#حب_أعمي
( الحلقه العاشره )
.....
( مى بتفضل ماسكه تليفونها وباصه ل رقم احمد اكتر من نص ساعه .... وفجاه بترن بالغلط والرنه بتوصل لاحمد ..... اللى بيشوفها .. وبعدين بيكشف عن الرقم بيلاقيه متسجل بإسم مى )
احمد : يعنى ايه ! هى تعرف رقمى منين البت دى .. هى عرفتنى ولا ايه
مى : احييييييه انا ايه اللى هببته ده .. اووووووف بقا انا ايه اللى خلانى ارن دلوقتى ... دلوقتى يصحى ولا يشوف الرقم انا ههبب ايه دلوقتى .. وبعدين بقا ف التوتر ده بقا
احمد : ( بيتصل على مى )
مى : ( بتخاف بس بترد ) احححم الووو !
احمد : الو ! مين ؟
مى : استاذ احمد ؟
احمد : عاوزه احمد مين ؟
مى : ( بتكتم نفسها م الضحك ) مستر احمد يا فندم مدير الشركه اللى انا شغاله فيها . والله والله يا فندم انا متاسفه لحضرتك جدااا التليفون اختى بتلعب فيه ف رنت على حضرتك بالغلط
احمد : انتى بتشتغلى معانا ف الشركه
مى : اه يا فندم
احمد : بتشتغلى ايه ؟
مى : ف الحسابات يا فندم
احمد : اها انتى اللى لسا متعينه جديد بقا انتى وصاحبتك ؟
مى : ( ضايعه من كتر كتمة الضحك ) اه يا فندم انا .. انا اسمى مى وصاحبتى اسمها سالى
احمد : طيب تمام . شدو حيلكو بقا عاوزكو تبقوا قدها وقدود
مى : ان شاء الله يا فندم هنكون عند حسن ظن حضرتك
احمد : تمام ! هو انتى مسجله رقمى عندك ليه ؟ وجبتيه منين
مى : لا حضرتك هو انا ف الاصل كنت مسجلاه من اول يوم اشتغلت فيه ف الشركه .. جبته من على ملفات قديمه كده شوفتها ف الشغل ... قولت اسجله عندى عشان لو احتاجته ولا حاجه ف يوم . صدقنى حضرتك مكنتش ناويه اتصل وازعج حضرتك خالص
احمد : لا عادى حصل خير
مى : من يومين كده حضرتك طلبت تشوفنا . وطلعنا عشان نشوفك لقينا حضرتك مشيت
احمد : اه فعلا جالى موضوع ضرورى كده واضطريت امشي
مى : ايوه يا فندم ماهو مستر احمد قالنا كده
احمد : مستر احمد مين
مى : شغال ف المبيعات حضرتك .. لقيناه جوه ف المكتب بيدور على اختام او حاجه وقالنا ان حضرتك مشيت
احمد : اه فعلا انا اللى كنت قايله .. وبعدين ده احمد ده صاحبى
مى : ( بصوا .. مى بتخبط برجليها من كتر كتمة الضحك ) اه يا فندم .. ربنا يبارك لحضرتك
احمد : طيب تمام ... اسيبك تنامى بقي عشان شغلك بكره بدرى ماتتاخريش ... اللى بيتاخر عندى ف الشركه بخصم عليه
مى : لا حضرتك انا بكون موجوده اول واحده ف الشركه
احمد : انا عارف
مى : وحضرتك عرفت منين ؟
احمد : ايه ؟ لا يعنى باين عليكى شاطره
مى : متشكره يا فندم .. واسفه مره تانيه ع الازعاج بس انا ليا عند حضرتك رجاء
احمد : اتفضلي
مى : ممكن لو حضرتك اى حاجه شوفتها مش تمام ف الشركه ابلغ حضرتك بيها واتصل على حضرتك
احمد : اه طبعا اعملى كده ف اى وقت .. وانا هسجل رقمك
مى : حاضر يا فندم ...واسفه مره تالته لحضرتك
احمد : لا مافيش حاجه . مع السلامه
مى : مع السلامه يا فندم
..............
( مى ... بتحضن مخدتها وبتنام وهى سعيده جداااا والسبب مجهول )
( بيفضل سرحان ل دقايق كده وبينام وهو مبتسم وبردو السبب مجهول )
.............
( تانى يوم ف البريك .. )
مى : صباح الخير يا احمد
احمد : اهلا يا مى صباح النور
مى : عامل ايه
احمد : بخير .. فطرتى ؟
مى : من بدرى .. بفطر الصبح مع ماما واخواتى
احمد : ربنا يخليهملك
مى : اسكت انا امبارح حصلت حتة حاجه كاسفانى من ساعتها
احمد : حاجة ايه ؟
مى : امبارح البت اختى كانت بتلعب ف تليفونى . ولقيتها اتصلت على رقم مستر احمد صاحب الشركه ... ولقيته بعدها بيرن عليا
احمد : بيجاااااااد ؟ اممم وبعدين ..
مى : ( كاتمه الضحكه اللى كانت كاتماها امبارح ) طلع شخصيه لذيذه اوى وابن ناس كده وذوق ف كلامه .. واتأسفتله وقالى مافيش مشكله وخلاص ومبسوطه ولا لا ف الشغل وقعد يسالنى على كم حاجه كده
احمد : طيب الحمد لله انك غيرتى فكرتك عنه .. كنتى الاول مش طايقه سيرته
مى : لا والله انا حسيت انى ظلمته فعلا لما سمعت صوته وكلمته .. بقولك ايه هات رقمك
احمد : ايه ؟
مى : رقمك ! خليه معايا مش جايز احتاجه او انت تحتاج رقمى
احمد : ايه ؟
مى : هههههههههههههه ايه ياعم هو السؤال صعب اوى كده بقولك هات رقمك
احمد : ماهو اصل ... الرقم بتاعى واقف . هجيب نمره جديده النهارده وهبقي اجيبهالك حاضر
مى : واقف ازاى يا عم منا لسا سامعاه دلوقتى كان بيرن وانت قاعد
احمد : لا ده كان المنبه ماتشغليش بالك
مى : وانت ظابط المنبه على الساعه 1 الضهر ليه ؟
احمد : منا بظبطه على ميعاد البريك بتاعنا
مى : هههههههههههههههههههه ( بتضحك بشكل هيستيرى وبطريقه غريبه وحلوه اوى لدرجة ان كل عمال الكافيه بداو يبصوا عليهم وبيضحكو ومستغربين ان مستر احمد قاعد معاها )
احمد : فضحتى امى ... ايه الضحكه دى
مى : مش قادره حقيقى ههههههههههههه افتكرت حاجه كده
احمد : يخربيت ام الحاجه اللى انت مابتفتكريهاش غير وانتى بتكلمينى
الحلقه الحادية عشر من هنا
