك وبوك مش حتلقى حدددد
وافقت مرت بوي وتزوجت
بدون عرس ولا شي فاتحه و2شهود وتمت
كنت عارفه ان ممكن نموت او نهبل مثلا لان مستحيل بكون مصيري حلو مع راجل زي جدي وانا صغيره طفله قاعده
طفله مش طبيعيه تخاف من ضلها حتى صوت الباب يخليني ننقز من مكاني 💔
جسمى كله برعش لو حد لمس يدي بلغلط
لما نشوف النار من بعيد تصير فيا حالة هستيريا وانا نذكر للحرق...توقعت كل شي لكن متوقعتش ان بعد الزواج هكى نكون🔥....
الحلقة الخامسة من هنا
بدل ماتدور وتبحث علي الروايات خليها علي تليفونك وحمل تطبيقنا
